بيان ائتلاف شباب الثورة

[game010]

ينفى ائتلاف شباب الثورة مشاركته فى اى مشاورات او اجتماعات بخصوص تشكيل حكومة كمال الجنزورى ويؤكد الائتلاف رفضه لهذه الحكومة ويؤكد على مطالبته بحكومة انقاذ وطنى تشكل من ترشيحات الميدان وهى د.البرادعى او د.عبد المنعم ابو الفتوح أو أ.حمدين صباحى
وفيما يلى نص بيان اعلنه الائتلاف يوم الخميس الماضى بخصوص تكليف الجنزورى بتشكيل حكومة
"يعلن ائتلاف شباب الثورة عن رفضه التام لما يتردد من انباء عن تكليف المجل...س الاعلى للقوات المسلحة للدكتور كمال الجنزورى والذى يبلغ من العمر 78 عاما خلفا للدكتور عصام شرف دون الالتفات الى المطالبات الشعبية المنادية باختيار احد الشخصيات الوطنية التى لم تكن يوما من اركان نظام مبارك ولم تتلوث بفساد وهو ما لا يتوافر فى الدكتور كمال اذ قضى ما يربو على الـ20 عاما كنائب لرئيس وزراء ووزير تخطيط وريسا للوزراء وهوا ما يعنى انه شريك ضمنى فيما حل بمصر من خراب وفساد كما انه لا يليق بعد ثورة قادها الشباب ووقف خلفها الشعب فى بلد تمتد حضارته الى 7000 عام ان تعجز عن ايجاد قيادة جديدة تتوائم مع مصر ما بعد الثورة
وجدير بالذكر انه على مدار الخمس ايام الماضية تم عقد عشرات اللقاءات التشاورية والتنسيقية بين مختلف القوى والحركات والاتجاهات والاحزاب وانتهت الى تسمية 3 مرشحين شعبيين للاختيار من بينها وهم :
الدكتور عبد المنعم ابو الفتوح
الدكتور محمد البرادعى
الاستاذ حمدين صباحى
على ان تكون هذه الحكومة كاملة الصلاحيات السياسية لادارة شئون البلاد ليعود المجلس العسكرى لدورة فى تامين امن البلاد

ودى صورة من البيان

gAmE010

[doiss]

والله انا هتكلم بشكل شخصي عن نفسي ,,
انا ارفض اي قرارات من مجلس العسكر بعدما وصلنا لما نحن فية الان ,,
حرق مقر الحزب الوطني - السماح لهم بالترشح !!
طلب حل امن الدولة - دعمها وبشكل اكثر شراسة !!
طلب قضاء عادل - السماح بفرم الاوراق والمستندات وادلة الادانة !!
طلب حقيقة تسجيلات موقعة الجمل - مسح شرائط فيديو المتحف المصري من المخابرات المسجلة لموقعة الجمل !!
طلب الغاء وزارة الاعلام - تعيين اسامة هيكل وزير اعلام !!
طلب مجلس شعب بصلاحيات - مجلس شعب بدون صلاحيات !!
طلب تطهير مشرفي الانتخابات - تعيين قمصان مشرف تزوير 2010 علي الصناديق !!
رفض قانون الطواريء - تفعيل المحاكمات العسكرية للمدنيين !!
طلب معاملة حسني بالمثل لباقي سجناء مصر - وضعة بمستشفي 5 نجوم !!
وآلخ ..
يبقي جنزوري مين وحكومة مين ؟
شخصياً بغض النظر الجنزوري كويس أم لا فهو نابع من مجلس فاقد الشرعية من وجهة نظري لما يرتكبة من فساد لـ100 سنة قادمة بحق تراب مصر ,,
خالص احترامي ,,

[game010]

اقتباس المشاركة الأصلية كتبت بواسطة doiss والله انا هتكلم بشكل شخصي عن نفسي ,, انا ارفض اي قرارات من مجلس العسكر بعدما وصلنا لما نحن فية الان ,, حرق مقر الحزب الوطني - السماح لهم بالترشح !! طلب حل امن الدولة - دعمها وبشكل اكثر شراسة !! طلب قضاء عادل - السماح بفرم الاوراق والمستندات وادلة الادانة !! طلب حقيقة تسجيلات موقعة الجمل - مسح شرائط فيديو المتحف المصري من المخابرات المسجلة لموقعة الجمل !! طلب الغاء وزارة الاعلام - تعيين اسامة هيكل وزير اعلام !! طلب مجلس شعب بصلاحيات - مجلس شعب بدون صلاحيات !! طلب تطهير مشرفي الانتخابات - تعيين قمصان مشرف تزوير 2010 علي الصناديق !! رفض قانون الطواريء - تفعيل المحاكمات العسكرية للمدنيين !! طلب معاملة حسني بالمثل لباقي سجناء مصر - وضعة بمستشفي 5 نجوم !! وآلخ .. يبقي جنزوري مين وحكومة مين ؟ شخصياً بغض النظر الجنزوري كويس أم لا فهو نابع من مجلس فاقد الشرعية من وجهة نظري لما يرتكبة من فساد لـ100 سنة قادمة بحق تراب مصر ,, خالص احترامي ,,

