الاهلي والزمالك ( الحوار الساخن )

[وهج الايمان]

اخترت قسم النقاش لكل نتناقش في هذا الموضوع نظرا لاهميته بدون اي مقدمات انا هدخل علطول في الموضوع الكثير من البيوت يوجد فيها مشجعين اما للاهلي او الزمالك ويوجد بيوت فيها مشجعين للفريقين الاهلي والزمالك وهذه تكون مشكله في حد ذاتها اثناء الماتش كل واحد ينحاز لفريقه وتحدث بعض الخلفات طيب ليه كل ده؟؟ حياتك ام فريقك؟ سؤال غبي جدا لاني الاجابه معروفه طيب ليه انا طرحته؟ والاجابه اكيد حياتك طبعا لاني حدثت اكتر من قصه حبيت اطرحها اليكم القصه الاولي . . . وانا في ثالثه اعدادي وكنا في ايان امتحانات سمعت اني واحدها زملتنا باباها توفي اكيد طبعا زعلت ولاكن ماسبب وفاته؟ الاب متعصب جدا لاهلي اثناء مشاهدته احد الماتشات مات بسبب سكته قلبيه بسبب الماتش او جون تتخيله جون سبب وفاته القصه الثانيه . . . برده واحده زملتي عارفت عن طريق الصدفه اني باباها متوفي هي متعصبه جدا للاهلي وباباها الله يرحمه كان متعصب جدا للاهلي مات اثناء مشاهدته لاحد الماتشات العجيب ان سيره باباها وسبب موته لما بتكلم فيها قدامها وده طبعا ما حصلش غير مره واحده بحس انها سعيده اوي ومبسوطه وفخوره بوالدها يوم القيامه كل واحد يبعث ع ما هو مات عليه تتخيله هذا المنظر واحد يبعث يوم القيامه يقول اهلي اهلي او زمالك زمالك ربنا يرحمهم ويغفر لهم اما بالنسبه للقصه الثالثه مختلفه شويه . . . هي قصه طريفه عباره عن زوج زملكاوي وزوجه اهلاويه الاتنين متعصبين لفريقهم الزوج في مره غلط في الاهلي الزوجه غلطت في الزمالك الزوج انت طالق الزوجه احسن برده موت وخساره وخراب بيوت بسبب فريقين طيب ليه كل ده؟ انا عمري ما سمعت عن لاعب مات بسبب ماتش او بسبب جون عارفين ليه؟ لاني يمشوا وراء عقولهم حياتهم اهم من كل التفاهات دي تتخيله الاعب نفسه اللي بيكسب ملايين او بيخسر ملايين مش بيزعل نفسه لانها حاجه عاديه يعني اما المشجعين علطول واقع عليهم الضرر واحد صاحب بابا اهلاوي متعصب تفكيره تافه شويه بيكره الزمالك موت بيقول لو الزمالك لعب مع اسرائيل انه يشجع اسرائيل وما يشجعش الزمالك غباء ناس مش من اخلاقك ولا من بلدك ولا من دينك تفضلهم ع ناس من بلدك واخلاقك ودينك اسماعيليه بلد جميله بس مش اوي عافين ليه؟ بيكرهوه الاهلي موت نفس الحكايه اني الاهلي لو لعب مع تل ابيب يشجعوا تل ابيب وما يشجعوش الاهلي اصلا انا سمعت والله اعلم من صحه الكلام اللي سمعته انهم يوم ماتش الاهلي بيخرجوا يكسروا العربيات والاعلام الحمراء يعني لو واحد اهلاوي هناك يشجع الاهلي من غير نفس اعرف واحد اهلاوي وزوجته اسماعيليه بيقول يوم ماتش الاهلي ببقي نفسي افرح بس بخاف يحصل كوارس يحدث الكثير من الحوادث بعد الماتشات بسبب الاحتفالات بالفوز او الحزن ع الخساره وساعات تصل الكوارث لدرجه الوفاه وينهار الاب والام بل الاسره كامله بسبب ماتش طيب ليه كل ده؟؟؟ اسالوني بقي انا ايه؟ انا اهلاويه عارفين ليه لما بدات ادرك ان في حاجه اسمها كوره عارفت اني من اشهر الفرق الاهلي والزمالك سالت بابا انت بتشجع ايه قالي الاهلي عارفين لو كان قالي الزمالك كنت هكون زملكاويه مش بشاهد ماتشات كتير ومش بفهم اوي في الكوره قليل لما بتفرج ع ماتش الا لو كان مهم وساعات ما بتفرجش انا اصلا بعرف انه مهم من اخواتي بسالهم ليه مهم بيقولولي لو كسبنا هيحصل كذا ساعات بتفرج ماتشات مصر بس قليل برده يعني لو عندي مذاكره الاغلبيه بفضل المذاكره عليه واعتقد اني ده الصح مش بفهم اوي في الكوره يمكن بعرف بعض التعليقات والكلمات المستخدمه انا اصلا هما كام لاعب اللي اعرفهم في الاهلي ولاعب او اتنين في الزمالك منهم عمرو ذكي طبعا لاني مش بستلطفه فاكيد عارفاه انا مش بنكر اني الاهلي لما بيفوز بفرح ولما بيخسر بزعل بس الحكايه دي تستمر ساعه ساعتين او لاخر اليوم اقصي حاجه غالبا معظم الماتشات اللي اتفرجت عليها كانت بليل علشان كده مش بتستمر الحكايه دي كتير في فيلم اتعمل اسمه الزمهلوية شوفت منه بعض اللقطات مش كله انا في نظري انه فيلم غبي اني الاهلويه عايزين كل حاجه حوليهم احمر اكلهم لبسهم شربهم والزملكويه نفس الحكايه بس ابيض طيب ليه كل ده؟؟ الفريقين نفسهم بيتعونوا مع بعض ومع فرق اخري لما بيكون في ماتش لمصر الاعب نفسه ممكن يكون طول عمره بيلعب في فريق وينتقل لفريق تاني ويلعب بنفس المستوي ويمكن افضل كمان طيب ليه تشجيعك لفريقك يكون سبب موتك او مرضك او دمار حياتك انا مش ضد فكره انك تحب فريق وتشجعه وتفرح لفوزه وتحزن لخسارته بالعكس شجع الفريق اللي يعجبك بس بالعقل في النهايه اتمني ان تحكموا عقلكم قبل قلبكم يهمني راي كل عضو وخصوصا المنحزين لفريق معين لعل يقنعوني ان وجهه نظري خاطئه ولعل اقنعهم بوجهه نظري اتمني ان ما يكونش حد زعل من كلامي ومن وجهه نظري واتمني ان اكون نجحت في ان اوصل لكم وجهه نظري ( اختلاف الراي لايفسد للود قضية ) في انتظار الاراء في امان الله

