إعترافات المراقب الجــــــامد...نزف الذكريـــــــــات

[عاشق الأحزان]

لسا ما جاوبت لهلا
انتى يانزف مش حابب اسئلتى ليه
دنا دكتور
طيب خذ دول مرة واحدة يوميا
ههههههههههههههههههههه
امسك عندك
ولو حسيت بحاجة اثناء الاجابة
ضرورى تمر على العيادة اكشف عليك
ههههههههههههههه


1-ماهو ترتيبك بين افراد عائلتك؟

2- هل انت محبوب من قبل العائله

3-كيف كانت خطبتك من زوجتك هل خطبة بيت او عن حب؟

4- هل انت سعيد في حياتك الاجتماعيه؟

5-هل عشت تجربة حب؟ وادا نعم هل انت مخلص في حبك ؟

6- ماذا تعني لك الحياة؟

طبعا بالتاكيد لي عودة اخرى
ولا عندك مانع
ههههههههه

[نزف الذكريات]

.. لكل منّا في الحياه فلسفه خاصه ..

.. أنت ياعسل ماهي فلسفتكـ الخاصه بكـ في الحياه ..

أعمل الخير والطيب وارمى البحر
أضحك للدنيا تضحكلك
متأخديش من الدنيا أد ما تديها

,,

.. أنت من أنت بإختصار ؟ !! ..

أنا انسان عادى وبسيط جداً
عايش فى الدنيا غريب محتار
بحب اسرتى وصحابى وزمايلى
بحب كل اللى يحبنى وأكتر منه كمان
بخاف من الغدر والخيانه والمرض والفضيحه
بكره الظلم والبلطجه والديكتاتورية والتعصب

,,

.. نزف حبيبي ماهي عيوبكـ ؟ !! ..

الطيبه الزياده وعدم الحرص من الناس
وفى عيب كمان
ولو عاوز تعرفه أبقى أبعلتى
وأنا أقولك عليه فى رساله خاصه
علشان الاحراج بس
ههههههههه

,,

.. ماهى ميولك الرياضيه ؟ !! ..

السباحه وركوب الخيل
والكووره طبعاً

,,

.. شاهدت ليفربول , وتشيلسى اذا كان نعم فمن الافضل ؟ !! ..

نعم شاهدت
بصراحه هما الاتنين روعه
بس ليفربول أحسن شويه

,,

.. سؤال لم تتوقعه ؟ !! ..

بصراحه سؤال رانومه
عن طولى ووزنى
ههههههههه

,,

.. سؤال انتظرته ولم تجدهـ بالاسئله ؟ !! ..

بصراحه محدش خله حاجة

,,

راجع لك تانى ياعسل

لا كفايه كده وآياك ترجع تانى
هههههههههههه

جومى بينا نمشى

عموما انت تشرف يا بوب

[نزف الذكريات]

تسلم يااحمد اجباتك جميله ومتزنه تدل على شخصيه رائعه بارك الله فيك
ابو ادهم


ابو ادهم حبيبى

الحقنى ده انا متبهدل آخر بهدله
ههههههههه

أشكرك وأشكر تشريفك

[نزف الذكريات]

يـــــــــــــــــاه بجد انت ميه ميه من ابو اخر

من ابو آخر
ولا ابو بلاش الا ربع
ههههههه

علشان كدا بهديك هدية,,,,شوية اسئله برضه من ابو اخر
ماشى يا ستى
يارب نخلص بقى
هو الاسبوع ماله طول كده ليه
هههههههههه



ما هوه ترتيبك بين اخواتك
أنا وحيد ماليش أخوات
بس كان لى أخت وتوفيت
الله يرحمها ويرحم موتنا


ما هيه دراستك وهل انت مبسوط باختيارك ولو كان قدامك فرصه تختار كنت هتختار دراستك تكون ايه

أنا مخلص كليه تجارة
آه الحمدلله طبعاً مبسوط وراضى
لانه نصيبى وقدرى
أقتصاد وعلوم سياسية


