فكرة مسابقة

[لحظة عتآب]

السلام عليكم ورحمة الله وبركاته

ازيكم .؟؟ يارب تكونوا كويسين

انا جاتني فكرة مسابقة وحبيت اعرضها عليكو
ويارب تعجبكم ان شاء الله
والفكرة هي اني هنزل سؤال اسبوعياً مثلاً
وهسأل فيه عن قصة ذكرت في القرآن
وهطلب من الاعضاء يقولولي القصة دي
ذكرت في اي سورة؟؟

وفي نهاية الاسبوع نكرم الفائزين
والجوايز تحددها الادارة
اما بالنسبة عن مكان المسابقة
فأنا بصراحة محتارة هل انزله
في القسم الاسلامي ولا في
قسم الخلفاء وقصص الانبياء
اللي جوا قسم الشخصيات التاريخية

مستنية رأيكم

[ساحر الأحزان]

جميلة لحظة فكرتك

والافضل ليها القسم الاسلامى

لانها تتحدث عن القراءن الكريم

ولننتظر توضيح الادارة

اتمنى لكى التوفيق دوما

[Ŝmilể Ḿőøn]

فكره جميله جدا
وفريده من نوعها

بانتظار موافقه الاداره

[doiss]

وعليكم السلام ورحمة الله وبركاتة ,,
توكلي علي الله واطرحيها بالقسم الاسلامي ,,
ومش عارف هتنظمي جوائزها ازاي وعندي اقتراح شوفي اية رايك وردي عليا ,,
مبدئياً انا استنتجت انها هتبقي اسئلة يومية علي مدار اسبوع ,,
ولو كدة ممكن كل اسبوع تعلني عن اسرع واصح 3 فائزين علي مدار الاسبوع ,
واهم شيء كل اسبوع يكون بموضوع مستقل حتي يسهل للمراجع من الادارة علي اسماء الفائزين ,,
والفائزين كالتالي بالمشاركات ,,
100
75
50
شوفي وردي عليا ,,
وربنا يوفقك ..

[مشتاقه للجنه]

فكره جميله يا لحظه وضياء وضع جوايز مغريه

فأكيد متابعه معاكى

على بركة الله

[تيتشر نفشه ツ]

الله فكره هايله قوي يالحظة عتاب ومفيده جدا تسلمي يارب

بالتوفيق ليكو

[لحظة عتآب]

اقتباس المشاركة الأصلية كتبت بواسطة doiss وعليكم السلام ورحمة الله وبركاتة ,, توكلي علي الله واطرحيها بالقسم الاسلامي ,, ومش عارف هتنظمي جوائزها ازاي وعندي اقتراح شوفي اية رايك وردي عليا ,, مبدئياً انا استنتجت انها هتبقي اسئلة يومية علي مدار اسبوع ,, ولو كدة ممكن كل اسبوع تعلني عن اسرع واصح 3 فائزين علي مدار الاسبوع , واهم شيء كل اسبوع يكون بموضوع مستقل حتي يسهل للمراجع من الادارة علي اسماء الفائزين ,, والفائزين كالتالي بالمشاركات ,, 100 75 50 شوفي وردي عليا ,, وربنا يوفقك ..

لا يا استاذي انا اقصد سؤال اسبوعي
مش اسئلة يومية علي مدار اسبووع
يعني نعرض السؤال اول الاسبوع و
علي آخر الاسبوع نعلن الفايزين ونسلم الجوائز
وانا كمان فكرت انها مش بس تكون علي القصص
ممكن اي حاجة تانية ونطلب من الاعضاء
انهم يجيبولنا الدليل والاثبات عليها من القرآن الكريم
وكمان عشان نخلي المسابقة فيها شغل اكتر
هنطلب من الاعضاء اسم السورة وكمان يذكروا لنا
الآية اللي اتذكر فيها اللي احنا طالبينوو
وكمان ممكن نطلب من الاعضاء انهم يفسروا الآية
بطريقتهم هم وطبعاً هندقق علي طريقة الطرح
والتنسيق والاسلوب وغيرهــا.........
وسؤال معلش للادارة
هل هنعمل السابقة كلها في موضوع واحد
ولا نعمل كل مرحلة في موضو منفرد؟؟

[Iѕlαм Ч 3αlαм]

الافضل انك تعملى كل مرحلة فى موضوع مستقل
عشان يبقى التدقيق افضل
الموضوع فكرته جميلة
ومكانه المناسب فعلا قسم الاسلاميات
شكرا على المسابقة الجميلة
تقبلى مرورى
وفى انتظار التنفيذ

[doiss]

اقتباس يعني نعرض السؤال اول الاسبوع و علي آخر الاسبوع نعلن الفايزين ونسلم الجوائز

سؤال واحد اسبوعياً .. معني كدة انة فائز واحد اسبوعياً لأن الاسرع والاصح بالاجابة مينفعش حد ينسخ اجابتة !!

ومعني كدة ان المنافسة هتكون كلها مختزلة بأول واحد يجاوب صح !!
سواء بقي تفسير او إستدلال وخلافه ,,

وايضاً لم استوعب هذة الجملة ,,

اقتباس وسؤال معلش للادارة هل هنعمل السابقة كلها في موضوع واحد ولا نعمل كل مرحلة في موضو منفرد؟؟

مرحلة يعني تصفيات وتصفيات يعني مجاميع بشكل جماعي او زوجي او تنافسي !!
هو دة مضمون كلامك اللي وصلني جائز اكون مخطيء !!
المسابقة يا اما انتي لم تستطيعي بلورتها بشكل جيد او جائز تكوني انتي بس اللي فاهماها ومش عارفة توصليها للأخرين !!

[YOo YA]

ان شاء الله تقدروا تعملوها بشكل جيد
وبعتقد انا ايضا انه لو كان سؤال كل يوم
وبعدين ل يوم تقولو فايز ونمثلا اللي يفوز اكتر ياخذ المركز الاولد
ايه رايكم
وانا اذن الله لما تقدورا تعملوها
انا معاكم