شكراً ليك على مرورك الجميل ده
وجهت مظر جميلة ومتفق معك فيما كتبت ولكن ......
الجنزورى ممكن يفيد البلد بالصلاحيات الى عندو لان عندو خبرة جامده جدا احنا اخترانا عصام شرف واخذ شرعيته من ميدان التحرير وحملنا شرف على الاعناق وما الى هذا....
نترك الان المجلس العسكرى يضع وجهت نظره لن الحنزورى قال انا اخذت صلاحيات رئيس الوزارء لم يخذها احد من 60 عام يعنى ياخذ فرصة وايه المشكلة...

[doiss]

هي دية المشكلة ,,
الناس اختزلت المشكلة بالجنزوري ودة هدف المجلس ,, إثارة قضية اخري بعيد عنة بعدما قدم شرف كبش فدا لة فهو الان يقدم الجنزوي كبش جدالي لإلهاء الشعب عن جرائمة !!
اقولها واكررها ليس مشكلتي مع عصام شرف او الجنزوري .. مشكلتي مع القائم علي اعمال البلاد !!
الجنزوري يمتلك صلاحيات رئيس حكومة ؟
فليقيل وزير الدفاع او يحاسبة علي جرائمة والسفك والدماء ؟
الجنزوري يمتلك صلاحيات إذن فليوقف المحاكمات العسكرية للمدنيين ؟
الجنزوري يمتلك صلاحيات ؟
إذن فليخلع قمصان مشرف تزوير 2010 عن الصناديق الان ؟
الانتخابات غداً والمجلس ماض بمخططة ونيتة للتزوير وتعيين مجلس شعب بلا صلاحيات وبنفس الفلول وبنفس قضاة الفساد ؟
المجلس سلم الجنزوري دعم فلول الوطني ؟
تعلمت ان الاصلاح عامل مشترك تدفعة الايادي وليست يد واحدة .. وإن كان الجنزوري رجل محترم فلما يمدها للأيدي النجسة الملطخة بالدماء وخيانة الثورة ؟
أين المباديء ؟
ومنذ متي والملائكة تتحالف مع الشياطين يا جيمي ؟
انضع قانون جديد من صنع البشر لإقامة العدل بين الملائكة والشياطين ؟
اتقوم الثورات لتأييد الفاسدين وتنصيبهم مسئولين عن شئون البلاد ؟
تباً لمجلس العار ,,

[game010]

اقتباس المشاركة الأصلية كتبت بواسطة doiss هي دية المشكلة ,, الناس اختزلت المشكلة بالجنزوري ودة هدف المجلس ,, إثارة قضية اخري بعيد عنة بعدما قدم شرف كبش فدا لة فهو الان يقدم الجنزوي كبش جدالي لإلهاء الشعب عن جرائمة !! اقولها واكررها ليس مشكلتي مع عصام شرف او الجنزوري .. مشكلتي مع القائم علي اعمال البلاد !! الجنزوري يمتلك صلاحيات رئيس حكومة ؟ فليقيل وزير الدفاع او يحاسبة علي جرائمة والسفك والدماء ؟ الجنزوري يمتلك صلاحيات إذن فليوقف المحاكمات العسكرية للمدنيين ؟ الجنزوري يمتلك صلاحيات ؟ إذن فليخلع قمصان مشرف تزوير 2010 عن الصناديق الان ؟ الانتخابات غداً والمجلس ماض بمخططة ونيتة للتزوير وتعيين مجلس شعب بلا صلاحيات وبنفس الفلول وبنفس قضاة الفساد ؟ المجلس سلم الجنزوري دعم فلول الوطني ؟ تعلمت ان الاصلاح عامل مشترك تدفعة الايادي وليست يد واحدة .. وإن كان الجنزوري رجل محترم فلما يمدها للأيدي النجسة الملطخة بالدماء وخيانة الثورة ؟ أين المباديء ؟ ومنذ متي والملائكة تتحالف مع الشياطين يا جيمي ؟ انضع قانون جديد من صنع البشر لإقامة العدل بين الملائكة والشياطين ؟ اتقوم الثورات لتأييد الفاسدين وتنصيبهم مسئولين عن شئون البلاد ؟ تباً لمجلس العار ,,

على فكرة هى دى المصيبة الى انا شخصية خايف منها
لان انا متوقع ان فى بعد الاحزاب سوف تكتسح الانتخابات
زى (الحرية والعدالة-النور-الوسط-الاصلاح والتنمية)
احزاب عرفت ازاى تتعامل مع الناس.
عن طرق قديمة على فكرة وهى نفس الطرق الى كان بيستخدمها
مرشحين الحزب الوطنى.

