ساعات في ميدان التحرير

[نقوش على صفحات الورد]

السلام عليكم ورحمة الله وبركاته
إليكم آخر لحظاتي في ميدان التحرير
لتكن شاهده على بلطجة الداخليه من جديد
وعلى فشل وعجز العسكر
وعلى أحوال تمضي بنا للمجهول ..
دخلنا الميدان وهناك ما يشبه الحصار من أفراد كثيره ومكثفه من عناصر ( كلاب الأمن المركزي )
وعفوا للكلاب لأنهم أوفى من هؤلاء الشرذمه العدوانيين الهمجيين ..
بدأوا يستفذونا بالويل والثبور وعظائم الأمور
تكاتفنا وتجمعنا وصممنا
كنا في الأول ما يقرب من ال 500
وما هي إلا لحظات وبعد المزيد من طلب النجده من كل الحاضرين بذويهم
رأينا جموع آتيه من كل شارع
وهنا كانت الفاجعه
بدأوا ضرب قنابل مسيله للدموع ( علمنا بأننا سلميين حتى هذه اللحظه )
لم يهدأوا
قاموا بإطلاق رصاص مطاطي ثم رصاص حي
فبدأنا ندافع وهذا مؤكد
نحن جميعا ( عزل ) اللهم إلا من أعلام مصر ومصاحف وصلبان أشقائنا المسيحيين ( الأوفياء )
زادت بغزاره جموع إخواننا المسيحيين حولنا وعملوا حصارا بأجسادهم العطره ليحمونا ونحميهم
ونحمي بعضنا البعض
وبدأ فعلا الاشتباك
بدأنا نكسر أي شيئ
ليس بعد الكفر عيب
نحن نزلنا سلميين فوجدنا أناس وكأنهم قادمين من إسرائيل
وكأنهم ليسوا مصريين مثلنا
كل خوفنا كان على الفتيات اللاتي كن معنا فبدأنا نحيطهم ونعمل ستار عليهم من بطش
( أوغاد الشرطه والجيش )
وما هي سوى لحظات حتى أحاطوا بي وبزملائي
وضربونا
وشتمونا
ولم أشعر بنفسي إلا وأنا بمنزلي ومعي أصدقائي
وثان يوم علمت بفجيعة تعداد الشهداء الذي قارب على ال 30
غير أكثر من 1000 إصابات حرجه ومتوسطه وعاديه
بالله عليكم هل هؤلاء مصريين ؟
هل يريد هذا الطنطاوي العوده بنا للخلف ؟
لماذا أطلقوا نيرانهم الحيه علينا في حين أننا نزلنا ( سلميين تماما )
ملايين الأسئلة الحائرة
إجاباتها
عندما نقتص من كل يد أثمه باطشة أزهقت الأرواح واعتدت
ولن ندع الأمر يمر مرور الكرام
ومؤكد
على الباغي تدور الدوائر

[واد حبيب]

معلش سؤال بسيط

لو الجيش سلم السلطه دلوقتي هيسلمها لمين ؟

وبعد ما يسلم السلطه الشعب هيرجع ويمشي من الميدان اشك طبعا

في ناس كتير لها مصلحه ان الشعب يكون في الميدان

واللي في الميدان دلوقتي همه اللي طلبو بعصام شرف وبرده هوه اللي طلبو بشيل عصام شرف

توقع كده لو المشير سلم السلطه في الوقت الحالي حد هتعرف يسيطر علي مصر

والله حرام اللي بيحصل ده كله

الحبيب

[الرحــاال المٌتَمرد]

سردك لاحداث يسير الفتنه والتحريض على العنف يا احمد

[الرحــاال المٌتَمرد]

قاموا بإطلاق رصاص مطاطي ثم رصاص حي !!!!

لا تعليق ...

