..{ فع‘ــآآليـآآت المنتــدى }..



آخر 12 مواضيع
ساحر الاحزان مع أعضاء بنات مصر في رمضان مع شاعر الحب الحزين
الكاتـب : ساحر الأحزان - آخر مشاركة : ☆ شهـــاب ☆ - مشاركات : 1 -
مآآشي ي زمن
الكاتـب : نو تعارف - مشاركات : 0 -
بلا إستئذان .. قلم مهيب
الكاتـب : مهيب الركن . - آخر مشاركة : شاعر الحب الحزين - مشاركات : 1 -
بكامل قوايا العقلية
الكاتـب : شاعر الحب الحزين - مشاركات : 4 -
ولعت في العيال
الكاتـب : ~♥ Queen sozan♥~ - آخر مشاركة : شاعر الحب الحزين - مشاركات : 3 -
ساحر الأحزان مع أعضاء بنات مصر في رمضان مع اميره ميرو
الكاتـب : ساحر الأحزان - مشاركات : 8 -
كل سنه وانتي معايا
الكاتـب : واد حبيب - آخر مشاركة : ~♥ Queen sozan♥~ - مشاركات : 5 -
اتأخرتي جداً
الكاتـب : شاعر الحب الحزين - مشاركات : 4 -
بقيت بغير عنواني
الكاتـب : شاعر الحب الحزين - مشاركات : 6 -
امي حُبًّا خَالِدًا
الكاتـب : حسن الذاكي - آخر مشاركة : عابرpasserbyسبيل - مشاركات : 2 -
البال مش رايق
الكاتـب : شاعر الحب الحزين - مشاركات : 8 -
عابرpasserbyسبيل اهلا بيك في المنتدي
الكاتـب : واد حبيب - آخر مشاركة : عابرpasserbyسبيل - مشاركات : 13 -

الإهداءات


قصه على حلقات((مين قال الى فات مات))يارب تعجبكم

قصص - روايات - حكايات ...منقولة


إضافة رد
 
LinkBack أدوات الموضوع انواع عرض الموضوع
قديم منذ /10-23-2011, 05:48 PM   #1

 

 رقم العضوية : 75839
 تاريخ التسجيل : Oct 2011
 العمر : 27
 الجنس : ~ بنوتة
 المكان : ام الدنيا
 المشاركات : 35
 الحكمة المفضلة : اذا ارجت شئ بشده فاترك سراحه فان اد لك فهو ملكك وان لم يعد فاعلم انه لم يكن لك منذ البدايه
 النقاط : جمال الغروب will become famous soon enough
 درجة التقييم : 50
 قوة التقييم : 0

جمال الغروب غير متواجد حالياً

أوسمة العضو
افتراضي قصه على حلقات((مين قال الى فات مات))يارب تعجبكم

بسم الله الرحمن الرحيم
أنا مش بلاقى هنا قصص على حلقات فحبيت أنزل أنا قصه يارب تعجبكم
الحلقه الاولى
وهنا الأبطال بيعرفونا بنفسهم من أحداث القصه

