miraa منوره كرسى الاعتراف

[miraa]

اقتباس المشاركة الأصلية كتبت بواسطة فتى المدينة المنورة رجعتلك وانا كلي شووووق منور الكرسي بوجودك ولا ننسى ان نشكر اختنا رانا على المتهم المناسب في المكان المناسب كده برضه يا عبد الملك حتى انت ماشى يا عم ليك يووووووووووووووم:020: يالله نبدا الاسئله وسمي بالله بسم الله الرحمن الرحيم س1: أين تجدين نفسك .. مع نفسك .. ومتى ؟؟ حلو اوى السؤال ده لما بكون حاسه انى بعمل خير وبعمل حاجات كتير ترضى ربنا لما بحاول ارضى كل اللى حواليا وبحس بسلام داخل نفسى لما بخلص كل الصلوات واصلى السنه كمان واقرأ القران برتاح جدا وحس انى مسالمه وهادئه س2: ماهي الخطوط الحمراء في حياتك اللي ماتسمحين لاحد يتعداها ؟؟ الخطوط الحمراء اهلى صعب اوى انى اسمح لاى حد انه يقول اى حاجه على اهلى ومستحيل اسكت على كده س3: كم عمرك على النت 00 و وش اكثر فائده اخذتيها منه ؟؟ حوالى سنه ونص واستفدت حاجات كتير اولها بقيت ايجابيه بخرج كل اللى جوايا بطريقه مريحه بقيت اعرف اعبر عن اللى جوايا وافيد بيه غيرى قابلت ناس كنت بحلم انى اعرف ناس مثلهم فى حياتى ناس عندها اخلاق صادقه محترمه والاهم بجد والحمد لله قربت من ربنا اكتر وعرفت حاجات كتير مش كنت اعرفها س4: ماسبب اختيارك لمنتدى بنات مصر ؟؟ انا جيت فى الاول عشان صحبتينى الوحيدتين طمطومه ومروة كانوا هنا وقالولى عليه فجيت معاهم ولما دخلت انبهرت بالاحترام والاخلاق اللى هنا ولقيت نفسى صعب اكون فى مكان تانى س5: ما اصعب لحظه بحياتك ؟؟ لما فى لحظه لقيت ان الناس بتتغير وبيفقدوا حاجات كتير من الاساسيات وبيتجهوا لطريق الكذب والنفاق وانعدام الاخلاق س6: من احب الناس إلى قلبك ؟؟ مامتى واختى وعائلتى كلها وكل الناس هنا اللى موجودين فعلا بقلبى واللى بتمنى انهم يفضلوا دائما اخواتى اللى بعتز بيهم دائما س7: تخيلي ان العالم بهاللحظه يصغي لك 00 وش بـ تقولين ؟ هقول ... فوقوا افيقوا يا عالم اعرفوا الصدق ابتعدوا عن الكذب والنفاق اتقوا الله تقربوا الى الله تحابوا وتعاونوا واعرفوا ان فى النهايه ياتى يوم نقف جميعا لنجازى عن افعالنا واقوالنا فلنعمل لهذا اليوم س8 كيف تقضين أوقات فراغك ؟؟ هنا فى المنتدى او بتكلم فى التليفون مع صحباتى او بخرج مع صحباتى او بقرأ س9 ما رأيك في هذه المقولات عن المرأة الشيطان يكفيه عشر ساعات ليخدع رجلاً والمرأة يكفيها ساعة واحدة لتخدع عشر شياطين لا دى صعبه كتير فى نساء بيبقوا عندهم مكر ودهاء بس مش الاغلبيه وكمان المرأه ذكيه صحيح بس برضه فى رجال اذكياء ايضا ربنا خلقنا جميعا بعقل وكل منا لديه طريقته ليستخدم عقله وتفكيره بطريقه صحيحه او خاطئه الشيطان أستاذ الرجل وتلميذ المرأة لا لا حرام اكيد فى ناس عندها مكر بس مستحيل حد يوصل يبقى شيطان الشياطين موجوده بيننا ولكن مهما تحولنا سيظل بنا جزء من الانسانيه س10متى تتخذين موقف الصامت ؟؟ لما مش بلاقى حاجه اقولها س11من هي صديقة عمرك ؟؟ اووووووووف ليه كده يا عبد الملك هتخلينى اعيط اهو:icon1366: حاليا مش عندى بلا رفيق او صديق بس كنت اعتقد ان كان عندى وطلعت غلطاااااااااانه س12من اول شخص تلجأين له اذا صارت لك مشكله ويعتبر بئر اسرارك ؟؟ اختى ولو مش موجوده بيبقى ماما س13ما هو شعورك بهـ اللحظه ؟؟ بحمد ربنا على كل شيئ س14هل انت مرتاحه ع كرسي الاعتراف ؟ جدا جدا مش عارفه اقول قد ايه الاسئله كتير مريحه بالنسبه لى اخر الاسئله عشان مانكثرها معك لا يا عبد الملك انت تكتر زى ما انت عايز ولا يهمك لمن تهدين هذه العبارات من داخل المنتدى وخــارجه..؟؟ - احلم وانا معك.. لنفسى -انت عندي حاجه غير.. لمامتى -ابتسم بكره احسن.. لاميره ( انا يعنى) -روح الله حسيبك.. لا مش لحد من هو..من خارج المنتدى او من داخله..؟؟ -قلم تقوليــن اليه ..لماذا الغموض.. كاتب قريتله قبل كده قصه ومش فهمت حاجه -قلم تقولين اليه ..الى الامــام.. كتير والله كراميلا ورزان ونودى و وياسمين ومروة -قلم تقولين اليه ..ابتسم.. قلمى هههههه قلم يجذبك.. قلم بلا حبر قلم تبتسمين له.. طارق ( سيلفر) قلم تنتظرين مشاركاته.. قلم بلا حبر وابو ادهم لمن تمنحين هذه العبارات..من داخل المنتدى او خارجه.. -عالمي الخاص.. المنتدى كله -مملكتي.. لغرفتى -قمرهم كلهم.. لعمر ( ابن اختى) تقبلي مروري واللي مابدك تجاوبي عليه انتي حره ومسموح بذلك ولي رجعه انشالله اخوكي / عبدالملك

