::: فعاليات المنتدى :::

أهلا وسهلا بك إلى منتديات بنات مصر.
أهلا وسهلا بك زائرنا الكريم، إذا كانت هذه زيارتك الأولى للمنتدى، فيرجى التكرم بزيارة صفحة التعليمـــات، بالضغط هنا. كما يشرفنا أن تقوم بالتسجيل بالضغط هنا إذا رغبت بالمشاركة في المنتدى، أما إذا رغبت بقراءة المواضيع والإطلاع فتفضل بزيارة القسم الذي ترغب أدناه.

آخر 12 مواضيع
حل جميع مشاكل إيقاف الفوتوشوب وإستعادة الإعدادات الافتراضية-Restore Photoshop default
الكاتـب : JUST AHMED - آخر مشاركة : اميره باحجابى - مشاركات : 4 -
البطل المزيف....قصة قصيرة
الكاتـب : مارد الغضب - آخر مشاركة : اميره باحجابى - مشاركات : 3 -
الوفاء
الكاتـب : يحيى الفضلي السودان - مشاركات : 7 -
كوكب جديد
الكاتـب : يحيى الفضلي السودان - آخر مشاركة : مآجد يوسف - مشاركات : 9 -
لا تقلقى - بقلمى
الكاتـب : الفارس الخيال - آخر مشاركة : اميره باحجابى - مشاركات : 5 -
سهل نخسر بعض
الكاتـب : شاعر الحب الحزين - آخر مشاركة : اميره باحجابى - مشاركات : 12 -
غموض عاشق - بقلمى
الكاتـب : الفارس الخيال - آخر مشاركة : اميره باحجابى - مشاركات : 2 -
حز في قلبي
الكاتـب : يحيى الفضلي السودان - مشاركات : 7 -
خط الزمن
الكاتـب : ahmed 22 - آخر مشاركة : اميره باحجابى - مشاركات : 7 -
إزاي تضيف التأثير الدرامي بالفوتوشوب - Create a Dramatic Color Effect
الكاتـب : JUST AHMED - آخر مشاركة : اميره باحجابى - مشاركات : 2 -
انا حاسس بيك
الكاتـب : ahmed 22 - آخر مشاركة : اميره باحجابى - مشاركات : 5 -
السلام عليكم
الكاتـب : يحيى الفضلي السودان - مشاركات : 10 -

إضافة رد
 
LinkBack أدوات الموضوع انواع عرض الموضوع
قديم منذ /01-31-2009, 04:25 PM   #1

 

 رقم العضوية : 11759
 تاريخ التسجيل : Jan 2009
 العمر : 31
 المشاركات : 63
 النقاط : ملاك الليل will become famous soon enough
 درجة التقييم : 50
 قوة التقييم : 0

ملاك الليل غير متواجد حالياً

أوسمة العضو
افتراضي قصه البت سعديه الصعيديه

قصه البت سعديه الصعيديه الى جالها التنسيق فى جامعه القاهره وسافرت عند عمها علشان تدرس
وقابلت بقى ميدو وحصلت اجمل قصه تعالوا نشوف