دخلت الام الغرفة وقالتت لابنتها في هدوء.
الام: ندى ,يلا روحي اعملي قهوة لباباكي, واسأليهم لو عايزين عصير.
قامت ندى من على مكتبها في تأفف, وهي تقول.
ندى:يووووه ياماما, متخلي نسمة هي الي تعملها, انتي مش شايفاني بذاكر.
الام: بطلي دلع , دلوقتي بقيتي بتذاكري؟, وخلى نسمة الي تطلع! , وبعدين نسمة مبتعرفش تعمل قهوة.
ندى: حاضر خلاص, هقوم اهه, هو مين برة اصلا؟.
الام: محدش غريب يعني, دي هالة اختك وهايدي صاحبتها وشادي.
ندى: شادي مين؟.
الام: شادي الي ساكن في البرج الاحمر الي قدامنا, مش عارفاه؟ .
ندى: اه ,اه فاكراه , الواد الغلس القصير دا, الي كان بيغلس عليا واحنا صغيرين ,دا كان شعره طويل وكنت دايما اشده منه,ايه دا هو بقى في تالتة ثانوي امتى؟, هو قد هالة؟.
الام: ايوة, قدها .
ندى: وايه الي جايبة النهاردة؟.
الام: ماهو كمان مقدم على اختبار القدرات بتاع عمارة, فجاي لباباكي يفهمه بالمرة مع هالة وهايدي.
ندى: الواد انا فاكراه ,دا كان رذل رذالة يا ماما واحنا صغيرين, مع اني اصغر منه بسنتين بس كنت اطول منه , وكنت دايما بضربه.
الام: انتي هتقفي ترغي عشان تضيعي الوقت, اتفضلي يلا, روحي اعملي القهوة, وطلعيلهم عصير, وبعد كدة, هاتيلي انا كمان عصير واسألي نسمة لو عايزة.
ندى: يووووه, حاضر, ماهي نسمة دي الاعدادية بتاعتها هتيجي فوق دماغي, منا في اولى ثانوي برضة وعندي اربعتاشر مادة.
الام: طب اعملي الي قلتلك عليه بسرعة, وانتي تلحقي تذاكري الاربعتاشر مادة يا لمضة.
ندى: حاضر.
وتوجهت الى المطبخ على مضض, وجهزت القهوة, وهي تدندن, ووضعتها على صينية واتجهت بها حيث ابوها.
ندى: بابا , القهوة.
الاب: شكرا يا نيدو.
اخذ والدها القهوة من يديها , بينما التفتت هي تسأل.
ندى: حد عايز عصير؟.
نظرت اليها اختها .
هالة: انا عايزة, وهاتي لهايدي كمان, عايز يا شادي؟.
التفتت ندى تنظر لشادي لاول مرة, واندهشت, انه لم يعد الطفل القصير الذي اعتادت ان تضربه, لقد رأت شابا طويلا بشدة, يرتدي نظارة طبية, ذو وجه وسيم اسمر, فتعجبت, وقالت دون ان تفكر.
ندى: ايه دااااا, انت طولت اوي كده ليه, دانت كنت ازعة, وشعرك...
قال الاب ينهرها.
الاب: ايه يا ندى الكلام دا؟, مش تفكري في الكلام قبل ماتقوليه.
ندى: اصله يا بابا انا مشفتوش من واحنا صغيرين, كان قصير وشعره منكوش و....
قاطعها الاب للمرة الثانية ,بينما شعر شادي بالحرج من الوصف حين انخرطتا هالة وهايدي في الضحك.
الاب: فيه بنت رقيقة تتكلم زي الدبش كده, جيبيلهم عصير يلا وتعالي, وبطلي تلبيخ.
فشعرت هي بالحرج هذه المرة, وذهبت لتفعل مثلما قال لها ابوها في سرعة ثم عادت لامها .
ندى: ماما , ماما انتي شفتي شادي؟؟.
الام: ايوة يا حبيبتي.
ندى: دا بقى شكل تاني خالص يا ماما, دا طول اوي ولبس نضارة.
الام: مانتي عندك حق, مشفتيهوش من زمان, والله مااعرف كان مختفي فين كل دا.
ندى: بس انا لبخت الدنيا ,واتريأت عليه قدامهم.
الام: انتي على طول لسانك فالت, لما يخلصوا ابقى اطلعي اعتذريله.
صمتت قليلا تفكر ثم قالت.
ندى: هو اكيد علمي رياضة ,ولا ايه؟, هيكون بياخد قدرات عمارة ليه يعني؟.
الام: معرفش انا بقى, انتي مش هتعدي تذاكري ولا ايه؟, وبعدين فين العصير بتاعي.
ندى: اه صحيح نسيت.
وانطلقت تحضره في سرعة ,وهي تفكر في شكل شادي الذي تغير تماما منذ الصغر.
*******************
انتظرت ندى بصبر انتهاء والدها من الحديث مع اختها وهايدي وشادي, ودخوله غرفته لتهرع للخارج, موقفة شادي وهو في طريقه الي الباب.
ندى: شادي.
التفت ينظر اليها في دهشة, بينما نظرت هي لاعلى لتنظر لوجهه, الذي علته امارات التساؤل.
شادي: ايوة , فيه حاجة؟.
ندى: انا.... سوري,...سوري لو كنت ضايقتك ولا حاجة.
نظر اليها ببرود.
شادي: ضايقتيني في ايه؟.
ارتبكت ندى لبروده , وشعرت هي بالاحراج.
ندى: يعني لما قلت انك كنت ...قصير وشعرك طويل.
قال ببرود وهو ينظر الى اختها وصديقتها, اللتان تتابعان الحديث في شغف.
شادي: طب منا كنت قصير وشعري طويل , ايه يعني؟.
نظرت اليه بدهشة, ثم بضيق.
ندى:يعني ان انا قلت كده.
شادي: اصلا انا مكنتش قصير انتي الي كنتي طويلة زيادة وانتي صغيرة, وكنتي مستقوية نفسك, عشان طولك.
شعرت بالغضب, فقالت في انفعال.
ندى: تصدق انت بارد, وانا غلطانة اني جيت اتأسفلك اصلا, انت فعلا كنت قصير ومنكوش, ومش كده وبس, كنت غلس وكنت دايما بضربك,هه بقى.
وضربت بقدمها في الارض بطفولية, ثم اندفعت للداخل, بينما ازداد هو احراجا امام الفتاتين.
*******************
ندى: بس يا هالة متكلمنيش عنه, دا قليل الزوق, وغبي.
ضحكت هالة وهي تقول.
هالة: مش انتي الي هزأتيه الاول, واتريأتي عليه ولا لأ؟.
ندى: انا مقلتش حاجة غلط, هو كان غلس, ولسه غلس زي ماهو, هو عشان بقى نخلة خلاص, نسي شكله زمان, انا فاكرة اننا عندنا صور ليه وهو ....... .......
انخرطت هالة في الضحك وهي تقول.
هالة: بس متقوليش الكلام دا ادام هايدي لحسن معجبة بيه, وشكلهم هيظبطو كده.
ندى: يتحرقو هما الاتنين, اهي هي رخمة زيه بالظبط, وهو وحش واسمر وبنضارة.
هالة: حرام عليكي, دا وشه امور, انتي مخدتيش بالك ولا ايه.
ندى: وانا اخد بالي ليه, مانتي عارفة اني بحب الشباب البيض الي عنيهم ملونة.
وصمتتا قليلا ثم قالت هالة بشغف.
هالة: بس هي صحيح فين الصورة دي اوريهالها.
ضحكت ندى وهي تقوم.
ندى: قومي قومي, ندور في البوم الصور


