الدرس التاسع ( ازاي ترخم علي سواق ميكروباص )

[M.G]

سواقين الميكروباص
حبايبنا الحلوين
والاغاني الشعبيه
علي رأي عمنا دبور
خمسه ورا والي مش عاجبه ينزل يا ولود ال :079::079:

اهلا وسهلا بيكم في الدرس التاسع
( ازاي ترخم علي سواق ميكروباص ) ولو اني بقولها مشروع عشان اسكندراني


قبل ما نبدأ بس

الاجزاء السابقة

-------------
ازاي ترفع ضغط اي حد لدرجة انه يتجنن تقريبا ‏

( الدرس الثاني )ازاى ترخم وانت فى محل كشرى....!!

(الدرس الثالث ) ازاي ترخم في محل عصير قصب

(الدرس الرابع ) ازاي ترخم علي حبيبتك (ممنوع دخول البنوتات)

( الدرس الخامس ) ازاي ترخمي علي اخوكي (اهداء للبنوتات)

الدرس السادس ( ازاي ترخم علي مراتك ) للمتجوزين بس ‏

الدرس السابع ( ازاي ترخم علي بابا الحج) للرجال فقط

الدرس الثامن ( ازاي ترخم علي جارك ) للمحترفين فقط

---------------------

لمؤخذه يا بنات معظم الدروس دي للشباب انا عارف بس اخلص من دروسنا ونخش ف دروسكم

وبردو الي عنده اقتراحات وعايز يرخم علي كائن معين يبعتلي وانا هعمله درس رخامة

نبتدي الدرس
الصوت ورا

هنقسم الحصه على قسمين الا وهما

1-لو كنت على الكرسى اللى جنب السواق
2-لو قاعد مرمى فى اى مكان ورا



===================================
لو قاعد جنب السواق تعمل ايه بعد ماتركب بشويه تقوم جى لافف وشك بحركه بطيئه وانت بتضحك وتفضل تبص للسواق وشغال كركعه ( تعريف كركعه : هرتله ) ههههههه ضحك ياناس
**********************************************
فى عز وانت متنح تقول للسواق الكلاكس ده شغال يا اسطى لو قالك اه قوم جى ضارب كلاكس وقوله بجربه ولو قالك لاء اضرب برضه وقوله تصدق مش شغال :762:
=================================
اقعد اهرش فى راسك وبصله وكل مايبصلك قوله الجو حر اوى :762:
*********************************************
اعمل نفسك بتنام ونام على كتفه :762:
================================
وانت بتقوم من النوم دوس على الفرامل واعمل نفسك مش واخد بالك وقوله معلشى
(الفرامل اللى على يمين الدركسيون علطول)
*********************************************
قوله انا بشبه عليك يا اسطى واساله انت منين وافضل اتحرى عنه على اساس انك توصل لحاجه تعرفه طريقها فى الاخر قوله اكيد ركبت معاك قبل كده :762:
==================================
اساله اذا كان متجوز ولا لاء لو كان متجوز اساله مراتك اسمها ايه وساعتها هتبقى فقيد الشباب وضحيه من ضحايا الرخامه لو قالك لاء قوله الستات بقت رخمه
**********************************************
طلع الموبيل وافضل شغل اغاني اجنبي وعلي الصوت وارقص عالكرسي ميهمكش انت دافع فلوس
==================================
افضل قول اف فى ريحه وحشه اوى فى العربيه :762:
**********************************************
قوله ممكن سيجاره يا اسطى لو قالك مش معايا قوم مولع سيجاره وتبقى عامل حسابك انك تكون شايل علبه فيها سيجاره واحده وتقوله لمؤاخذه يا اسطى اخر سيجاره وافضل ولعها وغيظه لو قالك مبدخنش ولع السيجاره واخنقه :762:
================================
قوله يا اسطى انا ناسى المكان اللى انا رايحه بس الشارع على ناصيته عمود :762:
*********************************************
اقلع الجزمه وانت راكب واعمل انك بتعمل اى حاجه فيها وخليهم يشموا الريحه :762:
===================================

طول ما انت راكب جانبه تقوله حاسب يا اسطى :762:
***********************************************
قوله هى العربيه جاز ولا بنزين لو قالك بنزين قوله باين عليها لو قالك جاز قوله 90 ولا 80 :762:
*********************************************
قوله انتى جيه تشتغلى ايه ...سواقه وافضل اضحك :762:
*********************************************





