حملة لتنشيط مواضيع المنتدى

[Iѕlαм Ч 3αlαм]

السلام عليكم ورحمة الله وبركاته

إزيكم يا أعضاء ومشرفى ومراقبى وإدارى المنتدى
يارب تكونوا بخير دايماً

بصوا بقى
أنا عندى فكرة بس هانتعب فيها شوية
وهانسعى فيها لرقى المنتدى وازدهاره أكثر من اللازم إن أمكن

نقول سبب الفكرة:
أولاً: إن بعض المواضيع ساعات بتوصل عدد الردود فيها ل0 أو 1 أو 2 أو 3 مشاركة وده للأسف بيخلى بعض الأعضاء عندهم إحباط من إنهم ينزلوا مواضيع أو بيبقى حماسهم بيبقى قليل أوى لما يكتبوا موضوع جديد
ثانياً: ساعات فيه أعضاء لما بتلاقى موضوعهم فيه مشاركات قليلة وخلاص ابتدى يدخل الصفحة التانية يقوموا حاطين مشاركة ليهم عشان يرجعه أول موضوع فى الصفحة الأولى لعل وعسى عضو يشوفه يقوم مشارك فيه
ثالثاً: كمان فى بعض الأعضاء مابتحبش تبعت رابط الموضوع سواء فى رسائل خاصة أو رسائل الأعضاء لأى زائر آخر لكنها بتضطر لكده عشان موضوعها يتنشط
رابعاً: شعور بعض الأعضاء الجدد لما يشوفوا مواضيع المميزين والمشرفين وكمية المشاركات اللى بتبقى موجودة فى مواضيعهم على عكسه هو اللى عدد مشاركات موضوعه قليلة لأن فى فعلاً ودى حقيقة أعضاء بتهتم بمواضيع المميزين والإداريين والمشرفين وماتهتمش بمواضيع الأعضاء الجُدد

نقول شرح الفكرة وتوضيحها :
الفكرة بقى عبارة عن أن أى عضو فينا أو مراقب أو مشرف أو حتى إدارى إنه لو شاف موضوع تقل مشاركاته عن 5 مشاركات إنه يحط رابط الموضوع ده فى حملتنا هنا عشان نقدر نتابع ومانتوهش بين الأقسام والمواضيع

نتائج الحملة:
أولاً: تنشيط المواضيع داخل المنتدى وبالتالى تنشيط المنتدى إن شاء الله
ثانياً: تحفيز الأعضاء على كتابة مواضيع اخرى بحماسية اكثر
ثالثاً: تحفيز الزوار على التسجيل داخل هذا المنتدى لوجود روح التعاون فيه بين الأعضاء وهذا مما يحبه أى زائر ويحفزه على التسجيل فى المنتديات
رابعاً: شعور العضو الجديد بالأهمية وأنه لا يقل عن أى عضو مميز أو مراقب أو أى أحد صاحب رتبة أعلى منة

أتمنى أن الحملة تعجبكم
وياريت تشجعونى بقى وتتابعوا معايا عشان نرتقى بالمنتدى إن شاء الله
وربنا يوفقنا كلنا

[رنين]

هى فكره جميله
ودلوقتى فى حملات كتير لتنشيط المنتدى
زى حملة معا لنرتقى بتاعت مرورشو
انت ممكن تتكلم معاه ويكون الشغل مع بعض
اعتقد ان الموضوع هيكون اقووووى وعدد الاعضاء هيكون اكبر فى الحمله
عموما اى كان طريقة التنفيذ فهى فكره حلوه وبتتناول موضوع الردود القليله ال بتجيب فعلا احباط
بالتوفيق للجميع ان شاء الله
تحياتى ،،،

[ماتركس]

مــــــــــحـــــــــمــــــــــــــد

اولا تسلم علي مجهودك معانا وافكارك من اول ما دخلت المنتدي يا محمد

ثانيا فكرتك بجد جميله يا محمد وهتنشط جميع الاقسام

وانا عن نفسي هبدا معاك في الحمله دي وهشترك معاك فيها ياريس

تسلم ايدك ومنتحرمش من مجهودك الملحوظ ده ياريس

اجمل خمس نجوم يا كبير

[غرور ملاك]

بـجٌ ـد هـى فكرهُ جميـآـهٌ أوِوِوِوِىُ
بالتوفيقُـ أن شاءاللهُ

[skysoul]

اه سهله جدا بس كده غلط يعني يرد 3 مرات عشان يرد

[Iѕlαм Ч 3αlαм]

اقتباس المشاركة الأصلية كتبت بواسطة رنين هى فكره جميله ودلوقتى فى حملات كتير لتنشيط المنتدى زى حملة معا لنرتقى بتاعت مرورشو انت ممكن تتكلم معاه ويكون الشغل مع بعض اعتقد ان الموضوع هيكون اقووووى وعدد الاعضاء هيكون اكبر فى الحمله عموما اى كان طريقة التنفيذ فهى فكره حلوه وبتتناول موضوع الردود القليله ال بتجيب فعلا احباط بالتوفيق للجميع ان شاء الله تحياتى ،،،

أولا شكرا على مرورك اختى
نورتى الموضوع
بالنسبة لفكرتك هى فكرة جميلة وانا فكرت فيها قبل اما اعمل الموضوع
وشوفت الموضوع اللى حضرتك طرحتيه
لكن انا كان غرضى من الموضوع تنشيط جميع الأعضاء مش الاقتصار على فريق بس
لا انا عايز كل الأعضاء يساعدونى
هى دى كل الحكاية
وأى تعاون او انضمام يكون ليا الشرف
وشكرا ليكِ

[Iѕlαм Ч 3αlαм]

اقتباس المشاركة الأصلية كتبت بواسطة ماتركس مــــــــــحـــــــــمــــــــــــــد اولا تسلم علي مجهودك معانا وافكارك من اول ما دخلت المنتدي يا محمد ثانيا فكرتك بجد جميله يا محمد وهتنشط جميع الاقسام وانا عن نفسي هبدا معاك في الحمله دي وهشترك معاك فيها ياريس تسلم ايدك ومنتحرمش من مجهودك الملحوظ ده ياريس اجمل خمس نجوم يا كبير

أحمد باشا
مديرنا المميز
منور الموضوع
ياه
واانا مش قادر افتح الموضوع من كتر ماهو منور واقول ايه النور ده كله
اتارى ماتريكس منورنا
شكرا ياغالى على كلماتك الجميلة وتشجيعك
واسعدنى مرورك

ومتشكرين ع الخمس نجوم
نورت ياغالى

[Iѕlαм Ч 3αlαм]

اقتباس المشاركة الأصلية كتبت بواسطة غرور ملاك بـجٌ ـد هـى فكرهُ جميـآـهٌ أوِوِوِوِىُ بالتوفيقُـ أن شاءاللهُ

شكراً على مرورك
نورتِ الموضوع

[Iѕlαм Ч 3αlαм]

اقتباس المشاركة الأصلية كتبت بواسطة skysoul اه سهله جدا بس كده غلط يعني يرد 3 مرات عشان يرد

بصراحة مش فاهم حضرتك تقصد ايه
ياريت لو تقدر توضح اكتر
وشكرا على مرورك
نورت

[Iѕlαм Ч 3αlαм]

إن شاء الله
هابدأ تنشيط الحملة من بكرة
واللى حابب يشترك ويساهم ويساعد اهلا وسهلا بيه
وشكرا لكل اللى مروا بالموضوع