يا رب تعجبكوااااااااااااااا
مستنية الردود







  رد مع اقتباس
قديم منذ /10-23-2011, 09:34 PM   #2

مشرفة أقسام الطبخ سابقا

 

 رقم العضوية : 44839
 تاريخ التسجيل : Mar 2010
 الجنس : ~ بنوتة
 المكان : القاهرة
 المشاركات : 15,436
 النقاط : ╯ Princess ╭ has a reputation beyond repute╯ Princess ╭ has a reputation beyond repute╯ Princess ╭ has a reputation beyond repute╯ Princess ╭ has a reputation beyond repute╯ Princess ╭ has a reputation beyond repute╯ Princess ╭ has a reputation beyond repute╯ Princess ╭ has a reputation beyond repute╯ Princess ╭ has a reputation beyond repute╯ Princess ╭ has a reputation beyond repute╯ Princess ╭ has a reputation beyond repute╯ Princess ╭ has a reputation beyond repute
 درجة التقييم : 833934
 قوة التقييم : 417

╯ Princess ╭ غير متواجد حالياً

 

 

 

 

 

أوسمة العضو

مصورمميز وسام فنان الفوتوشوب وسام مواقف مضحكة وسام مميز التصميم 190 وسام مسابقه اجمل عروسين 223 وسام مسابقه ترجمة الطفولة 168 130 

افتراضي

شكرا جدا

وهنستنى البارت التاني







  رد مع اقتباس
قديم منذ /10-23-2011, 10:13 PM   #3

 

 رقم العضوية : 76450
 تاريخ التسجيل : Oct 2011
 المكان : el-3riiish
 المشاركات : 24
 النقاط : pink r0se will become famous soon enough
 درجة التقييم : 50
 قوة التقييم : 0

pink r0se غير متواجد حالياً

أوسمة العضو
افتراضي

فى انتظااااار الجزء التاني

اسلووب جمييل فى الكتابه

ياااا موااهبك يا جااامد









  رد مع اقتباس
قديم منذ /10-24-2011, 12:47 PM   #4

 

