وفي مطبخ حواء ومعاناه المتالقه دمعه حائره

[♥Donya♥]

الحلقه السابقه كانت معاناه نورهان ونورتنا جدااااا بوجودها معاناه النهارده معاناه شخصيه غنيه عن التعريف محبوبه من الكل ومحترمه جدااااا صاحبه قلم مبدع وليها بصمه في منتدانا العظيم معاناه منه تعالو نتعرف عليها في مطبخها اهلا بيكي نورتي الحلقه والقسم كله(: اهلا بيكى دندن القسم منور بيكى ياقمرى ها مستعده ؟ اها استنى اربط حزام الامان محدش عارف ايه ممكن يحصل اسمك: منه سنك: من زمان عايشه الحاله الاجتماعيه: ام لاطفال ربنا يهديهم مؤهلك: بكالوريوس تربيه المطبخ بالنسبالكـ ايهـ؟ المطبخ بالنسبه ليا اساس يومى من غيره تصيح الافواه وتحدث انقلابات فى البيت كم عمرك أول ما دخلتي المطبخ ؟ وبداتي بالطبخ؟ وانا عندى 10سنين كان نفسى اتعلم اطبخ وتيته ربنا يخليهالى يارب علمتنى اعمل رز وبطاطس وساعدتها وهيا بتعمل فطير وكانت لعبه جميله يومها وكانت فرحانه بيا قوى وبقت تاخدنى معاها المطبخ على طول وعلمتنى حاجات كتير لدرجة ان اكلى بقى يشبه اكلها تقريبا نفس الطعم هل دخولك للمطبخ بأمر من أحد ولا من نفسك...؟ ربنا مايؤمر علينا من حد انا بدخله حب لانى كمان ماعرفش اكل من ايد حد ايه أطرف موقف حصلك في البدايات..؟ اكيد لما بدأت ادخل لوحدى حرقت اول حاجه الرز نسيت اوطى النار عليه وروحت اتفرج على التليفزيون وكمان مش شميت ريحتة ولما شميتها قولت ايه الناس المتخلفه اللى ناسيين الاكل على النار دول ايه اول أكله عملتيها وهل كانت ناجحة ولا فاشلة..؟ اول اكله كانت بامية وملوخيه اوعى تستغربى هما بيطلعوا سوا دايما وكانت الباميه مظبوطه لكن الملوخيه فشلت وقعدت تحت فى الحله وحلفت ماهى طالعه وكسفتنى يومها وخلت اخواتى يضحكوا عليا سألت قالولى انى نسيت اشهق وانا بحطها بس على مين فضلت وراها لما بقيت استاذه ايه هو شعورك وانتى بتطبخى ؟ شعور جميل انا اصلا بحب اطبخ وافرح قوى لما الاكل اللى عملته يعجبهم ويخلص كله ولو ماخلصش اعرف انه وحش تحبين الطبخ او لا؟ ايوة بحبه وبدور دايما على اصناف جديدة طبق بتحبي تعمليه كتير؟ بحب المحاشى والطواجن فى الفرن والمكرونه بالباشميل متعة الطبخ اول طبخه طبختيها ايه كانت هيا؟ انا جاوبت فوق طبخه طبختيها والكل مدحك ؟ يعتمد عليك في الطبخ او لا؟ الحمد لله بيقولوا شاطرة هابقى اعزمكم ان شاء الله شكلك في المطبخ انيقه ولا مبهدله؟ لا الحمد لله بحب يبقى فيه فرق بينى وبين الحلل هل ترتدين المريله اثناء اطببخ؟ يعنى اوقات بس ساعات بتكتفنى هل تستمعي لشي اثناء الطبخ ؟ اه بشغل قرآن هل تحبي ان يشاركك احد في المطبخ؟ لا خالص ولو حد دخل بخرج انا مش بطيق حد معايا فى المطبخ بيربكنى وممكن الحاجات تقع منى ياترى بقى لما بتعملى اكله وعندكم حد معزوم بتقعدى تقولى ده انا الى عملاه وكدا؟ لا ابدا بفرح قوى لما بعزم حد ويشكر فى اكلى ومش برد غير بالهنا واشفا ايه اكتر اكله نفسك تعمليها مظبوطة وعمرك ماطلعتيها حلوة ههههه؟ البيتزا ويمكن انا بكسل عشان بحبها من برا اكتر هل تجيلك مره حالة تقولين توبه ادخل المطبخ وآخر مره...؟ ايوة مره فكرت انضف المطبخ واقلبه كله واعيد ترتيبه لوحدى يومها مالحقتش اطبخ وكان يوم مالوش آخر حرمت اعمل كده تانى اللي عندها بنات هل تعلمينها الطبخ ولا تخلينها على هواها...؟ لازم اعلمهما عشان تنفع بيتها واولادها ست مابتعرفش تطبخ يعنى مشكله كبيره فى البيت مستلزمات البيت بتشتريها جاهزه ولا في بعضها بتعمليها في البيت زي ست البيت زمان؟ حاجات كتير متوفره دلوقتى فى الاسواق بتوفر الجهد بستفيد منها لكن الخضارواللحوم اكيد الطازج احسن وافيد للاطفال بالذات ماحبش اجيبه مجمد اللي تزوجت وما تعرف تطبخ هل تندمتي ما تعلمتي الطبخ قبل الزواج ايه كان المانع من نفسك ولا من اهلك..؟ اكيد اللى بتتزوج من غير ماتكون اتعلمت الطبخ بتتعب وشكلها قدام زوجها بيكون وحش وبتتعلم فيه اكيد ودى غلطة الاهل والام بالذات لازم تعلم بنتها قبل الزواج اكتر اكلهـ بتحبيها؟وياتري بتعرفي تطبخيها؟ الحمد لله كل الاكل جميل ونعمة من ربنا اكتر مشروب مفضل لديكـ؟وبتعرفي برده تعمليهـ؟ بحب عصير المانجة جدا والكابتشينو وبعملهم جميل الحمد لله وماحبش اشربهم من ايد حد اكلهـ ومشروب مفضل عندكـ يوميا بتستخدميهم ؟ الباتيه والنسكافيه الصبح ايه أنواع الشاى الى جربتوها وعجبتكم؟ بحب الشاى العادى والاخضرتقريبا كل يوم بشربهم لو معزومهـ عند حد تفضلي تاكلي ايهـ بينكـ وبين نفسكـ كدهـ؟تقري وتعترفي؟ تقريبا مش بعرف اكل ولو اكلت باكل خفيف والحاجات السهله مش اروح على الاسباجيتى وتبقى فضايح اكتر اكله بتفتخري بيها قدام قرايبك ودايما تفضلي تعمليها لما يكون حد عندك؟ المحاشى واللحمه المشويه عملتي بقي ايه اكله ايه التهارده وطبعا مش عزمتيني؟قعدتي تضربي لوحدك اكيد؟ ههههههههه لا اختى تعالى اتغدى معانا انا مش بخيله والله عملت جلاش باللحمه المفرومه وبانيه وسلطات كلمه تهديها لكل البنات ربنا يسعدكم كلكهم ويرزقكم الزيجه الصالحه ولازم اى بنت قبل ماتتجوز تعرف يعنى ايه زواج وتتعلم ازاى تحافظ على بيتها وتخليه مش ناقصه حاجه وصلنا لنهايه الحلقه وكنتي ضيفه خفيفه علينا ونورتي الحلقه ده نورك يا حبيبتى وماننحرمش من تواجدك المميز

