ياناس حرام انا انسان حوار خطير مع ((ماترررررررررررريكس))و((Show me the meaning of lonely ))

[ساحرة الليل]

كان يامكان من قبل مايكونو الجان من لما كانوحواء وادم كانت الانسانية هية اهم شئ الوقتى بقينا ارخص شئ بس مسير الزمان يرجع ونقول فية انا انسان/ة وصوتنا يعلى ومن النهاردة هنفضفض فى ((ياناس حرام انا انسان)) هنصرخ بأعلى صوت لحد الموت والنهاردة قررت نبدا اولى حلقات ((ياناس حرام اناانسان)) حوار كان مرة حساس بس هون كان اتنين موش شخص واحد وبس بس فى العضوين اللى كان معاهم الحوار كان فية احساس جبار متاكدة انكو هتستمتعوا بااجبات بسيطة خالية من التزويق ومليئة بالاحساس ومعانا اول عضو شخص خطير وادارى كبير احساسة عالى ومرة فظيع ((ماترررررررررررريكس))و((Show me the meaning of lonely )) دية كانت اجبات((ماتريكس))

ياترى انتا عاجبك اسمك ولافى يوم من الايام حبيت تغيرة ولو كنت حبيت تغيرة ايةالسبب؟ اكيد عجبني اسمي علشان اولا انا اللي اختارتو تحسي في اسمي اني مختلف عن الاسامي كده فيه رومنسيه هههههههه معتقدش اني هقدر اغيرو علشان لو غيرت اسمي اعتبر نفسي اني لسه مسجل جديد كل مجهوداتي السابقه في المنتدي هتتنسي انا هفضل ماتركس دايما اية رائيك لما انتا كنتفى الانتخبات زعلت من الناس اللى انتقدوك وحسيت انهم بيتهموك زور عشانتخسر!! لا انا مبزعلش من الانتقاد عمري ما بزعل منه عايز اوصلكم معلومه في حاجه اسمها انتقاد وفيه حاجه اسمها رمي كلام الانتقاد مثلا واحد يجي يقوالي ماتركس انتا بتعمل كذا وكذا ده انتقادني بطريقه مباشره ده ما ازعلش منه واقدر ارد عليه لكن مش واحد يرمي عليه كلام ونسميه انتقاد لا ده اسميه جبن من الشخص اليل بيرمي عليا كلام فيا حاجه غلط انتقادني في وشي متقعدش تلف ودور حواليا وترمي كلام من تحت لتحت صح والا غلط وانا الحمدالله كل الاعضاء عارفه اخلاقي يعني الواحد عمره ما زور في حياتي اللي في الواقع هاجي هناء في المنتدي ازور ده طبعا مش معقوال وثانيا الاادره قادره علي كشف التزوير ده ولو كانت شفتني اني مزور كنت اتعاقبت ومبقيتش اداري منتخب بس الاداره شايفه اني كسبت بطرق مشروعه طب ياترى ممكن تصرحبحاجة حسيتها وقت الانتخبات!! اصرح اني في ناس كتير بقيت بتعزني جداا وفي ناس بتكرهني جدا وقلبها اسود مبتحبش الخير لحد ممكن تصرح بحاجة حصلتفى حياتك!! اصرح واقوال اني قربت اروح يا بشر هههههههههه وهشوف مصر اخير يا جدعاان كلها 5 شهور يا لهووووووووووي هههههههههههههههههههه حضرتك تم تعينك رئيسجمهورية ليوم ولازم على الاققل تصدر 5قرارات؟؟ اول قرار تغيير المجلس العسكري العواجيز دووال ثانيا افتتاح معبر رفح بين المصريين والفلسطنين دائم استرجاع جميع الشباب المتغربين عن مصر اقامه حرب بين اسرائيل تزويد عدد الجيش المصري عمرك عملت مقلب فىمدرسك ياترى فى مرة من المرات مدرسك هانك اوهزقك طب لية واحساسك كاناية؟؟ يااه المقالب كتير في ايام المدرسه بس مقلب في مدرس لا بصراحه لسبب علشان ابويا كان مدير المدرسه هههههههه يعني لو عملت هيطلع عيني ههههههههه اكتر مدرس شتمني وهزقني ابويا كان بيهزقني ويشتمني واقوالوو والله ما انا قاعد انا مروش واسيب المدرسه وروح اعيط لا امي اقوالها لو مسكتيش جوزك ده والله مش هتعلم خالص هههههههههه عندك اخوات عمرك كرهتهماو حبيت ان ميكونش عندك اخوات طب لية؟؟ ازاي اكرهم وهما نور عنيا يا اااه ده احلي حاجه لما يبقي عندك اخووات وبالذات زي اختي رنا ياااه بحبها بجنووون ياترى كان نفسك فى حاجةوعايزاها بشدة ومقدرتش تجبها اوباباك موفقش يجبهالك طب اية هية وكان اية شعورك لماماجبتهاش؟؟ كانت بصراحه انا وصغير لما كنت في مصر كنت اقوالو عايز بلاستيشن ومرضيوش يجبهوالي كان عقلنا عقل عيال مش في دماغنا غير العب بس وكنت كل ما يرفض اعيط كنت اكتر واحد يعيط في اخواتي هوه انا عمرك حسيت ان الناساواهلك اواصحابك بيعملوك على انك مش انسان اومستهزئين بيك لودة حصل ردة فعلك كانت اية؟؟ لا مفيش كل معاملتي سواء كان معا اصحابي واهلي واخواتي كلها معامله احترام طوال ما التعامل فيه احترام يبقي هتجبر علي اللي قدامك يحترمك غصب عنه يبقي اهم شي في التعامل الاحترام لازم يبقي موجود عمرك كذبت بصراحة طباية كذبتك وكذبتها لية وعلى مين؟؟ احنا مش ملايكه علشان منكذبش بس انا ممكن اكذب بس كذبه بيضه يعني دايما اختي تسئلني انتا هتيجي امتي كل يوم اقولها الاسبوع الجاي بعد يومين يعني حجات زي كده وكل يوم بكذب علي سيد صاحبي الصبح هههههههه اجي اصحيه من النوم تبقي الساعه 7 واقولو قوم الساعه 8 راح علينا الشغل علشان يصحي هههههههههه اية الوقت اللى كرهت فية حياتك وحسيت بالم شديد فى قلبك؟؟ بصراحه لما بعد عن اهلي وسافرت الفتري دي كلها لما كنت متغرب جديد كنت مش ضاايق نفسي وحسيت بي الم شديد في قلبي وقعد فتره لما اتأقلمت علي الجو والوضع دي تعتبر اصعب ايام مريت بيها وانا بعيد عن اهلي لااوال مره في حياتي اسافر وابعد عنهم لو قلتلك وجة تانيب لحدهيكون اية تأنيبك ولمين؟؟ هوجه تأنيب لقلبي واقوالو متعاملش الناس كلها زي بعض ومتبقاش طيب علشان الطيبه دي اللي وداتنا في داهيه الطيب والمحترم عاملهم بي طيبه واحترام الخبيث والئيم لازم ابقي اخبث منه لوقلتلك وجة حاجة لحدبتحبة هتكون اية ولمين؟؟ هوجه كلمه لااختي الصغنتووته واقوالها بحبك اوي يارنا يا نور عنيا وخلاص هانت قربت اجيلك وابوس ايدك يا حبيبه قلبي واخيرا همنحك حق تصرخبأعلى صوتك وتقول انا انسان ياناس حرام بس اية الموقف اللى هتقولة فية او لمينهتقول كدة؟؟ هصرخ لمدير الشركه واقووال حرام كفايه ادوانا اجازات عايزين نروح نشوف اهالينا بقي كفااااايه ههههههههههههه فى الاخر انا شرفنىاصتدافة حضرتك واتمنى انى اكون متقلتش عليك وتكون الاسئلة خفيفة انا اللي اسعد بوجودي معااكي يا ساحره واسف علي التاخير وشرف ليا اكون معكي في برنامجك الجميل واللطيف ده ومنتحرمش من وجودك اخوكي ماتركس ودية كانت اجبات(( Show me the meaning of lonely )) اهلا بيك فى برنامج(( ياناس حرام انا انسان )) اسمك اية وياترى عمرك فكرت تغيرة لوحصل انك فكرت تغيرة اية السبب؟؟ اسمى احمد ومحدش اكيد بيختار اسمه ولو حب يغيره مش هيقدر اكيد بس بعيد عن كل ده انا بحب اسمى ومش فكرت اغيره اصلا انا اكتشفت بقى انه مصر مفيهاش بنات بصراحة هههههههههههههههههههههههههه كل دى اشاعات دة كان رد من ردودك تفسرة بااية ومالهم بنات مصر بكا؟؟ هههههههههههههههههههههههههههههههههههه عادى الواحد اوقات بيشوف بنات ماشالله يعنى بيحس للحظات انه مشفش بنات فى حياته وتقثريبا دى كانت فترة كنت متابع فيها ممثلات اجانب بس رجعت لعقلى بالتحديد بربرا مورى وبنات مصر زى الفل طبعا واجدع بنات تانى هتقولى ابنى ياطنط انا عندى 24 سنـــــــــــــــــــــة ابنك من انى اتجاه بقى ياجماعة انا لا بحب حد يقولى ميدو ولا ابنى ولا حمادة تحياتى للجميع ومش عايز اكرر تانى :biggrin: تفسر التحذير دة بااية ياابنى:biggrin:؟؟ عادى حالى حال اى حد بيحب ويكره ومش بحب الكلمة دى اسمعها وخصوصا انكو ماشالله معظمكم 17 15 14 سنة هتركب ازاى ابنى بقى ؟ بس كلمة بتعصبنى سواء اكبر منى او اصغر قالها مين اكتر حد كلامة بيلمسك فى المنتدى وماتصطعبطش وتقول مافيش لان عندى دليل قاطع اهوة بس هافكرك بحاجة انك بتكتبى الاجمل والاروع ومش بجاملك كلامك بيلمسنى جد ااعترف بكا؟؟ اوك مش هاستعبط والله بس مش فاكر كتبت ده لمين مش متذكر بس هيا دى من الناس اللى بتكتب كويس وكمان دمعة حائرة قلمها جميل جدا وبيعجبنى فى كل حالاته مممممممممممممم والسفيرة عزيزة ليها كلمات بحسها اكتر مابسمعها وعندك ناس كتير مش عايز انسى حد وقبل كل ده مش عايز انسى بقايا انثى بتكتب بشكل جميل اوى بس خلاص والكل هنا مبدعين ياترى كان نفسك فى حاجة وعايزاها بشدة ومقدرتش تجبها اوباباك موفقش يجبهالك طب اية هية وكان اية شعورك لما ماجبتهاش؟؟ فى حاجات كتيرة اوى فى حياتنا مبنقدرش نجيبها كلنا مش انا بس ومش لازم تكون لعبة وانا طفل يعنى فى حاجات كتير ساعات مبنقدرش نوصلها وانا مقرر مزعلش لانها مش حاجة واحدة بتضيع كل يوم بتضيع تقريبا حاجة وبنكسب غيرها بس اكتر حاجة على الاطلاق ضعيتها وندمت ولسه بندم هو قربى من ربنا جدا والاعلاقة اللى بقيت اقل من الاول بخلاف كده كلها حاجات بتوجع لو ضاعت بس مسالة وقت عمرك حسيت ان الناس او اهلك اواصحابك بيعملوك على انك مش انسان اومستهزئين بيك لودة حصل ردة فعلك كانت اية؟؟ اولا انا عصبى جدا وسهل جدا اتنرفز بالنسبة للموضوع ده مش لازم بالخص الاهل كل يوم بنقابل ناس كتير فيهم اللى بيعرف يعامل غيره وفيهم الغبى واكتر حد ينرفزنى الغبى انما مفيش حد ممكن يستهتر بيا لان كلامه بيكون رد فعل على افعالى وانا مش مستهتر ولو حصل من اهلى او حد قريب منى بحاول ابعد عن المكان عشان موصلش بالعصبية لدرجة انى اكره نفسى بعدها لو قلتلك وجة تانيب لحد هيكون اية تأنيبك ولمين؟؟ لنفسى وهاقولها فوقى بجد لوقلتلك وجة حاجة لحد بتحبة هتكون اية ولمين؟؟ انا اسف على اى حاجة زعلتك ف يوم لانك تعبتى معايا جدا خطيبتى لو حد قلك انتا حقير حيوان اسفة فى اللفظ هيكون رد فعلك اية ؟؟ نو كومنت لو حبيبتك بتخونك مع اعز اصحابك هيكون رد فعلك اية؟؟ ههههههههههههههههههههههههههههههههههههههه هههههههههههههههههههههههههههههههههههههه مجربتش الاحساس ده بس الخيانة شىء صعب بجد وخصوصا من اقرب الناس وانتى جبتى اتنين مفروض اقرب اتنين بس ارجع واقولك الخيانة ليها بشاير ولازم الانسان يكون زكى وميحاولش يكدب نفسه فى علامات كتير تبين وتوحى للواحد انه فى حاجة غلط بس مشكلتنا اننا بنتعامل بالعاطفة ونقول لنفسنا انه مجرد التفكير فى خيانة الشخص ده عيب وحرام باختصار انا مجربتش الاحساس دهبس ثقتى فى الحبيبة لابعد حد ممكن ربنا يكون فى عون اللى بيحصله ده لوبقيت رئيس جمهورية ليوم اية القرارات اللى هتصدرها على الاققل 5 قرارات؟؟ 1 الزمالك ياخد الدورى 2 الغاء ميدان التحرير 3 الغاء النادى الاهلى 4 تجريم دخول البنات الشات ده بقى الاهم 5 قرار بالزام جميع السفن التى تعبر قناة السويس بدفع القيمة بالجنيه المصرى ومنع التدوال بالدولار واللى عايز يعدى يدفع مصرى واخيرا عايزاك تصرخ بااعلى صوت وتقول انا انسان ياناس حرام هتقلها امتا او لمين؟؟ لكل حد مش حاسس بيا وبيعاملنى ف اسوا الظروف على انى حد عادى ومعنديش اى مشكلة وبيطلب منى انى اكون عادى ورد فعلى يكون جميل واغنى وانا جوايا ببكى فى الاخر امنى تكونو استمتعتوا بالاجبات وفى الاخر شعارنا دايما ((اناأنسان ياناس حرام))

