بتخافي من الشارع؟......تعالي الأول نعرفك على الشارع

[SiLver Spectra]

قبل ما تجاوبي على السؤال

خلينا نشوف الأمثلة :

3

2


....



أكشن


هو : يا جميل إنت يا طعم

هي : ...............

هو : إيه الحلاوة دي

هي : ..............

هو : طب قولي اي حاجه

هي : إحترم نفسك

stop

إعادة من جديد

3


2


.......



أكشن


هو : طب ليه كدا ما أنا محترم نفسي ...بس إنتي بصيلي كويس

هي : أبصلك ليه إنشاء الله

هو : عشان نحب بعض

هي : إنت قليل الأدب!!

stop stop

يا بنتي أنا عايز إنفعال...

مره تانيه

كلاكيت



أكشن

هو : أنا على فكرة محترم جدا

هي : ماهو باين

هو : بس إنتي بصيلي و إديني فرصه

هي : إنت عارف لو ما غورتش في داهيه دلوقتي هلم عليك الشارع كله

هو : يا عمري أنا روحي فداك

هي : تك قطم رقابتك يا قليل الأدب

يا آنسه ...الأخ دا بيعاكسك

هي : دا قليل الأدب و عايز إلي يربيه

إنت يا كابتن

هو : أ...ايوه

بتعاكسها ليه

هو : هي إلي ماشيه مش مزبوط

هي...

هو : آه يا عم و شوف لابسه إيه

بس جامده ياض

stop

برافو...

--------------------

مشهد 2



يلا كلوا جاهز

3

2

..........



هي: شيل رجلك....هنستهبل

هو : في إيه

هي : يعني مش عارف في إيه....شيل رجلك من ظهر الكرسي

هو : و الله كنت نايم و رجلي هي إلي طويلة

هي : قلة أدب

هو : أنا مؤدب

في إيه يا عم

هي : لا في إحساس و لا دم

هو : في إحساس ياختي

هي : ما هو باين

خلاص يا باش مهندسه

خلاص يا عم

هو : خلاص إيه أنا جيت جنبها دلوقتي

سيبك منها يا عم

----------------


كلاكيت



أكشن

هي : ألو

هو : هاي إزيك عامله ايه؟

هي : مين معايا؟

هو : أنا معجب

هي : معجب...النمره غلط يا استاذ معجب

هو : غلط إيه دا أنا بموت فيكي

هي : إنت مجنون و لا بتخرف

هو : إلي يعجبك

هي : قليل الأدب

هو : هشوفك إزاي بئى

هي : تشوف مين...إنت صدقت نفسك

هو : هصدق نفسي بس إنتي إديني فرصة

هو : ألوو....

------------------



هو : أكيد مامي نحلة عشان تجيب العسل دا كله

وش...تش!!

و أكيد مامي فرخه عشان تجيب ال......

الفيلم قلب على ميلودي الظاهر
:liverpool-flag:

______________________

أول ما يتولد الطفل

تتولد طاقته الإنجذابية نحو الجنس الآخر



تتحول الطاقة لحب أو معاكسه أو شهوة أو غيرها...

دا متوقف على إستغلاله ليها




نرجع تاني للسؤال....

هل بتحسي بأمان في الشارع؟

طبعا الإجابة بتكون بصفة عامة

بمعنى إن المقياس لا يكون بوجود الأخ أو الأب...

بصفة عامة جو الشارع

طبعا لا حد بئى بيميز بين المحجبه أو غيرها حتى لو قولنا إن المحجبه فرصتها اقل من المعاكسه

لكنها لا تخرج من نطاق معاكسة الشباب و الرجال



بات الشارع في عيونها أشبه بغابة

تمشي بحذر و في خوف و إستعداد للأسوء

بمعنى إنها ماشيه في حالة طوارئ

اقل موقف بيحصل و لو من غير قصد بتاخده على إنه متعمد....(حالة طوارئ)

أكيد من حقها لأنها في غابة!!!

طيب شوف الموقف دا

واحده كانت بتشاور و مستنيه تاكسي و واقفه أدام مايه

مني باص حود ناحيتها بسرعة عشان يطرطش المايه عليها

و طش....

يا عيني البنت أخدت دش محترم

و كل إلي تقدر تعمله : يا جزمة....