شخصيات القصه

سعديه وميدو



جنى صديقه ميدو



ندى صديقه سعديه




الحلقه الاولى

جه جواب التنسيق لسعديه وفتخت الجواب لقت جامعه القاهره
سعديه : يا دى اليوم لاسود انهرده يادى النيله
ام سعديه : ايه يابتى مالك
سعديه : الحجى يامه جواب التنسيج جه القاهره
ام سعديه : وماله يابتى عمك هناك روحى عند عمك
سعديه : انا مش بطيج مرته دى الى عامله زى ام اربعه واربعين
ام سعديه :معلش يابتى ايام وجضيها وخلاص
سعديه :امرى لله انا عارفه حظى اسود من يومه
هروح وخلاص
وجه معاد السفر
ركبت سعديه القطر وفى طريقها للقاهره
سعديه : يا سوادى هى السكه مالها طويله جوى ليه كده يا مهون هون علشان انا زهجت ومليت من الجعده دى
وصلت سعديه وراحت عند عمها خبطت على الباب فتحت مرات عمها
سعديه : اهلا يا مرت عمى
مرات عمها : مين سعديه
سعديه : ايوه سعديه امال هيكون عفريتها ولا ايه
مرات عمها : ازيك يا بنتى منوره
عمها يجري على الباب و يقول مين سعدية ازيك يا بتى واللي في البلدعاملين ايه
سعديه : طيب مش تدخلونى وبعدين تسلموا ولا هنجضيها سلامات من على الباب الشنطه خلعت كتفى
عمها : ادخلى يا بنتى اهلا وسهلا
ورحبوا بيها وسلمت على عمها واولاده
وتانى يوم كان الدراسه
صحيت بقى سعديه واستعدت وراحت على الجامعه مع عمها لانها متعرفش السكه دى اول مره هتروح فيها
وصلها عمها وشرحلها الطريق
دخلت سعديه الجامعه
لقت بنات بقى وشباب استايل اوى
اول مره تشوف كده
سعديه : وى وى وى وى وى يا بوى
ايه الى البنات عاملينه فى نفسهم ده
المحزج والملزج وايه الالوان الى فى شعرهم دى
استغفر الله العظيم يا ربى
والولاد مالهم كده مطولين شعرهم وموجفينه زى ما يكونوا مكهربين
دول ما يجلوش حاده عن البنات
عشنا وشفنا وانا مالى انا الحج بجى محاضراتى
ودخلت بقى سعديه قاعه المحاضرات
بتدور على مكان تقعد فيه
سعديه : ايوووووووووه يا ولاد ايه الى بيحصل ده
الاولاد جمب البنات كده وملزجين فى بعض
انا هجعد زيهم كده لا والله لا يمكن ابدا
انا هفضل واجفه احسن
دخل الدكتور لقى كل الناس اعده الا هى
بيقلها يا بنتى اعدى
سعديه : اجعد ازاى يا دكتور جمب الولاد كده عادى لا والله ما يحصل ولا يكون
الدكتور:ههههههه اعدى جمب اى بنت
طيب اى حد يا بنات يقعدها جمبه
وحده من البنات قالتلها تعالى هنا جمبى
اعدت سعديه واتعرفت عليها انتى اسمك ايه قالتلها اسمى ندى وانتى قالتلها سعديه المهم بعد ما خلصت المحاضره اتعرفوا على بعض وبقوا صحاب اوى
وخلص اليوم وخلصت المحاضرات وجه معاد انها تمشى لبيت عمها
خرجت سعديه هى وندى
وبعدين
تاااااااااااااااااااااابع
فى الحلقه الجايه







  رد مع اقتباس
قديم منذ /01-31-2009, 04:26 PM   #2

 

 رقم العضوية : 11759
 تاريخ التسجيل : Jan 2009
 العمر : 31
 المشاركات : 63
 النقاط : ملاك الليل will become famous soon enough
 درجة التقييم : 50
 قوة التقييم : 0

