الدرس السابع ( ازاي ترخم علي بابا الحج) للرجال فقط

[M.G]

اهلا بالرجاله



النهارده معادنا ومعادكم في
الدرس السابع
( ازاي ترخم علي باباك )
شوفو الادب


مين فينا مش عايش 24 ساعه مخنوق من الحج
اكيد بنحبه وبندعيله


بس ايه رأيكم نرخم عليه شويه بدافع الحب ( ياراااجل )


قبل ما نبدأ بس

الاجزاء السابقة

-------------
ازاي ترفع ضغط اي حد لدرجة انه يتجنن تقريبا ‏

( الدرس الثاني )ازاى ترخم وانت فى محل كشرى....!!

(الدرس الثالث ) ازاي ترخم في محل عصير قصب

(الدرس الرابع ) ازاي ترخم علي حبيبتك (ممنوع دخول البنوتات)

( الدرس الخامس ) ازاي ترخمي علي اخوكي (اهداء للبنوتات)

الدرس السادس ( ازاي ترخم علي مراتك ) للمتجوزين بس ‏


نبدأ الدرس وكله في مكانه

طبعاً انتا مخنوق من ابوك طول الاسبوع استلمه بقا يوم اجازته يا معلم وهاتك يا رخامه ..

1- هو نايم عالسرير والنهاردة الجمعة الاجازة.. اصحا بدري عالساعة 10 كده وخش عليه الأوضة.. متصحيهوش.. خش نور النور وبكل برود اعمل نفسك بتدور على حاجة واقعد خبط وخروش على قد ماتقدر.. هييجي يصحا يقولك ايه اللي انتا بتعمله ده يابني..

قوله معلش اصلي كنت بدور على علبة المناديل بس شكلها خلصت بقا يلا مش مشكلة..


2- هو هيتفقع منك وهيقولك يلا طب اطفي النور وسبني انام شوية، سيبه نص ساعة وتعالى تاني يكون راح ف النوم وخبط على كتفه.. بابا قوم صلي الجمعة.. هو طبعاً هيصحا مخنوق منك.. يابني الساعة لسه 10 ونص لسه بدري.. انتا رد عليه بكل براءة وقله.. أصل انا خفت احسن الصلاة تفوتك قلت لما اصحيك من بدري يعني..


3- هتسيبه وتخرج.. شوية كده وخش عليه الاوضه تاني.. خبط على كتفه.. هيقولك عايز ايه تاني يابني.. قوله معلش بس انا كنت عايز اجيب فطار.. هات عشرين جنيه.. طبعاً عشرين جنيه مبلغ ابن مبالغ فيه ..
هيرميلك خمسة جنيه ف وشك ويقولك غور يلا من هنا..


4- تنزل تجيب اي فطار وتطلع تجهزه وبعدين خش عليه الاوضه تاني.. بابا معلش بس انا كنت عايز تقوم تفطر معايا عشان انا جهزت الاكل وعيب يعني اني اكل وحضرتك مش معايا يعني..



5- هو هيقولك انا مش هفطر دلوقتي.. هبقا افطر بعد الصلاة.. سيبه شوية بس مش كتير.. وخش الاوضه تاني.. قوله بابا انا خلصت اكل وسيبتلك اكل بس مش كتير مش عايزني انزل اجيبلك أكل تاني؟؟


هو هيبصلك كده وممكن يقوم يتعدل ويقولك انتا هتسيبني انام ولا اقوم اضربك..
انتا طبعاً بكل برائه:yuck: قوله يعني انا الحق عليا اني بصحيك عشان تفطر.. هو انتوا مش عاجبكوا اي حاجه بعملها ده ايه ده؟؟


6- سيبه شوية خليه ينام طبعاً بدل ما تتضرب.. وتعالى بقا يا معلم قبل الأدان بعشر دقايق.. وجمب ودانه وزعق وقول: الصلاااااااااااة خير من النوم..