حتى بتقولها يا دزمة
:vb19:

فعلا لما بشوف الشارع من منظور البنت .....بلاقيه مخيف

الحمد لله الواحد بيخرج 3 و 4 بالليل و ما حدش يقدر يكلمني
هههههههه

إتعقدتوا من الشارع و لا لسه؟

لما تتعقدوا قولوا أنا ما فيش ورايا حاجه

:liverpool-flag:

طيب هنعمل إختبار

هنجيب شارع

و عينة راجل و عينة ست

و نخليهم يعدوا الشارع أدام عربية و يا سلام لو تاكسي

البنت أول ما رجليها تلمس الشارع

الكلاكس : بيييييييييييييييييييييييب

عدي يا ماما....عادي يا أبله

مع إنها بعيده عنه ..لكن السواق لازم يحبكها و يطلع راسه من الشباك : إيه...بتعدي الشارع ليه!!؟...ينهار إسود..بتعدي الشارع

و يشتم في الحريم شوية

نفس الراجل دا هنخلي شاب يعدي أدامه

الكلاكس : بب

الشاب و بكل ثقة و بهدوء و يعدي في نص الشارع و يحاسب العربية إلي وراه و يشفط كرشه عشان العربية إلي أدامه

النتيجه....

البنت ما فيش أي ثقة و هي بتعدي و ماشيه في الشارع

لأن مافيش أمان

زي الطفل إلي أهله بيعدوا يخوفوه من الشارع فتلاقيه متردد و يمد رجل و يسحب التانيه....مافيش ثقة

لكن الراجل واثق

لأن في أمان



بلاش تعيطي أوي كدا

قطعتي قلبي
:shiny01:

كفاية كدا

هنشوف كام بنت هتنتحر النهارده
هههههههه

بالتوفيق

[Mahmoud Mohie]

يااااااااا

والله ابداع ما بعده ابداع

وطبعا احنا متعودين منكـ يا برنس

على الابـــداع

بس بجد توبيك يجنن

وهو ده فعلا اللى بيحصل

بس ده المعظم

يا ريت اشوف التوبيك اللى البنت توافق وتتكلم فيه

عشان تكون عملت كل حاجة

ومحرمتناش من اى حاجة

بجد تسلم ايدك يا غالى

خالص شكرى وتقديرى

اخوكــ
m@7m0ud

[Karamela]

هههههه



اسجل مروري بالموضوع ولي عودة ان شاء الله

[dr.marmar]

عندك حق والله ياطارق في كل الي قلته
فعلا انا طول عمري بخاف من وجودي في الشارع
لان للاسف فعلا معتش فيه تفريق
يعني والله انا بشوف بنات منتقبه مش محجبه بس
وبالرغم من كده مش بتسلم من المضايقات والمعاكسات في الشارع
بيعاكس فيها ايه مش عارفه
وغير كل ده حالات الاغتصاب الكتيره الي بنسمع عنها
والي وصلت لحالات اغتصاب الاطفال
وكلنا سمعنا عن حاله الاغتصاب الي حصل في كفرالشيخ
شويه شباب حوالي 12مرورا من قدام بيت
عجبتهم واحده واقفه في البلكونه طلعوا جابوها من شقتها
وقدام الناس كلها وعلي الزراعي واختصبوها
واهي كانت قاعده في شقتها
مابالك بالبنت الي بتكون ماشيه في الشارع
ايه الي ممكن يحصلها
بجد ياطارق موضوع رائع
تسلم ايدك
وده مش جديد عليك ابدا
دايما مبدع
تحيتي

[doiss]

بجد قمة قمة في الابداع

برافو عليك سليفر

تعجز كلماتي وحروفي علي الشكر

ولكن قلبي يكن لك كل الامتنان علي الموضوع الرائع.....

دمت بتألق...

[noona]

هههههههههههههههههه

ايه ده ... ايه ده

لازم يعنى تقلب علينا المواجع :icon1366:

ومالك فرحان اوى كده فينا

ولا بتغيظنا عشان يعنى انت بتمشى براحتك فى الشارع ومحدش بيكلمكم :sly:

و ايه يا حضرة المخرج الافلام دى و المشاهد دى كلها ؟؟

ههههههههههههههه

طيب نتكلم شوية جد بقى ...

بصراحة اولا مش عارفة اقولك ايه على الموضوع ده ..

موضوع فعلا بقى زايد عن حده ..

مبقيناش عارفين نمشى فى الشارع براحتنا

(براحتنا دى قصدى بيها فى حالنا يعنى )

وبجد مبقاش فى امان حتى فى عز النهار

اكيد الشباب مش حيحسوا باللى احنا بنشوفه

انت مبالغتش فى المشاهد اللى صورتها

ومفيش فرق مابين محجبة او مش محجبة او حتى منقبة

كلهم بيتعرضوا لنفس المواقف

والواحدة تبقى ماشية فى قمة الاحترام و فى حالها ومش بتسلم بردو من الكلام

والمعاملة الغريبة (ليه بس احنا عملنالكم حاجة ؟؟

بجد دى قضية خطيرة ولازم يوجدولها حد يردع الأشخاص اللى زى دى

عشان كل واحد يمشى فى حاله ومالوش دعوة بحد

زمان كانت البنت تمشى فى الشارع وحاسة انها فى امان ومحدش بيضايقها

ومكنش فى حجاب ولا غيره

وربنا يهدى كل الشباب يارب

بس موضوع جمييييييييييل جدا على فكرة

بس مش تقولنا انك اشتغلت مخرج

واشكرلنا قناة ميلودى اوى (ممكن ابعت اهداء؟؟):vb5:

ميرسى ليك بجد على موضوعك

تحياتى ليك

[yasmine refat]

لا للأسف مبخفش من الشارع كنت ودلوقتي لأ....

