miraa منوره كرسى الاعتراف

[ليليان]

الله يكون بعونك ياميرا عالاسئلة هي

بس بجد اجوبتك حلوة ياقمر

تقبلي مروري

[ملاك الليل]

امممممممممممممممم
بما انك عضوة عسوله واجابتك عجبنتنى
وكمان عايزة اعرفك اكتر بماانى جديدة هنا
اسالك بقى شويه لو ميزعكيش يعنى:
1-لو غمضتى عينك دلوقتى ايه اول حاجة هاتيجى فى بالك؟
2-لو بايدك ريموت التلفزيون هاتجيبى قناة ايه وليه؟
3-مين من الصحابيات تحب اميرة ان تكون؟
4-مين من الدعاة بتحبى تسمعلهم؟
5-ايه رايك فى علاقة البنت والولد؟وهل انتى من مؤيدين للصحوبيه فى الجامعه؟ولكى اصدقاء ولاد؟
6-من كلامك عرفت ان اميرة بتحب القراءةياترى بتحبى تقرأى فى ايه؟
7-كلمة توجهيها الى:العالم الاسلامى
اسرائيل
اوباما
الشعب المصرى
8-ايه هى الحريه من وجهة نظر اميرة؟
9-نفسك فى ايه دلوقتى حالا؟
10-اخر حاجة بقى عشان مطولش عليكى تقبلى ملاك صديقة ليكى؟
وليا عودة بقى تانى معاكى لو اسئلتى مازعجتكيش

[miraa]

اقتباس المشاركة الأصلية كتبت بواسطة silver spectra أخوكي الصغير جه... :SuN012: نورت يا طارق اهلا باخويا والكبير كمان ما شاء الله.....مزبطينك أسئلة... تقولي إيه بقى للحملات الدعائية و الإهداءات!!! يلا شدي حيلك تقول ايه انت بقى حب الجماهير هههههه بس يا طارق الحملات الاعلانيه والاهدائات توقفت من زمان ولا تفتكر شغاله لسه ... يعنى انت جاى بناء على دعوه ماشى يا عم طارق :icon1366: كام سؤال كدا... من غير كوبي و بيست 1) ميره شايفه نفسها إزاي؟ شايفه نفسى عاديه الحمد لله اكيد عندى عيوب وومميزات زى اى انسان 2) أمنياتك المستقبلية؟ انى ازور الكعبه 3) السؤال إلي هروني بيه : متى آخر مرة بكيتي ؟ و ليه؟ تقريبا من اسبوعين مش فاكره بالظبط كنت مخنوقه شويه 4) هل بتحلمي كتير في المنام ...أحلام سعيدة و لا كوابيس و لا مش بتحلمي؟ اه احيانا بحلم بصراحه مش كلها سعيده وساعات مش بكمل الحلم 5) بتشربي اللبن قبل النوم؟ :shiny01: ههههههه وكمان بتضحك لا طبعا لانى مش بحب اللبن اطلاقا 6) إيه بيكون شعورك أول ما تفتحي المنتدى؟ و بتعملي إيه؟ بحس انى مبسوطه كتير داخله اقول اللى عندى واسمع مواقف الاخرين بعمل ايه؟ بدخل اشوف الصفحه الرئيسيه وبعدين المتواجدون الان بعدين اشوف سجل الاعضاء وبعدين المواضيع الجديده 7) أكتر موضوع تعبتي فيه و كنتي راضية عنه؟ موضوع ( اشخاص نتعرف عليهم دون ان نقابلهم) تعبت فيه كتير لانى كنت بكتبه وحاجه من جوايا هى اللى بتتكلم حسيت انه خد كتير من مشاعرى واعصابى 8) أحسن كتاب و قصة قرأتيها؟ دموع على سفوح المجد .... ممكن لانى لسه مخلصاها 9) إمتى بتحسي بملل شديد من المنتدى؟ لما بكون عايزه اكتب ومش قادره فى حاجه جوايا عايزه اكتبها بس مش عارفه اخرجها 10) تجربة ميره في كتابة المواضيع....هل ولدت في بنات مصر أم هي تجربة قديمة؟ انا كنت بكتب قبل كده فى منتدى سابق بس كتجربه حقيقيه ارتحت فيها وخرجت فعلا حاجات كتيره كانت هنا و كفاية كدا يا أميرة عشان الأسئلة تراكمت عليكي و لو الظروف سمحت ليه عودة بالتوفيق