هو هيقوم مفزوع ومش بعيد يرزعك بالألم على وشك.. هيقولك انتا ايه اللي بتعمله ده..
قله يابابا لازم تحضر الخطبه من أولها والا مش هتتحسب صلاة جمعة هتبقا تقضية واجب وخلاص.. هو طبعاً هيستغرب الواد بقا متدين ليه كده..


7- سيبك منه شوية خليه ينزل يصلي لوحده.. عشان ميعلمش عليك ف الطريق..


أول م يرجع م الصلاة هو طبعاً هيقولك يعني انتا يا اخي قاعد تصحيني يوم اجازتي الصبح حرام عليك عايز انام شوية.. قوله معلش يا حج بس انا كنت عايزك تصحا بدري بس وقولها كأنك زعلان يعني..


8- شوية كده ورخم عليه تاني.. بابا انا عايز اخرج النهارده هات فلوس.. هو هيرد عليك.. عايز كام يعني.. قله عايز خمسين جنيه.. هيقولك ليه؟؟


قوله انا أصلي عايز اروح اكل ف ماكدونالدز النهارده وعايز يبقا معايا فلوس يعني..
هو طبعاً مش هيديلك خمسين جنيه وهيقولك هي 5 جنيه وخلي منها فلوس عشان تروح بيها الجامعة بكرة..


ماشي .. خد منه الخمسة جنيه وظبط نفسك ياعم وانزل..


9- اتأخر بره على قد ماتقدر وتعالى عالساعة واحده.. طبعاً هو عمال يرن عليك وانتا منفض السنين .. وأول ماترجع هيفتحلك الباب.. خلي على وشك ابتسامه عريضة وقله بابا أنا صرفت الخمسة جنيه كلها..


طبعاً هو هيتفقع منك ويقولك يعني انتا صرفت الخمسة جنيه كلها وكمان جاي متأخر.. وطبعاً هتعوز مني فلوس بكره..



قله يا بابا انا عايز 30 جنيه كمان بكره عشان فلوس الملازم.. وبكده انتا تكون خلصت عليه خالص.. وهنيجي نعزي فيك يابني


ملاحظات هامه :
1 - الموضوع هزار في هزار ( لو عملتو اضمن انك مش هتدخل المنتدي لشهرين عالاقل )
2- لو عجبك الحوار ونفسك تنفذو لازم يكون باباك فريش لدرجه مش موجوده او يكون عندك مكان تبات فيه غير بيتكو
3 - لو عجبك الدرس دا استني الدرس الي جي
4 - امشي ياض من هنا

تقبلوا رخامتي

[ε s я α α]

هههههههههههههههههههههههههههههههه
والله كل دروسك زى العسل
وتنفع ف الحياة فعلا ^^
بس حكاية انا صرفت الخمسة جنيه دى تفقع حبتين ^^
بانتظار الدرس الجاى ..
احلى تقييم..

[M.G]

اقتباس المشاركة الأصلية كتبت بواسطة ε s я α α هههههههههههههههههههههههههههههههه والله كل دروسك زى العسل وتنفع ف الحياة فعلا ^^ بس حكاية انا صرفت الخمسة جنيه دى تفقع حبتين ^^ بانتظار الدرس الجاى .. احلى تقييم..

النهارده درسين مش درس عشان مخنوق حبتين هههههههههههههه

الدرس الثامن نزل بالفعل يا جميل اقريه ومستني رأيك

[بنت الاكابر]

ههههههههههههههههههه
الحمد لله انه للولاد بس
لان اكيد مفيش بنت تقدر تعمل كدا
بس احلى حاجه شويه الملاحظات اللى تحت دول

انا كنت متوقعاه للبنات بردو للولاد ايه التفرقه العنصريه دى ^_^

تسلم ايديك على شويه الرخامه دى

[برنسس ساره]

ههههههههههه
ايه الموضوع الجامد ده
ههههههههههه
دا حلو اوى
تسلم ايدك
هههه

[فارس الكلمة]

هلا بكل الحلووووووووووووين فى دروس الرخاااااااااااااااااااااااااااامة

[aya1994]

هههههههههههههههههههه

يلهوى لو حد عمل كدا فعلا ههههههههه
لازم يحجز في المستشفي الاول
تسلم ايدك