::::صــدقــونــــي أنـــا عــارفـــــ::::

[Ahmed Elsyad]

::::صدّقنـي أنا عـارف::::

صدقني أنا عارف إن الصلاة فرض وإني لازم أصلّي في الجامع ،،
صدقني انا عارف إن السجاير حرام وإنها بتضيع فلوسي وصحتي ،،
صدقني أنا عارف ان القهاوي حرام ،،
صدقني انا عارف إن المفروض ماارتبطش بالبنات وأكلمهم.. وإن اللي هعمله معاهم هيتردلي في عيلتي ،،
صدقني انا عارف إن أنا على غلط وإن أنا كده قريب من النار ،،
صدقني أنا عارف أن الحشيش والمخدرات حرام وبتضيعلي عقلي وبتخليني زي الحيوان ،،
صدقني أنا عارف إني لازم أتبع النبي ،،
صدقني أنا مش وحش وأنا بحب ربنا وبحب النبي ،،
صدقني.. وصدقني.. وصدقني
*******

صدقني أنا عارفة إن شعري لازم أغطيه وإني بآخد سيئة بكل شعرة بتبان منه.. وإن كل شاب بيتفتن بيّا بآخد سيئات عليه ،،
صدقني أنا عارفة إني لازم أصلي.. وإني أحافظ على نفسي لحد ما أتجوّز ،،
صدقني انا عارفة إن المفروض مقعدش على قهاوي وأشرب شيشة ،،
صدقني انا عارفة إن المفروض محدش يلمسني غير اللي يحلّ ليّا بس ،،
صدقني أنا عارفة إني المفروض ما أنزلش من بيتنا بالهدوم دي ،،
صدقني.. وصدقني.. وصدقني
وفي الآخر إدعيلي ربنا يهديني
*******

معلومة بسيطة: المعرفة غير الإيمان
إنك عارف ان الصلاة فرض, مش كفاية
كلنا عارفين ان اللي بيسمع الأذان بيوطّي صوت الكاسيت وقت الأذان.. إنما لو كان مؤمن كان نزل صلّى
انا عارف إنك عارفة إن الحجاب فرض.. بس فين حجابك؟ فين إيمانك؟ إنك لازم تكوني عفيفة.. إنك أغلى من الجواهر.. متقوليش القماشة اللي على الراس دي حجاب مش هنضحك على بعض
*******

إنتوا فين؟.. ورايحين فين؟
انتوا مستنيين إيه؟
مستنيين إن أخوك أوأختك أو بنتك تموت قدامك وهي بتعمل المعصية؟
مستني إن ربنا يبتليك بسرطان ولاّ شلل(عافانا الله جميعاً) علشان تتوب وتفوق من اللي انت فيه؟
مستنية إن ربنا يبتليكي بمرض جلدي عشان تخبّي لحمك اللي مفرّجة الناس عليه؟ ولاّ يوقعلك شعرك اللي مطيّراه على الناس؟
ولا مستني ربنا يعميك بعينك اللي ما بتسيبش بنت معدية إلا وفحصت بيها كل حتّه فيها؟ولو أختك اللى معدية هتعمل انك مش واخد بالك!!!!

مستني إنك تدخل القبر ويسألك الملكين: من ربك؟ ومن نبيك؟ وما دينك؟
هترد بإيه؟
هرتد باللي كنت عايش عليه في الدنيا؟
كنت بتعيّط عشان حبيبك.. ومعيّطش من خشية ربنا؟
كنت بتبص للبنات ومبصّتش في كتابه تقرأ قرآنه؟
هتقول إيه لنبيك على الحوض؟ هتقوله انا بحبك بس مبسمعش كلامك؟

بقينا متساهلين فى كل حاجة والتساهل بتاعنا بقى فى اهم حاجة فى حياتنا فى ديننا
فعلا عارفين كل حاجة بس هنعمل اية تلاقى البنت فعلاً ماشية حطة قماشة أو طرحة على شعرها وتقولك أنا محجبة ؟؟؟؟!!!








فوقوا بقى

فوقوا بقى قبل ما تموتوا

*******

[Ahmed Elsyad]

هرتد باللي كنت عايش عليه في الدنيا؟
كنت بتعيّط عشان حبيبك.. ومعيّطش من خشية ربنا؟
كنت بتبص للبنات ومبصّتش في كتابه تقرأ قرآنه؟
هتقول إيه لنبيك على الحوض؟ هتقوله انا بحبك بس مبسمعش كلامك؟

بقينا متساهلين فى كل حاجة والتساهل بتاعنا بقى فى اهم حاجة فى حياتنا فى ديننا

[Ahmed Elsyad]

رَبــي أســعد قلـوبـاً ضـاقـتْ ♥ ليس لـديهَـا من يسعـدهـا سواك ♥