علشان خاطر بلدنا

[عمرو اللمعى]

السلام عليكم ورحمه الله وبركاته
فى الفترة الاخيرة اكيد كلنا متابعين الهرج والاستهتار اللى نص الشعب المصرى بيعملوا
مابين اعتصامات ومطالب فئويه واهدار لاقتصاد الدوله
قبل 25 يناير كان الشعب كله ساكت وتسال اى حد كان يقولك محطوط ادام الامر الواقع يعنى انا هعمل ايه بس
كان كله شايف الظلم وساكت
كان كله شايف السرقه عينى عينك وساكت
كان المصرى مضيع هويه بلدة
كنت تسال اى شاب مصرى ايا كان يقولك نفسى اركب الطيارة وامشى من البلد دى
بعد 25 يناير جاتلنا الفرصه على طبق من ذهب اننا نطلع بالبلد دى لبر الامان
لكن للاسف البلد راحه فى خبر كان وبادينا


المسلم والمسيحى طول عمرهم اخوات وطول عمرهم عايشين فى سلام جوة مصر
ايش معنى الايام دى
وايش معنى دلواقتى طلع ناس تقول لاء احنا عايزين حقوقنا

زى مافى متطرفين مسلمين فى متطرفين مسيحيين
والشخصين عايزين يخربوا البلد بجهلهم

مش هطول عليكم حصل موقف امبارح وانا رايح الجامعه
كنت طالع من عالدائرى الطريق كان واقف عند موقف العاشر
المهم كان فى بنت مسلمه منقبه واقفه مستنيه عربيه
عالجانب التانى بنت مسيحيه ومعاها شاب ايا كان باه خطيبها زميلها

فوجئت ان الولد والبنت ماسكين المنقبه دى تريقه وضحك وبصوت عالى
وايه العفرينه اللى واقفه دى
ويشاورا عليها ويضحكوا

يا سادة مثل هذا الغباء ابدا مكانه مش فى مصر

اخواتنا المسيحيين العقلاء اسالكم ان تساعدوا هذة البلد بتوعيه هؤلاء المتطرفين الذين لايعلمون الكثير عن دينهم وان تعبروا ونحن معكم الى بر الامان لهذة البلد التى تستحق ان يعيش اهلها فى سلام
بعد هذا الظلم

لكم منى كل التحيه

[حياتي ذكريات]

آه يآ بلد عآيزة ثورة تغير البني آدمين ..!
موقف يدآيق جدآ .. وعلى فكرة موجود من قبل الثورة
لاني شفت موقف مشآبه ليه
كآنت بنت منقبة ولآبسة اسدآل .. وشآب ومعآه اطفآل
سمعته بيقول للعيآل امشو ورآ الست دي وقوللهآ
لآبسة خيمة .. لآبسة خيمة !!
هي الموآقف دي موجوده بس الأسوأ انهآ فآضلة لحد وقت مآ بعد الثورة
ولحد النهآرده .. اللي اي كلمة بتطلع دولوقتي في حق حد غير الديآنة بتقلب فتنة
مفروض فعلآ يكون في توعية
من انسآن يثق فيه المسلمين والمسيحين سوآء

تسلم على الموضوع
دمت بخير

[عمرو اللمعى]

شكرا يافندم نورتى المناقشه

[نقوش على صفحات الورد]

الموضوع اسمى من ردي
والردود كلها وافيه
فهل ياترى تكفيكم الورود عوضا عن الردود

[عمرو اللمعى]

اكيد طبعا منور ياباشا

[محمد الشريف]

اقتباس المشاركة الأصلية كتبت بواسطة نقوش على صفحات الورد الموضوع اسمى من ردي والردود كلها وافيه فهل ياترى تكفيكم الورود عوضا عن الردود

القسم للنقاش وهدفه المشاركات الإيجابية لكى نثرى المنتدى بالرأى والرأى الآخر

إللى جوار عبارات الشكر وتقديم الزهور راجع قوانين قسم النقاش المثبتة حتى لاتحذف

ردودك التى لاتحتوى على المشاركات الإيجابية كنظام قسم النقاش والحوار الجاد .