حلقات برنامج ( ابنائنا في الغربه )

[واد حبيب]

السلام عليكم ورحمه الله وبركاته اهلا اهلا بكل اعضاء المنتدي كل عام وانت بكل خير بعد ساعه من دلوقتي هنقول وداع لسنه 2011 وهنستقبل سنه جديده انت شاء الله تكون سنه سعيده علي الجميع وعلي الامه العربيه والاسلاميه بكل خير النهارده هنشوق حلقه جديده من { ابنائنا في الغربه } ومعانا النهارده واحد في قمه الاحترام والاخلاق العاليه وكمان دمه زي العسل في الاول اقول له الف الف مبرووك الفوز في الانتخابات الاداري الاخيره طبعا كلنا عرفنا معانا من الامارات الاداري الجديد SilveR SnipeR Hobbies Forum Overseer Abo7miD الف مبروك يا احمد الفوز في الانتخابات الاداريه تعالو بينا نشوف الحلقه بتاعتنا من ابنائنا في الغربه ونشوف احمد قال ايه عن الغربه الحوار كامل الاسم احمد محمود جمعة السن 16 سنة المؤهل الدراسي اولى ثانوي (معايا اعدادية) امته اول مره خرجت من مصر ؟ ف 1999 صايع سفر يعني ماهو سبب تركك لمصر والاتجاه للخارج؟ ظروف شغل والدي ما هي اللى وجهتك فى اول شهور الغربه والدروس المستفاده منها؟ اول مشاكلي كانت ف خامسة ابتدائي عشان قبل كدا كنت ف مصر بعدين ف مدرسة مصرية لكن بعد ما صدر قرار غلق المدارس المصرية ف الامارات ف خمسة ابتدائي بدأت اواجه مشاكل في التأقلم لكن مع الوقت بدأت اكسب صحاب كويس وبقيت خبرة ف اللهجات اهو الدروس المستفادة بأه هو اني عرفت كتييييير عن الثقافات العربية التانية والاجنبية كمان وحبي لبلدي وانتمائي ليها زاد اكتر بكتير هل تشعر بحساس الوحده في الغربه ؟ ولماذا مش وحدة اوي لأن عيلتي معايا لكن في نوع من انواع الوحدة حاسس بيها بعيد عن اهلي وناسي وصحابي ماهي اصعب اشياء في الغربه من وجهة نظرك ؟ البعد عن الاهل والاصحاب والجو المصري الاصيل هل انت العيشه فتره طويل في الغربه؟ امممم حوالى 10 سنين 1999 2003 2004 2005 2006 2007 2008 2009 2010 2011 ماذا تفعل في اوقات الاجازه؟ بخرج مع صحابي او بقعد ع النت بعيش حياتي يعني هل فكرت انك تترك الغربه وتستقر في مصر؟ واللهي لو بايدي من بكرة الصبح اداوم هناك سماعنا كتير عن تجوزات بتحصل بتحصل مع المتغرب ما هي ؟ واللهي بص الموضوع بشكل عام بيتمحور في المواطنين الخلايجة عندهم احساس انهم ارقى من باقي البشر وفهمهم للحياة ضعيف شوية رساله لكل شاب عاوز يسافر لبلد غير بلده توصلهاله وتوصف فيها الغربه ونصيحه ؟ اقولها كدا وبمنتهى الصراحة ومحدش يزعل انا اهونلي اتضرب باقدم جزمة ف مصر بس مسبش بلدي حياتك فى الغربه ماذا تطلق عليها رحله كفاح ؛ولا عذاب؟ يا جدع مش رحلة اوي يعني اغلبها كنت مجرد طفل فيها احساسك ايه وانتي نزل لبلدك ؟ بكون طاااااااااااير م الفرحة ايه الموقف اللى تمنيت اهلك يكون معاكي فيه ويشاركوك فيه ؟ لا اتمنيت اني انا اشاركهم فيه هو الثورة كان نفسي احضر ولو يوم واحد منها احكلي لنا موقف حصل معاكي اتناء الغربه؟ امممم ... مرة كنا في مسابقة اسئلة وكان فيه سؤال في قمة التفاهة قمة قمة قمة قمة قمة التفاهه بيقولك بماذا تتنفس الاسماك ؟ وصاحبي اللى معايا ف الفريق سوري ومش بيسموها خياشيم اسمها عندهم (غلاصم) راح هو بفلاحته بدل ما يقول خياشيم قال غلاصم وخسرنا المسابقة كلها بسببه الحقيقة كان هاين عليا اعلقه على باب المدرسة ههههههه رساله اعتذار من خارج الى من تهديها؟ لكل شاب مصري نزل في الثورة وشارك فيها ومقدرتش اكون معاه واسانده رساله حب من خارج مصر الى من تهديها ؟ لمصر نفسها رساله شوق من خارج مصر الى من تهديها؟ لاهلي واقاربي وصحابي ف مصر مواقف الثوره ما رايك في ثوره 25 يناير؟ ثورة الحرية اللى قعدنا سنين مستنينها هل كنت تتمني ان تكون في مصر وقت الثوره وتشارك مع شباب الثوره؟ انا كنت بموت كل يوم وحاسس اني متكتف مش قادر اعمل حاجة انت شايف مصر ازاي بعد الثوره؟ فيه بصيص امل اننا نبقى الدولة اللى بنحلم بيها بس للأسف لو استمر الوضع الحالي هنبقى بنحلم هل الثوره ناجحت من وجهت نظرك؟ اممممم .. بنسبة 50 ف المية اه لكن لسه فيه مشوار طويل عشان تنجح تماما ايه الاشياء اللي تحب تكون اتغير في مصر بعد الثوره؟ اخلاقنا واسلوبنا في التعامل مع الحياة ايه رايك في الاعتصام في ميدان التحرير في الوقت الحالي؟ نو كومنت هل انتي في الشباب اللي في ميدان التحرير ام لا؟ ازاي يعني استنسخت نفسي وسافرت م الامارات لمصر وروحت التحرير وانا قاعد ببعتلك الاجوبة ف مكاني هنا؟؟ هل انتي راضيع علي اللي بيحصل في مصر؟ نو كومنت تاني تقولي ايه لشباب مصر ؟ رتبوا افكاركوا صح وميزوا كويس العدو من الصديق وربنا يحفظكوا فتره المنتدي كيف عرفتي منتدي بنات مصر؟ اجمل حدث حصلي خلال السنتين دول هل المنتدي بيضيع منك وقت فراغك؟ لا بيملاه ايه رايك في الانتخابات الاداريه ؟ زي الفل الحمدلله هل الفكره دي نجحه ام لا؟ ناجحة جدا وبتعمل جو رهيب وفوايدها ملهاش حل بصراحة فكرة مليون المية بعد نجاجك في الانتخابات الاداريه هل ان قادر انك تفيد المنتدي ام لا؟ تفتكر لو انا فعلا منفعش هكون دخلت وحاربت وصارعت لغاية ما خدت المركز ليه؟؟؟؟ هل كنت متوقع انك تفوز في الانتخابات الاداريه ؟ اه جدا بس كان فيه حاجة دايما محسساني اني مخدوع كتير من الاعضاء بيقول ان متركس ودودي لهم فضل كبير في الفوز لك في الانتخابات ؟ايه رايك في الكلام ده؟ السؤال ده جه ف المناظرة وجاوبت نفس الجواب اقلب الترابيزة كدا ايه خطتك اللي هتعملها في المنتدي الفتره القادمه؟ ذكرتها قبل كدا ف اكتر من رد وموضوع انتظر مني بكرة اولى المسابقات ومفاجات مدوية ان شاء الله تعجب الجميع طبعا متركس كان الاداريه المنتخب في الفتره السابقه شايفه ان عمل حاجات تفيد المنتدي ؟ اه طبعا كتير ربنا يخليه لمصر ايه الحاجه اللي نفسك تعملها في المنتدي؟ حاجات كتير قول ايه عيوب ومتميزات بنات مصر؟ عيوبه شبه معدومة اما مميزاته فلا تعد ولا تحصى جمعنا مع بعض ف مركب واحد والتعرف على اصدقاء جدد والتواصل معا وحاجات كتيييييييييييييييييير اوي اخير ايه رايك في الحلقه جامدة جدا وفكرة البرنامج عجباني بجد من اول حلقة فيها لاخر حلقة وانا عاجبني فعلا وبتابعه جدا لانه فعلا برنامج مميز الحبيب