[حَرفُُ هجآءّ]

السلام عليكم

حلو اوى اللى طلق مراته وهى قالت احسن هههههههههه

والله انا بشوفها تفاهه

وحده صحبتى كانت قالتلى انها خارجه هى وجوزها يتفسحوا بس قالها لو الاهلى كسب هنخرج

لو خسر مش هنخرج وفعلا خسر الاهلى وضاعت الفسحه هههههههههههههه

اللى بيوقف حياته على ماتش كوره ده تفكيره محدود وسورى يعنى تافهه بكل بساطه لا المدرب

حسه بيه ولا اللاعب شافه ولا يهمهم اصلا هما نفسه مش بيهمهم مين الفريق اللى يلعب فيه

[بقــايا أنثى]

عارفه يا وهج
والله الموضوع دا ساعات كتير جدا بيضايقنى
اولا وجهه نطرى بالنسبه للموضوع
الرياضه اخلاااااااااااق يعنى المتعصب وال بيشتم وال بياخد زنوب
بسبب لاعيبه او اى شىء تانى مرفوض وتصرف مش سوى بالمره
اما بالنسبه لكونى اهلاويه او زمالكاويه انا اهلاويه
واقولك على حاجه كمان والدى زملكاوى
وساعه الماتشات بتبقى حريقه فى البيت لان والدى متعصب
بس اما بيشوفنا بنتكلم معاه وبنحلل المباره
وبنهزر ونضحك خلاص الموضوع خلص
المشكله بقا فى وقت العصبيه انه فعلا بيبقى وقت صعب
ومعاكى فعلا ان حكايه الكوره فى مصر وفى معظم دول شمال قاره افريقيا
التعصب سمه اساسيه وبردو مش عارفه ليه مع انها خساره ومكسب
والتوفيق من عند ربنا
انزل الملعب والعب بضمير واخلاق هتكسب
هتقل اخلاقك فى قوانين بتحكم الحكم وحش فى جمهور يقيم ادائك ومدرب كمان ومجلس اداره
منظومه كامله بتقول انا كيان قوى والكلام بالنسبه للاهلى او الزمالك
اما بالنسبه لاخوانا المتعصبين
هسأله سؤال
لو جالك تعب وحش لا قدر الله بسبب العصبيه والنرفزه قلب سكر ولا ضغط
حد من لاعيبه الفريق بتاعك هيتصل بيك وييقولك سلامتك
يا ريت نفكر بعقل شويه اكتر من كدا
وبكررها تانى الرياضه اخلاااااااااق قبل م تكون تعصب او اختيار
اسفه للاطاله
تحياتى

[الرحــاال المٌتَمرد]

وانا عاوز اضيف حكايه من حكايات الكوره دييد
انا الوحيد اللى فى العماره كلها اهلاوى
يوم ماتش 6/1 طبعا كان يوم يستاهل الفرح
عزمت العماره كلهم ع بيبسى ,,, وكان المقابل
اخدت علـــــقه ,,,, لما تقريبا بقيت اشجع فى الخباثه

موضوع فعلا مهم
يسلموا ع الطرح

[واد حبيب]

الحمد لله انا بشجع الاهلي بس مش متعصب خالص

يعني لو اتغلب عادي وبرده لو غلب عادي

ليه اكون متعصب لفريق واتعب علشانه وا يحصلي حاجه

لما واحد يتوفي علشان مباره اولادو هيسدوانو ايه النادي اللي بيشجعو هبصرف علي البيت مكانو

ولا هيعملهم دخل شهري ولا هيعودهم عن حنان الاب ده طبعا مستحيل

ولما واحد يطلق مراته علشان متش وهيه تقولو احسن لما حد يسئلهم

انت او انتي ايه سبب الطلاق هيقولو متش كوره

وبنشوف مشجعي اي فرقين بيموتو بعض علشان فرقهم وناس تنصاب وناس بتموت

والعيبه بعد المباره يسهرو عند بعض ويخرجوه مع بعض عادي خالص

في الاول والاخير المشجع المتعصب هوه الخسران

تقبلو تحياتي

الحبيب

[طِيشْ !]

هههههههههههههههههههههه

حلــــــــــ,وة اوي حكاية الراجل الزملكاوي ومراته دي


في داهيــــــــه هههههههههههههههه أحسن بردو دي مستبيعه اوي


بصي يا قمر أنا اهلاوية ومنكرش إني ببقى متعصبة أحيانا اوي في لاحقيقة معظم

الأحيان عشان مكذبش هههههههههههههه بس طبعا بحترم أي نادي تاني دا عن نفسي يعني


بالنسبة لموضوع البيوت فهيا فعلا مشكلة لأن هما بيدخلوا لعبة في حياتهم واللعبة دي

بتغير مسار الحياة تماما وممكن تضيع أطفال ملهومش ذنب ومفيش روح رياضية

دا حتى بتوع الأندية واللعيبة مبيزعلوش عالماتشات قد ما احنا بنزعل عليها


والله بتوع الاسماعيلية دول حكاية لوحدهم ههههههههههههههههههههه

يعني بصراحة مش عارفه الناس دي أيه

نـــــــــــــــو كومنت بصراحه يعني مش عارفه اقول لهم ايه

ربنا يهديهم

المشكلة دي فعلا عايزة حل وضروري جدا دا في ناس شباب بيموتوا في الماتش

بسبب سكتة قلبية أو خناقة بين جماهير يعني حاجات مش معقولة

صحيح الانسان يبقى عنده انتماء رياضي ويشجع فريقه وكل حاجة بس

مش يموت نفسه عشــــان النادي يعني لو واحد فيهم قال عمروزكي او حسنى

أو وائل جمعه موت عشانى وانفعل اوي عشان تجيلك سكته ربنا يحميهم يعني

هيعملوا في نفسيهم كدا والله محدش هيعبر حد

يعني الواحد في 90 دقيقة ممكن يدمر حياته ويضيع ولاده حــــــــــرام

كـــــــــــدا حرام هما اللي هيروح في الرجلين


مـــــــــــــــــرسي يا جميل علي التوبيك الجامد

فائــــــــــــق تحياتي واحترامي لكــــــــــــي


دمـــــــــــــــــــــتي بــــــــــود غاليتي

[دمعه حائره]

التعصب بيفقد الانسان عقله ويخليه يتصرف تصرفات غير محسوبه
بيغيب عقله ويقضى على حياته وبيته
الروح الرياضيه اختفت من بين الناس فى كل حاجه مش بس فى الكورة
وده لبعدهم عن دينهم وعدم تحليهم بالصبر والثقافه
عمرك ماتلاقى واحد بيفكر صح وعارف تعاليم دينه كويس
يتصرف التصرفات دى سواء فى كورة او نقاش
شكله ايه قدام الناس ده لما يموت عشان جون
ربنا يرحمه هواوكل ضحايا الكورة
وزى ماقولتى الاهلى والزمالك بيتجمعوا تحت اسم
منتخب مصر فى الاخر
موضوع قيم وهج اتمنى ينتهى فيه النقاش على خير
تحياتى وتقديرى لكى

[~♥ Queen sozan♥~]

والله موضوع محير بس العصبية مش با ايدينا يعنى

بنحاول نهدى اعصبنا بس لى بيحب نادية اوى بتلقية متعصب
من غير حاجة ...

بس مش لدرجة خراب بيوت او خناق بجد يعنى

لا كل شئ بلعقل جميل

تسلمى على موضوعك ...

[laroz]

أنا أهلاويه أه ومش متعصبه بس لما حد يجى يغلط فى الأهلى قدامى مهما كان بشجع إيه مش شرط يكون زملكاوى برد عليه بس مش بيوصل الأمر احد الخناق وكده للإنى عارفه إنى صداقتى بالناس أهم عندى من متشات الكوره وغير كده فى متشات مصر كلوا بيشجع الفريق مش أهلى أشجع أهلى وزمالك أشجع زمالك فعلا هو موضوع خطير
شكرا على التوبيك

[game010]

انا اتكلمت اكثر من مره فى الموضوع ده
وعملت توبيك هنا وكمان فى قسم الرياضه
لغاية منا زهقت من التعصب الى عند الناس
انا بقول شجع نديك واى منافسة فى الدنيا
لازم يكون فى خاسر واكيد هيكون فى فاز
ولو خسرت انهاردا لازم هتكسب بكره ...
ولو كسبت اكيد هيجى يوم عليك وتخسر
هى دى سنة الحياة واردت الله فوق كل شى

شكراً ليك على التوبيك المميز ده
التوفيق للجميع