ملاك الليل غير متواجد حالياً

أوسمة العضو
افتراضي

ودى بقى الحلقه التانيه


تانى يوم راحت بقى سعديه على الجامعه
اول اما خلصت اول محاضره
سعديه : يا ندى انا جعانه جوى تعالى نجيب اى حاجه ناكولها
ندى: خلاص تعالى يا سعديه نروح كافتريا الكليه
سعديه : لا دى كولها مليانه شباب ياختى انا مش هروح هناك
ندى : لا تعالى بس احنا ملناش دعوه بحد هناك
سعديه : طيب يلا اما نشوف
راحت سعديه وندى الكافترياواول اما اعدوا كان اعد قصادهم مين عمنا ميدو بقى
ميدو اول اما شاف سعديه اعد يضحك بقى بصوت عالى
سعديه بصتله بقرف اوى وقالت
سعديه : هوه ماله الواد ده الى شبه الديك الازعر بيضحك ليه كده
ندى : احنا مالنا يا سعديه هوه بيضحك وخلاص
سعديه : ليه يا بت شايفنا ارجوزات جودامه ده واد حيوان وعايز يتهزج
ندى : بصى احنا ناكل ونمشى من هنا
سعديه : طيب احسن بردو انا جولتلك بيومك لاسود ده انا مش هاجى الكافتريا دى
خلصوا اكل ودخلوا قاعه المحاضرات
واعدوا دخل طبعا وراهم الاستاذ الفاضل ميدو
وكانت معاه وحده صحبته
وشاف سعديه بردو واعد يشاور عليها ويضحك
سعديه اتنرفزت اوى طبعا والعرق الصعيدى طلع
سعديه : بصى يا بت يا ندى بيعمل ايه الواد ده بيضحك تانى
ندى : انت حضرتك بتضحك ليه
ميدو : ههههههههههههه لا ولا حاجه يا انسه ههههههه
سعديه : فرحان جوى وانت فاتح خشمك كده جاتك نيله عليك وعلى بوزك الفجرى
ميدو : وليه الغلط يا ااااااااا؟
سعديه : يا اااااااا ايه ما تنطج
ميدو : يا حجه هههههههه
سعديه : تعرف انك مش محترم وعيل جليل ادب وعايز تتربى
ميدو : انتى انتى انتى تربينى انا
وطبعا الاستاذ ميدو بيستفزها بمياعته وبالحركات الى بيعملها
ندى : طيب ممكن اعرف بتضحك ليه
ميدو : انتى مش شايفه جمبك تحفه فنيه بجد ههههههه
سعديه : تحفه فنيه ما تحطنى فى متحف الشمع يا خوى
انا تحفه وانت تبجى ايه بشعرك الى مكهربه ده وبنطلونك الى هيوجع منك ارفع منطلونك وبعدين اتكلم
ميدو طبعا مش معاه غير انه يضحك هوه وصحبته
سعديه : يلا يا ولاا انت خد الفرخه بتاعتك دى وغور من هنا اتكشح يلا
ميدو : دى فرخه دى جنى صحبتى
سعديه : جنى ولا عفريت وانا مالى غور احسن افرج عليك الجامعه كلها
ميدو : انا مش ارد عليكى انتى مش من مستوايا
سعديه : مستوى مسن يا بو مستوى انت حوساله وعره الشباب كمان ولو شفت وشك هنا هضربك بالبولغه
ندى : خلاص يا سعديه هوه فعلا مش محترم بس انتى بردو هزقتيه
سعديه : انتى مش شايفه حيلت امه بيعمل ايه
ندى : معلش
المهم ندى هدت سعديه وخلصوا محضراتهم ورواحوا
وانتظرونا الحلقه الى جايه







  رد مع اقتباس
قديم منذ /01-31-2009, 05:43 PM   #3

عضو برونزي

 

 رقم العضوية : 11247
 تاريخ التسجيل : Jan 2009
 المكان : Egypt
 المشاركات : 611
 النقاط : *reham* will become famous soon enough
 درجة التقييم : 50
 قوة التقييم : 0

*reham* غير متواجد حالياً

أوسمة العضو
افتراضي

هي الحلقه الجايه امتي هموت واعرف ايه اللي هيحصل ؟؟؟؟؟!!!!
ميرسي يا قمر قصه تجنن ياريت يعملوا في المدارس القصه بتاعت العربي كده واحنا هنحل ميه ميه
ههههههههههههه والله عمري ماتشديت لقصه زي دلوقتي ههههههههه







  رد مع اقتباس
قديم منذ /01-31-2009, 09:06 PM   #4

 

 رقم العضوية : 11759
 تاريخ التسجيل : Jan 2009
 العمر : 31
 المشاركات : 63
 النقاط : ملاك الليل will become famous soon enough
 درجة التقييم : 50
 قوة التقييم : 0

ملاك الليل غير متواجد حالياً

أوسمة العضو
افتراضي

ههههههههههههههههه
نوتى ياريهام والله
تصدقى فعلا ياريت
عموما عشان خاطر زيارتك العسل دى
هنزلك حلقة دلوقتى حالا







  رد مع اقتباس
قديم منذ /01-31-2009, 09:07 PM   #5

 

 رقم العضوية : 11759
 تاريخ التسجيل : Jan 2009
 العمر : 31
 المشاركات : 63
 النقاط : ملاك الليل will become famous soon enough
 درجة التقييم : 50
 قوة التقييم : 0

