الواد رومانسي ... مرشح رئاسي

[عاشق ولهان]

بسم الله الرحمن الرحيم

أحبائنا . أعزائنا . أعضاء وزوار منتدانا الحبيب

إشتقنا لكم وعدنا بحلقه جديده من يوميات الواد رومانسي

تعالو نمارس الهطل السياسي .. الواد رومانسي مرشح رئاسي

تعالو نشوف إزاي رومانسي بقي مرشح رئاسي


الواد رومانسي قاعد مع صاحبه الوحيد طيشه .. بيتابعو أخبار

ميدان التحرير وكل جماعه بتنادي بإسم مرشحهم المفضل

لدرجة إن حسن حقنه الجربان بيهتفو بإسمه وبقي إسمه

دكتور حسن حقنه ... عقبالنا يا رب ههههههههههه

رومانسي قال في نفسه أرشح نفسي واجرب هو حقنه أحسن مني

ممكن أفوز واكون أنا الريس ... والله فكره حلوه

إيه رآيك يا طيشه يا صاحبي

خير يا رومانسي

بفكر أرشح نفسي زي حسن حقنه في إنتخابات الرئاسه

بس حقنه معاه فلوس كتيره بيدفع للناس

وانا معايه أصحابي يا طيشه هتتخلو عني ولا إيه

لا أبدا ً يا رومانسي معاك برقبتي بس قوللي هنعمل إيه

هكلم شاعرنا الكبير واد حبيب يكون معانا ويعملنا كلمتين حلويين

إنت نسيت الكلام الحلو اللي قالو عني في فرح أخوك

اللي كلت فيه العلقه

متفكرنيش يا جدع مصدقت نسيت

ألوووووووووو شاعرنا الكبير واد حبيب

أهلا ً بيك يا رومانسي .. ودي وتقديري

قاصدك في خدمه يا صاحبي

خير يا رومانسي

عايزك معايه هرشح نفسي لرئاسة الجمهوريه

آسف يا رومانسي إنت ناسي إني مع حسن حقنه في حملته

سمعت لسه كاتب له إيه

إنتخبو عمنا حسن حقنه .. حسن حقنه أخونا وحبيبنا

يا خساره يا حبيب كان نفسي تكون معانا أجيب شاعر زيك منين

روح لعمنا عاشق ولهااان .. هتلاقيه هناك في الميدان

معاك رقمه قبل حد من المرشحين يخطفه

زيرو عشره خمس أصفار صفرين

سلام بقي حقنه عايز قصيده جديده للإنتخابات

هنعمل إيه يا رومانسي

هكلم ماتركس يكون معانا

بتاع الفيلم

لا يا طيشه اللي في منتدي بنات مصر

ألوووووووووو إزيك يا ماتريكس

أهلا ً أهلا ً إزيك يا رومانسي منور يا كبير

عايزك معانا في إنتخابات الرئاسه رشحت نفسي خلاص

ومالو يا كبير ... معاك يا ريس وهجيبلك كل أصحابي

وكل الصعايده كمان بالكتير ساعه وتلاقينا في الميدان

متنساش جراح المشاعر وكبرياء رجل

إطمن يا كبير دول بلدياتي هجبهم معايه

وانت يا طيشه هات أصحابك البلطجيه ينفعو برضو

واكلم عمنا عاشق ولهان يكون معانا قبل ما يسيب الميدان

ألوووووووووووو عمنا عاشق ولهاااااان

أهلا ً بيك يا رومانسي .. أسعد الله مسائك .. تحياتي وتقديري

قاصدك في خدمه يا فنان قبل ما تسيب الميدان

خير يا رومانسي مع إني زعلان منك ... يا راجل أكتب لك أغنيه

في فرح أخو طيشه تسيبها وتغني السح الدح إمبوووووو

متفكرنيش يا فنان راسي لسه بتوجعني

عايزك معانا رشحت نفسي في رئاسة الجمهوريه

عايزك تكتب لي كلام حلو زي اللي كتبه الحبيب لحقنه

ماشي يا رومانسي بس متتآخرش عليه

ساعه بالكتير واكون عندك مع السلامه يا فنان

ورجع طيشه يالا يا صاحبي الناس سبقونا ع الميدان

إيه اللي معاك ده يا طيشه

كباب يا صاحبي مينفعش أدخل علي الريس وإيدي فاضيه

فيك الخير يا طيشه ناكل مع الرجاله اللي معانا أهي حاجه تشجعهم

وبعد ساعه وصلو الميدان أصحاب طيشه وعاشق وماتريكس وأصحابه

كانو في إنتظار الواد رومانسي لحظة ما شافو رومانسي

الكل رقص وهلل .... رومانسي حبيبنا ... رومانسي رئيسنا

