الدرس السادس ( ازاي ترخم علي مراتك ) للمتجوزين بس

[M.G]

صباح الفراويه بالجشطه الملعلطه

ازيكم يا بنات ويا شباب

معادكم النهارده مع درس جديد بعنوان
(ازاي ترخم علي مراتك)

النهارده بنتكلم عن الجنس الناعم
اللطيف
الخفيف
الظريف
الخريف
بمعني تاني خالص

مراتك حبيبتك ام عيالك
ازاي تخنقها
ازاي تنرفزها
ازاي تعصبها
ازاي تحرق دمها
بمعني تاني خالص

ازاي ترخم عليها
ودا موضوعنا النهارده

مش عايزين البنوتات يزعلو بقي انا جبت الموضوع للمتزوجين

قبل ما نبدأ بس

الاجزاء السابقة

-------------
ازاي ترفع ضغط اي حد لدرجة انه يتجنن تقريبا ‏

( الدرس الثاني )ازاى ترخم وانت فى محل كشرى....!!

(الدرس الثالث ) ازاي ترخم في محل عصير قصب

(الدرس الرابع ) ازاي ترخم علي حبيبتك (ممنوع دخول البنوتات)

( الدرس الخامس ) ازاي ترخمي علي اخوكي (اهداء للبنوتات)



نبدأ الدرس

العب بلاي استيشن و نفضلها او اقعد علي النت لغاية لما تتشل منك :182:



فى عيد ميلادها زينلها تورتة عيد ميلادها بـ 77 شمعة ولو سألتك لية 77 رغم ان عندها 26 سنة بس ؟ !!!! اتحجج بضعف الاضاءة فى البيت و اعمل من بنها و بص على النجفة اللى عندكم اللى فيها 30 لمبة مع ابتسامة صفراء رخاميه خفيفة




اصحى يوم الجمعة بهمة ونشاط وجهز الفطار ليها بس متنساش انك تستخدم 15 طبق واكبر كمية من الملاعق والشوك و 5 حلل من اللى عندكم فى المطبخ و 10 كوبيات عشان تعمل طبق بيض وسندوتش جبنة وعصير ليمون و ترفع ضغطها (طبعا متنساش ترمي شوية سمنه علي الارض علي شوية زيت و سيب ام التلاجة مفتوحة و ارمي قشر البيض في الحوض )




لو عملة ريجيم اجرى على السوبر ماركت ومحلات الحلويات واملى التلاجة شكولاتة وحلويات وجاتوهات و كل شوية تمشي قدمها و انتا في ايدك حته جاتوة او حتة اي حلويات و السلام المهم تفرسها :yuck:




متنساش رأيك فى طبيخها لو عاملة لحمة قالها حلو اوووى الفراخ دى ..... ولو طبخة بامية جميلة اوى الملوخية دى حطة عليها اية ؟؟ ولو عملة كيكة قالها انا بحب اشرب شاى مع البسكويت الحلو دة !! :biggrin:





لو طلبت منك تنشر الهدوم قالها حاضر مع ابتسامة ملاكيه وبعد ما تخلص نشر الهدوم ادخل عليها وقولها انا نازل اجيب الهدوم اللى وقعت منى فى الشارع ولو سألتك هو اية اللى وقع ؟ اذكر لها كل هدومها اللى كانت مغسولة مع فردة شراب من بتوعك علشان متبقاش مقصودة منك ! مابين قوسيين خليك فطين




لو الزوجة قررت مسح الارضيات فى البيت حاول انك تروح وتيجى على المناطق المبلولة متحجج بأنك محتاج تتصل ضرورى بواحد صحبك ومرة عطشان ومرة تانية بتجيب الجرنال ومفيش مانع انك تقول انك حاسس ان التليفون هيرن كمان شوية
:762:




لو كانت مشغولة فى نظافة البيت او مع الاولاد وطلبت منك تغسل كوبتين الشاى بتوع الصبح الموجودين فى الحوض ارجعلها كمان دقيقة من دخولك المطبخ وانت ماسك كوبية من الاتنين وهى مكسورة واسألها فى براءة ارمى دى فين ؟؟ :sml4:




وانت قاعد تتفرج على التلفزيون وهى طالع عينها فى تنظيف البيت وبعد ما تخلص وتيجى يدوبك تقعد تستريح جنبك بصلها وقالها حبيبتى معلش ممكن كوبية مية علشان ضهرى بيوجعنى !!





الصبح وانت رايح على شغلك وهى نايمة وقع اي حاجة او خبط الباب بصوت عالى علشان تصحيها هى كمان اشمعنى انت ؟ ولو حاولت ترجع تنام تانى قالها مادام صحيتى حضري الفطار بقى



لغاية يا معلم لما تتخنق من اهلك و ياما تخلعك و يبقي انتا كده مش حتغرم حاجة ياما تقتلك و بكده تكون ريحتك من الرخامه اللي انتا عايش فيها

سلام يا جدعان


ملحوظة
( صاحب هذا الموضوع قد سافر الصومال لحضور ندوة ايقاف اسراف الماء:762: )

[silent cry]

مع انى مش متجوزه هههههههههههههههههههههههه بس دخلت غلاسه بقى
بصراحه لو انا مكانها كنت موته فى انسان كده هههههههههههههههههههه

[M.G]

اقتباس المشاركة الأصلية كتبت بواسطة silent cry مع انى مش متجوزه هههههههههههههههههههههههه بس دخلت غلاسه بقى بصراحه لو انا مكانها كنت موته فى انسان كده هههههههههههههههههههه

لا ما احنا بنطور التعليم ف بلدنا اهو وبنوعي الرجاله المتجوزين

[عيوني هلاك]

هههههههههههههههههههههههههههههههههههههههه
يا جامد انت
موضوع راااااااااائع
الحمد لله من اليوم ما راح اافكر في الزواج
ليه فتحت عنينا انا لسة صغنونة
يا جدو
هههههههههههههههههه
تسلم ايدك علي التوبيك

[لحظة عتآب]

ههههههههههههههههههههههههه
درس جاااامد
بس حراام عليك والله
ليه عاوز تعذب الستااات
ميرسي علي التوبيك الرائع داا

[بحار فى بحر الحب]

ههههههههههههههههههههههه

طيب كويس لماا هجوز ابقااااااا

ارخم عليهاااااااااااا

منتااااااااااا هريناااااا دروس

رخااااااامه هههههههه

تسلم

[*دموع القمر*]

طب ليه كده تفتح عيون المتجوزين على حاجات هما ميعرفوهاش حرام عليك
ههههههههههههههههههههههههههههههههه

بس بجد موضوع جامد قوى

طب ولو واحده عايزه تطفش جوزها تعمل ايه غير الخلع طبعا

[M.G]

اقتباس المشاركة الأصلية كتبت بواسطة بنت من الصعيد الجوانى طب ليه كده تفتح عيون المتجوزين على حاجات هما ميعرفوهاش حرام عليك ههههههههههههههههههههههههههههههههه بس بجد موضوع جامد قوى طب ولو واحده عايزه تطفش جوزها تعمل ايه غير الخلع طبعا

استني الدرس الجي ههههههههههههه

شكرا لكل الناس الي ردت

[مغرورة ومن حقي]

صح والله حرام عليك لو أنا مكانها كان ذبحته

[M.G]

اقتباس المشاركة الأصلية كتبت بواسطة مغرورة ومن حقي صح والله حرام عليك لو أنا مكانها كان ذبحته

بالموس الي ف التوقيع؟