ملاك الليل غير متواجد حالياً

أوسمة العضو
افتراضي

ههههههههههههههههه
نورتى ياريهام والله
تصدقى فعلا ياريت
عموما عشان خاطر زيارتك العسل دى
هنزلك حلقة دلوقتى حالا







  رد مع اقتباس
قديم منذ /01-31-2009, 09:10 PM   #6

 

 رقم العضوية : 11759
 تاريخ التسجيل : Jan 2009
 العمر : 31
 المشاركات : 63
 النقاط : ملاك الليل will become famous soon enough
 درجة التقييم : 50
 قوة التقييم : 0

ملاك الليل غير متواجد حالياً

أوسمة العضو
الحلقه التالته
بعد اما خرجت سعديه من الجامعه علشان تروح
خرج وراها طبعا عمنا ميدو هوه وجنى صحبته بالعربيه بتاعته
واعد يرخم عليها ويدايقها
سعديه: انت يا واد احترم نفسك وامشى بعيد عن هنا بدل ماخلى يومك اسود
ميدو : بجد انا مش هسيبك انهرده هوه الضحك عليكى انهرده هخليكى تحرمى تكلمينى باسلوب مش كويس يا انتى
سعديه : والله انت شكلك كده جبته لنفسك فى يومك الجوتران ده ونويت تحجز لنفسك سرير ونفر زياده فى المستشفى
جنى : الحق يا ميدى دى بتقول هتدخلك انت مستشفى
سعديه: دى ومالها دى ياعين تيزه والنعمه شكلك هتتجطع انهرده انت والدزمه الى معاك دى
سعديه: الحجونى يا ناس الولا ده بيتحرش بيا وبيجولى كلام جلت ادب وخدش حيائى الحجوووووووووووووونى
طبعا سعديه اعدت تصوت والناس اتلمت عليها وضربوا ميدوا
ادوله علقه سخنه وجنى مش معاه غير انها تصوت
جنى : يا وحوش حرام عليكوا هوه مش قدكوا
سعديه : مش جدهم علشان يحرم تانى مره
كده هوه اتعلم الادب
ومشيت سعديه وجنى اتصلت بالاسعاف جم خدوا ميدو
بعد اما روحت سعديه عند بيت عمها
مرات عمها فتحتلها الباب بتقلها ازيك يا سعديه
سعديه طبعا مش ردت ودخلت وهى بتقول كلام كده مش مفهوم
( انا كان مالى ومال البلد بت الدزمه دى شكلى كده هتبجى وجعتى سوده ما انا كنت فى بلدى وجاعده كويسه بس بردو مش فشيت غليلى اةةةةةةةةةة يا بوى )
مرات عمها دخلت قالت لعمها بقى
عمها راح لسعديه
عمها : مالك يا بنتى مرات عمك بتقول انك مدايقه
سعديه : ماليش ياعمى ( فى سرها طبعا بتقول : والنبى روح بعيد كده مش ناجصاك انت كمان وكمان مرتك لحجت توصلك لسانها مش بيتبل فيه فوله ربنا ياخدها )
عمها : لا بجد احكيلى يا بتى
سعديه :الولاد عندكوا ياعمى البنات ارجل منهم يا بوى واد ياعمى مش محترم جل ادبه عليه
عمها : ليه يا بتى انتى عملتيلوا ايه
سعديه : معملتلوش حاجه والله ( وحكت سعديه لعمها الى حصل )
عمها : طيب ليه يا بنتى كده ده تلاقى الشباب بهدلوه خالص
سعديه : احسن انا كمان مش فشيت غليلى انا كان نفسى امسكوا من شعره الى ماسكاه الكهربه ده واجصهوله خالص واعمل فى الناس جميله بادل ما تتازى من شكلوا العفش يا رب يكون مات علشان ارتاح من خلجته الفجريه
طبعا ميدو اعد فى المستشفى حوالى 15 يوم ومش بيجى الجامعه خالص
وسعديه حكت لندى الى حصل ندى
ندى : على فكره يا سعديه هوه غلط بس مش لدرجه انك انتى تخلى الشباب يموتوه كده خالص
سعديه : استفزنى جوى يا ندى والله خلانى فجت اعصابى
ندى: خلاص بصى انتى تيجى معايا نروح نزوره فى المستشفى
ونعتزرله ونهدى الموضوع ونصلح الى حصل
سعديه : انتى حسستينى بالزنب انا خلاص هروح معاكى بس مش هعتزر لحد انا هشوفه بس واطمن عليه
ندى : خلاص اوك هنروح انهرده بعد المحاضرات
سعديه : ماشى يا ستى
راحت ندى وسعديه المستشفى وجابوا ورد وهمه رايحين
دخلت ندى عند ميدو وحدها وقالت لسعديه خليكى انتى هنا اما اندهلك ادخلى
سعديه : بس خلى فى بالك يا بت انا مش جايه معاكى علشان اعتزرله علشان ضميرى بيوجعنى بس مش اكتر
دخلت ندى
ندى : (فى سرها طبعا: يا لهوى ده ميدو مكسر خالص يخرب بيتك يا سعديه
ايه الى عملتيه ده فى الولا)
ازيك يا ميدو عامل ايه
ميدو: اهلا يا ندى انا خلاص مبقتش انفع تانى صحبتك المتوحشه شوفى عملت فيا ايه
ندى :معلش يا ميدو انت نرفزتها وكمان انا عملالك مفجأه ( ادخل ياسمسم )