 رقم العضوية : 75839
 تاريخ التسجيل : Oct 2011
 العمر : 27
 الجنس : ~ بنوتة
 المكان : ام الدنيا
 المشاركات : 35
 الحكمة المفضلة : اذا ارجت شئ بشده فاترك سراحه فان اد لك فهو ملكك وان لم يعد فاعلم انه لم يكن لك منذ البدايه
 النقاط : جمال الغروب will become famous soon enough
 درجة التقييم : 50
 قوة التقييم : 0

جمال الغروب غير متواجد حالياً

أوسمة العضو
افتراضي

أسعدنى تواجدكم فى الموضوع
نورتو القصه
وأن شاء الله هنزل البارت فى أقرب وقت







  رد مع اقتباس
قديم منذ /10-24-2011, 04:12 PM   #5

عضو فعال

 

 رقم العضوية : 73534
 تاريخ التسجيل : Jul 2011
 المشاركات : 357
 النقاط : ابو رامى will become famous soon enough
 درجة التقييم : 55
 قوة التقييم : 0

ابو رامى غير متواجد حالياً

أوسمة العضو
افتراضي

اسمح لي ابدي اعجابي بقلمك وتميزك واسلوبك الراقي وتالقك







  رد مع اقتباس
قديم منذ /10-25-2011, 09:22 AM   #6

 

 رقم العضوية : 75839
 تاريخ التسجيل : Oct 2011
 العمر : 27
 الجنس : ~ بنوتة
 المكان : ام الدنيا
 المشاركات : 35
 الحكمة المفضلة : اذا ارجت شئ بشده فاترك سراحه فان اد لك فهو ملكك وان لم يعد فاعلم انه لم يكن لك منذ البدايه
 النقاط : جمال الغروب will become famous soon enough
 درجة التقييم : 50
 قوة التقييم : 0

جمال الغروب غير متواجد حالياً

أوسمة العضو
افتراضي

ميرسي جداً ليكو بس فى حاجه القصه مش من تاليفى الشخصى ولكن القصه من تاليف صديقه اسمها رفيف الخميسى وأنا مش ممكن أسمح لنفسى انى اخد قصتها باسمى







  رد مع اقتباس
قديم منذ /10-28-2011, 10:29 AM   #7

 

 رقم العضوية : 75839
 تاريخ التسجيل : Oct 2011
 العمر : 27
 الجنس : ~ بنوتة
 المكان : ام الدنيا
 المشاركات : 35
 الحكمة المفضلة : اذا ارجت شئ بشده فاترك سراحه فان اد لك فهو ملكك وان لم يعد فاعلم انه لم يكن لك منذ البدايه
 النقاط : جمال الغروب will become famous soon enough
 درجة التقييم : 50
 قوة التقييم : 0

جمال الغروب غير متواجد حالياً

أوسمة العضو
افتراضي

أيه يا جماعه هى القصه مش عجباكم لو كده ممكن اطلب من المشرف على القسم حذفها







  رد مع اقتباس
إضافة رد

الكلمات الدلالية (Tags)
ماتيارب, امى, تعجبكم, حلقاتمين, علي, فات, قال, قصه

« قصه رجل وابنه في القطار | يمكن ملناش نصيب نكون لبعضنا ! قصة رومانسية مسلسة (بقلـــمى) »

الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

Posting Rules
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
فكــــــــــره ... يارب تعجبكم الروح أرق من الندى صوت الاعضاء - خدمات 10 09-26-2011 03:19 PM
نكت يارب تعجبكم marwoo نكت - طرائف - وناسة - فرفشة 6 01-11-2010 10:32 AM
نكته يارب تعجبكم قلب برىء نكت - طرائف - وناسة - فرفشة 7 11-21-2009 12:27 PM
هديه لكل عضو يارب تعجبكم ...... عاشقه السندريلا تصاميم الأعضاء 14 10-12-2009 12:01 PM

مجلة الحلوة / مذهلة

الساعة الآن 04:01 PM


Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب

a.d - i.s.s.w


elMagic Style.Design By:۩۩ elMagic ۩۩