كلام الشباب للبنات

[نـــــ غ ـــــــم]

30 جمله 95% من شباب مصر بيقولوها للبنات

1- حبيبتى انتى عارفه انا مش بحب حركات الشباب الطايش
انا اصلا مبكلمش بنات

(وتلاقيه يعرف طوب الارض )

2 - يااااه ياحبيبتى انا حاسس انى اعرفك من زمان

( وهوا تلاقيه متلخبط بينها وبين بنت كان يعرفها قبل كده )

3- حاسس ان فيكى حاجه غريبه غير كل البنات

( اكنها مثلا بتمشى على ايديها ورجليها )

4- انا حاسس ان فى شبه كبير بين افكارى و افكارك
احنا اكيد مخلوقين لبعض

( اكيد دى البنت رقم 100 اللى بيقولها كده
وكأًن كل بنات الدنيا مخلوقين عشانه)

5 - حبيبتى انتى اول حب فى حياتى وانا حاسس انى اتولدت يوم ماقبلتك

( على أساس ان والدته كانت حامل فيه 20 سنه
وولدته قبل مايقابلها بيومين )

6- يااه يا حبيبتى انتى تؤمرى وانا انفذ اللى انتى عايزاه اجبهولك
( فى المشمش )

7- حبيبتى الطقم اللى انتى لبساه ده تحفه بس متلبسهوش
تانى عشان بتبقى حلوه وانا بغيييييير بغيييييييييير

( طبعا فاهمين الحركات دى تلاقيه مش عاجبه اساسا )

8 - هكلم باباكى اول ماكًون نفسى

( موووووووووووت يا حمااااااااااار )


9- عايز اشوفك كل يوم كل ساعه كل ثانيه

( عشان اصحابه يتأكدو انها حلوه )

10 - حبيبتى افتكرى دايما انى لما بحب بحب بجد
وانا حبيتك بجد من اول ماشوفتك
وكنت بدور عليكى من زمااااااان

( الاسطوانه المشروخه )

11- انا علاقتى بيكى محدش يعرفها غيرى و غيرك و ربنا
لانك بقيتى كل خصوصياتى

( يعنى يا دوب اللى يعرفو اخواته
و اصحابه و جرانه وقاريبه وصحاب صحابه.....الخخخخ )

12- معلش ياحبيبتى مش هقدر اعدى عليكى بالعربيه النهارده
علشان هيا فى التوكيل

( طبعا عارفين شويه الفشخرة دول وهوا اساسا ماعندوش عربيه
و اكيد ماعرفش يزوغ بعربيه باباه )

13- ياحبيبتى انتى بتتكلمى فى أيه انا كل عطورى من فرنسا

(ايوه زغلل عنيها ياواد )

14- ياه لما بشوف رقمك على الموبيل قلبى بيتنفض

(طبعا من الخضه انها تكون فأسته)

15- فلان قالى اديله رقمك بس انا قلتله اقتلنى
قبل ماتاخد رقها منى

( ياااااه على التضحيه وهى ياعينى رقمها مع مخاليق ربنا كلهم )

16- حبيبتى عايز صورتك عشان قبل مانام اشاهد فى جمالك

واحطها تحت المخده

( لا وهو الصادق عشان لما يتخانقو يهددها بيها )

17- اسف يا حبيبتى امبارح مقدرتش اكلمك
كنت مشغوووول فى المذاكره

( قصده معهوش فلوس او مشغول مع واحده تانيه )

18- اسف يا حبيبتى انى مقدرتش اجى فى المعاد امبارح
كان عندى ظروف صعبه

( معزور الولد افتكر معاد البنت التانيه اللى بقاله 3 اسابيع مأجله )

19 - عارفه يا حبيبتى انا طول الليل منمتش
قاعد بفكر فيكى

( بس على ميين ترد عليه تقوله اومال مين اللى كان نايم
و مبيردش على التليفون؟
بس كالعاده الرد جاهز....
ياااه انتى تقصدى الخمس دقايق اللى نمتهم دوول؟
دول من كتر التفكير فيكى جالى غيبوبه )


20 - عارفه يا حبيبتى انا اصلا مش بفتح الماسنجر
الا لما بتكونى موجوده اصلا النت
من غيرك ما يسواش

(

يقصد مش بيفتح البلوك عنها الا اما تكون

هيا بس الى اون لين عنده)

21 - حبيبتى انا ماستهلكيش

( يييه وهوا ده حال الدنيا , الولد بيضحى علشان الدكتور
قالوه هاتموت الاسبوع الى جاى فامش لازم يعذبها معاه)

22 - انا بعمل كده علشانك انتى

( ايوه ماحنا عارفين باباها قالو لو ماسبتهاش هاحرمها من الميراث )

23 - انا هاسيبك علشان مش عاوز
اى حد يتكلم عليكى نص كلمه

( ياراجل وانت لسه فاكر دلوقتى مالبنت اتشحورت
والحمد لله بسببك وخلاص الى حصل حصل )


24 - انا مش عاوزك تزعلى مينى
( يارااااجل وانت لما تسبها هاتعمل فرح وتدبح عجلين يعنى ..

لا والنبى هاتزغرد لولولولى الواد سابنى انا فرحانه )

25 - انا هاهاجر ومش عارف هارجع امتى

( طب ماتخدها معاك يامعلم ولا هيا حجج وخلاص)


26 - أنا مانفعش ارتبط بواحده مشيت معاها

(ياراجل ان شاء الله ربنا هايكرمك
وترتبط بوحده مشيت مع نص شباب شبرا ومصر القديمه كمان )

27 - انتى احسن حد عرفته فى حي
اتى بس مش هاينفع نكمل

( ترد هيا بقى وهيا بتعيط ئهئ ئهئ ئهئ ليه ليه ليه ..
يقولها علشان خطرى انا ماستحملش دموعك ...
وبرده مايقولهاش )

28 - انتى اكتر حد حبيته فى حياتى
بس برده زى ماقولتلك مش هاينفع نكمل
( لا تعليق )

29 -حبيبتى انا اكتشفت ان مافيش مابينا حاجه متشابهه

( لأ بجد....بألو سنتين ماشى معاها وبعدين لسه مكتشف ده
, الظاهر عليه كان بيكتشف مقبرة جديده فى اسوان ولا حاجه )

30 - والله ياحببتى انا مش وحش وبلعب
بمشاعر البنات زى مانتى فاكرة بس هوا ده نصيبنا

( لا ماهو واضح )

[غزاوية وافتخر]

اعذريني اختي
كمان ممكن البنات بتكون متل الشباب بتحكي
يعني بتحكي انتا وال حب واخر حب وووووووووووالخ؟؟
يعني الجهتين بيكونوا خاييننين؟؟
وكمان في شباب اطهر ناس علي الارض والبنات كمان؟؟
يعني الشر والخير موجودين بكلا الطرفين
مشكوره علي التوبيك ملك

[نـــــ غ ـــــــم]

معاكى حق غزاويه بس الخداع موجود فى الشباب اكتر

لانى البنت بطبيعتها عاطفيه

واول ما بتسمع كلمة حلوة بتميل بسرعه

وبتصدق بسرعه

لكن برضو فى بنات كتير كذابين صح

وبرضو فى اولاد كتير كويسين

لكن الاغلبيه كذب ع الدقون زى ما بيتقال

ميرسى غزاويه لردك المتميز

اسعدنى مرورك العذب

دمتى بكل ود

ارق تحياااتى

[أميرة الدفا والوفا]

هههههههههههههههههههههههههههههههههههههههههههههههههه هههههههههههههه

والله روعه

معاكي حق

موضوع فعلا ملم و شامل
لكلللللللللللللللللللللل "أشتغالات "الولاد

تسلمين حياتي

بس خلينا نقول ان كمان في بنات كده
بس أتوقع الولاد أكثر وأكتر أتقانا
ملهمش زي

[عاشقة الهدوء]

ههههههههههههههههه والله انتى عسل وما ليكى حل

موضوعاتك توووحفه وهااايله وكلوا كوم وموضوعك

ده كوووم تانى وفعلا والله أكتر الشباب اليومين

دووول بالطريقه دى وهنقول كمان ان فيه

بنااات بتعمل كده بس قله جدا عن الشباب

الشباب اليومين دووول محترفين فى

الآشياء الى زى دى خاصة ان دايما فى تفكيرهم

ان البنااات كتيره ونسبة العنوسه عاااليه يعمل بئى

ما بداله ويعيش قصه تحت مسمى الحب

والحب برىْ منه ومن أمثاااله



الآشخاص دى أساسا لا تعليق عليهم وعلى الى بيعملوه

يعنى الواحد لو اتكلم تانى مش هخلص هههههه

وما لنا الا الدعاء لهم ولآ أنفسنا أيضا بالهدايه وربنا يحفظنا جميعا

من كل سوء وشر ويصلح لينا الحااال

أمين موووفقه ياحببتى ربنا يحفظك

[ساحرة الليل]

اساسة البنت غلطانة اى حاجة تعملها من ورا اهلها تبقت غلط يعنى هية تستاهل

[elkateba3]

حرام عليكم تظلمونا

[سيفين]

موضوع حلو ورائع
معك حق حبيبتي
يسلموووووووووووووووو

[نـــــ غ ـــــــم]

ههههههههههههههه ميرسى يا اميرة لمرورك وردك الجميل الرائع

بس هى دى الحقيقه الى بتحصل مع كتير من البنات

دمتى بكل ود وحب

[نـــــ غ ـــــــم]

اللهم امين يارب العالمين تسلمى ويسلم ردك العذب يا عاشقة

دمتى بكل حب وعلى طاعة الرحمن

اسعدنى مرورك الوردى