[نقوش على صفحات الورد]

اولا
متشكر كل الشكر لحضراتكم
كده ولا كده
نحسبها بالعقل
خلال ما يقرب من 10 شهور
ايه الجديد ؟
محاكمات مريضه وفاشله وعاجزه
قضاء أثبت فعلا عجزوا
مجلس عسكري أثبت بالدلائل تورطوا مع لصوص الوطن ومع المخلوع
محدش يقول لي صبر تاني
احنا مش عملنا ثوره عشان نرجع نصبر 30 سنه كمان
ومش كل يوم نسمع اقاويل رنانه
وف الاخر
لا جديد
انا لا بعمل فتن
ولا تبع اي حزب
انا واحد من ملايين
رافضين تاني همج العسكر
والناس اللي ماتوا دول
كانوا فتنه ؟
والمصابين اللي تجاوزوا 200 واحد كانوا فتنه ؟
والضابط الهمجي السفاح واللي صورناه وفضحناه وطلبوا النائب العام أمس دا كمان كان فتنه ؟
لو فيكم حد نزل التحرير
وجرب المعاناه
وشاف المعاملات القذره منهم
مستحيل يكون دا ردوا
انما عفوا عشان حضراتكم بعيد
بتتكلموا بشيئ من الفلسفه
لو فيكم حد عندوا شهيد او مصاب
كان من مليون المستحيل يكون دا رأيوا
مؤكد تماما بحترم وجهات نظركم
بس الموضوع دلوقتي مش وجهات نظر وشكرا
الموضوع دلوقتي العسكر عايز يجرنا للخلف
واحسبوها بالعقل كده
ايه تم ؟
جاوبوا حكومة شرف ايه تم ؟
واستقالت حكومة شرف
وجابوا الجنزوري وحلقه مفرغه هيكون خيال مآته جديد في ايد العسكر
وافتكروا ودي مش تخمينات او مجرد اجتهادات
لا
العسكر أصلا بيهمهم في شخص المشير حماية رقبتهم
هو يعني المشير دا الثوره عملتوا ؟
ما هو تابع للنظام القديم
القضيه اكبر من الفتنه
واعمق من اي كلام
كفايانا شعارات
عايزين نحس بحريه صح
بكرامه صح
باننا عملنا ثوره صح
وع الاقل نبدء نجني ولو شيئ من ثمار
انما عشان نرجع لطريقة خالتي عندك طيب مش عندك
لا
الموضوع دا انتهى
مش مطلوب مننا ننتظر 30 سنه تاني
خلاص
شبعنا وعود وتصريحات وف الاخر ( محلك سر )
شرعية المجلس دا اصلا باطله
واحسبوها بالعقل
مش عايز فلسفه ومش بحب اكون فلسفي
انا بيهمني حياه محترمه لكل شاب مصري
شبعنا شيوخ
قرفنا خبرات
عايزين نحس بدور الشباب وتواجد الشباب
الشباب اللي عملوا الثوره
والاخوان وغيرهم ركبوها
ودلوقتي بيدوروا على انتخابات
طبعا عايزين يقسموا الغنيمه
احنا كده بنضحك على بعض
ولو الوضع استمر كده
أبشركم بما هو أسوء
ثورة جياع
ودي بقى لا تعرف فلسفه
ولا بتؤمن بأحزاب
وبتطيح باليابس والأخضر
وعشان مش نوصل لدا
صحينا الثوره اللي فكروا ينهبوبها
وكفايا خجل
ارجوكم
كفايه خجل وشلل وشعارات مش هتودي ولا تجيب
وربنا يحميكم كلكم ويحمي مصر

[نقوش على صفحات الورد]

اه يا رحال
وقنابل صلاحيتها انتهت كمان
بنرجع لورا
ومش تزعل
انا متصاب برصاصه حيه بقدمي
ومتصاب بشظايا بصدري
يعني انت مش شفت الشهداء يا عم رحال
ماتوا لوحدهم تفتكر ؟
ولا بردوا زي اول مره
محدش ضرب
مش بقولك بنضحك على بعض
اعلام مصري اغلبوا مزعزع وبيهلل دايما للمسؤل
ومجلس عسكري أثبت فشلوا المروع سياسيا
وحكومة شرف أكدت تفكيرنا عنها انها خيالات مآته
فاضل ايه تاني ياعم رحال
انت مش مصري زينا بردوا
تفتكر اللي استشهدوا دول
عفاريت موتوهم
ولا صاعقه سماويه موتتهم
اقنعني

