عجبى ( عقوبات الانديه بسبب الشماريخ )

[morshooo]

بسم الله الرحمن الرحيم


عجبى

ملاعب كرة القدم حاليا بقت صداع فى دماغ الحكومه وصداع فى دماغ اتحاد الكرة المصرى

كل اسبوع بيبقو حاطين اديهم على قلبهم من شغب الجماهير وقراراتهم بقت كلها ضد

الانديه يعنى غرامات على الانديه واللعب بدون جمهور

بسبب الشماريخ الى فى كل مباراة .

ونسيين ان السبب فى كل دا الشرطه الى بتتساهل فى دخول الشماريخ دى للمدرجات

يعنى الموضوع أمنى مش سوء سلوك من الجماهير فقط :biggrin:

تفتكرو ممكن يعاقبو الشرطه الى من واجبها انها تمنع دخول الشماريخ :762:

وعجبى

[واد حبيب]

والله الغلط في الاول من الشرطه اللي علي البوبات

بس برده كل كل واحد راح الملعب بس علشان يشجع فريقه

هيكون احسن بكتير وبعدين الشرطه دلوقتي مش بتفتش حد

كله علي البركه لا حياء لمن تنادي

الحبيب

[Lost Pearl]

اه اكيد الشرطة هي اللي غلطانة ف عدم الحرص
و انها بتدخل اي حد و خلاص ف الملعب

و كمان في غلط علي الناس اللي بتعمل شغب و كدة
انهم اصلا سلوكهم و اخلاقهم سمحتلهم بكدة

في مخ نفكر بيه ازاي نصلح (مش نخرب)

تسلم يا احمد
تحياتي

[سَـلمَى]

مش عارفة يآ أحمد ممكن مش من الشرطة
لان الجماهير عددها كبير يعني سوآء بشرطة ولا من غير شرطة
هتدخل الملاعب
الجماهير حابة الشماريخ عشان متهيألم إنها حاجهـ حلوة
بس للأسف مش عارفين قد إيه هيآ وحشة في نظر ألاغلبية
بذآت الأندية ال جاين يشجعوهآ مش حباها ...
تسلم يآ مروشو عل طرحك ^^

[ياسمينااا]

انا من رائ يا احمد ان الغلط من الاول علي الجماهير اللي راحه تشجع فريقها وتستمع بالمباره ادام كده يبقي لي بتاخد معاها شماريخ او اي شئ بيسبب ضرر للناس
وطبعا في غلط علي الشرطه انها مش بتفتش الناس كويس
يسلمووووو احمد
في انتظار جديدك بكل شوق
لك مني ارق تحيه

[الرحــاال المٌتَمرد]

شهاده حــــق ...
دخول الشماريخ للملاعب له مليووون وسيله ووسيله
ولا يمكن للشرطه او لغيرها ان تمنع دخول الشماريخ ..
لكن اللوم على الجماهير .. اللى شايفه ان الشماريخ مفيش منها ضرر
ولان معظم العمر السنى لجماهير الالتراس من الشباب تحت 20 سنه
عموما هى ظاهره اخدت حجم اكبر من حجمها الطبيعى
وان شاء الله تختفى من الملاعب ...
ويعود الاستقرار للوطن


يسلموا يا مورشو على الطرح الراقى

[S n i p e R]

كلامك صح يا عم مورشو بس فيه اهم من كدا

سيبك من حكاية الشرطة

طاب دلوقتى ولنفترض اني اهلاوي متعصب وبكره الزمالك

ما انا ممكن اروح بكل بساطة واحضر ماتش الزمالك

واولع شمروخ والزمالك يغرم ويتعاقب ومهما معملوش حاجة

والعكس صحيح

ده غير ان لما النادي يتعاقب الجمهور مش بيحصله حاجة

يعني اموت واعرف المبدأ اللي ماشيين بيه ده

اسمه ايه ؟؟؟؟؟؟

اضرب المربوط يخاف السايب ؟؟؟

للأسف الشديد اتحاد الكورة المصري بتاعنا هاوي

ولا يمت بأي صلة للاتحادات العالمية المحترفة

والاهم من كل ده ان دي ضربة شديدة جدا لاحوال الاندية المادية

يعني النادي هيكسب منين لو مش بيبع تذاكر

وبيدفع كل ماتش شيء وشويات وماتشاتوه بتتنقل برا ارضه

طاب ما هي بقت حلاوة كدا

وسلملي ع الكورة ف مصر

[Arco Baleno]

يعني ايه شماريخ؟؟؟؟؟؟؟؟؟؟؟؟

[S n i p e R]

اقتباس المشاركة الأصلية كتبت بواسطة Arco Baleno يعني ايه شماريخ؟؟؟؟؟؟؟؟؟؟؟؟

ههههههههههههههههههههههه

الفيديو ده ممكن يشرحلك يعني ايه شماريخ

[youtube]

[ღ Gի๐sτ ღ]

morshooo
الامن بيبقى عارف اننا داخلين بشماريخ وبيفتش كل الناس عادي
ولكن اللى بيدخل بالمنتجات بيكون دخول من غير اي تفتيش !!
العيب ع اتحاد الكورة اللى عامل قوانين متخلفة انه يمنع جمهور عشان شماريخ مبتعملش ضرر
كل دة ليه اغراض معينة ومعروفة وهي الهاء الشعب عن اللى بيحصل في اتحاد الكورة والبلد
بدليل تدخل وزير الاعلام و وزير الداخلية بمطالبتهم للاعلاميين بمهاجمة الالتراس والشماريخ
وطالما تدخلت جهات عليا في البلد زي الداخلية في الموضوع وبتدي تعليمات عليا للاعلاميين الصوة وضحت لكل اللى بيفهم .. تخطيط لالهاء الشعب زي ماكان بيحصل زمان في عهد حسني مبارك ودة مش مستبعد

lost pearl

اللى بيدخل المنتجات دي جوة الاستاد طالب بـ كلية هندسة واخلاقه عالية جدامش زي مانتي واخدة فكره عنه
بس الشماريخ مفيهاش سوء اخلاق او شغب دي بتولعيها وانتي ماساكاها في ايدك زي الشمعة عادي

ياسمينااا


مفيش ضرر من الشماريخ يا ياسمينا طالما كل واحد ماسك الشمروخ في ايده


رحال بلا عنوان

بامكان الشرطة تشغيل التفتيش الالتكروني يعني لو في شىء مخالف الجهاز هايصفر !!
ولكن الجمهور والشرطة مش هايلعبو ع بعض الشرطة عارفة اننا بندخل بشماريخ وبتسمح بكدة عادي

Arco Baleno

بصي ع الصورة اللى فى توقيعي هاتلاقي واحد ماسك حاجة في ايده شبيهة بالنار
هي دي الشماريخ
ولو اتفرجتى ع الفيديو اللى سنيبر جابهولك هاتلاقي منظر الجمهور جميل جدا احتفالية ولا اروع
بانتصار الثورة المصرية باستعمال الشماريخ والاعلام وكل الحاجات الحلوة
بس للاسف الناس عاوزة تحرمنا من استعمال الحاجات دي ومنحتفلش بيها )