تنور يا طارق
مرسيي خالص لحضورك المفاجئ والجميل
واسئلتك اللى من غير كوبى وبيست
بس هنبعتلك تانى دعوه للحضور عشان تشرفنا بحضورك واسئلتك الجميله
حالا هكلم مختص الدعوات:vb36:
مرسيي يا طارق

[دلوعه مصريه]

انا مش دخله اسئلك عشااان كده يبقى حراااام
انا داخله اسلم عليكى بس

[Karamela]

احم احم

ازيك يااميرة >> نفسي اقتلك يافاطمة

عاملة ايه مع الكرسي

مرتاحة

طيب بس بس

عارفة انك عايزة تضربيني اما تشبعي

خدي دول كام سؤال خفاف اوي بجد المرة دي

من وحي خيالي :vb19:



بس انا حالفة مش هسيبك غير اما اخلص عليكي

طولك (( لالالالالالالازم تقوولي بصرااااااحة لانه اسمه كرسي الاعتراف ياحلوووووة))

وزنك ذا شيييم برده ها من غير كدب

هدومك المفضلة ((كلاسيك ولا سبورت ))

طقمك المفضل (( لبسك يعني لونه ايه وجيبة ولا ايه ))

ياترى انتي محجبة ولو كنتي محجبة بتحبي الاسبنج


ايه الاحساس الي بتسيبه في نفسك الكلمات التالية ::

المسجد الاقصى:

كرميلا :: (( الحقيقة مش أنا ها اوعي تنسي ها ))

التشوكلت ::

منتدى ::

بحر ::

عروسة ::

فرح::

ياترى عندك عروسة ولا لأ

وكان اسمها ايه هههههههههههههه

اسم الدبدوب الي بتنيميه جنبك او الارنب هههههههههه

لون الحيطة بتاع اودتك ههههههههههههه

لون الكي بورد بتاعك

الكومبيورت بتاعك كومبيوتر ولا لابتوب

لون المشط بتاعك هههههههههههههههههه

يووووفيفرت رياضة

ودا حاليا بس اسئلة سهلة اوي

اسرح واجيب اشئلة ضعبة

^_-

[معقول؟؟]

انا لسه عضوة جديده و عشان كده مش عتقل عليكي
سؤال واحد بس

اكتر حاجة بتشدك لمنتدى بنات مصر ايه؟؟

[miraa]

