وظنى فيك يـآربِ جميل ~

[Aya 7ekaya]

~

حابه اعتزل السوشيال ميديا واسجل خروج من كل حاجه
اعمل تجديد لحياتى و اضيف ليها معنى جديد يمكن كل حاجه ترجع زى زمان !

●

[Aya 7ekaya]

~

من الحاجات المبهجه فى حياتى ، اللى مش بقدر اقاومها بالظبط كانها حلويات بسبوسه بالمكسرات مثلا ^^

الاطفال الصغننه ♡
ايديهم مثلا دى وجبتى المفضله ، اللى هو ماينفعش حد صغنن يدينى ايده شويه ، طيب ليه مفيش محلات بتبيع ايد بالحجم الصغنون ده
كنت اشتريتهم كلهم والله

طبعا غير الخدود دى حاجه تانيه ♡

مشاركه عبيطه قصيره

[Aya 7ekaya]

"

7 سنين فى المنتدى !

بقالى كتير عايزة اكتب المشاركه دى و بحاول اجمع الكلام اللى ممكن اقدر اعبر بيه عن ال 7 سنين اللى قضيتهم هنا بكل حاجه حلوة او اى موقف صعب قابلنى وقدرت اكمل
شريط ال سنين دى كلها بيمر قدام عينى بقاله فترة
بدايه من بدايه تسجيلى كان عندى 15 سنه عضوة جديده فى عالم المنتديات ، شخصيه بسيطه جدا ..
مريت بكل الالوان اللى اتعملت ف المنتدى بدايه من اللون الاخضر
للاورانج ف التميز ل اللبنى بتاع عضويه الابداع كان زمان للمحرريين للازرق فى الاشراف للبينك و الموف و الزيتى و النبيتى فى النائب الادارى و اخيرا للاحمر

كل لون كان ليه اثر فى نفسى ، طاقه كبيرة جداااا جوايا كانت بتزيد مع كل لون بوصله مع ذكريات راسخه فى عقلى ، زى اول مسابقه شاركت فيها كانت ف الخواطر عاملها واد حبيب و فوزت فيها بمركز اول حسيت بالفخر جدا كون انى قدرت اتقدم على اعضاء اقدم واكبر منى وكنت الاولى ، سهرات الاعضاء فى رمضان ، مسابقات طارق و احصائياته عن المنتدى ، لمه الاعضاء و مسابقات العصابات
اشرافى ع قسم الديكور ♡
اللى يعرفنى ف الحقيقه شخصيه غير اجتماعيه اطلاقا الجو اللى عيشت فيه هنا واتعلمت منه واثر فيا بشكل مستحيل كنت الاقيه فى الواقع

الدنيا بتكون تمام و العزيمه بتزيد مع كل لون بيتغير و مع بدايه اللون البينك الدنيا بتكون فعلا بينك ، لون مميز فعلا صداقات كتير نشاط عالى و هوبااا نلبس ف الموف هههه من احلى الرتب ف المنتدى
رتبه هاديه جدا صلاحيات لا بئس بها و مشاكل محدوده من وجهه نظرى كانت فترة القمه بالنسبالى رغم كل المواقف الصعبه اللى قابلتنى بس فخورة جدا بالفترة دى
لحد بدله الاعدام
المشكله ف الاحمر انه بيقتل الحماس !
بيحول مكان العضو من تفاعل ف الاقسام و مع الاعضاء لدنيا المشاكل الفنيه و قسم الشكاوى و حاجات كتير ماحدش شايفها مع وجهات نظر مختلفه للاعضاء و كل عضو شايف لو وجهه نظره ماتنفذتش تقوم حرب و تبدا اتهامات التحيز و التقصير

انا وصلت لاخر مرحله وصل ليها اى ادارى هنا ، انه بذل كل طاقه واقصى طاقه كان ممكن يستخدمها ف المنتدى

راضيه جدا عن كل شىء عملته و كل قرار اخدته
راضيه عن نفسى و عن اسمى و عن مجهودى اللى بذلته بحماس و حب
هيفضل بنات مصر زى كتاب ف حياتى اتعلمت منه كتير كسبت فيه ناس ماكنتش ممكن اقابلهم ف الحقيقه سواء موجودين هنا حاليا او لا
اتعلمت كتير ، علشان كده شكرا ♡ بنات مصر ♡

[Aya 7ekaya]

طيب حد يقفل العيد و يشغله تانى يمكن كان معلق و يشتغل

[Aya 7ekaya]

●

زمان كنت بحسد الناس اللى عندها لامبالاه ، و كان اعتقادى الشخصى انى ضعيفه جدا لانى مش قادرة اعدى المواقف ..

اكتشفت ان الحياة زى القطر اللى بيدوس علينا ، ف بنفقد جزء كبير جدا من الاحساس و المشاعر المفروض انها جميله ، بس لانها اصبحت عقبه فى حياتنا .. ف بنخسرها من غير ما نهتم !
وبسأل نفسى .. ازاى بقينا باردين كده ؟!
وبقينا بنعدى المواقف من غير مانبص ورانا حتى .. كل حاجه بقت عادى
واجابه واحده بتلخص الحاله " مش فارقه "

مش فارقه مين باع ومين خان ، مين خذلنا ...
المهم ان النتيجه فى النهايه واحده !
احنا اتكسرنا ..

[Aya 7ekaya]

●

إِنَّمَا أَشْكُو بَثِّي وَحُزْنِي إِلَى اللَّهِ

♡

[Aya 7ekaya]

الوقت الذى يقضيه الانسان مع نفسه لا يكون وقتا مهدرا ، ثم ان بامكان الانسان ان يكون صديق لاشياء كثيرة غير البشر .. !

باك
~

[Aya 7ekaya]

أتَى رَمضان وأتَى المُنَادي مَعهُ :" يَا بَاغي الخَير أقبِل ويَا بَاغي الشّر أقصِر"💜

رمضان مبارك 🌸

[Aya 7ekaya]

الوحده .. موجعه احيانا
لكنها هـادئه !
ساكـنه مطمئنه ..

ضجيجها صامت حتى بريقها بلا لون ، ورعدها بـلا صـوت !

مظــلمه .. لكن بلا خوف !
الشىء المريب فيها عندمـا نـدرك حقاً
اننــا مازلنـا وحدنا ..

[Aya 7ekaya]

إذا لم نكن مع الأشخاص الذين نحبهم فنحن لاجئون أينما كنا ..! 💙