أشكركم من قلبي والله فرحان بيكم شايف حبايبي يا طيشه

أعرفك بصحابي يا طيشه

صاحبي واخويا ماتريكس

أهلا ً بالماتريكس

أهلا ً بيك يا طيشه منور يا كبير

أعرفك بصاحبي كبرياء رجل

مالو بيهز راسه ومش بيكلم حد

كان موقوف يا جدع إنجاز إنه هز راسه

أعرفك بجراح المشاعر

أهلا ً بيك يا طيشه .. أول السيل قطره

قطرة إيه اللي بيقول عليها يكون مع حسن حقنه

لا يا طيشه عينه بس بتوجعه

علشان كده القطره معاه علي طول

أقدم لك شاعرنا عاشق ولهان

ميرسي ليك يا طيشه ... تحياتي وتقديري

ومين دول اللي فوق دماغهم عمم

دول الصعايده بلدياتي يا طيشه منور يا ريس

أهلا ً بيك يا ماتريكس

النهارده رشحت نفسي عشانكم ... وهجيب لكل واحد فيكم تاكسي

وي وي وي ناكل لقمه سوا علشان يبقي عيش وملح

طلع الكباب يا طيشه إتفضلو

وقبل ما يكمل كلامه الكل هجم علي الكباب وكان رومانسي

ضحية الكباب وقع رومانسي من شدة الزحمه تحت رجليهم .

ودي كانت نهاية أفكاره الجهنميه ... وآخرة كل من يمارس

الهطل السياسي ... الواد رومانسي مرشح رئاسي

إنتظرونا وحلقه جديده من يوميات الواد رومانسي


تحياتي وتقديري

عاشق ولهااان

[واد حبيب]

في ايه يا عم الرومانسي انت سبت الاشعار وبتكتب يوميات
الولد طيشه ولا ايه وكمان عوز يرشح نفسه في الرئاسه
هوه مش عجباه العلقه بتاع الفرح ايام ما كان عمل فيها مطرب
ياله يا عم طيشه ممكن تضرب معاك وتكون رئيس جمهوريه الحرفيش
تسلم يا عم طيشه قصدي يا عاشق علي الحلقه الجميل
في انتظار الجديد من يوميات طيشه
الحبيب

[░▒▓ MusliMA ▓▒░]

اسعدتنى دعوتك
بالتوفيق دايما اخى
تحياتى وتقبل مرورى

[game010]

ههههههههه حلقة جميلة جدا على فكره
والله جامده اوووى اوووى اووووى
فى انتظار الحلقات الى جاية بس المرة الى جاية
عايزين فراخ مشوية مش كباب خلاص علشان نكون متفقين
ههههههههههه
بجد مميز جدا فى انتظار المذيد

[Abdelbaset hetlar]

هههه بجد قصة جميلة بس الهطل السياسي دة هو الي حاليا بيحصل في الميدان وهطل بهطل بقي انا هاترشح لرئاسة الجمهورية

[مهندسه بغداد]

ههههههه

في غايه الروعه

وانا اعرف مين الاكل

الكباب

ماتركس

ههههههههه

واد حبيب

دفعلك كم حسن حقنه

ههههه

دمتم بخير

خالص الاحترام والتقدير

تحيتي

[أميرة الدفا والوفا]

هههههههههههههههههههههههههههههههههههههههههههههههههه ههههههههههههههههههههههههههههه
:079::079::079:
عسل أوي

بس ليه مش فيهم بنوتات

:sml4:

"أنت كده بتنكر وجود الجنس اللطيف في الهبل السياسي "
:biggrin::biggrin::biggrin:


في أنتظار الحلقات الجديده :003:

[Lost Pearl]

ههههههههههههههههههههههههههههههه
حلوة اوي ,,

تسلم ايديك يا عاشق
بس مش كل اللي بيحصل هبل سياسي يعني :biggrin:

بس فكرة جميلة منك ... تسلم ايديك
في انتظار جديدك ,, تحياتي .

[احزان ملكه]

متشكره خالص علي الدعوه
ههههههههههه هههههههههههههه
لا بجد اتجنن
اسلوبك حلو وظلك خفيف
وفي انتظار الجديد

[عاشقة الهدوء]

والله انته ما ليك حل ياعيد بصراااحه هطل

جااامد جدا وايه رقم التليفون زيرو صفرين صفر انته هتخم ياعيد

ولا ايه وايه أغنية السح دح امبو وطيشه بجد والله

يوميات جميله ياعيد كفايه بس اننا ضحكنا من قلبنا ربنا يسعد

قلبك ويديم بينك وبين اصحابك كل خير أمين

وتسلم على دعوتك ومتحرمناش دايما من جديدك

لك احترااامى وتقديرى