ايه اكتر مطعم بتحبه

مؤمن وهارديز وبيتزا

ما هو مجموعك في الثانويه العامه بلاش الحركات القرعه وقوول الحقيقه ولو مش فاكر قوول تقديرك العام في الجامعه كان ايه؟
فى الثانويه كان 74%
وتقدير عام فى الجامعه جيد


ايه اكتر الاماكن بتحب تروحها ومع مين
بحب ازور مقام
السيدة نفسيه
والسيدة عائشه
وده طبعا بيكون أول جمعه من أول كل شهر عربى
وده لانى بكون مع ماما
هى متعوده على كده
بس الجميل فى الموضوع
أنى بتغدا لحمه راس يومها
على حساب ماما طبعا
ههههههههههههه


معاك سياره ولا لا
كان عندى
بس حالياً لاً
وربنا يساهل ان شاء الله

من المشرف الذي يستحق لقب المشرف المميز.....وليه
خالد المصرى
لانه صاحب قلم مميز

ومن العضو الذي يستحق لقب العضو المميز......وليه
فتى المدينة المنورة
وبنت الديره
عندهم روح جميله أوى فى الكتابه

متى مرضت اخر مره وايه كان مرضك
كان من اسبوع تقريباً
شبه تسمم
لانى آكلت كبده من بره

بتخاف من الحقن
موووووت
هههههههه

ايه كان شعورك اول ما دخلت الجامعه
عالم غريب وعجيب
وكنت تايهه فى الاول
بس بعد كده كنا اسره واحده

ايه اكتر تصرف تضايق منه لما حد يتصرفه ادامك
التدخل فى أمورى الشخصيه
أو حياتى أو فرض عليه شىء معين

ايه بتعمل لما تكون مضايق؟
بكون لوحدى
وممكن أبكى

متى كانت اخر مره طلعت فيها رحله
الغردقه

هل عندك اي اقتراح لتطوير المنتدى
بصراحه الاداره مش مخليه أى جديد

وخصوصاً منتدى الكتب الالكترونية

لو وقعت في مصيبه لا سمح الله في مين راح تستعين
بالله سبحانه وتعالى
ثم كان والدى الله يرحمه
دلوقتى مفش حد

ما رأيك ببرنامج ستار اكاديمي
قله آدب طبعا
وقمه السخافه

لو فتحوا لك الفرصه بإن تلتقي باحد الاعضاء او المشرفين مين بتحب تشوف
بصراحه الكل
بجد مشتاق اشوف الكل

كنت شقي وانت صغير
جداًاًاًاًاًاً
هههههههه

بالمدرسه هل كنت مجنن المدرسين
أحياناً
ولعلمك كان فى مدرس أنجليزى أسمه سعيد
الله يرحمه بقى ، فى مرحله ثانوى
كان أول ما يدخل الفصل
يشاور عليا ويقولى أطلع بره
مش عارف ليه ، مع أنى طيب
ههههههههههههههه

بتحب تقضي وقتك في ايه ؟ وليه؟
أصلاً مفيش ووقت زياده فى اليوم
لكن فى الاجازات الصيفيه
بحب أروح اسكندرية
حتى ولو لوحدى
حتى لو مجرد يوم
بحس أنى بتولد من جديد أدام البحر

ايه اكتر حاجه مجنونه عملتها في حياتك؟
نزلت فى وسط البحر
وكان بين الغردقه وجزيرة شدوان
وكان تحدى مع واحد صاحبى

قلت لحد بكرهك قبل كده ؟ياترى ندمت عليها بعد ماقولتها واتمنيت ماكنتش تقولها؟
لا محصليش

حاجه مستحيل تتخلى عنها؟
حب الناس

حد ماتقدرش تتخيل حياتك من غيره؟
اسرتى وما تبقى منها

..الحب..ماذا يعني لك ؟
الدنيا كلها
الحياه والامل

ماذا يعني لك منتدى بنات مصر
اسرتى التانيه

مارأيك بالصداقه بين الرجل والمرأه في هذا الزمن هل تؤيده ام لا ؟
لو فى اطار الاحترام
وبوجود محارم ، ممكن أؤيده

