اشهر الجمل اللى بيقولوها الاب والام

[nene nene]

أشهر جمل بيقولوها الأب و الأم



...*...*...*...* ...*...*...*...*...*...*...*...*...*...


*اوعى خيالك المريض يهيالك انك ممكن تاخد منى فلوس تانى.


* انتا مالك من ساعت ما دخلت البيت و انتا فرحان انتا جاي من انهي غرزة.


*ذاكر ياموكوس مش فالح غير فى الهيافه والكلام الفاضى.


* خلصي اكلك وناميلك شويه عشان تقومي تزكريلك شويه.


* ابقى تف على قبرى لو نجحت.


*ذاكر سعتنين بتركيز كأنك ذكرت اليوم كلو (الغريب اما تقعد تذكر سعتين يقولو و هي دي مذكره.


*مذاكرة ايه دا اللى على السرير.


*بلاش البرفان وانتى نازله.


*يا ابني تعالي اقعد معانا ولا انت ماجر اوضه جوه البيت ......


* ابقي نشف الحمام بعد ما تخرج منه.


* يا خويا ياراتك حافظ الدروس اللى عندك زى ما انت حافظ الاغانى كده .


* اعملى حسابك اول م الدراسه تيجى الرسيفر هيتشال هو
والتليفزيون.


*قبل الفجر: ارجع بات في المكان اللي انت جاي منه.


* لو كانت اللي علي التليفون طنط سلوي قوليلها ماما نايمة .


* ابقى قابلني بكرة تاخد بالجزمة وتاكل كل حاجة غصب عنك.


يابنى حرام عليك هات قناة الناس الشياطين ماليه البيت.


* امشى جاتك مشش فى ركبك .


* جتها نيلة الى عايزة خلف تيجى تتفرج .


* متحطيش الموبيل جنبك و انت نايمه هيجبلك تخلف عقلي .


* متتأخرش وهات عيش وانت جاى .


* هو ده اللي انت فالح فيه طول اليل والنهار قاعد علي الزفت الكمبيوتر بتاعك لحد مهيجلك تخلف عقلي منه .


* كل يوم هات هات لمة ربيتلى الهتهات (الحاج طبعا) مع انى مش عارف اية الهتهات ده بس ماشية مع الجملة.


* هتذااااااااكر هتاخد عنية مش هتذااااااااااكر هتاخد بالجزمة (هو فى غيرة طبعا الحاج).


*أوعا حد يضحك عليك ويقولك جرب السيجارة دي.


*ابقى ورينى مين حينفعك فى الاخر من شوية الصيع الى انت مشيلى وراهم .


* وطي المدعوق ده شويه .


* مش ملاحقه علي التليفون ولا الموبيل عملالي فيها الست المهمه.


*برة البيت بتضحكوا وجوة البيت لاوى لنا بوزك ............ خلي شوية اصحابك الصيع ينفعوك.


* كريم دا عيل بايظ وماتمشيش معاه تاني .


* مين منى دي انتى كل يوم تصاحبي واحدة جديدة ؟.


* هياا الوزيرة معندهاش وزاره النهارده قومى يا حبيبتى الساعه10 .


* انته مبتكلش جزر ليه .. اجيبلك برتقانه. طب كل سلطه .


* قومي ساعدي امك ده اللي هيتجوزك أمه داعية عليه.


* اوعى حد غريب يديلك حاجه تاكلها و تشربها و تاخدها منه .


* يا ابني حرام عليك الى بتعمله فينا ده.


* انا سايبالكوا البيت وماشية ومش حتشوفوا وشي تاني .


* لمى هدومك انتى مش عايشة فى زريبة بكرة اشوف بيتك هيبقى ازاى خرابة طبعا.


* وانت فاكر احنا مستنيين منك حاجه .


* انتا لو فلحت تبئى تيجى (احم احم ) متهيئلى معروفة على قبرى .


* ابقي قبليني لو فلحتي ...بس ديما مش بيقلوا نقبلهم فينّ!!! غربيه .


* كفايه رغي في التليفونات .


* اطفي التلفزيون وقوم ذاكر ولا و خش اوضتك .


* بلاش تمشى حافى البس شبشب وانته داخل الحمام .


* ما فيش مذاكرة على المزيكا .. وازاى بتذاكر و البتاع ده شغال جنبك .


*مع ان الواحد كل سنة بينجح و رغم كدة يقولولك ابقى تف على وشى لو نجحت كل سنة الكلام دة


* ماتتأخرش علشان عندك كلية بكرة بدرى.


* انا : ياماما بقه ايه ده ؟؟؟
ماما:مووو لمـا يــــــخدك .


* ادلعى ياهبة فى ايامك المهببه .


* ده منظر اودة بني آدم ، انت عايش فيها ازاي؟.


* هو انا الخدامه الى ابوكم جبهلكم .


* الى يطلع من الاوضه يطفى النور وراه .