الوحده متبهدله في الشارع بقى لازم تتعود:vb19:

دنه يا أبني قبل كده لطشت ولد وقت الجد أنا بكون منكم دركولا وليفي الأنوثة وحطيها على جنب وكم صخرة من الأرض ودججج على دماغوا ويسلام لو شلوط والله البركة في أمي علمتني أن لو حد تعرض علي بشكل غير أخلاقي لو أيه لازم يتربى ...تربية:vb19:

ويعني أصلا مفيش خوف الأولاد دلوقتي الي باقوا غلابة هم الي بيتعكسوا:vb19:

عموما أحنا عندنا بزات المعاكسة على ودنها ولو مشيت البنت لازم معها حرس بحكم أن مجتمعنا مغلق

لكن بشوف أن البنت لازم تتجرأ تخرج عن خجلها وتبقى مدردحه "صح الكلمة مدردحه "

لي عوده بأذن الله أما شوف الردود علشان أبدأ أتناقش جد ×جد

بس موضوعك مهم وبداية موفقة وأحلى حاجه فيها أسلوب المرح في النقاش الي هيخلي للموضوع رونق خاص

شكرا على الموضوع طارق

أختك في الله:080402gudl_prv:

[SiLver Spectra]

اقتباس المشاركة الأصلية كتبت بواسطة br0ken he@rt يااااااااا والله ابداع ما بعده ابداع وطبعا احنا متعودين منكـ يا برنس على الابـــداع بس بجد توبيك يجنن وهو ده فعلا اللى بيحصل بس ده المعظم يا ريت اشوف التوبيك اللى البنت توافق وتتكلم فيه عشان تكون عملت كل حاجة ومحرمتناش من اى حاجة بجد تسلم ايدك يا غالى خالص شكرى وتقديرى اخوكــ m@7m0ud

أهلا بيك محمود

هنشوف أهوو هيقولوا إيه....

المهم ما يفهموش قصدي غلط

:liverpool-flag:

الف شكر على المرور و التقييم

بالتوفيق

[ShOo ShOo]

الاول مرسي كتير يا سيلفر ع الفكرة الجامدة دي
بجد جديدة ومش شوفتها ف فورم تاني ابل كدا
وانا من رأي بقا ف حكاية بخاف من الشارع دي
انا عمتا مش بخاف من الشارع
عشان اللي بيعاكس دا اساسا شاب تافة
واي بنت هتبخ فية هيخاف
ومش هجدب عليك واقولك حجاب او احترام اينعم الحاجات دي كلها بتفرق
بس معانا احنا مش معاهم هما
المشكلة بقا مش بقت ف الخوف دلوقتي
المشكلة ف الارف
الشارع بقي فعلا مقرف مش ببقا خايفة وانا ماشة بش ببقي متدايئة
وقرفانة
بس ف المواقف اللي انتا قولتها
ف حاجة انو احسن علاج للمشكلة دي
ان احنا ننفض يعني اكيد لو واحد ماشي ورايا ف الشارع (حتي لو زودها )
مش هقف ارغي واحكي معاه ونتناقش ويا يقنعني يا اقنعو
امد شوية
ادخل اي محل ال يعني بجيب اي حاجة وموقف وهيعدي
حد اتصل يخفف ف الفون هقفل ف وشويعني مش هنقلبها محددتا ونعد نحكي
بس ع فكرة انا شايفة انو المعاكسة قلت عن الفترة اللي فاتت
الشارع من حوال 3 سنين كان ابشع من كدا بكتير
وع العموم ربنا يهدي يعني ف الاخر
بس بجد توبيك حلو اوي يا باشا
ومرسي كتير وسوري اني طولت عليك

[SiLver Spectra]

اقتباس المشاركة الأصلية كتبت بواسطة Karamela هههههه اسجل مروري بالموضوع ولي عودة ان شاء الله

و لا يهمك....

مري علينا في اي وقت إحنا فاتحين على طول
:liverpool-flag:

في إنتظار مرورك يا كراميلا