[ساحر الأحزان]

حلقة جميلة منك محمد

واحمد من الاعضاء ذات الحضور المتميز

اتمنى لة التوفيق خارج الوطن

وان شاء الله يعود هو واسرتة الى ارض الوطن بكل خير وسلام

جميل الانتقاء منكم

تحياتى لكم

[تيتشر نفشه ツ]

حلقه جميله قوي يامحمد

والعضو اللي فيه اجمل بكتير

عجبتني اجاباتك مديرنا اتمنالك التوفيق دايما

[عازف على جدار القمر]

صباح الخير
وكل سنه يارب وانتم والكل بكل خير
طبعا الحبيب مش محتاج تقييم مني
تعالى يا عم احمد
يعني قلت كشري وساندوتشات
ولا شفنا ولو فول حتى
:079:
هي يعني كانت وعود انتخابيه
عموما

ماشي
انا بردوا عارف انك اد وعودك
حلقه في منتهى الروعه
الحبيب رائع كالعاده
واحمد اجاباتوا جميله جدا وصادقه
ويارب يا احمد ترجع مصر بالسلامه
مجهود عالي الحبيب
تسلموا يارب
وتسلم ايديكم
كل تقديري
واحلى تقييم
للحبيب ولاحمد كمان
كل سنه وانتم بكل الخير يارب

[Silver Flower]

حلقه رائعه واجابات اروع

اول مره بعرف احمد عاقل هيك

ان شالله مصر بتعمر
ويرجع اهلها ليها

[قاهرة الحب]

كل عام والجميع بالف الف خير
حلقة رائعه شكرا لجهودكم
تحياتي

[طمطم]

حلقة جامدة جدا

[مهندسه بغداد]

حلقه رائعه

واسئله جميله واجوبه كانت اجمل

كانوا مميزين

في هذه الحلقه

كُل من الضيف والمضيف

تحيتي

[S n i p e R]

استضافة روووووووووووووووعة يا ابو رمضان

وانا ليا الشرف اني اكون في بروجرام ليك يا غالي

يا رب نرجع مصر سوا يا صاحبي انا وانت

وكل المغتربين يا رب

بالتوفيق

[game010]

حلقة فى منتهى الروعة
مقدم مميز جدا محمد رمضان
وضيف جميل جدا احمد
بجد اسئلة جميلة
واجابات فى قمة الروعة والجمال
ودى وتقديرى واحترامى
ومبرووووووووك الون الاحمر يا ابوحميد