لا ادينى جاوبت عليهم كلهم اهو
بس تصدق والله العظيم محستش بيهم
كانوا بسرعه وكانهم قليلين خالص
اسئله جميله حقيقى عبد الملك
ومستنيه الباقى ان شاء الله

[miraa]

اقتباس المشاركة الأصلية كتبت بواسطة فولدمورت انا مقراتش اعترافاتك عشان كدة هسال فورا 1- ايه العيب اللى فيكى و عاوزة تغيريه.؟؟ عيب عيب؟ انى بستنى حاجات من ناس بقدرهم وبحبهم كتير بس ممكن مش يكونوا بيقدرونى وبحب بسرعه جدا وبتعلق بناس بفتكرهم اصحاب واصدقاء بجد وكمان بحس انى لما ببقى مخنوقه لازم احكى على اللى جوايا ولو مش لقيت مامتى او اختى ببقى هتجنن وببقى مخنوقه جدا لغايه لما احكى اللى جوايا 2- اوصفى الشخص اللى بتتمنى انه يشاركك حياتك فى المستقبل معنديش مواصفات بس يكون محترم عنده اخلاق بيعرف ربنا اوى وبيتقى ربنا فى افعاله واقواله صادق وصريح 3- مين ابرز ثلاث اعذاء ذكور و اناث جذبوا انتباهك بحديثهم؟ ذكور: طبعا قلم بلا حبر وطارق سيلفر والبرنس رامى اناث: كراميلا ونودى صمت

مرسيي يا يوسف
على الاسئله الخفيفه دى وكتير مريحه وجميله

[miraa]