ايه رايك بقى في البنات اللي بتعاكس الشباب (حاجه تحزن وتضحك على هبلهم)؟
مانتى جاوبتى أهو

هل تؤيد عمل المرأه؟
لا ،، مش كفايا قرفانه فى البيت
يبقى كمان العمل
هههههههههههههههه
بس فى سرك أحسن تودينا فى داهيه
ههههههههههه

اه صحيح انت منين في مصر؟؟
من القاهرة

يلا يا قمــــــــــــــــر
قمر بالستر
ده أنتى طلعتى عينى

جيالك تاني
آياكى يا زانوبه تيجى تانى
هههههههههه

اوعى تدعي عليا

:cv27:
روح يا شيخ
وتعالى بسرعه
هههههههههههه

[نزف الذكريات]

معلش بقى مش قادره اشوفك على الكرسي ومش اسألك
هو أنا لحقت أجاوب على القديم

اصل دا تار قديم ولازم اخده
:090:

تار فى الهواه شاشى
وانت متدراشى
يا جدع
هههههههههههههههه

كام مره اتعرضت لحب من طرف واحد؟؟
لمرة واحده
وكانت ايام الجامعه
بدون تفاصيل !!
سوكتم بوكتم
ههههههههه

كام بنت كسفتك؟؟
فشر
ال تكسفنى ال
هههههههههههههه

اكتر موقف محرج حصلك؟؟
ماأنا حكيته لهيثم
بتاع البسبسه
ههههههههههههه
بجد كان موقف آخر أحراج

كام مره اتضربت؟؟
يووووووووووو كتير
يمكن يومياً فى المدرسه
هههههههههههههه

معلوماتك اية عن اوحش بنت قبلتها وبالتفصيل لو سمحت
أمممممم بالتفصيل لو سمحت !!
بصراحه مش عارف أقولك آيه
بس البنت ملهاش الا أخلاقها وسلوكها وبس
وأعفينى بقى من الباقى

هل انت من هواة غسل الوش اول ما تصحى من النوم ولا لا
أكيد طبعاً
هو ينفع غير كده

لو واحد قللك اعدلى ريش المروحة وهية بتلف هتعدهم ولالا
ههههههههههههه
هقولوا لو أتعدلت مش هتجيب هواه

عاكست كام بنت وانت فى المدرسة؟وانت في الجامعه
وازاي بتعاكس
هههههههههههههه
بصى هو ماحليصش
بس أفتكرت موقف وبرضه أتحطيت فيه ظلم والله
أنا مدرستى كانت فى العباسيه
وكنت مره مزوغ من المدرسة أنا واحد زميلى وكنا راحين سينما
وفى منطقه جامب المدرسة أسمها الوايليه
وبعدين وحده عدت من جامبنا وكانت لابسه ملايه لف ، حسام زميلى عاكسها ، فردت عليه طبعا بكل آدددددب وأحتتتتترام وقالت اللى قالته من المنقى خيار ههههههههه
أبصى يا بنتى على زميلى حسام ده ملقهوش جانبى واللقى فى آخر الشارع لانه قال يا فكيك
طبعا أنا اللى أتشتمت وأتبهدل
ههههههههههههههههه

ورايك فى نفسك اية؟ وهتجاوب بالغصب وبلاش حركات قرعه
رأى فى نفسى ،، أمممممم
مش عارف بصراحه
بس أنا الحمدلله راضى جداً على نفسى

لو انت راكب الاتوبيس وواحد نشلك هتعمل معاة اية هتسلمو ولا هتسيبو
مش عارف بصراحه لانى مجربتيش
بس لو حصل أكيد مش هسيبه طبعا
لانى بكره أغتصاب حقوق الغير

ايه رأيك بالزواج عن طريق النت ؟؟
تقصدى مواقع الزواج
ولا لو حصل تعارف ثم زواج
عموما فى الحالتين
كويسين بس لو أتولد فعلا الحب
وطبعا بوجود الثقه والاخلاق

