مسابقه أفضل قلم 2011

[الرحــاال المٌتَمرد]

بسم الله الرحمن الرحيم



بعد ما خلص العيد واكلنا اللحمه ,,,
لازم نرجع من تانى للنشاط بسرعه ,,,
وايمانا منا بتنشيط كافه الاقسام ,,,
هنعمل المسابقه فى قسم همس القوافى ,,
ولكن بشكل مختلف عن ما سبق فى المسابقه الماضيه
بعد موافقه الاداره ...
كل عضو هيشارك معانا هيطرح موضوعه فى القسم ,,
وهيكون فى لجنه تحكيم ,, لتقييم الخواطر ,,,
والعدد مفتوح ,,, ولو زاااد هنقسمه لمجموعات ان شاء الله ,,
وهى كانت نفسه فكره الافضل لعام 2011 لكن التانيه كانت شامله ,,
الاداره ممكن تنفذ الفكره بنفسها ,,, بس احنا بعد اذنها نتولى مهمه افضل قلم
واهو ننشط القسم بردوا ,,, المهجور من سنين دا :biggrin::biggrin::biggrin:

اى استفسار بخصوص المسابقه او اقتراح معندناش مانع طبعا ..:biggrin::biggrin:
بس ادعوا ان الاداره توافق ,,
وكل سنه وانتم طيبين

[صدى الحرمان]

طول عمرك مبدع
انا موافق
كل عام وانتة بخير

[دمعه حائره]

فكره جميله رحال ان شاء الله تلاقى القبول
ويشارك فيها اعضاء كتير بعد موافقه الاداره
تحياتى ليك ويدوم النشاط

[نقوش على صفحات الورد]

طبعا لو هنتكلم عن الابداع
فانت اهل له
ولو هتكلم عن صديقي صدى
فهو أيضا رمز للإبداع
أنا بمنتهى الأمانه
ليا شرف كبير أكون وسط ( عمالقة فكر وخلق وإبداع )
أتعلم منهم
استفيد من ثقافاتهم
وبرغم ان وبصراحه كنت واخد موقف من موضوع المسابقات
لأني بعلنها وبمنتهى الأمانه
فى مجاملات واضحه جدا فى المسابقات
وفي ناس بتتظلم ودا واضح جدا
ومش عارف التقييم بيكون على أي اسس
انما هشارك
وهتكون التجربه الأخيره ليا فى المسابقات كلها بصفه عامه
والسبب زي ما قلت لحضرتك
مليون فى المائه
هناك مجاملات فى اغلب المسابقات
وتحيزات
ومش عيب اني اقول دا
بس الصح
اللي يفوز يفوز بمجهودوا هو
انا شرفتني جدا دعوة حضرتك
ومشارك بإذن الله
بس اسمح لي لو حسيت بتلاعب او تحيز او مجاملات
هعلن بعد كده وعلى العام
ان المسابقات بتتعمل للتخديم على ناس معينين
ولو هيكون دا الحال
ما يتم تكريم الناس دي وخلاص
دون تعب ومجهود وتضييع وقت
كل ودي وخالص احترامي دائما

[بنت المختار]

الادارة ممكن تقيم أفضل موضوع وقلم خلال السنة كلها
وعن طريق المسابقة الي رح تعملها يتم تقييم آخر عن طريق الاشتراك فيها
وكمان تنشط القسم الخامل تقريبا!
يعني الاثنين ينفعو
وبالتوفيق

[نقوش على صفحات الورد]

للأسف يا بنت المختار
فى حاجات كتيره هنا مش مفهومه
فى اعضاء بلا وجود
ومشرفين بلا وجود
وفي بردوا اعضاء طلعانه عنيهم وبيعافروا
وبمنتهى الأمانه
في ظلم واضح فى بعض الأمور
وفى مسابقات مره واحده اللي يكون رقم واحد يتحول لرقم 8
والعكس !!!!
فى دلاله ان في امور مش عادله
ومع مرور الوقت
لازم يبان كل شيئ
أنا طبعا عارف جدا ان مش من حقي أٌقيم
وعارف اني مجرد عضو لا رحت ولا جيت
انما الساكت عن الحق شيطان أخرس
ياريت ترتيب البيت من جديد
مش عيب
مجرد وجهة نظر

[الرحــاال المٌتَمرد]