يعنى مثلاً انا فى محافظة الجيزة.....
بالضبط...جنوب الجيزة
كان المرشح المكتسح هو:محمد محمد ابوالعنين.
المتهم الان فى موقعة الجمل.
بس كان بيعمل ايه كان كل عام يقوم
بتجهيز 12 عريس وعروسة من الشقة الى اصغر شىء
وكمان عامل مرتب شهرى 800 جنية لكثير من الفقراء
وغير ان تجهيز الكثير من المساجد بالسرميك الى فى الشركة التابعه له.
انا الى عايز اقولة ان فى احزاب كتير اووووى بدات تسير فى هذا المنهج الان وانا ارى هذا بأم عينى وكثيرة ترودنى افكرى لدخل واتحث مع امين من امناء هذه الاحزاب و لكن اتردد.
بهذه الطريقة سوف يظهر لنا (حزب وطنى)اخر
الى انا عايز اقوله ان لو نجح او فاز عدد معين
وهو متوقع على فكره لو فكرت فيها شوية.
هتلاقى الميدان اتملى من جديد يطالب بترشيح شباب الثورة
الى انا متوقع ان مفيش حد فيهم هينجح فى الانتخابات
لو نجح هيكون واحد او اثنين على مستوى الجمهورية.
ده بالنسبة للانتخابات.

انما الجنزورى:لو منفعش احنا عرفنا الطريق ازاى بس مش نعترض على الفاضى قبل ما يحدث شىء بكده هيطلع كلام كثير اوووى وهو الطمع فى السلطة , وهيتقال الى فى التحرير عملاء وخونة .....
وكلام كثير جداً.

يعنى نشوف الراجل هيعمل ايه لو منفعش كبيرها اوووى اعتصام فى الميدان لمدة 3 ايام وكل حاجة هتبقا زى ما شباب الثورة عايز ولا ايه .
على العموم ده رئى ووجهت نظرى الى ملهاش لازمة ....
وشكراً ليك جدا وانا سعيد جداً بالحوار معاك..

[falta tanto amor]

طيب وباقي المصريين الموافقين علي الجنزوي يعملوا ايه

يسكتوا وخلاص ولا يمشوا من البلد.......... حاجة غريبة جدااا

[دمعه حائره]

ربنا يهدى ويولى من يصلح
والمجلس وافق على اختيار الميدان مره وفشل
يدوا فرصه للجنزورى وهوا نفسه قال ان فتره وجوده
هاتنتهى بعد انتخاب الرئيس
وعلى فكره الجنزورى لولا اختلافه مع سياسه مبارك
كان فضل رئيس وزراء اكتر من فتره
لكن البلد تبقى من غير رئيس ولا رئيس وزرا
ولا جيش ولا شرطه
هاتبقى بلد ازاى
مع كل تقديرى للميدان بس البلد ماتحكمش من ميادين

[doiss]

والله يا جيمي فية ناس تحب تاخدها من اولها ,
يعني العقل السليم بالجسم السليم ..
وفية ناس تقول ما بني علي باطل فهو باطل ,,
هية دية الفرصة الوحيدة لاعادة البناء مرة اخري عشان منرجعش نندم زي منسحبنا يوم 11 فبراير ,,
اللي عاوز اوصلة بالاخر حاجة واحدة بس يا جيمي ,,
الناس اللي زعلت علي القذافي وقالوا حرام يمثلوا بجثتة عشان الاسلام دين العدل والتسامح هما هما نفسهم اللي قالوا احسن علي التمثيل بجثث المعتصمين ورميها بالزبالة بذلك الفيديو ..
والاسلام بريء من الاحزاب المتأسلمة ومدعيين الإستقرار ,,
اخص علي دة شعب دة لو يهود مكانوش عملوا كدة !
دة لو عندهم ذرة دين ميأيدوش مجلس الخونة بداعي الاستقرار ,,

[game010]

اقتباس المشاركة الأصلية كتبت بواسطة falta tanto amor طيب وباقي المصريين الموافقين علي الجنزوي يعملوا ايه يسكتوا وخلاص ولا يمشوا من البلد.......... حاجة غريبة جدااا

شكراً على المرور
نورت التوبيك
وان شاء الله الحال هيتعدل
ويكون احسن بأذن الله

[game010]

اقتباس المشاركة الأصلية كتبت بواسطة دمعه حائره ربنا يهدى ويولى من يصلح والمجلس وافق على اختيار الميدان مره وفشل يدوا فرصه للجنزورى وهوا نفسه قال ان فتره وجوده هاتنتهى بعد انتخاب الرئيس وعلى فكره الجنزورى لولا اختلافه مع سياسه مبارك كان فضل رئيس وزراء اكتر من فتره لكن البلد تبقى من غير رئيس ولا رئيس وزرا ولا جيش ولا شرطه هاتبقى بلد ازاى مع كل تقديرى للميدان بس البلد ماتحكمش من ميادين

شكراً على المرور الجميل ده
بس والله العظيم انا وجهت نظرى ان الجنزوراى ياخذ فرصة
لو طلع وحش يمشى
لو طلع حلوا خير ورضا
وبس كده
وبعدين احنا عرفنا الطريق منين