[الرحــاال المٌتَمرد]

لتانى مره يا احمد اسلوبك محرض على العنف
الجيش هو المؤسسه الوحيده الموجوده فى البلد
اللى تقدر رغم تقصيرها انها تعبر بالبلد من الازمه
والقله اللى فى ميدان التحرير (اللى انت وكلتهم باسم الشعب )
بيعبروا عن وجهات نظرهم وبس ...
وفى ناس كتير بعترض على اللى بيحصل من تصرفات فى الميدان
انا مع نهايه الفتره الانتقاليه ... ومش بتكلم كلام شعارات
ماتحجرش على راى حد ولا توصف رايه بالخجل او بالعجز
ومش معنى انى منزلتش ميدان التحرير ابقى بايع القضيه
كل مكان فى مصر ممكن يكون ميدان ... واكبر من ميدان التحرير
لكن الضوء على ميدان التحرير اللى فى بعض الاشخاص بيستغلوا للاهداف تانيه
وعاوزين يعملوا فتنه بين الشعب وانقسامات ...

[نقوش على صفحات الورد]

مؤكد وجهة نظرك وانت حر فيها
بس هل دا يديهم الحق يضربوا الرصاص الحي ويستشهد مننا ناس
ويتصاب مننا ناس
تفتكر دا عدل ؟
تفتكر دي حريه ؟
يعني الملايين في التحرير اللي نزلوا دول كلهم غلط من وجهة نظرك ؟
يعني الناس اللي ماتت دي تروح كده وشكرا
قبل ما تتكلم عن وجهات النظر
اتكلم عن شهداء سقطوا وجرحى اصيبوا
واقنعني بالحجه والدليل
هات لي شرطي مات
هات لي عسكري استشهد
اقنعني
انا قلت بحترم وجهة نظرك
بس مؤكد انت كمان تحترم وجهة نظري
وخصوصا لو وجهة نظري مع ملايين وبها ادله
وناس ضحوا بحياتهم
متشكر ليك

[الرحــاال المٌتَمرد]

اقتباس المشاركة الأصلية كتبت بواسطة نقوش على صفحات الورد اه يا رحال وقنابل صلاحيتها انتهت كمان بنرجع لورا ومش تزعل انا متصاب برصاصه حيه بقدمي ومتصاب بشظايا بصدري يعني انت مش شفت الشهداء يا عم رحال ماتوا لوحدهم تفتكر ؟ ولا بردوا زي اول مره محدش ضرب مش بقولك بنضحك على بعض اعلام مصري اغلبوا مزعزع وبيهلل دايما للمسؤل ومجلس عسكري أثبت فشلوا المروع سياسيا وحكومة شرف أكدت تفكيرنا عنها انها خيالات مآته فاضل ايه تاني ياعم رحال انت مش مصري زينا بردوا تفتكر اللي استشهدوا دول عفاريت موتوهم ولا صاعقه سماويه موتتهم اقنعني

اولا ياريت يكون اسلوبك فى النقاش افضل من كدا
مهما كنت ثائر وعاوز تعبر عن وجهه نظرك ...
وياريت ما تلقيش بالتهم ... والقافزين على الثوره
وشعارات دم الشهيد اللى بنقولها علشان نستعطف الناس دى
اكبر فتنه واكبر دليل على انك بتحاول تشعل النار
شهيد ثوره 25 يناير ... يختلف عن ما يحدث الان
ماتخلطش الامور ببعضها ...
ومش انت لوحدك اللى وطنى واحنا خاينين
لكن تفكير العقل والمنطق اللى بتطالبنا بيه
بيقول ان الفتره دى محتاجه استقرار
ومش كل شخص نزل التحرير بيفهم فى السياسه
فى ناس كتير بتنزل علشان تتصور وتشوف اللى بيحصل حوليها
وناس ناس بتتكلم حبنا فى الظهور والاستعراض وتسليط الاضواء عليهم

[واد حبيب]

لا يا احمد شوفو اسلحه واضربو الشرطه

ممكن الشرطه دي مش اهلنا برده

الحبيب