من قلب ميدان التحرير

[نقوش على صفحات الورد]

من قلب ميدان التحرير
بعلنها صريحه يامشير
ارحل مش عايزينك أبدا
من غير أعذار أو تبرير
دم الشهداء مش هسيبك
وقريب لازم هنجيبك
مصر مش لعبه ف ايدك
الشعب مؤكد منصور
من قلب ميدان التحرير
سنوات القمع الهمجيه
ما هتكسر ف اراده قويه
راجعه بأيدينا الحريه
ومؤكد هيجي لك دور
علشان تتحاسب ياضرير
من قلب ميدان التحرير
يامجلس غرقان مع فشلوا
هايص في كبابوا مع عسلوا
الحراميه قبلكوا رحلوا
المولي لوحدوا الكبير
من قلب ميدان التحرير
ارحل انت كمان ياعصام
وكفايا مكر اللئام
ما شبعنا تسكين برشام
دلوقتي خلاص التغيير
من قلب ميدان التحرير
بكتب كلماتي من دمي
ومؤكد راح أحقق حلمي
وأشوفك يا بلادي يا أمي
مليانه عداله مع خير
من قلب ميدان التحرير
الدم بينزف إيه يعني
إيه عن حريتي يمنعني
الحال الغامض ضيعني
ومؤكد وهمي ومرير
من قلب ميدان التحرير
يا اصابه قويه جوايا
سالت وياها هنا دمايا
كان أملي استشهد ومنايا
أرحل أروح للجنه أمير
من قلب ميدان التحرير
أنا بكتب والدم يسيل
فاضل ع الأحلام كام ميل
آه يا مجلس عسكري يا هزيل
ومؤكد ك ...... ومسعور
من قلب ميدان التحرير
مصر ياطنطاوي مش عزبه
ومؤكد غلطان في الحزبه
وانكشفت يا مشير اللعبه
للكذبه خلاص التكسير
من قلب ميدان التحرير
اقسمنا بالله وخلاص
هيكون لقضيتنا خلاص
جاي دورك فيه القصاص
اللي ما يعرف حد كبير
من قلب ميدان التحرير
من قلب ميدان التحرير

[السفيره عزيزه]

بسم الله الرحمن الرحيم
يا رب احفظ كل شعب مصر
يا رب احقن دماء كل المسلمين
ومن قلب ميدان التحرير
يتحقق حلمنا الكبير
وناخذ حق اخى الضرير
وحسبنا الله ونعم الوكيل
تقبل كل ود منى
وسلمت اخى وشبابنا
من كل سوء
تقبل مرورى
السفيره

[نقوش على صفحات الورد]

اقتباس المشاركة الأصلية كتبت بواسطة السفيره عزيزه بسم الله الرحمن الرحيم

اقتباس المشاركة الأصلية كتبت بواسطة السفيره عزيزه يا رب احفظ كل شعب مصر يا رب احقن دماء كل المسلمين ومن قلب ميدان التحرير يتحقق حلمنا الكبير وناخذ حق اخى الضرير وحسبنا الله ونعم الوكيل تقبل كل ود منى وسلمت اخى وشبابنا من كل سوء تقبل مرورى السفيره

السفيره




أشكرك أسمى معاني الشكر
وأعظم معاني التقدير
وأقوى معاني الاحترام
وأرع إعجابي بفكرك
كل الود

[برنسس ملك]

تسلم ايدك يااحمد عرفت تعبر عن الى جواك ببساطة ووصلتة لنا ببساطة اكتر
ربنا يحميك
وانشاء اللة ربنا يحقق حلمنا يارب
ويسلم شبابنا

[المشتاقه لربها]

من قلب ميدان التحرير
ندينا كلنا بالتغيير
ومش عوزينك يامشير
انت نسيت شهداء التحرير
كل شهيد فيهم امير
وانت هتفضل ندل حقير

اخى نقوش
كتبت من قلب ميدان احساسك
كتبت وعبرت عن وطنيتك
سلمت يداك اخى
والنصر لنا بأمر الله

دمت ودام قلمك الراقى

تقبل مرورى انا المشتاقه لربها

[السفينة]

مصر رمحٌ لن يلين وأهلها قلاعٌ صامدة بحول الله

إنّما الشّعر نبض القلب ... وصورة الوِجدان يترجمها القلم على الورق ... فإذا قرأتَ شعرًا يسيل روحًا فذاك هو الشّعر ..
وانت اخي اجدت الكلمات ونبض قلبك في ميدان التحرير



طوبى لكل الشرفاء ، ولكل من يصنع الحرية


أجدتَ وأصبت - شاعرنا -

حيّاكَ الله اخي

[نقوش على صفحات الورد]

اقتباس المشاركة الأصلية كتبت بواسطة برنسس ملك تسلم ايدك يااحمد عرفت تعبر عن الى جواك ببساطة ووصلتة لنا ببساطة اكتر ربنا يحميك وانشاء اللة ربنا يحقق حلمنا يارب ويسلم شبابنا

برنسس ملك



ربنا يحميكي يارب
ويحفظك
ويصونك
ومؤكد مرورك هنا
منتهى الشرف والتكريم ليا
كل احترامي

[نقوش على صفحات الورد]

اقتباس المشاركة الأصلية كتبت بواسطة المشتاقه لربها من قلب ميدان التحرير ندينا كلنا بالتغيير ومش عوزينك يامشير انت نسيت شهداء التحرير كل شهيد فيهم امير وانت هتفضل ندل حقير اخى نقوش كتبت من قلب ميدان احساسك كتبت وعبرت عن وطنيتك سلمت يداك اخى والنصر لنا بأمر الله دمت ودام قلمك الراقى تقبل مرورى انا المشتاقه لربها

المشتاقه لربها


ربنا يعزك يارب
مرورك قمة التشريف
ومنتهى التكريم ليا
وحقيقي متشكر كل الشكر
خالص تقديري

[بسمة العمر]

ربنا يحفظ مصر ويحميها
وينصرها ويقويها ويحميها
وينصرنا عليهم
وعلى كل الاعداء
كلمات جميلة خالص منك احمد
تسلم ايدك

[نقوش على صفحات الورد]

اقتباس المشاركة الأصلية كتبت بواسطة السفينة مصر رمحٌ لن يلين وأهلها قلاعٌ صامدة بحول الله إنّما الشّعر نبض القلب ... وصورة الوِجدان يترجمها القلم على الورق ... فإذا قرأتَ شعرًا يسيل روحًا فذاك هو الشّعر .. وانت اخي اجدت الكلمات ونبض قلبك في ميدان التحرير طوبى لكل الشرفاء ، ولكل من يصنع الحرية أجدتَ وأصبت - شاعرنا - حيّاكَ الله اخي

السفينة




دائما وجودك عطر
ردودك منتقاه
شخصيتك نقيه
خالص تقديري
وعميق الاحترام