ايه لون عيونك ؟؟
عسلى فاتح

بأي أيد بتكتب بالشمال ولا باليمين ؟؟
اليمين ، ربنا يجعلنا من أهل اليمين

لو ادامك ورقه فاضيه ومعاك قلم هتكتب فيها ايه؟
منتديات بنات مصر

بهديك قلم وورقه تانيه
غير الاولانيه علشان مش تقول الورقه اتملت وبقولك ارسم رسمه
هترسم ايه؟
هرسم الوطن العربى من غير اسرائيل وأعوانها

عاوزك تجاوب لو سمحت على السؤال دة لو سمحت
دوست كام مرة على الماوس من اول ما فتحت الكمبيوتر النهاردة
هههههههههههههههه
بسبب اسئلتك صوابعى وجعتى
ههههههههههههه

تحياتى يا وحش
وحش آيه بقى
ده أنا بقيت ديك رومى
من كتر الكلام

جيالك تــــــــــــــــــــاني
بصراحه مش عاوز أعرفك تانى
هههههههههههه
هو الاسبوع طول كده ليه
هههههههههههه

جومى بينا نمشى

جاوب :080402gudl_prv:

عملنا اللى علينا علينا
والباجى على الله

تشرفى يا قمر فى أى ووقت
بجد يا رانومه استمتعت باسئلتك

[نزف الذكريات]

يا حليلة يا حليلة
والله نورت الكرسي يا نزف
يا سيدى ده نورك والله يا غالى
بجد احلى نزف فى المنتدى على الكرسي
كلك زوق وتسلم على المقدمه الجميله
يا عيني يا ليلي
طيب يا نزف انا والله شفتهم كلهم عليك ولا يهمك يا غالي
انا اوريهم واحد واحد وخصوصا رانومة
ده أنا متبهدل والله
هههههههههه
وحنتقملك منهم
بس انت جاوب وخليك كويس معى
هههههههههههههههههههههه
كنت حاسس والله
أنك ناويلى على نيه
هههههههههههههه

طبعا جايبلك شوية اسئلة سهلين
ممنوع الغش ( من غشنا فليس منا)
طبعا فى عندك خيارات
1- ممكن تتصل بصديق وخصوصا عاشق الاحزان
2- ممكن تاخذ راى الجمهور
3- طبعا مش ممكن تحذف اجابة
ههههههههههههههه
وتوكلنا على الله

1-احسن موضوع مر عليك بالمنتدى واستفدت منه
هى كل المواضيع جميله
بس فى موضوع أسمه
موسوعة خير نساء المسلمين ‏
لاخونا ابو ادهم
ده استفد منه جداً

2-منهو احسن عضو هنا بالمنتدى مر عليك
بصراحه والله كلهم
بس أكترهم أبو ادهم خلود

3-رسالة تختارها لخمسة من الاعضاء
خمسه بس
يبقى
ابو ادهم - عاشق - هيثم - فتى - خالد المصرى
وأقولهم
بحبكم جداً وبحس أنكم أكتر من أخواتى

4-مين اكثر عضو اعجبك فى الردود
رانومه

5-مين اكثر عضو اعجبك فى المواضيع
خالد المصرى واميره القمر

6-مين اكثر عضو تستريحيلو
فتى المدينة المنورة

7-مين اكثر عضو تحس دمه تقيل وبدون زعل او احراج
عضوه أسمها احلى بنتوته
لانها كتبت نكت على الزمالك
ههههههههههه
لا بجد الكل دمه خفيف

8-مين اكثر عضو عجبك توقيعه بالمنتدى؟
عاشق الأحزان

9-مين العضو اللى حسيتيه قريب منك
ابو ادهم

10-مين العضو اللى لما تشوف اسمه فى عداد المشاركات تحب تشوف هو كتب ايه؟
خلود

11-( زمان وانا صغير.. كنت بحلم ابقي كبير.... كبر القلب واتحير مالدنيا والمشاوير ....)

