رحله واد حبيب وعاشق ولهان وجراح المشاعر وجبل الخير وكبرياء رجل في صحراء ******************

[واد حبيب]

السلام عليكم ورحمه الله وبركاته

النهارده عوز اقولكم علي يوم كان جميل جدااا مع
واد حبيب و عاشق ولهان و جراح المشاعر و جبل الخير وكبرياء رجل
بدا الحوار يوم الاربعاء اللي فات وصل جبل الخير من الاجازه اللي كان فيها في مصرالساعه 7 الصبح دق التلفون الومين معايا ايوه يا حبيب اهلا اهلا يا جبل حمدلله علي السلامه يا ريس وصلت امته امبارح وعوزين نسهر مع بعض حاضر يا ريس المهم دق علي عاشق ولهان وكبرياء رجل وجراح المشاعر وحددنا اليوم ورحنا كلنا نسهر مع بعض عند جبل الخير في الاول هتاكل ايه يا عم جبل قال خروف
ودجاجه علي الفحم لزم نعرف هناكل ايه قبل ما نروح
تعالو بقا شوفو اليوم الغريب دي
وصل عندي جراح المشاعر بسياره الساعه 7 المغرب علشان نجيب عاشق وكبرياء من السكن عندهم طبعا علشان نجيب عاشق وكبرياء لزم نلف ****************** علي ما نجبهم كل واحد في اخر الدنيا .
وصلنا عند كبرياءايوه يا برنس ياله قال روحو هاتو ايس كريم واعملو حسابي معاكم المهم جبنا ورجعنا يا كبرياء قال شويه ونزل
والايس كريم في يدي قولت مفيش فايده ملوش نصيب فيه اكلتو انا طبعا ركبنا السياره واخدنا الاب توب معانا ورحنا علي عاشق ولهان اخدنا وقونا ننطلق علي جبل الخير .
هنا بقا بدا اليوم الغريب بجد الوو ايه يا جبل انت فين قالو تعالو في كبد طبعا كبد دي في الصحراء قونا ماشي هنوصل عند الجمعيه وهنتصل بيه علشان تيجي تخدنا من عند الجمعيه كانت حوالي الساعه 11 بالليل وصلنا الجمعيه قولنا ياله ندخل كل واحد يخد حاجه معاه لجبل مش هندخل عليه فاضينه ولو كنت اعرف المكان اللي احنا رحين فيه مكنت اخدلو حاجه اصلا .
المهم دخلنا الجمعيه كبرياء قال انا اخدلو كليو سكر
عاشق قال انا اخد كيس ملح وخبر علشان نكون عيش وملح
ده علي اساس انه لسه يعرف جبل النهارده يعني هوه عارفه من سنتين فاتو انا قولت اخدلو كيس مفشر ههههههه قولت لا خليها حاجه حلوه شويه اعمل زي الجماعه الصعيده بتوع سوهاج لما حد بيجي من مصر يروحو يشوفه ويخد معاهم ببسي معاهم انا عمل كده واخد ببسي وصل الاخ جبل بسياره سلمنا عليه وقال واحد يركب معايا ركبت انا وكبرياء في السياره بتاعتو وعاشق وجراح في السياره التانيه ومن هنا شوف المغامره.
انا ركب مع جبل كل شويه القي نفسني دخلين في الصحراء ابص من السياره الاقي الطريق مفهوش نور ولا بيوت ولا اي حاجه خالص
قولت يا جبل استني استني هو انتي خطفنا ولا ايه لو كنت خطفنا مفيش حد هيعبرك خالص هههههههههه
قال هوه انت لسه شوفت حاجه لسه هندخل هوه الصحراء اكتر
قالي شايف الشاليه اللي منور هناك ده قولتلو اه علي اساس ان فيه شاليه في الصحراء يعني هيه غرفه بصاج قال يا جراج خالي السياره هنا علشان مش هتعرف تدخل بيها في قلب الصحراء
واحنا اصل دلوقتي في الصحراء
شوفو بقا الغريب اول ما نزلنا من السياره علشان كلنا نركب في سياره واحده شوفنا قطه بيضه وقطه سمراء
ايه ده يا عم جبل ده القطه شوشو ايه يا عم قال القطه شوشو
رد جراح وقال اتصور معاها اتصور معاها
ومسكتش اللي لما صورها علي التلفون بتاعو
ركبنا مع جبل في السياره بتاعتو ومشنا في الرمله في الصحراء شويه نطلع فوق وشويه نزلت تحت الطريق مش معدول طبعا قال عاشق يا جبل نزل الحبيب هنا الواد ده مشهور في المنتدي وعوزين نخلص منه قولتلو وعلي ايه انا نازل لوحدي والسياره ماشيه فتحت الباب
وكلهم في صوت واحد اقفل يا عم اقفل ياعم مش خايفين عليه الجو كان برد جدااااااااااا وصلنا في المكان اللي مكناش عارفين احنا فين
علشان تشوف النور لزم تمشي 10 ساعات نزلنا من السياره لقيت 3 رجاله هناك قيل ما اقول السلام عليكم قولت ايه يا عم اللي مقعدكم في قلب الصحراء ده رد واحد منهم اكل العيش يا غالي قولت الحمد لله انا بطلت اكل عيش دلوقتي باكل رز دم خفيف طبعا هههههه دخلنا في غرفه هناك كده وقاعدنا والناس اللي كانو موجدين عملو الفراخ علي الفحم فين يا عم جبل الخروف قال في السوق
انا كنت عمل حسابي وواخد الوصله بتاع النت معايا قولت ممكن الاقي شبكه ولا حاجه فين يا عم جبل الاب توب قال اهوه بس متفتحش المنتدي قولت ليه قالو هوه احنا جاين نقعد مع بعض ولا نقعد علي المنتدي قولت ماشي مش افتح المنتدي افتح الاميل قالو لا قولت طيب اصبرو لما نشوف في شبكه ولا لا نشغل مفيش شبكه
بعد محولات جبنا شبكه وانا فتحت المنتدي والاميل حوالي 5 دقايق كده واول ما فتحت الاميل قالو لا متكلمش حد ده علي اساس يعني اني بكلم الدنيا كلها علي الاميل المهم واحد صاحبي فتح كلمتو وانا بكلمه قالو اقفل قولت لا جبل بقا عنده خشبه كبيره قالي هتقفل ولا اكسر دماغك قولت وانا اكسرك الاب توب بتاعك قالي 5 دقايق وتقفل من غير ما اقولك علشان اعرف اكلمه والله طلعت برده اكني قاعد في تلاجه الجو برد جدااااا
طبعا الاكل خاص وجابو الاكل الغداء بتاعني كان حوالي الساعه 2 بالليل ده يرضي ربنا يا ناس
اكلنا وكبرياء رجل تعالي يا عم كل قال لا انا واكل وخري طيب انزل اقعد معانا بس علي الاكل نزل بس في حد يقعد الاكل ومعاه الاب توب يعني اكلنا وقعدنا نهزر مع بعض والاخ عاشق فتح الاميل علي التلفون وقاعد يتكلم مع نفسه كده في الخباسه يعني
المهم وصلت الساعه 3 ونصف قالو ياله علشان نروح ركبنا مع جبل السياره والجو برد تلج ورجعنا تاني وانا راكب جنب جبل وهوه سايق وكل شويه العب في السواقه واقولهم لزم نموت هنا كلنا وعوز السياره تنقلب بينا شرير انا طبعا
وصلنا مكان السياره بتاعتنا وركبنا يا جبل اطلع قدمنا علشان تورينا الطريق جراح قال اللي يركب قدام معايا ميكونش بينام ركبت انا ومفيش 20 متر كنت نايم جانبه وكبرياء وعاشق نامو وره
ووصنا البيت الساعه ه الصبح
انا اختصرت كتير في الحكايه علشان كنت اقعد ساعه اكتب فيها
بس بجد كانت سهره جميله في وسط الصحراء
مع تحياتي مراسل بنات مصر من امام كشاف النور اللي في قلب الصحراء واد حبيب

تقبلو تحياتي

الحبيب

[game010]

هههههههههههههههههههههههههه
رحلة جميلة اوووووى اووووووى اووووووى
وفى انتظار جميع الرحلات القادمة ........
مجهوووود جميل من مش فى التوبيك فى الرحلة هههههههههههههه
بس خلى بالك بعد كده علشان الصحراء رخمة شوية اسالنى انا .....ههههههههه

[بسمة العمر]

ههههههههههههههه
رحلة جميلة خالص يا محمد
اية دة وسط الصحرة
وبالليل
ولا احلا حاجة الخروف المشوى اللى طلع فرخة
هههههههههههههههه
والله يضحك
وانت كونت فاتح اللاب توب اكيد كونت تكلملك موزة
رحلة جميلة خالص
وحلوة خالص لما تكونم اصحاب جمال زيكم
وكل عام هجرى وانتم بالف خير
تسلم ايدك محمد

[دمعه حائره]

رحله جميله ربنا يوفقكم ويديم الاخوة الجميله بينكم
كل عام وانتم بخيروتحياتى للجميع

[YOo YA]

ههههه رحله جميله
بس في الصحراء واو شكلها رحلة عجيبه
بس جميله اوي
تسلم رحلتكم روعة
وفي انتظار رحلاتكم القادمة باذن الله بس مش في الصحراء هههههه

[مهندسه بغداد]

ههههههههه

ربنا يديم اخوتكم

واخوتنا هنا

رحله رائعه

تقبل تواجدي

[ساحر الأحزان]

دى رحلة سفارى ولا اية

بسى حقيقى رحلة جميلة اخى العزيز

ادام الله الصداقة بينكم

تحياتى

[Lost Pearl]

ههههههههههههههههههه
اهم حاجة انكو اتبسطو

يللا ربنا يديم الاخوة بينكو ان شاء الله ,,,,
و تفضلوا تروحوا الصحرا كدة علي طول
(( و ممكن تتوهو مرة و نخلص بقي ))

ههههههههههه
بهزر اكيد

تسلم يا محمد و ربنا يسعدكو دايما )

[غزاوية وافتخر]

وبظل احلي رحله بين اصدقاء
يعني هتبقي زكري ليكوا
ربنا يوفئكوا انشالله
بجد قصه حلوه
ويسلموا علي الطرح المميز

[يارات الحب]

رحلة موفقة حبيب
وحلوة وخصوصا لما تكون مع اصدقائك اللي بتحبهم
ونتمني لك المرح
والضحكة اللي من القلب انت واصحابك