ودخللت سعديه وتحصل المفاجأه
ونشوفكوا الحلقه الجايه
تاااااااااااااااااااااااااااابع







  رد مع اقتباس
قديم منذ /02-01-2009, 02:43 PM   #7

 

 رقم العضوية : 6473
 تاريخ التسجيل : Sep 2008
 العمر : 24
 المكان : مصر
 المشاركات : 71
 النقاط : سندريلا النت will become famous soon enough
 درجة التقييم : 50
 قوة التقييم : 0

سندريلا النت غير متواجد حالياً

إرسال رسالة عبر Yahoo إلى سندريلا النت
أوسمة العضو
افتراضي

روووووووووووووووووووووووعه
تسلم ايدك يا اختى على القصه الجميله دىىى







  رد مع اقتباس
قديم منذ /02-01-2009, 03:06 PM   #8

عضو برونزي

 

 رقم العضوية : 11247
 تاريخ التسجيل : Jan 2009
 المكان : Egypt
 المشاركات : 611
 النقاط : *reham* will become famous soon enough
 درجة التقييم : 50
 قوة التقييم : 0

*reham* غير متواجد حالياً

أوسمة العضو
افتراضي

ياااااه ايه اللي هيحصل ؟؟؟؟؟؟
ميرسي يا ملاااااك بجد قصه روعه
ومش هيهدا بالي الا لو عرفت ايه اللي هيصل
ثانكيو يا ملاك الليل







  رد مع اقتباس
قديم منذ /02-01-2009, 05:04 PM   #9

 

 رقم العضوية : 11759
 تاريخ التسجيل : Jan 2009
 العمر : 31
 المشاركات : 63
 النقاط : ملاك الليل will become famous soon enough
 درجة التقييم : 50
 قوة التقييم : 0

ملاك الليل غير متواجد حالياً

أوسمة العضو
افتراضي

انتى الى عالطول فاتحة نفسى وبتخلينى انزل حلقات جديدة
عموما انا والله مش هاكسفك وهانزل حلقة كمان دلوقتى
ثانكس لمرورك ياقمر
سندريلا النت نورتى التوبيك
وتابعى معانا







  رد مع اقتباس
قديم منذ /02-01-2009, 05:06 PM   #10

 

 رقم العضوية : 11759
 تاريخ التسجيل : Jan 2009
 العمر : 31
 المشاركات : 63
 النقاط : ملاك الليل will become famous soon enough
 درجة التقييم : 50
 قوة التقييم : 0