اقتباس المشاركة الأصلية كتبت بواسطة doiss نورتي الكرسي والله.. وارجو ان تتقبلي مني.. والله انا اسئلتي معقدة شوية بس هحاول اكون خفيف المرة دية. مرسيي خالص على وجودك والكلام ده بس اسئل براحتك انا جاهزه للاسئله المعقده اية موقفك لو فتي احلامك طويل جدا وعاوز يدخل الأسانسير ومش عارف والناس كتير؟؟؟ هههههههههههههههه هموت من الضحك طبعا هقف مع الناس اضحك ومش هقدر ابطل ضحك بس هعمل نفسى معرفهوش ههههههه اكيد هحاول اخليه يطلع من على السلالم وانا اطلع فى الاسانسير انا مالى بقى هو اللى طويل اية موقفك لو قصير وحمام السباحة غريق؟؟ الله يرحمه انا بهزر والله ما تفهميني صح!!!!!!!! خلاص هفهم صح :vb36: حد من جيراتك يربي كلب شرس جدا جدا ؟؟ هخرج لما يكون الكلب نايم وهقلهم ياريت يبعدوه عن هنا ولو مش رضوا يا اما هستحمل بس لو جه عندى همشى من البيت واهاجر هههههه حد لما تشوفية من بعيد تقولي سبحان الله جميل جدا وعندما اقتربتي منة وجدتية بدون اسنان نهائيا ؟؟ عادى ممكن يكون من غير اسنان بس شكله جميل بس هعمل نفسى ولا كانى شفت اسنانه واقفة لوحدك امام المرايا وفجأة لقيتي حد تاني واقف جوة المرايا ينظر لكي ؟؟ ليه كده انا بجد بخاف جدا:vb29: الاكيد انى هصرخ وهيجيلى انهيار عصبى ومش هبص فى المرايا تانى اخيرا... صحيتي من النوم لقيتي نفسك تطوفين الكعبة الشريفة ؟؟ يارب يارب هكون سعيده جدا وهقعد تحت الكعبه وافضل ابكى وبعدها مش هكون عايزه اى حاجه من الدنيا اخوكي ضياء تقبل الله مني ومنك.....

يارب يا ضياء ان شاء الله ربنا يكرمنا جميعا بزياره الكعبه الشريفه

مرسيي جدا يا ضياء على الحضور الرائع
وبجد اسئلتك دمها خفيف جدا وضحكتنى كتير جدا
مرسيي تانى لوجودك الرائع

[دلوعه مصريه]

بااااااااااااك ياقمررررررر
كام سؤال معلشى
انطباعك عن حياتك اللى فاتت :-

انطباعك عن حياتك الجاية :-


اكتر حاجة بتكرهيها :-

اكتر حاجة بتحبيها : -

-

احلى فصل عندك : -

احلى وقت : -

بتحبي تسمعي :-

احب اسم ولد عندك : -

احب اسم بنت :-

اكتر مكان بتحبى تروحيه؟؟

مع مين بتحسي بالراحه؟؟

موقفك من الحب؟


الرياضه بتمثلك ايه؟؟





عبري عن الحزن بكلمة واحدة فقط ؟

ماذا تعنى لكى الصداقة؟

غداً سينتهي العالم وتزول الأرض ما هو أول شئ تفعلينه ؟

موقف طريف مر بكِ , ويضحككِ كلما تذكرتيه ؟

أيهما في نظركِ تقدمين قلبكِ أم عقلكِ ؟

من ينتقدك؟ ومن يشجعك؟ ومن تتمنين أن يقرأ لك ؟

من يضحكك وأنت تبكين؟ من حصل على وسام محبة منك؟

ما معنى الحياة لك؟

:vb36::vb36::vb36: كفااااااااااايه كده

[miraa]