-دي اغنيه لهشام عباس .. امتي قلت يارتي فضلت صغير ؟
لما أتحملت المسئوليه

12--كنت تتمني تطلع ايه وانت صغير؟؟
رئيس الجمهورية
ههههههههههه

13--اكيد نظرتك للحياه لما كنت صغير اختلفت لما كبرت .... ممكن تتكلم عن الاختلافات دي ؟؟؟
بالمختصر المفيد
المسئوليات

14-لو الزمن رجع بيك للماضي ايه الحاجه اللي هتصلحها في حياتك ..
والله مش عارف
بس طبيعى ان الزمن مستحيل يرجع

15--ايهما افضل مرحلة ابتدائي او اعدادي ...
اعدادى طبعا

16-ايه الموقف اللي حصلك وغيرك او غير حياتك 180 درجة
وفاه والدى الله يرحمه

17-اكتر ماده كنت بتكرهها في حياتك ؟؟
الدراسات

18-الخوف ..... بيمثل كام في الميه في حياتك ؟ وليه؟
100% طبعا من ربنا
100% على اسرتى
100% على احبابى واصحابى

19-اوصف شعور الغربه ؟؟
بهدله وقله قيمه

20-اوصفلنا شعورك يوم ظهور نتيجة الثانويه العامه .... ويوم اخدت البكالريوس ؟؟
الثانويه ،، كنت هموت والله
البكارلوريس ،، كنت فرحان جداً

21- امنيه عامة تتمني تحقيقها ؟
فلسطين عربيه

22-وامنيه شخصيه ؟
أحج أو أعتمر

23-دعائك المفضل ؟
اللهم ارزقنى حبك وحب من يحبك وكل عمل يقربنى إلى حبك
وارزقنى الهدى والتقوى والصحه والستر

24- لما كنت فى الكليه .........زمااااان.......فيه مره وصلت لدرجه نقاش جامده مع اى دكتور او معيد؟...ممكن لو فيه تحكى لنا الموقف؟
مشكلتنا يا عاشق هنا فى مصر
لو حد ناقش الدكتور ممكن يستقصده
فطبعا اسمع من هنا وفوت من هنا
هههههههههههه

25-اول ما بتفتح التليفزيون بتتفرج على ايه .......؟
الجزيرة أو العربية

26-حد من اصحابك زعلت معاه قبل كده لدرجه انك ندمت انك اديته الامان........حتى لو اتصافيتم بعد ذللك؟
مفتكريش
لانى بصراحه مش بشيل من حد

27-كنت بتقعد فين فى الفصل وانت فى ابتدائى؟ يعنى فى الاول ولا فى الاخر؟
تانى مقعد

28-فيه مره انضربت ظلم وانتى فى المدرسه؟ولو فيه احكى الموقف؟واتصرفت ازاى؟
انتى مين ياعم الحج
هههههههههههههه
اسمها انت
عموما ظلم لاء
انما شقاوة وكده كتتتتير
هههههههههه

=============
للاجرام والقتل والخطف وسفك الدماء
============
مين دول ؟؟؟

29-متى اكثر موقف فى حياتك حسيت فيه انك جوعان؟
أكيد طبعا لما بكون جعان

30-مين اللى عرفك على منتديات بنات مصر؟؟؟
صدفه

31-بتحب البحر؟ وشو بعنيك البحر؟؟؟
جداً
أحلامى كلها فى
بحس أنى بتولد من جديد

32- كنتى تحب يكون تخصصك ...ال....والا كنت تحب تكون حاجه تانيه؟وليه؟
كنتى مين ياعم الحج ؟؟
هههههههههههه
مجال إداره الاعمال تخصصى
بحبه لانه نصيبى كده
كان نفسى أدخل سياسه واقتصاد
علشان أكون سفير

33- لعبت فى الشارع قبل كده..الشارع .....ههه؟
يووووو كتير جداً
ههههههههههه

34-لو حد زعللك ..بتقوله والا بتسكت؟
بسكت

35- لو خيروك بين بلاد الدنيا كلها....شوالمكان اللى بتحب تكون فيه ...غير السعودية......؟
تقصد غير مصر
أحب السعودية

