يمكن ملناش نصيب نكون لبعضنا ! قصة رومانسية مسلسة (بقلـــمى)

[مـَلآڪ ₪]

القصة دى انا كتبتها فى منتديات تانية
وحبيت اكتبها هنا كمان علشان اعرف رأى
حضرتكم فيها

اتمنى انها تنول اعجابكم جميعا وياريت تشجعونى لحسن انا محبطة لوحدى

ونبدأ بقا القصة

نعرف الاول الشخصيات

نسمة: بنوتة فى 3 ثانوى شاطرة جدا فى درستها وديما متفوقة ونفسها تدخل كلية هندسة وطلعت الاولى على الثانوية العامة

عقبلنا يارب رغم انى عارفة دة من رابع المستحيلات يخونا والله

مريم:دى بقا صحبت نسمة الوحيدة وبرضوة شطرة جدا زيها ونفسها برضوة تدخل كلية هندسة علشان هيا بتحبها وعلشان تبقى مع صحبتها الوحيدة نسمة وطلعت الثانية على الثانوية العامة

ياسين:شاب وسيم ومؤدب فى اولى هندسة وكل البنات نفسها تتعرف عليه بس هو مش بيركز فحاجة غير دراستة وبس ووقت فراغة بيحب يقضيه مع صحابه حب مرة وانجرح قوى ومن بعدها تقدروا تقولوا اتعقد من الحب

أنس: اقرب صاحب لياسين ومعاه فى الكلية وهما متربين سوا وعمرهم مبعدوا عن بعض ابدا برضوة وسيم ودمو خفيف جدا ودة اللى بيجذب البنات ليه
حب مرة وحدة وانجرح بس معملش زى ياسين لا عرف بنات كتير وانتقم منهم لانه حاسس ان كل البنات كذابين

دلوقتى احنا اتعرفنا على الشخصيات ندخل بقا فى القصة وربنا يستر

تابعونا

[مـَلآڪ ₪]

الحلقة الاولى





في بيت مليان بالفرح والزغاريط واجمل الاغانى كانت نسمة وسط اهلها وجيرنها وكانوا كلهم فرحانين بيها لانها طلعت الاولى على الثانوية العامة

نسمة:انا مبسوطة قووووى يا ماما اخيرا هحقق اللى بتمناه وهدخل كلية الهندسة
وعقبال مفتح شركة الهندسة بتاعت بابا الله يرحمو واحققلو حلمو هو كمان

زينب(مامتها): ان شاء الله يا حبيبتى هتحققى كل اللى بتتمنيه

نسمة:قد ايه يا ماما كان نفسى بابا يشاركنى فرحتى النهاردة

زينب:مهو اكيد يا حبيبى شايفك وحاسس بيكى وفرحان ان بنوتة الجميلة دى كبرت وطلعت الاولى على الثانوية العامة وان شاء الله كلها كام سنة وهتحقق حلمو هو كمان

نسمة:ان شاء الله يا ماما الا صحيح فين الواد احمد مش المفروض يكون هو جمبى النهاردة

زينب:فى بلها مهو راح يعملك مفجأة يا حبيبتى ربنا يخليكو لبعض وافرح بيكم قبل ما اموت

زينب:معرفش يا بنتى هو قال عندو مشوار مهم

نسمة :يعنى مشوارة دة يا ماما اهم منى بس لما اشوفة






فى مكان تانى

يلا بقا يا جماعة مينفعش كدة عاوزين نلحق قبل الساعة 10

ياربى كنت هنسى اهم حاجة




مريم:انا مبسوطة قوى يا ماما مش مصدقة نفسى اخيرا خلصت من الثانوية العامة وطلعت التانية كمان دة بفضل دعاكى يا امى ربنا يخليكى ليا يارب

سحر(مامتها):انتى متتصوريش فرحتى بيكى ازاى يا ريمو انا اللى مش مصدقة ان بنتى الوحيدة طلعت الثانية على الجمهورية كلها وتفوقتى على ولاد عمك اهو دلوقتى اقدر اقولهم ان الفلوس مش كل حاجة مش علشان هما اغنية واحنا فقراء يبقى هما احسن مننا

مريم:ربنا يهديهم يا ماما ويخليكى ليا يارب وميحرمنيش منك ابدا

سحر:ولا يحرمنى منك يا حبيبتى الا قوليلى مش هتخرجى انتى وصحابك علشان تحتفلوا


مريم:مفيش داعى يا امى للمصاريف كفايا معاش ابويا دة بيكفينا بالعافية انا مش عارفة هعمل ايه فى مصاريف الكلية والهدوم انا بفكر اشتغل فى الاجازة