اقتباس المشاركة الأصلية كتبت بواسطة Karamela ياااااهلا والله بزوزو الله الله ايه يا فافا مش قلتلك زوزو دى سر حربى ههههههههه ماشى يا ستى يلا يلا خدي لك كام سؤااال كده قزقزي فيهم .. مش هايخدوا في ايدك غلوة زي الفول السوداني واللب يلا خدي دول طيب تعالى قزقزى معايا فيهم 1) س كما تعودنا ان ناخذ راي الجميع بكرسي الاعتراف فمارايك بكرسي الاعتراف هههههه تانى هقول كرسيي مريح جدا واسئله مريحه وناس كلها عزيزه عليا جدا جت وسالتنى 2)س هل مفاجأت جلوسك على كرسي الاعتراف لها وقع في نفسك ؟ وماهو شعورك وانت على كرسي خلى السؤال ده يجى من حد تانى يا فافا هههههههه لا والله مبسوطه كتير 3)س -كل انسان وله أمنيات وأمال .. يا ريت تخبرنا عن الحلم اللي يراودك أو بالأحرى الأمنية اللي تتمناها ... ؟ انى ازور الكعبه 4)س شو أصعب المواقف اللي مريت بها ؟ يوم نتيجه الثانويه العامه كان يوم يلا الحمد لله 5) س شو موقفك من الحب ؟؟ وهل جربته ؟؟ هل تأمن بوجوده ؟؟ اها ده سؤال جديد خالص بصراحه انا مش بعترف بالحب مش معنى كده انه مش موجود بس قليل اوى وصعب نلاقى ناس صادقه بتحب باخلاص اعتقد حاليا اما قليل او كذب يعنى حد بيوهم حد انه بيحبه لمجرد انه يبقى اسمه بيحب انى احب ناس من اللى حواليا اكيد جربته بس الحب بتاع القصص الرومانسيه بقولك مش باؤمن بيه اكيد مش جربته 6)س -فأي قرار تتخذه هل ..... تحكم عقلك أم قلبك فيه ... ؟؟ ومن الأسبق فالتحكيم قلبك أم عقلك ؟؟؟؟؟؟؟؟ قلبى للاسف وبعدين عقلى 7) س هل ندمت فحياتك على شي معيّــن ؟؟؟ بصراحه اه ندمت على حاجات كتير بس بعد شويه باكتشف انى لو رجعت بالزمن هعملها تانى 8) س مالفـرق بين الحب والصداقة ؟ وهل يمكن ان يسلكا طرق الغيرة 00؟ واكيد هما الاتنين مكملين لبعض بس الصداقه اعمق بس بتحتاج كل منهما للصدق والاخلاص واكيد ممكن يسلكوا الغيره وبيكون نهايه للاتنين _ما رأيك بهذه الكلمات .. الخيانة .. المرأه.. الصداقة .. النميمة .. النفاق .. س - من اول قلم اعجبك في المنتدى ناس كتير قلم بلا حبر وطارق وابو ادهم والبرنس رامى س - متى دخلت المنتدى يوم 28 بس مش فاكره شهر 9 تقريبا س - ماهو جمل مو ضوع قراتة في المنتدى لا كتير مش هيكفى الموضوع لو قلت كام موضوع س - ماهي اكلتك المفضلة بحب الحاجات الخفيفه ... بيتزا مثلا بس المفضل عندى شيبسى وكل الحاجات الحلوة س - ماهو اجمل قسم في رايك في المنتدى بقلم اعضاء بنات مصر س - كيف مرة عليك اجازت العيد كنت قاعده فى البيت ومعملتش حاجه س- موقف طريف مر بك وانت في المنتدى ؟ مش فاكره بالظبط س - مقلب من احد الاصدقاء ؟ كتير والله بس انا اللى بعمل اكتر مره محضرتش حصه الفيزياء ووحده صحبتى قالتى انا وصحابى ان المستر كتبنا غياب وبعت اسامينا للمدير رحنا بقى نشوف اسامينا وكان موقف محرج لان طبعا كان مقلب كفاية دول بس اكيد لي عودة

اوكيه يا حبيبتى
ترجعى بالف سلامه
بس برضه ادى دقنى اهى لو معملتلكيش موضوع خاص
بيكى تحت عنوان ( مذكرات كراميلا)
وانشر بقى
ليكى يوم يا قلبى