ملاك الليل غير متواجد حالياً

أوسمة العضو
افتراضي

الحلقه الرابعه

بعد ما دخلت ندى وشافت ميدو مكسر خالص
ندهت على سعديه
ندى : ادخل يا سمسم
سعديه طبعا داخله وماسكه الورد وهى عامله نفسها غلبانه بقى ومكسوره ميدو شفها بقى وحصلت المفجأأأأأأأأأأأه
ميدو : يا ماااااااااااااااااااااااااامى الحقونى حوشوا المتوحشه دى خرجوها بره
صرخ طبعا كأن جاتله حاله صرع
سعديه : ايه يا واد انت مالك شفت عفريت ولا دينسور دخل عليك دول حتى اختفوا من زمان
ندى: اهدى يا ميدو مش كده دى جايه تعتزرلك
ميدو : لا مش عايز منها اعتزار ولا حاجه خرجوها
سعديه : انا جولتلك مش هاجى عند الواد الرمه دى بخلجته الملخبطه ده ولد امه ودزمه ومش راجل خالص
ندى : خلاص بقى انتوا لتنين
هدت ندى الموقف واعدوا يتكلموا همه التلاته
دخلت بقى جنى
جنى : هاى ميدو ايه ده يا مامى ايه الى جاب دى هنا
سعديه : مالك ياختى اتخضيتى تفى فى عبك ولا اجيبلك طاسه الخضه
ميدو : اهلا يا جنى دى سعديه وندى جم علشان نتصالح سوى وخلاص بقينا اصحاب
سعديه :يلا بجى يا ندى نمشى ما المثل بيجول اذا حضرت الشياطين ذهبت الملائكه واهى الشياطين جات
وهى خارجه زقت جنى وقعتها على الارض
وقالتها غورى بخلجتك الوحشه دى
وبعد كم يوم خرج ميدو من المستشفى وراح الجامعه وطبعا اول اما شاف سعديه وندى راح سلم عليهم واعدوا يتكلموا وجات جنى
جنى : هاى شله فيه رحله مطلعاها الجامعه لشرم مين هيجى معانا
ميدو : كلنا طبعا جايين احجزيلنا معاكى كلنا
ندى : انا موافقه
سعديه : موافجه ايه روحوا لوحدكوا انا مش هروح مستحيل طبعا
ندى : ليه يا سعديه نغير جو كده كم يوم
سعديه : انسدى يا بت انتى واجفلى خشمك ده مش هروح جلتلك
طبعا كلهم مصرين ياخدوا سعديه وندى اتصلت بعمها علشان يقنعها
عمها : ماتروحى يا بنتى تغيرى جو كده مع صحابك
سعديه : فى سرها بتقول ( والله الراجل ده شكله عايز يخلص مانى ده شكله ما صدق يا سوادى علشان اريحه ليه انا مزهجاه للدرجه دى خلاص هروح وامرى لله ) خلاص ياعمى موافجه هروح
وبعد معاناه وافقت سعديه تروح الرحله
وفى يوم السفر حضرت بقى سعديه شنطتها
واتجمعوا هى وندى وجنى وميدو وباقى اصحابهم عند الجامعه وركبوا الاتوبيس
وبعدين
تااااااااااااااااااااااااابع
الحلقه الجايه
تحياتى







  رد مع اقتباس
إضافة رد

الكلمات الدلالية (Tags)
امتة, الصعيديه, صعديه, قصه


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع


المواضيع المتشابهه
الموضوع كاتب الموضوع المنتدى مشاركات آخر مشاركة
-<( هل انا سعيده )>- نور العروس مواضيع عامة - ثقافة عامة 1 11-26-2011 05:22 PM
يوميات سعديه الصعيديه وميدو الاستايل Donot Play With Me قصص - روايات - حكايات ...منقولة 2 10-15-2011 12:28 PM
يوميات سعديه الصعيديه وميدو الاستايل {متجدده} فراولاية قصص - روايات - حكايات ...منقولة 7 11-16-2010 04:08 PM
هل انا سعيده أنثـے مًنْ الّخٍـْيـِالْ→♀ منتدى التنميه البشريه 8 12-24-2009 08:49 PM


الساعة الآن 06:56 PM


Powered by vBulletin® Version 3.8.7
Copyright ©2000 - 2019, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب

a.d - i.s.s.w