*أبوك عندك أهو اتصرف معاه .


* اللي بيشيل قربه مخرومة بتخر عليه لوحده ..


* لو مش فاهم حاجه ارفع ايدك و قول للأستاذ مش فاهم .. متتكسفش .


* يأبنى المذاكره مابتخلص .... نفسى اشوفك مره ماسك كتاب.


* اعمل حسابك مش حندخلك جامعه خاصه.


* قالب ليلك نهارك طول الليل صاحى وطول النهار نايم
طبعاً ما حضرتش ولا محاضرة ولا سكشن , وطول اليوم صايع بره البيت .


* مالكش دعوة بالسياسة .. وماتمشيش في مظاهرات .و امشي جوا الحيط

* احمد ربنا الاكل الى مش عجبك ده فى ناس مش لقينه .


*والله لو منضفتيش الشقه ومسحتيها ما في نزول النهرده .


* قومي سخني الأكل لأخوكي.


* ابوكم كان دايم بيطلع الاول على الفصل... " لما كلهم كده امال مين الى بيطلع الاخير .

* ومن اشهر الجمل الى بتتقال كل يوم بعد الاكل :
انا مش الخدامه اللي اشترهاكوا ابوكوا اللي ياكل في طبق او يشرب في كباية يغسلها ما يركنهاش في الحوض.

* ( حضرتك راجع البيت متأخر و عاوز تتوه الموضوع وانت بتكلم مامتك )
انت : ماما عاملة ايه مش عارف ليه حاسس انك وحشتيني يا ست الحبايب
مامتك : وحش اما يلهفك كنت فين ياد يا صايع انت ؟ ايه اللى رجعك متأخر امبارح ؟؟




بتتقال الجمل دى ولا انا غلطان؟

[نور العين]

هههههههههههههه
انا فعلا بهنيك nene على هذه الجمل
لانها هى بجد بجد الجمل اللى بتتقال عندى فى البيت انا شخصيا

و بالذات الجمله ديه ديما ماما تقولهم لاخويا

*ذاكر سعتنين بتركيز كأنك ذكرت اليوم كلو (الغريب اما تقعد تذكر سعتين يقولو و هي دي مذكره.


و بما اننى ديما بحب اذاكر على السرير
فالجمله ديه ليا انا

*مذاكرة ايه دا اللى على السرير.
مرسى بجد ليك على الموضوع الحلو اوى ده

[أميرة مصر]

واللــــــه عندك حق .. اهلنا دول فلاسفة ههههههههههههه

[nene nene]

اقتباس المشاركة الأصلية كتبت بواسطة نور العين هههههههههههههه انا فعلا بهنيك nene على هذه الجمل لانها هى بجد بجد الجمل اللى بتتقال عندى فى البيت انا شخصيا و بالذات الجمله ديه ديما ماما تقولهم لاخويا *ذاكر سعتنين بتركيز كأنك ذكرت اليوم كلو (الغريب اما تقعد تذاكر سعتين يقولو و هي دي مذكره. و بما اننى ديما بحب اذاكر على السرير فالجمله ديه ليا انا *مذاكرة ايه دا اللى على السرير. مرسى بجد ليك على الموضوع الحلو اوى ده

ههههههههههههه شكرا يا نور العين على ردك ويلا روحى ذاكرى على المكتب و اوعى تذاكرى على السرير

[nene nene]

اقتباس المشاركة الأصلية كتبت بواسطة أميرة مصر واللــــــه عندك حق .. اهلنا دول فلاسفة ههههههههههههه

هههههههههه ايوة فلاسفة وشكرا على مرورك

[الدمعة الحزينة]

شكرا على الموضوع




تسلم الايادي

[Karamela]

هههههههههههههههههههههههههههه

والله مظلومين الام والاب دول

حتى في جملهم مش عاتقينهم ياناس

ماتتسيبوهم في حالهم

ههههههههههه



بانتظار جديدك دايما يانيني

دمت بكل الود

تحيتي

[nene nene]

اقتباس المشاركة الأصلية كتبت بواسطة الدمعة الحزينة شكرا على الموضوع تسلم الايادي

العفو يا قمر منور وشكرا على مرورك

اقتباس المشاركة الأصلية كتبت بواسطة Karamela هههههههههههههههههههههههههههه والله مظلومين الام والاب دول حتى في جملهم مش عاتقينهم ياناس ماتتسيبوهم في حالهم ههههههههههه بانتظار جديدك دايما يانيني دمت بكل الود تحيتي

ههههههههههههه حلوة نسيبهم فى حالهم ديه ما يسبونا هم الاول فى حالنا ولا ايه يا كرملة وشكرا على مرورك

[Just G!rl]

والله زهقنا من كتر مبنسمع الكلام ده

ميرسي يا جميل

[محمد خطاب]

ابقى تف على قبرى لو نجحت.



ههههههههههههههههههه

مش بيقولوها دى خالص

شكرا على الموضوع