[روح صامتة]

هههههههه
حلقة حلوة يا ساحرتي تصدقي الاتنين مع بعض ايجابتهم جميلة
اولا ماتركس
ايه حرب مع اسرائيل على طول كده طب مش لازم الاعدادات
الاول طيب بس اغلب القرارات اللي اتخذتها جميلة
بس ايجابات حلوة والله ربنا يرجعك مصر بالسلامة وتشوف رنا اختك ربنا يحميها ويخليهالكوا يا رب

احمد
هههههههههههه الغاء النادي الاهلي
حلوة دي اوي والزمالك كمان ياخد الدوري كده احلامي كلها هتكون اتحققت يعني
فكرة تجريم البنات دي متفقة معاك فيها
واغلب ايجاباتك جميلة جداا ربنا يوفقك و يهديك ان شاء الله كده


حلو يا ساحرة موضوعك بالتوفيق
ليكي يا قمر دايما و عايزين شغل من دا كتير
ارق تحياتي وبالتوفيق

[morshooo]

فى البدايه احب احيكى

على بدايه انطلاق البرنامج

وان شاء الله يبقى من انجح البرامج فى المنتدى

طبعا ليا تعليق على الضيفين فى بعض الاجابات

اولا الرد دا عجبنى جدا من ماتركس

اقتباس لا انا مبزعلش من الانتقاد عمري ما بزعل منه عايز اوصلكم معلومه في حاجه اسمها انتقاد وفيه حاجه اسمها رمي كلام الانتقاد مثلا واحد يجي يقوالي ماتركس انتا بتعمل كذا وكذا ده انتقادني بطريقه مباشره ده ما ازعلش منه واقدر ارد عليه لكن مش واحد يرمي عليه كلام ونسميه انتقاد لا ده اسميه جبن من الشخص اليل بيرمي عليا كلام فيا حاجه غلط انتقادني في وشي متقعدش تلف ودور حواليا وترمي كلام من تحت لتحت صح والا غلط وانا الحمدالله كل الاعضاء عارفه اخلاقي يعني الواحد عمره ما زور في حياتي اللي في الواقع هاجي هناء في المنتدي ازور ده طبعا مش معقوال وثانيا الاادره قادره علي كشف التزوير ده ولو كانت شفتني اني مزور كنت اتعاقبت ومبقيتش اداري منتخب بس الاداره شايفه اني كسبت بطرق مشروعه

وفعلا انا معاة فى كلامه خاصه جزئيه رمى الكلام ^_^

واتمنى كمان ما يبقاش فى تسرع فى ردود الاعضاء

ومايبقاش فى رمى التهم على الفاضى والمليان والا يبقى فى تجريح

بينا وفعلا ما يبقاش برضو فى لف ودوران بين الاعضاء ومفيش احسن من الصراحه

والمواجهة لان المواجهة بتعرف الاعضاء مين الصح ومين الى بيلف ويدور .