[جليـس القمــــــــــــــر]

ذات مساااااااء خرجت أميرة من المنزل
لم تجد أحداً في الشااااااااارع ... فتنهدت و قالت في نفسها أن شيئاً قد حصل في الشارع المجاور ... ربما حادث سير ... ربما

تابعت المسير و لم ترى أي إنسان
أخرجت هاتفها المحمول و لكن الشبكة معطلة
قررت الرجوع إلى المنزل
فركضت و ركضت و لكن باب المنزل مقفل
ضربت على الجرس و لكن ما من مجيب
جلست أميرة امام المنزل ... صرخت و تنهدت
و لكن شيء لم يحدث و كأن العالم أمسى بدون إنس و لا جن
غابت الشمس و بدل أن تضيء أنوار الشوارع
إنطفئت
صرخت أميرة و ما من مجيب
لا بيت و لا مأوى
لا هاتف و لا مهاتف
تتكلم مع نفسها
و قالت هو الحلم بعينه
و لكن الحلم لماذا يطول هكذا ؟؟
أيقنت أميرة أنه الواقع الجديد
أسألتي
ما هو شعورك بالتفصيل ؟؟
كيف ستعيش أميرة بهذا الواقع الجديد ؟؟
لو قلت أن جليس القمر هو عضو قديم بمنتدى بنات مصر و أنتِ تعرفيه جيدا ... فمن تتوقعيه ؟؟؟
بما لا يزيد عن سطرين
هل تكفي مشاركات جليس القمر القليلة لرسم صوروة عن شخصيته ؟؟؟
عندما تمسك أميرة بالقلم و امامها ورقة بيضاء
ماهي اول كلمة تكتبيها على تلك الورقة ؟؟
تقبلي مروري و مع مروي إحترامي
جليـــــــــــــس القمـــــــــــــــر

[SiLver Spectra]

أخوكي الصغير جه...

:SuN012:

ما شاء الله.....مزبطينك أسئلة...

تقولي إيه بقى للحملات الدعائية و الإهداءات!!!

يلا شدي حيلك


كام سؤال كدا...

من غير كوبي و بيست

1) ميره شايفه نفسها إزاي؟

2) أمنياتك المستقبلية؟

3) السؤال إلي هروني بيه : متى آخر مرة بكيتي ؟ و ليه؟

4) هل بتحلمي كتير في المنام ...أحلام سعيدة و لا كوابيس و لا مش بتحلمي؟

5) بتشربي اللبن قبل النوم؟
:shiny01:

6) إيه بيكون شعورك أول ما تفتحي المنتدى؟ و بتعملي إيه؟

7) أكتر موضوع تعبتي فيه و كنتي راضية عنه؟

8) أحسن كتاب و قصة قرأتيها؟

9) إمتى بتحسي بملل شديد من المنتدى؟

10) تجربة ميره في كتابة المواضيع....هل ولدت في بنات مصر أم هي تجربة قديمة؟

و كفاية كدا يا أميرة

عشان الأسئلة تراكمت عليكي

و لو الظروف سمحت ليه عودة



بالتوفيق

[miraa]