[احضان الحبايب]

والله يا منــه انتى مثــال لحواء المثاليه
لو البناات الصغيرين ال لسه ما اتجوزوش يعملوا زيك كده ويتعلموا الطبيخ من صغرهم
و يحبوا دخول المطبخ و كداا
هتبــقى العيشه فــل

حلقــه جميــله يا منــه
و منوراانااا دايماا

و الله ينور يا دنيــا
على التنسيق و الاسئله الجميله
بالتوفيــق

[دمعه حائره]

اشكرك دندن على الحلقه الجميله
والتنسيق الرائع
واشكرك اخى عبدهـ على حضورك وردك الجميل
وربنا يوفقك فى حياتك دايما

[فــــــــــرح]

وربنا عسل وست بيت يا منه
دي الستات ولا بلاااش



على فكره وربنا شبهي بس انتي اشطر
بسنه بس
ههههههههههههه


ربنا يوفقك يارب ..

ودنيا امووووووح
عسل و موضوع عسل
ومتنسيش يوم السبت ها
اهو بفكرك
ههههههههههههههههههههههههههههههه

[دمعه حائره]

انتى اللى عسل يا فروحه نورتى حبيبتى
وربنا يوفقك فى حياتك دايما

[ساحر الأحزان]

بتحصل للكل يا دمعتنا

حكاية الرز دى

والاغرب مين الناس الى سايبين الاكل على النار دول

ولو سامحتى واحدة مانجة

وبعد شوية كابتشينوا

بسى دمعة طلعت ست بيت شاطرة

نورتى الحلقة دمعة

وكل عام وانتى بخير

[وهج الايمان]

ام لاطفال ربنا يهديهم
يالهوووووووووووي انا كنت فاكره منه دي اخرها 15 او 16 سنه
بجد ما صدقتش
توبيك جميييييل جداااااا وتنسيق جميييييييل
ومنه طبعا غنيه عن التعريف
منوره يا منه يا حبيبت قلبي باجاباتك الجمييييله

[دمعه حائره]

اقتباس المشاركة الأصلية كتبت بواسطة ساحر الاحزان بتحصل للكل يا دمعتنا حكاية الرز دى والاغرب مين الناس الى سايبين الاكل على النار دول ولو سامحتى واحدة مانجة وبعد شوية كابتشينوا بسى دمعة طلعت ست بيت شاطرة نورتى الحلقة دمعة وكل عام وانتى بخير

هههههههه
شفت بقى يا امجد مش لوحدى اللى حرقت الرز
ميرسى كتير لزوقك وردك الجميل
وعيونى حالا ابعتلك على القسم تلاته مانجه وتلاته كابيتشينو
ربنا يوفقك فى حياتك دايما

[دمعه حائره]

اقتباس المشاركة الأصلية كتبت بواسطة وهج الايمان ام لاطفال ربنا يهديهم يالهوووووووووووي انا كنت فاكره منه دي اخرها 15 او 16 سنه بجد ما صدقتش توبيك جميييييل جداااااا وتنسيق جميييييييل ومنه طبعا غنيه عن التعريف منوره يا منه يا حبيبت قلبي باجاباتك الجمييييله

هههههههههه
ليه كده هوجه انا 16سنه حرام عليكى
انا ماصدقت كبرت يا بنتى
نورتى الحلقه ياقمر واشكرك على ردك الجميل
ربنا يوفقك دايما

[fankosha]

بجد بجد يا منه حلقة رائعة جدااا
وانتى ست بيت شاطرة جداااااا
وربنا يكرمك
وعقبالنا كدا وكل البنات الى مبتعرفش تطبخ تعرف وتتعلم
منورة يامنه
تسلمى يادودو على الحلقة