تاني حلقه من مطبخ حواء ومعاناه همس الجوارح

[♥Donya♥]

الحلقه السابقه كانت معاناه فنكوشه ايمان اوح هارتي انا ^^ والنهارده معاناه بنوته رقيقه وكاتبه مميزه في كلماتها وخواطرها المبدعه تعالوا نشوفها مبدعه كمان في المطبخ ولا هباب زي حلاتنا )= ونتعلم منها ونشوف مهارتها اهلا بيكي نورتي الحلقه والقسم كله(: ها مستعده ؟ مستعده ياقمر تمام اسمك: هدى الهوارى سنك: 20سنه الشهر الجاى عيد ميلادى الحاله الاجتماعيه: مش متجوزة مؤهلك: طالبه بالجامعه المطبخ بالنسبالكـ ايهـ؟ يعنى الشقاء طبعا واحيانا متعه كم عمرك أول ما دخلتي المطبخ ؟ وبداتي بالطبخ؟ مش متذكره بالظبط بس بقالى زمااااااان قوى بدات ادخل واعملهم تلبك معوى فى الاول لحد ماتعلمت وبقيت بريمو هل دخولك للمطبخ بأمر من أحد ولا من نفسك...؟ احيانا واحيانا يعنى سعات بدخل بمزاجى واحيانا بزن ماما طبعا هههههه ايه أطرف موقف حصلك في البدايات..؟ ان كان عندنا عزومه وبعمل مكرونه مسلوقه وكترت طبعا المكرونه وانا ماعرفش انها بتزيد قوى حطيت كميه والميه كانت قليله شربت طبعا الميه وبدات ازود ميه ساقعه وماقولكيش بقا المكرونه بقت عجينه وحطيتها برضو للضيوف ونصوحنى نصيحه تمام ان ماعملش مكرونه تانى ايه اول أكله عملتيها وهل كانت ناجحة ولا فاشلة..؟ مش فاكره بصراحه بس اكيد ملوخيه حكم لو مافيش ملوخيه فى الاكل بابا مايكلش احنا عمى بيقول علتنا هتحط الملوخيه فى قزايز ونشربها ههههههههههه هل تجيلك مره حالة تقولين توبه ادخل المطبخ وآخر مره...؟ لا طبعا ماقدرش امى ست كبيره وان شحطه هسبها هى توقف وانا اتفرج لا طبعا اهو بنعانى بس بنقول هنروح فين ع الاقل بنتعلم فى اهلنا اللي عندها بنات هل تعلمينها الطبخ ولا تخلينها على هواها...؟ لا طبعا لازم الام تبدا بتعليم بنتها الطبخ علشان تعرف من الوقت تتقن الطبيخ ويفدها فى المستقبل مستلزمات البيت بتشتريها جاهزه ولا في بعضها بتعمليها في البيت زي ست البيت زمان؟ كده وكده يعنى مش ع طول جاهز ومش على طول بنعمل فى البيت اللي تزوجت وما تعرف تطبخ هل تندمتي ما تعلمتي الطبخ قبل الزواج ايه كان المانع من نفسك ولا من اهلك..؟ اكيد هتندم لاحساسها بالنقص هتحس ان ناقصها حاجه حتى ولو الزوج كويس بيحب ياكل من ايد مراته اكتر اكلهـ بتحبيها؟وياتري بتعرفي تطبخيها؟ الحمد لله كل الاكل اللى بناكله بعمله بايدى علشان ماما كبيره واختى دايما مشغوله بره البيت فانا اللى بجهز الاكل دايما الا فى حاله تعبى ماما تعمل اكتر مشروب مفضل لديكـ؟وبتعرفي برده تعمليهـ؟ انا بحب جميع انواع العصاير ماعدا المانجو وبعمله كويس بس مش بشربه اكلهـ ومشروب مفضل عندكـ يوميا بتستخدميهم ؟ الاكله اكيد بتتغير كل يوم والمشروب بحب الجوافه قوى انواع الاكل اللي مش بتحبيهـ بالترتيب؟والسبب ايهـ؟ انا الحمد لله بحب جميع انواع الاكل ومش بكره حاجه ولكن ممكن اتجنب ماكولات بسبب القاولون ممكن تعملى مشاكل معه زى المخبوزات والفطاير والاكل الدسم ايه أنواع الشاى الى جربتوها وعجبتكم؟ انا بستخد شاى رويل الاخصر طعمه مش وحش وبيساعد ع الهضم لو معزومهـ عند حد تفضلي تاكلي ايهـ بينكـ وبين نفسكـ كدهـ؟تقري وتعترفي؟ انا بحب المكرونه البشاميل جدا بس سخنه لو بردت مش باكلها والفراخ المشويه يعنى لو فحم يبقى تمام قوى وايهـ اكتر شئ بتكريهـ لو معزومهـ عند حد؟ لا اى حاجه فضل ونعمه من عند ربنا بس تدوم اكتر اكله بتفتخري بيها قدامك قرايبك ودايما تفضلي تعمليها لما يكون حد عندك؟ انا مش بحب اتفاخر بس بعمل جلاش باللحمه حلو قوى واول مايكون عندنا ضيوف اعمله والرز البسمتك بالخلطه الخضروات بحبه جدا وبعمله كويس وفاصوليا والبطاطس وكده يعنى عملتي بقي ايه اكله ايه التهارده وطبعا مش عزمتيني؟قعدتي تضربي لوحدك اكيد؟ النهارده كان محشى كرومب ع وزة بلدى من عند تيتا الحجه وملوخيه طبعااتفضلو معانا بس مافيش غير محشى ههههههههههه كلمه تهديها لكل البنات لازم يتعلمو كل حاجه لانها هتفيدكم فيما بعد فى حياتكم المستقبليه وبلاش كسل وتقولو بكره نتعلم لا ابداو ولو بالقليل وربنا يسعد الجميع وصلنا لنهايه الحلقه وكنتي ضيفه خفيفه علينا ونورتي الحلقه ربنا يخليكى ياقمر دمتى بكل الحب

[فرحة]

سعييييييده انى اول حد ارد ع الموضوع السكر
طلعتى طباخه يابنت الايه واحنا مش نعرف ماشى ياهدى
بجد استمتعت بالحوار اووووى والتنسيق جميل ياقمرايه
بجد تسلم اديكو انتو الاتنين

[ساحر الأحزان]

حلقة جميلة مع همس

وخليها تتعلم

اختيار جميل

ومجهود قيم منك

تحياتى علية

[ملكة الهدوء]

حلقه جميله اوى

واجابات اجمل

فى تقدم دائم

تقبلى مرورى

[دمعه حائره]

حلقه جميله جدا يا دنيا
وهموسه نورتى ياقمر اجاباتك روعه
وجوعتينا يابنتى بسيرة المحشى بالهنا والشفا
ربنا يوفقك دايما ويسعدك
تحياتى للجميع

[عذب المشاعر]

Donya El Gram
البرنامج رائع وجديد وحلقه تستحق 5 نجوم
وكمان هدى منوره الحلقة واتعرفنا عليها اكتر فى المطبخ
خلتينا نحب المطبخ اكتر واكتر ياجميل من وقت ماعجنتى ههههه المكرونه
بالتوفيق ليكم دايما
تحياتى
عذب المشاعر