سحر:منتى يا بنتى اللى خلتينى اقعد من الشغل

مريم:مش كفايا يا امى ربتينى وصرفتى عليا من وانا فى اولى ابتدائى بعد ما بابا مات الله يرحمو جيه اليوم بقا اللى اردلك جميلك يا امى خلاص انتى لازم ترتاحى ومن بكرة انا هنزل ادور على شغل

سحر:الله يسامحهم عمامك هما السبب خدوا مراث ابوكى مننا علشان كانوا رافضين ان اخوهم يتجوز من شغالة زى

مريم:متقوليش كدة يا امى انتى احسن ست فى الدنيا نقول ربنا يسامحهم احسن





احمد اتصل بأختو نسمة وقلد صوت مريم وقلها الحقينى يا نسمة انا تعبانة قوى تعاليلى بسرعة
وعمل نفس الموقف مع مريم اتصل بيها وقلد صوت نسمة وقلها انا تعبانة قوى يا مريم الحقينى انا هبعتلك اخويا احمد بالعربية يخدك


طبعا نسمة مستنتش استأذنت من ماماتها ونزلت جرى
وطبعا احمد اخوها كان مستنيها فى العربية وعمل نفسو كأنوا ميعرفش حاجة طبعا
ونسمة قالتلوا يوصلها عند بيت مريم صحبتها
احمد خدها وهما فى الطريق العربية عطلت منو وكانوا قدام كافية طلب احمد من نسمة تستناه شوية فى الكافية لحد ميشوف حد يصلح العربية وفعلا راحت نسمة قعدت فى الكافية وهيا مستنية احمد يجى بسرعة علشان تروح لمريم

وطبعا احمد مشى وراح لمريم وهيا كانت مستنياه ركبت معاه العربية وكل شوية تسألو هيا نسمة كويسة يقولها ربنا يستر ويزيد من قلقها لحد موصل الكافية اللى فيه نسمة
ونزلت مريم من العربية بطلب من احمد وهيا مستغربة طبعا ولقت نسمة قدمها

مريم:
نسمة:
احمد:

طبعا مريم ونسمة مش فاهمين حاجة
اخدهم احمد ودخلهم قاعة ضلمة
وفجاة


مريم اغمى عليها





يارب الحلقة تكون عجبتكم
تابعونا

[ندوشه 2011]

هى قصه لزيزة تسلم ايدك

[نقوش على صفحات الورد]

جميله جدا ملاك
استمري فى الابداعات اكثر
ينتظرك تفوق وتميز طالما بقيت المحاولات
قصه جميله ومميزه
كل ودي

[مـَلآڪ ₪]

اقتباس المشاركة الأصلية كتبت بواسطة ندي2011 هى قصه لزيزة تسلم ايدك

تسلمى حبيبتى
وياريت تتبعينا علطول

[مـَلآڪ ₪]

اقتباس المشاركة الأصلية كتبت بواسطة نقوش على صفحات الورد جميله جدا ملاك استمري فى الابداعات اكثر ينتظرك تفوق وتميز طالما بقيت المحاولات قصه جميله ومميزه كل ودي

الله يخليك اخى
وانا سعيدة بكلامك ده والله
وياريت تتبعنا ديما

[نقوش على صفحات الورد]

بس ليا رجاء صغير
اقرأي أكثر
تعمقي فى القراءه
وطالما عندك الموهبه
صدقينى هتوصلي لكل ما تتمنيه
بس بشرط
القراءه المتواصله
وانا بتمنى لك وللجميع هنا
كل تفوق
وكل تميز
على طول يارب
كل التقدير والاحترام

[مـَلآڪ ₪]

اقتباس المشاركة الأصلية كتبت بواسطة نقوش على صفحات الورد بس ليا رجاء صغير اقرأي أكثر تعمقي فى القراءه وطالما عندك الموهبه صدقينى هتوصلي لكل ما تتمنيه بس بشرط القراءه المتواصله وانا بتمنى لك وللجميع هنا كل تفوق وكل تميز على طول يارب كل التقدير والاحترام

اولا شكرا كتير لنصحتك وان شاء الله هعمل بيها
ده لو مكنش بعملها بالفعل
ثانيا انا مكنتش وخدة موضوع الكتابة ده هواية
انا كانت هويتى انى اقرأ خصوصا للكاتب الكبير يوسف السباعى
كنت بحب اسلوبه فى الكتابة
فجربت مرة انى اكتب قصة
وكتبتها فى منتدى تانى
ولاقيت ان ناس كتير قوى نقلوها
فقولت يمكن حلوة
فحبيت انقلها هنا علشان اعرف رأي حضرتك فيها

دمت بكل بود