36- بكيت من اغنيه قبل كده....ما اقصد نشيد دينى......وايه هيه؟
والله هو فى كتير
الاطلال " أم كلثوم "
الف وعد " كارلين "
محتاجه ليك " نيللى مقدسى "
شجر الليمون " أحمد منيب "
اتخنقت " محمد محى "
يعنى دول اللى فاكرهم دلوقتى

37- متى قلت كفايه ..حرام؟وليه؟
لما بشوف حال العرب
وهما ساكتين على اللى بيحصل
للشيوخ ومسنين والاطفال والنساء
فى الدول العربيه المحتله
بجد لكون عاوز أصرخ

38- ما هو لونك المفضل وليه؟
أخضر
بحس أنه مُريح جداً

38-ايه هي أكثر الفواكه اللي بتحبيها؟
المانجه

39-مين من اعضاء بنات مصر عندك على المسنجر؟0
ابو ادهم
عاشق الأحزان
خالد المصرى

40-ايه رايك ف الشخص الخجول.ورايك ف الشخص الجريء؟؟؟
الخجول ، عنده حياء إذن عنده إيمان
الجرئ ، هى الجرآه مطلوبه بس مش كويسه

41-لو قالولك لازم تبيع حاجه من عندك هتبيع ايه؟؟؟
الموبايل

42- ما هو السؤال التى لم تتوقع ان نساله لك؟
بصراحه ياعم عاشق
محدش خله سؤال

45-- ماذا تعني لكي هذه الكلمات :
- الخيانه ،، أنتهاء للوجود
- الدموع ،، ثمن للذكريات
- الحب ،، حياه ودنيا
- الوطن ،، كيان الانسان

46-لماذا اخترت اسم نزف الذكريات
علشان عندى ذكريات
ولن يتوقف نزفها

47- لو سمحولك تمسك منصب قيادي في البلد تختار ايه؟ وليه ؟ وماهو اول قرار حتاخذه؟
المنصب ،، رئيس الجمهورية
ليه ،، علشان مفيش أكبر من كده
أول قرار ،، هغلق سفرات امريكا واسرائيل وانجلترا والدانمارك وهولندا

47- لو اتيحت لك الة الزمن للسفر عبر التاريخ .... الي اي زمن هتسافر؟ وليه ؟
زمن الخلفاء
لانى أتمنى أكون مكان
محمد الفاتح
أو صلاح الدين

48-شهر رمضان بيمثلك ايه ؟؟ وهل بتقدر تقاوم الجوع في رمضان ؟؟
أجمل أيام السنه
بتزيد العبادات والتقوى والايمان

49_ شو رايك بالحرب بين الشباب والبنات ومين اللى حينتصر؟
هههههههههه
موضوع جميل جداً
فى روح ومحبه وتواصل بين الاعضاء
طبعا أحنا أكيد
ههههههه

50_ممكن تجيبلنا رقم بطاقة والدة رانومة خخخخخخخ وبدك تجاوب على السؤال؟
ههههههههههههههههه
طنط والده رانومه بطاقتها ضايعه
لما تعمل بطاقه هبقى أقولك
ههههههههههه

اعتقد بيكفى دول تتسلى بيهم على ما احضرلك الخمسين الثانيين
وممنوع الغش يا نزف لانه الغش حرام
هذه الاسئلة برعاية

=============
زنوبة للمكرونة والباشميل وشئون المطبخ
=============
أشوف فيك يوم يا عاشق
هههههههههه

سؤال اختيارى هههههههههه
ما هى ثلاث اكلات مفضلة لديك
المكرونه بالبشاميل - الكبسه - الورق عنب
=============

هذا السؤال برعاية شوربة ماجى
=============
دمت بود
تحياتي
عاشق

بالتاكيد لي عودة مع خمسين سؤال اخر

روح يا شيخ من للى آكل دراع جوزها
ههههههههههههههههه

بجد اسئلتك جميله يا عاشق
وأنا استمتعت بيها كتير

[نزف الذكريات]

هلا انا دكتور نفسي يا نزف
طيب علشان الدكترة بقى
خذ دول وحياتك مرتين فى اليوم بعد الاكل
ههههههههههههههههههههههه