اقتباس المشاركة الأصلية كتبت بواسطة البرنس رامى ميرا منوره يا قمر واللهى الكرسى لا لا وربنا مش مصدقه رامى بنفسه هنا والله يا رامى وجودك ده فرحنى قد ايه وده طبعا نورك بجد اسعدتنى بوجودك:Sport-007: انا جيت معلشى متاخر شويه وعرفت بالصدفه البحته وقلت طبعا انا مش عاوز اجهدك فى اسالتى فجبت لكى كام سؤال سهلين خالص ومش مكررين وسامحينى على التأخير لا يا رامى انت تسأل زى ما انت عايز ده كفايه انك شرفتنى بوجودك وبجد انتى اجاباتك أكثر من رائعه كلها معاكى ربنا يلا نقول بسم الله ++++++++++++++ بسم الله الرحمن الرحيم ماذا تفضلى أكثر في الاشعار الشعبي أم الفصيح؟ ولماذا؟؟ الاتنين ممكن يعجبونى المهم انى احس بالكلام ويكون كلام واضح راقى بيدخل القلب بسرعه وبيعبر عن حاله وموقف ممكن اكون مريت بيهم او اثروا فيا كلمات تعبر عن معنى بداخلنا وتعبر عن ألامنا افراحنا بغض النظر عن طريقتها او نوع الشعر ما ذا تعني لك هذه الكلمات يا ميراا وماذا ترسمى في داخلك حينما تأتي على لسانك ..او تزور مسامعك ميرا: الشـعــــر... تعبير عن حاله او واقع بكلمات راقيه ومعبره ومتعمقه تؤثر فى النفس لتقربها الشديد وربما تطابقها مع حالنا بيجى على بالى اتنين البرنس رامى ( واحد مش تعرفوه ) هههه وصمت . المشاعر....... احاسيس تنبع من القلب دائما صادقه وصافيه وحقيقيه بتخيل نفسى ماشيه على البحر لوحدى فى وقت الغروب يعنى قبل الغروب بنصف ساعه والهواء كتير الحيـــــاة........ مرحله انتقاليه لمكان ان شاء الله افضل حيث الصفاء والنقاء والصدق والخير مرحله بنتواجد فيها لنعد لمكاننا الرائع لنعمل بجد لنصل لهذا المكان حيث الخلود بيجى فى خيالى شوارع ومناطق خضره وحاجات حلوة كتير وناس قلوبها طيبه ومليئه بالخير ولكنها تحاول اخفائه الـــقمـــر...... نور وصفاء راحه كبيره بحسها لما بشوف القمر بحس انه موجود ليشاركنى لحظاتى بيمثل حاله متجدده مع كل تغير ليه برغم ان فى نفس اللحظه ممكن يكون اكتر من حد بينظر ليه بس تحس انه مفيش غيرك اللى بيتامل بيتردد فى اذنى اغانى السيده فيروز وانا واقفه مع القمر البسمــه.. تعكس راحه نفسيه وتصالح مع النفس والاخرين عندما تكون صادقه تنشر البهجه للاخرين شيئ ضرورى وهام امل بيتمناه كل حزين ان يحصل على الراحه ويتمكن من الابتسامه الصافيه بفتكر نفسى وصورى وانا صغيره متى تشعرين بالوحدة ( أبعدها الله عنكي يا ميرا) ؟ لما مش بلاقى حد يفهمنى .. ولما مش بلاقى حد عنده استعداد يسمعنى ولما بكون مخنوقه ونفسى احكى عن اللى حصل واللى مدايقنى ومش الاقى مامتى او اختى فى البيت بحس جدا انى وحيده لمن ... تهدي بيت الشعر المفضل لديكي ؟ قولى لنا كام بيت على مزاجك؟ اضحك وكانى رايق البال خالى والناس تحسدنى وانا اموت بسكات لنفسى لمن تقولين له ( توقف عن الكتابة ) ؟ مفيش حد ذكرى حزينة تلازمكي ( ابعد الله الحزن عنكي ) ؟ هههههه اعتقد المنتدى كله عارفها باختصار لما انصدمت بتغير المبادئ والقيم والاخلاق عند ناس تقريبا كانوا هما كل حياتى وكانوا من اساسيات التمسك بهذه القيم واللى عمرى مكنت اتوقع انهم يتغيروا بالطريقه البشعه دى واللى صدمنى اكتر انى لقيت غيرهم كتير ذكرى سعيدة لا تنسيها ؟ يوم ميلاد عمر ( ابن اختى) من سنه تقريبا كنت اول حد يشيله بعد ما طلع من اوضه العمليات واول حد فتح عنيه وشافه كنت انا حسيت لما شلته ان فى حاجه بتربطنى بيه ومش عايزه ابعده عنى خالص مع وجوده عمل لحياتى طعم وبهجه وسعاده كل ما اشوفه هدفك في الحياة وطموحاتك؟ انى اشتغل واحقق لنفسى مكان انى احاول ارضى ربى واهلى واعمل خير انى فى يوم من الايام اقدر اكفل يتيم نصيحة للاعضاء فى منتدى بنات مصر ؟ ما نجده هنا اعظم من اى شيئ ما نحصل عليه هنا من اخوه صادقه اخوه تجدهم بجانبك فى اوقاتك ناصحين مهنئين مواسيين لا نستطيع ان نجد كل يوم اخ بل هو نعمه من رب العالمين نعمه يجب ان تتوجها الاحترام فى التعامل بيننا والصدق احترم غيرك لتستطيع احترام نفسك واعلم ان الا خ المحترم يظل دائما باقى فى قلوب وعيون الاخرين نصيحة للمشرفين ؟ ربنا يكون فى عون الجميع مسؤليه كبيره نحاسب عليها جميعا ايه رأيك فى اللى بيحط موضوع منقول ومش بيقول منقول؟ بجد حاجه متعبه جدا وحرام لانها حصلت معايا وحسيت بجد انى مسروقه موضوع اشخاص نتعرف عليهم دون ان نقابلهم بجد الموضوع تعبت فيه جدا لانى كنت بكتبه بشعور داخلى وبكل صدق بعد كده بعمل سيرش لقيته فى منتدى والعضوه نقله الكلام بنفس الطريقه ومغيره اسماء الاعضاء بجد حسيت ان تعبى ومجهودى نسب لشخص اخر ده بيبقى نوع من التزوير او عدم احترام للكاتب على الاقل يحفظوا حقوقه لو كنتى صاحب المنتدى ماذا تغيرى فيه ؟ ممكن اغير التصميم في اي قسم تقضي معظم وقتك ؟ فى قلم اعضاء بنات مصر عضو/ة تحب تقرأى مواضيعه بااستمرار؟ البرنس رامى - وقلم بلا حبر - طارق لو قالوا ميرا تكون رئيس الدولة لمدة اسبوع ماذا تفعل؟ اول حاجه هعملها هقلل تكاليف رحله الحج والعمرة وايسر الموضوع والاجراءات شويه كمان اكيد كنت غيرت فى نظام التعليم هحاول استفاد اكبر قدر ممكن من موارد الدوله واوزعها بكل عدل على ابناء الدوله ماذا تقولى للشعب المصرى ؟ كبسة ؟ هههههه ليه كده بس يا رامى هتودينا فى داهيه انا مليش دعوه هو اللى قال:090: هقول فوقوا يا ناس انتم شعب من افضل الشعوب بداخلكم طيبه وخير وشهامه كتيره ولكنكم تخفونها محتاجين تخرجوها فى تعاملاتكم مع الاخرين محتاجين شويه كبيره من الصدق والامانه والضمير محتاجين شويه تعاون واننا نفكر فى غيرنا زى شويه وماذا تتمنى للارهابين والمجرميين ؟ اكيد حسابهم عند ربنا وواثقه ان شاء الله انه هيكون حساب عسير اتمنى ان حاجه تبعدهم عننا وتبعد عننا افكارهم المسمومه اللى بيدمروا بيها عقول الكثيرون اتمنى ان مش يقدروا بعد كده يعملوا اى دمار مش يقدروا على اى دوله وان نفوذهم واسلحتهم تدمر ويكونوا دوله ضعيفه مع التحية والسلام وانشاءالله هرجع لكى بأسأله تاننى لو انتى تحبى طبعا انا مش عاوز اكون ضيف تقيل فقط على ميرا وأتمنى لكى وقت جميل مع الاساله ميرا

