كانت هتفرق فى الوداع {.. للشاعر مصطفى ابراهيم

DO3AA · منذ /10-31-2011, 12:49 AM

لو بس كنت ساعتها عارف....

إن دي المره الاخيره....

ميه ميه....

كات حتفرق ف الوداع....

كنت هحضن سندس اللي ف تانيه تالت ع المشاع...

واحنا طالعين م اللجان...

بعد اخر امتحان...

و اسألها لو بتشوف فلان

طب فاهمه مادة ميس ايمان؟

طب ينفع ابقي اجيلكوا عادي ؟

قصدي يعني البيت يساع؟

لو بس كنت ساعتها عارف....

إن دي المره الاخيره....

.....ميه ميه

كات حتفرق ف الوداع....

كنت يومها أكيد حبيّت...

عند جدي ف شقته...

نلعب ورق....

نسهر سوا....

ومش حسيبه عشان ينام ليلتها من بعد الدوا...

أو يرد الشيش عشان ضهره بيتعب م الهوا....

واقوله يعني بذمتك....

اخر نفس ساقع اخدته ف صحتك....

بقي مايساويش حبة وجع ؟

بطل دلع …

جدي اللي مات دفيان ليلتها بـاللحاف …

لو كان عرف....

إن الليلادي وداع لانفاس الهوا....

مكنش رد الشيش ف اخر ليله له....

ومكنش خاف …

كل الشوارع والمباني...

اللي مش حدخلها تاني …

والاغاني....

اللي لما سمعتها...دندنتها...

من مره واحده بالسماع …

ميه ميه...

كات حتفرق ف الوداع....

يا كل حاجه كسبتها ...

أو سبتها....

و ملحقتش اشبع منّها …

اكمنّها...

قالت “حنروح من بعض فين؟ "

يا ناس يا عبط يا عشمانين...

ف فرصه تانيه للقا...

بطلوا اوهام بقي....

وكفايه أحلام واسمعوا....

عيشوا بذمه و ودعوا...

كل حاجة بتعملوها...

وكل حد بتشوفوه...

وكل كلمه بتقولوها...

وكل لحن بتسمعوه...

عيشوا المشاهد... كل مشهد....

زي مايكون الأخير...

واشبعوا ساعة الوداع ….

واحضنوا الحاجه بـضمير....

دا اللي فاضل مش كتير ….

اللي فاضل....

مش كتير …

نقوش على صفحات الورد · منذ /10-31-2011, 05:11 AM

تحياتي لك
تقديري لفكرك
إعجابي بقلمك
كل الاحترام

P R ! M O · منذ /10-31-2011, 04:06 PM

روعه يا دودو ^_^

تسلمى للنقل

DO3AA · منذ /10-31-2011, 04:48 PM

شكرااا ليكو
و الاروع مروركم
نورتوا الموضوووع

احمد الحلو · منذ /11-10-2011, 12:36 PM

انتقاؤكِ يزداد بهاءاً

وألهامك في كل وقت حاضر

جميله شكلاً ومضموناً

بقدر ما أوجعت فقد أبدعت

كوني لنكون

فلانتقائك تشتاق العيون

تحياتي واجمل باقة ورد

مررت هاهنا انا 000 احمد الحلو

DO3AA · منذ /11-10-2011, 11:11 PM

شكرا استاذ احمد لمرورك
نورت الموضوووووع

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
ابراهيم السعيد - أنشودة الوداع	همسات الامل	صوتيات اسلامية - تلاوات - خطب - يوتيوب	2	07-05-2011 01:22 PM
مصطفي ابراهيم - كانت هتفرق في الوداع - شعر جامد جدي	اتيتو	يوتيوب - موقع يوتيوب - يوتيوب فيديو - مقاطع يوتيوب	1	06-20-2011 12:45 AM
(منقول)قصيدة متزعلشي - مصطفي ابراهيم..	جبل عالي	قسم الخواطر - وهمس القوافى حصرى بقلم الأعضاء	2	04-27-2011 05:41 PM
الوداع .... للشاعر محمود رفعت زعلوك	&aml&	قسم الخواطر - وهمس القوافى حصرى بقلم الأعضاء	2	01-20-2009 02:55 PM

الذين يشاهدون محتوى الموضوع الآن : 1 ( الأعضاء 0 والزوار 1)

..{ فع‘ــآآليـآآت المنتــدى }..

الإهداءات

كانت هتفرق فى الوداع {.. للشاعر مصطفى ابراهيم

قسم الخواطر - وهمس القوافى حصرى بقلم الأعضاء