اقتباس المشاركة الأصلية كتبت بواسطة دلوعه مصريه بااااااااااااك ياقمررررررر كام سؤال معلشى لا خالص بالعكس ده انتى بتنورى الموضوع يا قمر اسالى زى ما انتى عايزه انطباعك عن حياتك اللى فاتت :- حياه عاديه فيها فرح وحزن فيها حاجات حققتها وحاجات مش اتحققت انطباعك عن حياتك الجاية :- لاول مره فى حياتى ببقى متفائله حسه ان شاء الله ان اللى جاى افضل حاسه انى اكيد منتظرنى حاجات حلوة كتير تعوضنى عن الحاجات اللى تعبتنى الحمد لله اكتر حاجة بتكرهيها :- بكره 3 حاجات الكذب- النفاق - واللف والدوران اكتر حاجة بتحبيها : - بحب اكل شيبسى ههههه احلى فصل عندك : - الربيع احلى وقت : - العصر لما بتكون مقاربه على الغروب بتحبي تسمعي :- بحب اسمع ساموزين - وفيروز احب اسم ولد عندك : - محمد احب اسم بنت :- برى اكتر مكان بتحبى تروحيه؟؟ انى اتمشى على البحر مع مين بتحسي بالراحه؟؟ مع اختى موقفك من الحب؟ مش عارفه بس مش مؤمنه بالحب اكيد فى موجود بس قليل اوى الرياضه بتمثلك ايه؟؟ حاجه مفيده جدا للاسف متوقفه عنها منذ زمن عبري عن الحزن بكلمة واحدة فقط ؟ وجع فى القلب ماذا تعنى لكى الصداقة؟ حاجه كبيره جدا ومهمه جدا بالنسبه لى من الاساسيات فى حياتى بس المهم تكون صادقه غداً سينتهي العالم وتزول الأرض ما هو أول شئ تفعلينه ؟ هصلى واقرأ قران واستغفر ربنا كتير موقف طريف مر بكِ , ويضحككِ كلما تذكرتيه ؟ كنت بحاول ازوغ من حصه الفيزياء وبعدين بجرى انا وصحابى على السلم كده لقيت الشوز بتاعى فى اول سلمه وانا فى 3 سلمه كانت فضيحه ههههههه أيهما في نظركِ تقدمين قلبكِ أم عقلكِ ؟ قلبى من ينتقدك؟ ومن يشجعك؟ ومن تتمنين أن يقرأ لك ؟ فى ناس بتنتقد بس حاليا مفيش بيشجعنى اختى اتمنى ان يقرأ لى مامتى من يضحكك وأنت تبكين؟ اخويا ههههه من حصل على وسام محبة منك؟ اختى وكراميلا وصمت ورزان ونوسى ونودى ورونى وهدى ومروة وطمطومه ما معنى الحياة لك؟ مرحله انتقاليه للخلود لمكان افضل بكثير من واقعنا الحالى للنقاء والصفاء والاخلاص :vb36::vb36::vb36: كفااااااااااايه كده

نورتى يا رنا
بجد اسئلتك دى عجبتنى كتير
مرسيي يا دودى على الاسئله الرائعه دى

[miraa]

اقتباس المشاركة الأصلية كتبت بواسطة جليـس القمــــــــــــــر ذات مساااااااء خرجت أميرة من المنزل لم تجد أحداً في الشااااااااارع ... فتنهدت و قالت في نفسها أن شيئاً قد حصل في الشارع المجاور ... ربما حادث سير ... ربما تابعت المسير و لم ترى أي إنسان أخرجت هاتفها المحمول و لكن الشبكة معطلة قررت الرجوع إلى المنزل فركضت و ركضت و لكن باب المنزل مقفل ضربت على الجرس و لكن ما من مجيب جلست أميرة امام المنزل ... صرخت و تنهدت و لكن شيء لم يحدث و كأن العالم أمسى بدون إنس و لا جن غابت الشمس و بدل أن تضيء أنوار الشوارع إنطفئت صرخت أميرة و ما من مجيب لا بيت و لا مأوى لا هاتف و لا مهاتف تتكلم مع نفسها و قالت هو الحلم بعينه و لكن الحلم لماذا يطول هكذا ؟؟ أيقنت أميرة أنه الواقع الجديد أسألتي ما هو شعورك بالتفصيل ؟؟ شعور وحش جدا هحس بالوحده جدا حسه ان الدنيا مضلمه وان فى رياح كتيره والورق بيتطيار وانا بدور على اى صوت اسمعه هقعد على السلم واتقوقع فى نفسى وانظر لكل مكان ربما اجد احد كيف ستعيش أميرة بهذا الواقع الجديد ؟؟ هتعب كتير جدا مش هقدر اعيش وحيده هحاول ادور كل يوم على حد فى كل مكان ولو مش لقيت اكيد هموت من الحزن والوحده لو قلت أن جليس القمر هو عضو قديم بمنتدى بنات مصر و أنتِ تعرفيه جيدا ... فمن تتوقعيه ؟؟؟ اتوقع عضو عنده احساس رائع شاعر ربما لديه كلمات ومعانى تخدم فكرته بطريقه رائعه واثق من كتاباته محترم كريم ( عشان القهوه والعصير) اتوقع انه يكون ليه بصمه كبيره بكلمات دقيقه ومختاره بعنايه ومواضيع مميزه بما لا يزيد عن سطرين هل تكفي مشاركات جليس القمر القليلة لرسم صوروة عن شخصيته ؟؟؟ اعتقد والله اعلم طبعا حد جاد واضح متمكن من كلماته محترم كتير وذو اخلاق كريم طبعا هههه شاعرى جدا ويفتقر للصدق والاخلاص يتطلع لمكان افضل ليجد فيه الصدق تعب من خيانه ما لكنه حقيقى شخصيه قديره بالاحترام اظن كده بقى انا وصفت كتير بس قولنا بقى صح ولا غلط اصل انا عندى الحاسه السادسه:vb36: عندما تمسك أميرة بالقلم و امامها ورقة بيضاء ماهي اول كلمة تكتبيها على تلك الورقة ؟؟ بسم الله الرحمن الرحيم تقبلي مروري و مع مروي إحترامي جليـــــــــــــس القمـــــــــــــــر

