نفسى اتجوز من غير ما اجيب شقه

[أحمد صيآح]

بسم الله الرحمن الرحيم


لو واحد جالك و قالك : أنا عايز أتجوز من غير ما أجيب شقه
هتقول عليه إيه ؟؟؟؟؟
أكيد هتقول عليه مجنون أو مجنون

طيب و اللى بيقول أنا عايز أدخل الجنه و مدخلش النار من غير ترك الذنوب و مجاهده النفس
هتقول عليه إيه ؟؟؟؟؟؟؟؟؟
إذا فلماذا الذنوب و أنت تريد الجنه ؟؟
قال رسول الله : "من خاف أدلج، ومن أدلج بلغ المنزل، ألا إن سلعة الله غالية، ألا إن سلعة الله الجنة"
الجنه غااااليه يا جماعه
إذا كنا بنتعب سنين علشان شقه فى الدنيا
يبقى الجنه تستحق شغل قد إيه ؟؟؟
و تستحق مجاهده نفس و صبر قد إيه ؟؟؟
قال تعالى : وَسَارِعُوا إِلَىٰ مَغْفِرَةٍ مِنْ رَبِّكُمْ وَجَنَّةٍ عَرْضُهَا السَّمَاوَاتُ وَالْأَرْضُ أُعِدَّتْ لِلْمُتَّقِينَ
أعدت يعنى هيأت خلاص

زى ما واحد يجى يقولك الشقه موجودة بس إنت إشتغل الشهر ده و هتأخذها

أنا جاى أقولك ربنا بيقولك : الجنه اللى عرضها السماوات و الأرض هيأت بس إنت إشتغل الدنيا دى و تأخذها
ممكن الدنيا دى كمان أقل من شهر جاى
محدش يعرف هيموت إمتى ؟
يعنى توبه صادقه دلوقتى منك تدخلك الجنه
أنا عايز أسألك سؤال
إنت تقدر تتعدى على حمى رئيس دوله ؟؟ أكيد لأ
إنت تقدر تتعدى على حمى ملك من الملوك ؟؟؟ أكيد لأ
طيب ليه قدرت تتعدى على حمى الملك سبحانه و تعالى !!
هتقولى إنت بتقول إيه ؟؟؟
هقولك قال رسول الله : ألا وإن لكل ملك حمى ألا وإن حمى الله محارمه
المحارم : كل ما حرمه الله و رسوله


يعنى نظرك لبنت تعدى على حرمات الله
يعنى لبسيك البنطلون و الفيست تعدى على حرمات الله
يعنى سماعك للأغانى تعدى على حرمات الله
لماذا تجرأنا على معصيه الله
لماذا نستحى من الناس ولا نستحى من رب الناس ؟؟
قال تعالى : يَسْتَخْفُونَ مِنَ النَّاسِ وَلاَ يَسْتَخْفُونَ مِنَ اللّهِ وَهُوَ مَعَهُمْ إِذْ يُبَيِّتُونَ مَا لاَ يَرْضَى مِنَ الْقَوْلِ وَكَانَ اللّهُ بِمَا يَعْمَلُونَ مُحِيطًا
ليه إفتكرنا إحنا كويسين .. ده إحنا بنصلى
ألا يستحق الله أن نعبده ليل نهار

أو تقول دى ذنوب صغيره
لا تنظر إلى صغر الخطيئة .. ولكن انظر إلى عظم من عصيت
قال تعالى : وَتَحْسَبُونَهُ هَيِّناً وَهُوَ عِنْدَ اللَّهِ عَظِيمٌ
قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ: "إِيَّاكُمْ وَمُحَقَّرَاتِ الذُّنُوبِ"

أو تقول مش قادر أسيب الذنوب
مش قادر تسيب الذنوب علشان الملك اللى خلقك
ألا نستحى من الله و هو ناظر إليك و أنت تعصيه ؟؟؟
إعرف إنت مين و بتعصى مين و إخجل من نفسك ؟؟؟

كل واحد عنده ذنب ممكن لسه بيعمله
يقرر دلوقتى أنا هسيبه علشان مقدرش أتعدى على حرمات الله
كلنا هنخطأ فقد ماتت العصمه بعد موت رسول الله
و محدش يقول مفيش فايده و كل شويه برجع للذنوب
هقولك قال رسول الله :ما من عبد مؤمن إلا وله ذنب يعتاده الفينة بعد الفينة أو ذنب هو مقيم عليه لا يفارقه حتى يفارق الدنيا إن المؤمن خلق مفتنا توابا نساء ؛ إذا ذكر ذكر
يعنى بلاش يأس و لو أذنبت توب حتى لو 100000 مرة

أو تقول أنا عملت ذنوب كتيره
هسمعك أعظم نداء
نداء من الله الملك الذى يستر ذنوبنا
قال تعالى : قُلْ يَا عِبَادِيَ الَّذِينَ أَسْرَفُوا عَلَى أَنفُسِهِمْ لَا تَقْنَطُوا مِن رَّحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ
لا تقنط من رحمه الله فرحمه الله وسعت كل شىء


يالا كل واحد لسه بيعمل ذنب يقرر يسيبه دلوقتى
و اللى لسه لم يتب إلى الله يتوب دلوقتى

[بسمة العمر]

موضوع جميل خالص وشيق
تسلم ايدك احمد

[برنسس ملك]

موضوع فى غاية الجمال تسلم ايدك علية
وتم التقيم

[غرور ملاك]

فعـلأ والله عـندك حق فـ كلٌ كـآـمهٌ قولتهأإٌ,,
جـزآك آلله كـل خيـرآ ,,