جوجل شاركت فى الانتخابات ياترى انت انتخبت مين ونجح ولالا ؟

[اسكندريلا]

جوجل شاركت فى الانتخابات ياترى انت انتخبت مين ونجح ولالا ؟

ناس كتير النهاردة رايحة تنتخب

امل فى التغير

فى حلم حلموه من زمان ان صوتهم يوصل

لا يتباع ولا يشترى ولا يتزور

اى كان الوضع النهاردة اللى رافض واللى مؤيد للانتخابات

نتمنى التجربة تنجح ونخطى اهم خطوة فى تاريخ البلد

كلنا بنطمح نشوف مصر احسن كل واحد شايف بطريقته الحل الامثل


اى كان الحل ربنا يحفظها

النهارده وبكرة يوميين مهميين جدا

احب اعرف هنا ياترى مين شارك وانتخب ميين وياريت بعد النتيجة ما تظهر نعرف الاهم


هلى نجح اختيارك وتم فوز العضو اللى انت اختارته؟

وطبعا بناء على اجابتكم هنقدر نعمل احصائيه صغيرة

على قدنا ونعرف نجحت التجربة ولالا بعد الشر

عايزين كمان نعرف اليوم كان از حد قبلته صعوبات ؟ اليوم كان لذيذ ومشجع؟

يعنى محتاجيين من كل حد فيكم يقدملنا تغطيه عن اليوم

ومش ننسى تجربتكم مهمة لناس اللى لسه هتنختب مرحله تانيه وتالته

انا عن نفسى معنديش امل لاسباب كتير بس يمكن النهاردة الامل يرجعلى وادخل مرحلتى التالتة

بالتوفيق يارب لمصر وابنائها

[برنسس ملك]

اكيد طبعا احنا كل حلمنا ان ربنا يحفظ مصر
بس احنا لسة مرحلة تانية
كمان انا لسة بطاقتى مطاعتهاش للاسف واقفة على شهور
بس ربنا يكرمنا انشاء اللة بالى فية الخير لينا ولمصر

[E7SsAs]

احنا هنا فى الشرقيه لسه

ان شاء الله يوم 14/12

هاتبدا عندنا الانتخابات

[۩۩ سيد الشرقاوي ۩۩]

انشاء الله تعدي علي خير
الانتخااباات دي وربناا يحفظ
مصر يارب هنتخب في السفاره
انا بس لما الدور ييجي علي
محاافظتي

[Lost Pearl]

انا ماينفعش اشارك لسة ,,,

بس بحاول اخلي الناس اللي حواليا ينتخبوا .. عشان لازم نبقي ايجابيين حتي لو مش عاجبنا المجلس العسكري

انا كمان مش عاجبني ,, و مع رحيله
بس علي الاقل اقدر استغل الفرصة دي و انتخب و اشوف الدنيا هتمشي صح و لا زي كل مرة

و ان شاء الله خير يا قمر ... تسلمي علي الموضوع

[همسه الجوارح]

اه انا اتفجات لما لقيت جوجل بيحتفل
بانتخابات مصر بس مش جديد عليه
لانه بيتابع كل الاخبار
اما انتخابات البرمان المره دى شايفه فيها نوع الجديه
والالتزام وبصراحه انا اتوقعت انها هتكون صعبه
لكن شايفه امن واحترام والالتزام
وربنا يتممها على خير
انا مش هقدر اشارك للاسف
لان بطاقتى غير المحافظه اللى مستخرجها منها
فصعب عندى اروح محافظه وانتخب

[محمد خطاب]

من حق كل مواطن اختيار المرشح اللى هيمثله

ويختار القائمه اللى هيكون متأكد انها هتحقق مطالبه

وبالنسبه ليا لسه محافظة الدقهليه مرحلة ثالثه

وربنا يعدى الانتخابات على خير

ويوفق الاحق وكلنا نبقى ايد واحده لإعادة المجد لمصر


شكرا على الموضوع يا نوسى

مجهود مميز منك

تحيتى ,,,

[يارات الحب]

من الاسكندرية النهاردة وبكرة وان بكرة رايحة

وان شاء واللة

حزب الحرية والعدالة دة ماما راحت

النهاردة وانا رايحة بكرة باءذن اللة وشكراالموضوعك

[game010]

انا لسه لان انا محافظة الجيزة
ان شاء الله تكون انتخابات يتحقق بيها املنا احنا المصرين
احنا مستنين الانتخابات دى من زمان وربنا هينصرنا فيها بأذن الله
والمصرين قادرين على التغير واحنا مؤمنين بكده ان شاء الله
وهنسبت للعالم كلة ان المصرى غير اى حد كالعاده

[زهره الشتاء]

لسه المرحله التانيه وان شاء الله هنزل انتخب
وربنا يسترها ويبقى فى امن وامان
لان عندنا مش بيمشو الا بضرب النار هههههههههه
سلمت الايادى على الطرح
يعطيكى الف عافيه
لكى كل الحب والتقدير
دمتى بود
فيض ودى