انت اللى تتقبل خالص شكرى واحترامى بجد
يا جليس شرفتنى جدا بتواجدك
واسئلتك جديده ومتعمقه
الف الف شكر ليك لتواجدك الرائع

[البرنس رامى]

ميرا منوره يا قمر واللهى الكرسى

انا جيت معلشى متاخر شويه وعرفت بالصدفه البحته

وقلت طبعا انا مش عاوز اجهدك فى اسالتى

فجبت لكى

كام سؤال سهلين خالص ومش مكررين

وسامحينى على التأخير

وبجد انتى اجاباتك أكثر من رائعه كلها

معاكى ربنا يلا نقول بسم الله

++++++++++++++


ماذا تفضلى أكثر في الاشعار الشعبي أم الفصيح؟ ولماذا؟؟

ما ذا تعني لك هذه الكلمات يا ميراا

وماذا ترسمى في داخلك حينما تأتي على

لسانك ..او تزور مسامعك ميرا:


الشـعــــر...
.
المشاعر.......


الحيـــــاة........


الـــقمـــر......


البسمــه..



متى تشعرين بالوحدة ( أبعدها الله عنكي يا ميرا) ؟


لمن ...

تهدي بيت الشعر المفضل لديكي ؟ قولى لنا كام بيت على مزاجك؟


لمن تقولين له ( توقف عن الكتابة ) ؟


ذكرى حزينة تلازمكي ( ابعد الله الحزن عنكي ) ؟


ذكرى سعيدة لا تنسيها ؟


هدفك في الحياة وطموحاتك؟


نصيحة للاعضاء فى منتدى بنات مصر ؟


نصيحة للمشرفين ؟


ايه رأيك فى اللى بيحط موضوع منقول ومش بيقول منقول؟


لو كنتى صاحب المنتدى ماذا تغيرى فيه ؟


في اي قسم تقضي معظم وقتك ؟


عضو/ة تحب تقرأى مواضيعه بااستمرار؟


لو قالوا ميرا تكون رئيس الدولة لمدة اسبوع ماذا تفعل؟


ماذا تقولى للشعب المصرى ؟ كبسة ؟


وماذا تتمنى للارهابين والمجرميين ؟


مع التحية والسلام وانشاءالله هرجع لكى بأسأله تاننى


لو انتى تحبى طبعا انا مش عاوز اكون ضيف تقيل فقط على ميرا


وأتمنى لكى وقت جميل مع الاساله ميرا