الصدآقه لآ تموت إلآ .. إذآ مآت الحب ..(أجدع صحاب)

[Ŝmilể Ḿőøn]

انواع الاصحاب كثيرة ، وعقولهم صغيرة واحيانا مثيرة

والكثير يقولون الصديق وقت الضيق ...


اقرأ وقرر من اي نوع انت وهل حقا انك صديق وقت الضيق! ؟
.
.

.

.

صاحب كالهواء :

لا يستغنى عنه.. يفيدك في دينك وينفعك في دنياك وتلذ لك عشرته وتمتعك صحبته

صاحب كالغذاء :

لا عيش إلا به ولكن ربما ساء طعمه أو صعب هضمه.. يفيد في الدنيا والدين ولكنه يزعجك أحيانا بغلظته وثقل دمه وجفاء طبعه .

صاحب كالدواء :

مر كريه ولكن لا بد منه أحياناً.. فهو الذي تضطرك الحاجة له ولا يرضيك دينه ولا تسليك عشرته .

صاحب كالصهباء :

تلذ شربها ولكنها تؤذي بصحته وشرفه.. فهو ينيلك رغبتك ولكن يفسد خلقك ويهلك آخرتك .

صاحب كالبلاء :

فهو لا ينفعك لا في دنيا ولا في دين ولا يمتعك بعشرته ولا في حديثه ولكن... لا بد من
صحبته

انا عن نفسى بحب يكون ليا واحده بس تكون قريبة اوى منى واحكلها كل حاجة واروح واجى معاها مش عارفه ليه يمكن ساعات بكون انانيه عاوزاها ليه انا بس

يعنى ايام الابتدائى والاعدادى كلها كنت مع صديقه ليا وبجد بحبها اوى ولحد دلوقتى مع بعض الحمد لله

واحلى ايام عمرى كانت فعلا مع اجدع صحباتى فى المدرسه كنا فعلا بنوقف جمب بعض فى مواقف كتيير وانا بحب اوى الجدعنه خاصة لما نكون اصحاب..
ومش هقول ان مش كان ليا اصحاب شباب لأ كان فى بس فى المدرسه وكانوا فعلا اخوات وجدعان بمعنى الكلمة وكان نفسىالمدرسه تفضل على طول لان كان اجمل وقت هو هناك ومع اصحابى ...

انما بئه حاااليا ليا واحده بس وهى صحبتى بجد ولاازم يوميا نشوف خلقة بعض ههههههههه وبجد جدعه اوى معايا وكل حاجة بنحكيها لبعض بصراحه
وبردو على اتصال بصحباتى بتوع المدرسه بس الشباب اتقطعنا نهائى الصراحه لانها تعتبر زماله بردو فقط....انا طولت عليكوا معلش
ربنا يوفقهم كلهم ويفتكرونى بالخير

بس دلوقتى انا هحكى عن موقف لصحبتى
وده فعلا بيدل ان احنا اجدع صحاب بجد

ومش موقف بس انا لو فضلت اقول عن المواقف اللى عملناها مش هنزهق خالص
بس انا هقو لبعض المواقف اللى انا فاكراها

وخليكوا معايا على الخط

هو موقف صعب ويمكن يكون موقف غريب شويه كمان

هو اللى حصل بالظبط
ان انا فى يوم كان ليا صحبه بس مكنتشى مقربه للدرجه اللى هى يعنى
وانا كنت فى الدرس هى ادتنى ورقه وقالتلى خلى الورقه دى معاكى لبكره وانا هقولك فيها ايه اصل هى مش حاجه مهمه اوى

وانا بم أنى كنت بثق فى صحبتى دى
فمشكتشى انا الورقه دى ممكن يكون فيها ضرر ليا

فتانى يوم الصبح وانا راحه المدرسه

هى قالتلى افتحى الورقه عادى
وشوفى ايه اللى فيها ونفذيها

فأنا جيت افتح الورقه انا وصحبتى المقربه ليا اللى حكتلكوا عنها فى الاول
لقينا !
.
.
.
.
.
تتوقعوا كده لقينا ايه
.
.
.
.
لقينا الورقه فيها جواب من وحده صحبتها لواحد عندنا فى المدرسه .
.
.
.
..
والمشكله ايه كمان

ان هى مش كتبه فى اسمها

.
.
.
.
.فايه اللى حصل بقى

وانا كنت لسه واقفه بقرأه انا وصحبتى
وانا اصلا كنت لسه معرفشى ايه اللى فيه
لقينا مدرسه من مدرسين المدرسه
بتقولنا انتوا واقفين كده ليه
وايه الورقه اللى فى ايدكوا دى
فالورقه كانت فى ايدى انا
فجيت خدت الورقه.
.
.
نعمل ايه بقى
ونقولها الورقه دى بتاعت مين؟
.
.