اقتباس المشاركة الأصلية كتبت بواسطة نقوش على صفحات الورد طبعا لو هنتكلم عن الابداع فانت اهل له ولو هتكلم عن صديقي صدى فهو أيضا رمز للإبداع أنا بمنتهى الأمانه ليا شرف كبير أكون وسط ( عمالقة فكر وخلق وإبداع ) أتعلم منهم استفيد من ثقافاتهم وبرغم ان وبصراحه كنت واخد موقف من موضوع المسابقات لأني بعلنها وبمنتهى الأمانه فى مجاملات واضحه جدا فى المسابقات وفي ناس بتتظلم ودا واضح جدا ومش عارف التقييم بيكون على أي اسس انما هشارك وهتكون التجربه الأخيره ليا فى المسابقات كلها بصفه عامه والسبب زي ما قلت لحضرتك مليون فى المائه هناك مجاملات فى اغلب المسابقات وتحيزات ومش عيب اني اقول دا بس الصح اللي يفوز يفوز بمجهودوا هو انا شرفتني جدا دعوة حضرتك ومشارك بإذن الله بس اسمح لي لو حسيت بتلاعب او تحيز او مجاملات هعلن بعد كده وعلى العام ان المسابقات بتتعمل للتخديم على ناس معينين ولو هيكون دا الحال ما يتم تكريم الناس دي وخلاص دون تعب ومجهود وتضييع وقت كل ودي وخالص احترامي دائما

برغم ان دا مش مكان النقاش ,,,
لكن بما انك طرحت نقطه مهمه .. احب اوضحهالك
بخصوص مسابقات الاقسام الادبيه اللى اشرفت عليها مع باقى الزملا ,,
امير الشعراء والقلم الماسى
امير الشعراء حضرتك ماشاركت فيها ,,, نتركها جانبا
اما عن القلم الماسى ,,,
الفائزين
السفيره عزيزه
بنت المختار
شاعره الرومانسيه ,,
مين ممكن يتجامل ,, واللجنه لا تعرف من خاطره من ,,,
وصاحبه المركز الاول ,,, قلم نحترمه جميعا .. ولكنها عضو جديده فى المنتدى !!
اما عن الاعمال اللى بتتظلم ,,, احنا بنراقب التصويت قدر المستطاع
والتقييم بيكون حسب اسس وقواعد (مش وجهات نظر) ,,,
كل سنه وانت طيب ياغالى
ومنتظرين قلمك الرائع فى المسابقه
اللى اكتسبت انضمامك ليها ,,,

[الرحــاال المٌتَمرد]

اقتباس المشاركة الأصلية كتبت بواسطة نقوش على صفحات الورد للأسف يا بنت المختار فى حاجات كتيره هنا مش مفهومه فى اعضاء بلا وجود ومشرفين بلا وجود وفي بردوا اعضاء طلعانه عنيهم وبيعافروا وبمنتهى الأمانه في ظلم واضح فى بعض الأمور وفى مسابقات مره واحده اللي يكون رقم واحد يتحول لرقم 8 والعكس !!!! فى دلاله ان في امور مش عادله ومع مرور الوقت لازم يبان كل شيئ أنا طبعا عارف جدا ان مش من حقي أٌقيم وعارف اني مجرد عضو لا رحت ولا جيت انما الساكت عن الحق شيطان أخرس ياريت ترتيب البيت من جديد مش عيب مجرد وجهة نظر

ياغالى كلنا هنا اعضاء ,,,
ومافيش فرق بين ادارى ومراقب ومشرف وعضو
كل واحد ليه حقوق وعليه التزامات ,,,
ياريت حضرتك ماتخرجش عن مضمون الموضوع
وبخصوص المجاملات انا وضحت لحضرتك
انا معرفش لا (س) و (ص) والالوان مبتفرقش عندى
وكل واحد بياخد حقــه ,,, حسب التقييم اللى انا مشاركتش فيه اصلا
لكن مقتنع تماما ,,, ولو ماكنتش مقتنع ماكنتش اعلنت عن النتيجه ,,,
لكن المستويات هنا متقاربه ,, ومحدش بيقدر يقيم نفسه ,,
كويس انك تشارك تستفيد وتتعلم وتشوف غيرك ,,
علشان تقدر تكون الافضل ,,, بمجهودك
لكن ما تتهمش بالباطل ... وان كان فى دلائل على كلامك
آآتى بها ,,, ولكن فى موضوع منفرد ,,, وانا عندى الاستعداد للرد

[صدى الحرمان]

طيب لية منختار احسن عشر خواطر لى 2011

دة رئى ممكن

[الرحــاال المٌتَمرد]

اقتباس المشاركة الأصلية كتبت بواسطة صدى الحرمان طيب لية منختار احسن عشر خواطر لى 2011 دة رئى ممكن

الاختيار هيكون لافضل قلم مش للافضل عمل ,,,
الاداره ان شاء الله (سيلفر)
هيتولى عمليه الاختيار لكافه الاقسام وتكريم الاعضاء قبل نهايه العام
لكن دى مسابقه على افضل قلم ,,,
وبتقترحوا قبل موافقه الاداره
مش لما توووافق الاول :biggrin::biggrin: