ارجوكم دي اول حاجه اطلبها منكم انصحوني

[القمر الوحيد]

انا ارتبط بواحد حاليا معايا في الكليه
هو انسان محترم جدا وعايز يتقدملي
بس عايز يعرف عني كل حاجه عايز يعرف انا حبيت قبل كده ولا لاء
عايز يعرف ماضيا
انا اتخطبت مره وفسخت بعد شهر ومحصلش نصيب بس اتعلقت اوي بالانسان ده
واتعرفت علي كذا واحد واتعلقت بيهم بردو واتعلقو بيا وحبوني
حاسه ان من كتر اللي بحبهم ويحبوني زي مابيقولو
مش حاسه ان فعلا حبيت حد في حياتي
حاسه ان كنت محتاجه كده وخلاص
خايفه يكون ده كمان مجرد احتياج بالحب
بس هو انسان محترم وصريح
وانا كمان صريحه جدا
بس خايفه اقوله كده
وانا حساه اوي
هو معايا في الكليه بس عمري ماعملت حاجه في الكليه
او عرفت حد معايا كانت معرفتي دائما من بره
ودي اخر سنه ليه
بجد انا مش عارفه اصرحه
ولا اخبي الماضي جوايا
ولا اقوله واخلص ضميري
ولا بجد اعمل ايه
اعمل ايه؟؟؟؟؟؟؟؟؟؟؟؟؟؟؟

[تيتشر نفشه ツ]

قمر انا بعتلك رساله شوفي العنوان مكتوب فيه ايه انا كتبتلك المطلوب في العنوان علشان مش هتقدري تشوفي الرساله

اوك ياقمر

يلا مستنياكي

[P R ! M O]

لكل انسان بدايه جديده

ولو هو انسان كويس اكيد هيقدر موقف

بس لازم تصرحيه


بس اهم حاجه اسلوبك فى الكلام عن الناس التنين دوول


يعني باسلوب شيك كده

كان فى حياتى حد اتقدم لى ومش حصل نصيب وبس


وبلاش تفاصيل كتير


واكيد باذن الله هيقدر موقفك @_@

اتمنى التوفيق ليكي

[fankosha]

حبيبتى هو اكيد الى هيهمة بعد ماعرفك
وانتى لازم طبعا تصارحية انك كنتى مخطوبة مفهاش مشكلة دى
لان كل شىء نصيب
واكيد هو هيقدر
وربنا يوفقك ان شاء الله

[~♥ Queen sozan♥~]

مش هينفع تخابى حاجة لان ممكن يعرف من برة
يعنى الصراحة دايما فى البداية مطلوبة
بجد لو بداتو حياتكم على كدة لو صغيرة هتندمو

وربنا يوفقكمــ يارب فى حياتكم

وهو اكيد هقدر كلامك وصراحتكــ لية

[أميرة الدفا والوفا]

أكيد لازم تكوني صريحه

قوليلو كل حاجه عنك

و كل حاجه غلط عملتيها في حياتك

أحنا بشر

كلنا بنغلط

و مفيش حد معصوم

و أطلبي منه هو كمان يصارحك

بكل حاجه عنه

و حبي من قلبك

وأخلصي أوي

و ربنا يوفقك

[احزان ملكه]

بصي ياحببتي انتي لازم تكوني صريحه جدا معاه
دا لو بجد انتي مقتنعه بيه وعايزه تكملي معاه باقي حياتك
بصي صرحيه بكل حاجه الغلط قبل الصح
وكمان عوديه ووعديه وعلميه ان اي حد فيكم
يعمل حاجه غلط في حق نفسه او في حق الثاني
لازم يقولها والثاني يكون صدره رحب ويعاقب ويسامح
بس من غير فراق
في مقوله بتقول
(اسرع الطرق للوصول للهدف هي الخط المستقيم )
خلي الصراحه اهم صفاتك
وربنا يوفقك

[مغروة بس معذورة]

صرحية ياحببتي وليلوة كل حاجة وخلي كل حاجة بحتكم تبتدي بصرحة ونتي مفيش حاجة كبيرة عملتية واليلوة وخلص ونا شاء الله نفرح فيكم