احنا فى مشكله دلوقتى

فالأبله طبعا قرأت الورقه وبعتت ليا

فبتقولى ايه الورقه دى وايه الكلام الوحش اللى مكتوب فيها ده
وازاى تعملى كده وانت بنت مدرسه من مدرسات المدرسه الفضليات

فطبعا لازم المدرسه تاخد عنى فكره وحشه

ولازم تروح تقول لمامتى

فأنا مكنتش عارفه أعمل ايه؟
.
.
.
.

تتوقعوا ايه اللى حصل.
.
.
.
اللى حصل.
.
.
.

.

ان صحبتى اللى انا بحبها مش اللى هى ادتنى الورقه
راحت
للمدرسه
وقالتلها الورقه دى بتاعتى
وانا اللى كاتباها
وانا اللى كنت بوريهلها
فهى كانت بتقولى بلاش الكلام ده

وانا كنت عايزاها تديها لولد عندهم فى الفصل

يعنى وقعه نفسها فى ورطه علشان تطلعنى أنا منها

.
.
.
بالذمه فى تضحيه بعد كده

وعارفين عملت كل ده ليه

علشان الابله متخدشى عنى فكره وحشه انا ولا ماما
.
.
.
ولا الأبله تروح تقول لمامتى

.
.
فمامتى طبعا هتعاقبنى.
.
.
.
وابسط حل انها كانت هتبعدنى عن صحابى
.
.
.
وبالطريقه دى
انا وصحبتى فضلنا اصحاب علطول ولغايه دلوقتى
اصحاب
.
.
.

.

يارب يكون حكايتنى انا وصحبتنى عجبتكم
بس افتكروا صحبتى بتاعت التضحيه مش بتاعت الورقه

[بسمة العمر]

صحبتك دى انسانة جميلة خالص
ومفيش زيها الا نادرا
ووعى انتى كمان تتخلى عنها اذا احتجتلك
لانها انسانة جميلة نادرت الوجود
موضوعك جميل خالص
تسلم ايدك

[واد حبيب]

الاصحاب بيبانو في وقت الشده

هيه عمله كده علشان بتحبك ومش عوزه حد يقول عليكي حاجه وعلشان مامتك مدرسه في المدرسه دي

انا تقريبا حصل معايا نفس الموقف بس بطريقه مختلفه شويه بس الحمد لله اكلنا ضرب ايام الابتدائي

واحد صحبنا كتب جواب وحطه في شنطط بنت عمو معانا في الفل وبنت عمه دي بباها مدير المدرسه

ومامتها مدرسه عندنا هيه شافت الورقه وقالت لمدير اللي هوه باباها ولزم يعرف مين اللي كتب الوره ده

كل الفصل انضرب ومحدش عرف اللي بعدها بشهر اللي ابن عمها اللي كتب الورقه دي

ربنا يدوم المحبه بينك وبين صديقتك

بتوفيق ليكي ان شاء الله

الحبيب

[Ŝmilể Ḿőøn]

يارب تدون المحبه بينا
اوان عمرى ما هتخلى عنها خالص

[۩۩ elMagic ۩۩]

دايما الصديق اللى بجد
اللى بيحبكـ وبيخاف عليكـ وبيتمنالكـ كل خير
مش بيظهر غير وقت الشدة
ربنا يديم المحبه بينكم
احلى تقييم لموضوعكـ
ودى واحترامى

[ساحر الأحزان]

الصداقة تعتبر كنز ثمين تظهر فى جميع الاوقات التى نكون
فى امس الحاجة اليها وهى عطاء واحساس بالصديق

والاجمل ان تظهر وقت الشدائد وتجد من يواسيك ويساندك

فحقا تكون هى ارقى انواع الصداقة

موضوع جميل لمعنى الصداقة

اتمنى لكى كل توفيق

[أمَيـرة بنــظرتـى]

يآآآآه ديه انسآنه جميله اوى ,,
حفظى عليها بقاا ي حبيبتى علشان اللى زيها دول
نادرين ربنا يخليكو لبعض و تدوم المحبه بينكم .. نيجار

[Ŝmilể Ḿőøn]

شكرا لمروركم