الحـق ســــافر بدون تذكــره.... الحلقه الاولي مـــــــــــع...

[الروح أرق من الندى]

في الاول كدا هنتعرف علي العضــــــــوه المميزه معانا النهارده misho شيماء 24 سنة الا شهر :biggrin: تخصص الاشراف بتاعك ايه في المنتدي ؟؟ عضوة ثم مشرفة لعالم حواء ثم مراقبة ثم ادارة يلا بينا يا شيماء مع بعض هنسافر في اله الزمن ونشوف هنروح معاكي لفـــــــــين اربطي حزام الامان بتاعك ويلا بينا 1/ ممكن نعرف هتسافري فين ولا ايه هو الزمن مــــاضي / حـــــاضر / مستقبل؟؟؟؟ وهسافر للحاضر ازاي ماانا فيه اصلا :biggrin: هسافر للمستقبل انا كان قصدي يعني ممكن تكوني حابه تفضلي في الحاضــــــــر:445: 2/ عاوزين نعرف ايه خلاكي حابه تسافري للزمن ده؟؟؟ لان الماضي انا عشته و عرفته ومش هيتغير فيه حاجة لكن المستقبل لسة معرفوش 3/ متخيله الحياه شكلها ازاي وممكن تتحملي العيشه في الزمن ده؟؟؟؟؟؟؟؟ ان شاء الله تكون احسن واحلي من الحاضر و اكيد هتحملها لان الطبيعي ان الانسان يعيش الزمن اللي هو فيه بكل تفاصيله 4/ ممكن توصفي شكل ملابس الزمن ده وممكن يكون ملابسك بالشكل ده؟؟؟ عادي يعني هتلبسي زيهم مظنش هيكون فيه اختلاف كتير عن دلوقتي الا اختلاف الموضة مش اكتر 5/ايه هي الشخصيه اللي حابه تقبليها من الزمن ده؟؟؟؟ وايه اللي شدك للشخصه دي علشان تقبليها؟؟ كل شخص بيفكر و يبدع اكيد حابة اني اقابله واتعلم منه 6/اختاري موقف تعيشي فيه مع الشخصيه دي؟؟؟ انا قلت شخصية مفكرة ومبدعة يبقي المواقف هعيشها مع انجازاته و ابداعه 7/فيه اي صفات للشخصيه دي حابه تغيرها ؟؟؟ مفيش اجابة لاني محددتش شخصية معينة 8/ هل لو هذه الشخصيه قابلتك شخصيا هتبقي راضيه عن شخصيتك كل واحد وليه شخصيته المستقلة و في اي زمن انا راضية عني جدا 9/ هنفرض انك موجوده في الزمن ده ايه التطورات والتغيرات اللي كنتي هتعمليها للزمن ده؟؟؟؟؟؟؟ بما اني اخترت المستقبل فصعب احكم دلوقتي ايه التطورات والتغييرات 10/طيب لو روحتي للزمن هتاخدي معاكي شريك حياتك؟؟؟ ولا هتفضلي ترتبط بحد من الزمن ده؟؟؟ لا هخده معايا في الماضي والحاضر والمستقبل طبعا معلش الاسئله كانت كتييييير شويه بس بجد انا استمتعت معاكي بالحلقه دي ويارب تعجبـــــــــــــــــكم الف حمدلله علي سلامتك يا شيماء ورجعنا الي قواعد المنتدي سالمــــــــــــين :003:

[رنين]

حلوه الفكره
وجديده
بالعكس كان نفسى الاسئله تكون اكتر كمان
هى ميشو اختارت المستقبل وده كان مخلى الاجابات صعبه شويه )

بس بدايه جميله
بالتوفيق،،،

[بنت المختار]

الفكره منيح بس بدها شغل اكتر
الاسئلة مو كثيرة بالعكس عديناها بسرعه
والايجابات كثير خفيفة
كان لازم تقفلي الموضوعتحت بكم سؤال زيادة
لانه تقريبا ضل مفتوح
بس بداية موفقة
والى الأمام
يسلموووووو

[morshooo]

هى كدا الاسئله كتير

اومال لما بعمل توبيك واسئل الضيف

بتبقى الاسئله ايه ^_^

الفكرة جميله جدا ماشاء الله

بس ياريت الاسئله تكتر شويه

وميشو طبعا دى بقى اوعى وشك

اتاكدى ان كدا التوبيك هينجح مش كدا يا ميشو

هههههههههههههههه

اتمنالكم التوفيق

[angelgirl]

حلقة مميزة كتير يا الندى تسلمى حبيبتى
وميشوو الف حمد لله على السلامة رجعتى للحاضر بس مش كنتى تعرف لنا يا بنتى مين رئيسنا القادم ؟؟ كدة تروحى وترجعى من غير اخبار ؟ ههههههههههههههههههههههه
اجابات جميلة وربنا يوفقك فى حياتك يارب
مشكووة ندى على الموضووع الجميل

[ماتركس]

ارق روح

برنامج جميل ولطيف بس محتاج بعض الشغل شويه

زودي الاسئله وخليها اقوي من كده شويه علشان تفرضي

علي العضو الضيف انو يتكلم اكتر معاناا

ميشوو منوره الحلقه يا ميشووو

اجاباتك جميله ومنتحرمش من وجودك

[king lion]

بسم الله الرحمن الرحيم

برنامج جميل وراقى

أسئلة جميلة وخفيفة لكن نتمنى زيادتها

فى المرة القادمة حتى نتمتع أكثر بالرحلات المنطلقة

بالتوفيق أن شاء الله

[~♥ Queen sozan♥~]

حلقة جميلة وفكرة مميزة ’’
بس حولى تخاليى الحلقةاقوى من كدة يا قمر

متابعينك دايمآ

[الروح أرق من الندى]

اقتباس المشاركة الأصلية كتبت بواسطة رنين حلوه الفكره وجديده بالعكس كان نفسى الاسئله تكون اكتر كمان هى ميشو اختارت المستقبل وده كان مخلى الاجابات صعبه شويه ) بس بدايه جميله بالتوفيق،،،

ميرسي ياقمر مرورك الاجمل وان شاء الله المره الجايه الشغل علي الفكره هيكون اكتر

[الروح أرق من الندى]

اقتباس المشاركة الأصلية كتبت بواسطة بنت المختار الفكره منيح بس بدها شغل اكتر الاسئلة مو كثيرة بالعكس عديناها بسرعه والايجابات كثير خفيفة كان لازم تقفلي الموضوعتحت بكم سؤال زيادة لانه تقريبا ضل مفتوح بس بداية موفقة والى الأمام يسلموووووو

ميرسي ياقمر لمرورك وان شاء الله

الحلقه الجايه تكون اجمد

ارق تحياتي