فانا بأيد كلامك طبعا واتمنى كلنا نعمل بيه

Show me the meaning of lonely

اقتباس 1 الزمالك ياخد الدورى

اعتقد انه مستحيل :biggrin:

اقتباس الغاء النادى الاهلى

برضو مستحيل :079:

الحلقه جميله جدا

ومنورين القسم

فى انتظار الحلقه القادمه

[Silver Flower]

موضوع رائع واجابات حلوه من الطرفين

بس احمد والله كبرت في عيني من الاجابه دي
حضرتك تم تعينك رئيسجمهورية ليوم ولازم على الاققل تصدر 5قرارات؟؟


اول قرار تغيير المجلس العسكري العواجيز دووال


ثانيا افتتاح معبر رفح بين المصريين والفلسطنين دائم


استرجاع جميع الشباب المتغربين عن مصر


اقامه حرب بين اسرائيل


تزويد عدد الجيش المصري



وبدي اعلق على تعليق روح صامته استعداد ايه ؟؟؟؟؟؟؟؟؟؟؟؟؟؟؟؟وتحضير ايه ؟؟؟؟؟؟؟؟؟؟؟؟
التوفيق من عند ربنا
وكم فئه صغيره غلبت فئه كبيره المهم الايمان والنيه

[رنا هشام]

استضافه جميله
اولا ماتركس
يا رب ترجع مصر وتشوف والديك واختك الصغيره ربنا يحفظها
وقراراتك عجبتني جدا
ثانيا احمد
اجاباتك معظمها جميله فيما ما عدا القرارات
الزمالك ياخد الدوري ..مستحيل
الغاء النادي الاهلي ... دي كمان مستحيله
وشكرا ع البرنامج الجميل
تحياتي
رنـــــــــــــــــــآآ

[شاعرة الرومانسيه]

سااااااااااااااحره

موضوع جااااااامد مع لقااااء الجبابره

ماتركس شخصيه جاده ومحترمه

وأحمد كمان شخصيه جميله

واجاباتهم دلت على شخصياتهم الجميله

واقول لماتركس يارب ترجع لا هلك وناسك بكل سلامه

ويارب كل الشباب المغترب يرجع بالسلامه

سلمتى ياساحره

[روح صامتة]

اقتباس وبدي اعلق على تعليق روح صامته استعداد ايه ؟؟؟؟؟؟؟؟؟؟؟؟؟؟؟؟وتحضير ايه ؟؟؟؟؟؟؟؟؟؟؟؟ التوفيق من عند ربنا وكم فئه صغيره غلبت فئه كبيره المهم الايمان والنيه

يا ستي نعلن الحرب انا قلت حاااجة بالعكس انا عايزة دا من زمان
بس الموضوع ميجيش في يوم وليلة
ماتركس هيعلن الحرب من هنا وهيسيب الحكم من هنا نسيب الحرب لمين بعديه
والتوفيق من عند ربنا اكيد يا حبيبتي النصر جاي جاي اكيد
تسلميلي يا حبيبتي ع تعليقك :*
ارق تحياتي

[نانـــــو]

اقامه حرب بين اسرائيل
ههههههههههههههههه كده يبقى اخواتى كلهم هيجلهم استدعاء
حلقة جميلة وكنت منور الحلقة يا احمد

[فنانه باسلوبي]

مرسي على مجودك ساحره الليل
ماتركس:
بالتوفيق دايما يارب
وربنا يحقق كل احلامك وماتركس اجابته جميله
جدا وبدل علي وطنيه وحب كبيييير للاهل وثقه جميله ومحترمه
...............
متلتفتش علي رمي كلام عشن لازم تبص لقدام
وتمشي وتسيبهم يعيشو بطريقه ويتعاملو بمستواهم
..............
وريس الجمهوريه دنته دااخل عليهم جامد وشغل اصلاحات جزريه
............
بالتوفيق دايما يااااااااارب

[بقــايا أنثى]

اولا احب احييكى ساحره على الحلقه بجد جميله
بس رجاء اكتبى بالراحه شويه والمسافات بجد تعبت والله فى القراءه
ثانيا ماتركس.....
ربنا يرجعك بالسلامه ان شاء الله وتفضل منور منتداك بمجهوداتك اكيد بازن الله
كلامك موزون وعاقل ربنا معاك
بس بلاش حكايه قرار الحرب دى
مصر دلوقتى مش حمل تعب ونزيف حروب وخصوصا مع زفته زى اسرائيل دى

ااما بقا طبعا الغالى احمد .....
هقولك كلمه زى ما عرفتك طول عمرك صريح هنا كمان شوفتك كدا
اتكلمت بوضوح فى كل شىء بتحب ايه وبتكره ايه
فيما عدا حكايه البنات دى ههههههههههه مش هفسر طبعا
ربنا يحميك يا رب ويهديك
وقراراتتك طبعا موافقه عليها بس مش كلها عندى تحفظ فى قرار واحد
هخليه سر فى نفسى اهو

تحياتى لحلقاتك ساحره ومستنيه اشوف الجديد ان شاء الله