والله يا رامى لو قلتلك قد ايه انا فرحت بوجودك الرائع ده
وبجد شرفتنى جدا بوجودك
وطبعا تيجى وتنور تانى بالاسئله المتعمقه والمريحه

[miraa]

اقتباس المشاركة الأصلية كتبت بواسطة ليليان الله يكون بعونك ياميرا عالاسئلة هي بس بجد اجوبتك حلوة ياقمر تقبلي مروري

مرسيي ليليان
على كلامك الجميل ده
تصدقى والله مرتاحه كتير بالاسئله الجميله دى

نورتى يا قمر

[dr.marmar]

ميرا حبيبتي انا كنت داخله اسألك كام سؤال كده
لاقيتك متظبطه جاهزه
قلت حرام بلاش أحسن
كفايه عليكي كده
علشان تعرفي انا طيبه ازاي
ههههههههههههه
منوره الكرسي ياجميل

[miraa]

اقتباس المشاركة الأصلية كتبت بواسطة ملاك الليل امممممممممممممممم بما انك عضوة عسوله واجابتك عجبنتنى وكمان عايزة اعرفك اكتر بماانى جديدة هنا اسالك بقى شويه لو ميزعكيش يعنى: ههههههه يزعجنى مين يا ملاك ده انتى نورتى اسالى زى ما انتى عايزه يا قمر 1-لو غمضتى عينك دلوقتى ايه اول حاجة هاتيجى فى بالك؟ البحر وكبايه قهوه 2-لو بايدك ريموت التلفزيون هاتجيبى قناة ايه وليه؟ بصى مش بجيب قناه ثابته لان التليفزيون ممل بلف شويه فى القنوات وفى الاخر بجيب قناه المجد للقران الكريم واسيبها شغاله 3-مين من الصحابيات تحب اميرة ان تكون؟ يارب اكون جزء منهم بس بس ممكن فاطمه الزهراء رضى الله عنها 4-مين من الدعاة بتحبى تسمعلهم؟ بحب اسمع عمرو خالد ومعتز مسعود 5-ايه رايك فى علاقة البنت والولد؟وهل انتى من مؤيدين للصحوبيه فى الجامعه؟ولكى اصدقاء ولاد؟ شوفى بصراحه انا مش بعترف بان ممكن يكون فى صداقه بين ولد وبنت جايز يكون فيه بس بالنسبه لتفكيرى صعبه جدا لان الصداقه محتاجه تكون نفس الشخص يكون كل اسرارك مع صديقك نفس الطباع والاخلاق الصحوبيه فى الجامعه ... لا مش بايدها بصراحه بشوف ان الولد داخل الجامعه عشان يصاحب بنت او اكتر يعمل لنفسه جروب ويبقى مشهور وللاسف ده لان بقت دلوقتى من الاساسيات ان يكون الولد مصاحب ليه مش عارفه الحمد لله معنديش ومش احب يكون عندى لانى زى ما قلت مش بيعجبنى الطريقه دى 6-من كلامك عرفت ان اميرة بتحب القراءةياترى بتحبى تقرأى فى ايه؟ بحب اوى الروايات المترجمه وبحب قصص ما وراء الطبيعه 7-كلمة توجهيها الى:العالم الاسلامى اتقوا الله تعاونوا فلنبقى يد واحد لننعم بحياه رائعه اسرائيل هههههه انا قلت انتم مش هتجيبوها لبر ستقفون يوما امام المنتقم الجبار لتشهدوا عقابكم وجزاء ما فعلته ايديكم بابرياء لا ذنب لهم بدماء ودمار وخراب فعلتموه ومازلتم تفعلوه ان الله يمهل ولا يهمل اوباما يارب يطلع احسن من اللى قبليه ( بحلم ) ههههه الشعب المصرى بصوا للخير والشهامه اللى جواكم 8-ايه هى الحريه من وجهة نظر اميرة؟ انى اعمل اللى انا عايزاه فى حدود دينى وقيمى وتربيتى واعمل حساب للناس اللى ربتنى انى اتقى الله واخاف من عذابه ودائما امام عينى عذاب الله وعقابه وان ربنا مضطلع على افعالى واقوالى واتصرف على هذا الاساس 9-نفسك فى ايه دلوقتى حالا؟ نفسى فى فنجان قهوه 10-اخر حاجة بقى عشان مطولش عليكى تقبلى ملاك صديقة ليكى؟ ههههههه طبعا ده شيئ يشرفنى جدا واضح انك حد طيب وعارفه ربنا واسئلتك جميله اقبل بلا تفكير:vb36: وليا عودة بقى تانى معاكى لو اسئلتى مازعجتكيش

اطلاقا والله
بالعكس اسئلتك كتير عجبتنى فيها جانب دينى
رائع واسئله انا عارفه انها هتودينا فى داهيه يا ملاك
مش حرام عليكى انا لسه صغيره على المعتقل :icon1366: هههههههه

لا والله بجد نورتى الموضوع واسعدتنى جدا اسئلتك
فى انتظار باقى الاسئله ان شاء الله يا قمر