ماذا أخذت من الإنترنت ؟؟ وماذا أخذ الإنترنت منك؟
أخذت كتير أوى

منها حاجات كتير مكنتيش هعرفها الا من النت
يعنى مجرد مجهود ووقت

شيء ضاع منك وتمنيتي انه يرجع لك؟
بس خلى فى سرك
حبى الاولانى

أصعب موقـف صادفك أو مريت فيه ؟؟
موقف البسبسه
راجع اسئله هيثم وانت تعرفه

* الصدق .. مع من عرفته ؟؟
مع نفسى

* الاخلاص .. هل هو طبعك ؟؟
الحمدلله

* الخيانه .. كيف تواجهها ؟؟
بالهروب

* الحزن ..كيف تتعايش معه؟؟
بذكر الله سبحانه وتعالى

* الجرح..كيف تعالجه؟؟
بالنسيان

* لو تم إهداءك وردة واحدة لمن تهديها ؟؟
لامى الحبيبه

* لو تم اعطاءك ورقه وقلم ماذا ستكتب ؟ولمن ؟؟
بحبكم
يا منتديات بنات مصر

ما هو الأكثر آلم وصعوبه .. انكسار الحلم .. أم هزيمة الواقع ؟
الاصعب من الاتنين
نزف الذكريات

أول موضوع نزلته بالمنتدى؟
تعارُفى
بمنتدى الاعضاء الجدد

رأيك ونصائحك لأختك خلود زعيمة السحالي
ما شاء الله عليها
هى مميزه ورائعه جداً

ولي عوده
آياك أشوف وشك تانى
هههههههههه

بجد أنت عارف أنا بعزك أد آيه
تشرف يا باشا فى أى ووقت

[نزف الذكريات]

لسا ما جاوبت لهلا
انتى يانزف مش حابب اسئلتى ليه
دنا دكتور
طيب خذ دول مرة واحدة يوميا
ههههههههههههههههههههه
امسك عندك
ولو حسيت بحاجة اثناء الاجابة
ضرورى تمر على العيادة اكشف عليك
ههههههههههههههه

1-ماهو ترتيبك بين افراد عائلتك؟
أنا وحيد ماليش أخوات
بس كانت لى أخت وتوفيت
الله يرحمها

2- هل انت محبوب من قبل العائله
الحمدلله وده فضل كبير من ربنا

3-كيف كانت خطبتك من زوجتك هل خطبة بيت او عن حب؟
عن بيت
وبعدين الحب بيجى بقى
هههههههههههههه

4- هل انت سعيد في حياتك الاجتماعيه؟
الحمدلله رب العالمين
يارب ديم السعادة علينا

5-هل عشت تجربة حب؟ وادا نعم هل انت مخلص في حبك ؟
نعم ،،
لكن النصيب بقى
مخلص الحمدلله

6- ماذا تعني لك الحياة؟
الحياة
هى أصعب أختبار بشرى
الحياة
هى الاسرة والبيت والناس وصحابك وزمايلك وشغلك

طبعا بالتاكيد لي عودة اخرى
ولا عندك مانع
ههههههههه

عاشق أرحمنى
بجد تعبت من الاسئلة
هههههههههههههههههه

بس أقولك
أنت تشرف فى أى ووقت
ومنتظرك بفارغ الصبر

[الفراشه]

الله عليك يا نزف بجد اجاباتك روووووعه
وانا مكتفيه فقط اني اقره اجباتك الجميله دي
ههههههههههههههه
انت صعبان عليا اوي يا عيني
الله يكون في عونك

[عاشق الأحزان]

برافو برافو برافو عليك يا نزف
حبيبي والله
وتعرف يا باشا ان كل اللى مغلبينك بالاسئلة دول
انا اوريك فيهم
متقلقش يا باشا
انا فى ظهرك
ومش حسيبك
مش حسيبك
مش حسيبك
لو فى اخر الدنيا حجيبك
هههههههههههههههههههههههههههههه
خليك على الكرسي ما تمشي لانى راجعلك يا غالي
ومحمل معى اجمل واحلى الاسئلة
دمت بود
تحياتي
عاشق