ده بالنسبه فى حالة انك مخنوق جنبه
لو مخنوق :ورا تعمل الاتى





تنادى با اعلى صوتك يا اسطى بسرعه شويه عاوز اروح الحمام :762:
/////////////////////////////////////////////////////////////
اقطع فرشة الكرسى اللى قدامك وطلع التنجيد وقوله يا اسطى مش عارف مين ابن حرام قطعللك الفرشه :762:
////////////////////////////////////////////////////////////////
لو قاعد فى الكرسى اللى وراه علطول افضل زق الكرسى بتاعه برجلك لو قالك نزل رجلك نزلها شويه وارجع اخبطه تانى وهكذا لحد مايرميك من الميكروباص :762:
///////////////////////////////////////////////////////////
قوم العبله فى شعره وقوله كان فيه دبان على شعرك بهشهولك :762:
*******************************************
اتكلم فى التليفون وطول ما انت بتتكلم افضل اضحك :762:
*****************************************
خليه بيبص فى المرايه وقوله بتبص ليه يا اسطى فى حاجه :762:
*******************************************
افضل كح وتف فى ارضية الميكروباص :biggrin:
xxxxxxxxxxxxxxxxxxxxxxxxxxxxxxxxxxxxxxxxxxxx

فى النهايه احب اقولك

انت كدا كدا ميت يا من الناس يا من السواق
ولو حد جربها زي المرات الي فاتت انا مليش فيه
:079:

انتهي الدرس ياض

[بنت الاكابر]

هههههههههههههه
يالهوى
دا ميت ميت اللى هيعمل كدا
بس مين الجرئ اللى يعمل كدا

مقالب جميله اوى

يسلموو يا مستر

[M.G]

اقتباس المشاركة الأصلية كتبت بواسطة بنت الاكابر هههههههههههههه يالهوى دا ميت ميت اللى هيعمل كدا بس مين الجرئ اللى يعمل كدا مقالب جميله اوى يسلموو يا مستر

لا في كتير بس يبقي مسطول عشان ميحسش بالضرب

[عيوني هلاك]

هههههههههههههههههههههههه
لا لا لا لا اكيد لو عملت كدة ممكن يضربي بحاجة
هههههههههههههههههههههههههههههههه
تسلم ايدك
بس لو سمحت انا بصراحة مدرس العربي مطلع عيني
عيزة ارخم عليه شوية
لو ممكن تقلي ارخم عليه ازااااااااااااااااااااااااااي !!!!!
تسلم

[M.G]

اقتباس المشاركة الأصلية كتبت بواسطة عيوني هلاك هههههههههههههههههههههههه لا لا لا لا اكيد لو عملت كدة ممكن يضربي بحاجة هههههههههههههههههههههههههههههههه تسلم ايدك بس لو سمحت انا بصراحة مدرس العربي مطلع عيني عيزة ارخم عليه شوية لو ممكن تقلي ارخم عليه ازااااااااااااااااااااااااااي !!!!! تسلم

ابسط ما يمكن فعله


لو ف درس : خليه يشرحلك الدرس مليون مرة واستغبي فيها واسئلي بين كل حاجه وحاجه

لو ف المدرسة : بعد الدرس اسئليه ف حاجه كان بيأكد عليكو فيها يعني لو قالك مثلا قانون ابن بطوط اتحفظ وبتاع وخلص الدرس قوليله مستر ممكن تشرحلي قانون ابن بطوط عشان بجد في حاجات مش فاهماها _ اوعي تقولي مش فاهمه كله هيقولك انتي كنتي فين وانا بشرح

وعلي قد ما تقدري ضيعي الوقت وانا هظبطلك موضوع كدا قريبا

[عيوني هلاك]

ههههههههههههههههههههههههههههههههه
يا جامد انت
انا بعلم والله كدة وما فيش فيدة اقوي اقوي
اصلا مدرس رخم شوية
بس علي مين
تسلمم ايدك عيل الموضوعين
يعطيك العافية

[برنسس ساره]

هههههههههه
هوا مش هايضربنى وبس دا ممكن يموتنى لو عملت فيه كده اصلا
ههههههههههه
تسلم ايدك

[M.G]

اقتباس المشاركة الأصلية كتبت بواسطة برنسس ساره هههههههههه هوا مش هايضربنى وبس دا ممكن يموتنى لو عملت فيه كده اصلا ههههههههههه تسلم ايدك

لا استخدمي سلاح البنات القوي


يلهوووووووووووووي الحقووووووووووووووني

:079:

[عيوني هلاك]

اقتباس المشاركة الأصلية كتبت بواسطة m.g لا استخدمي سلاح البنات القوي يلهوووووووووووووي الحقووووووووووووووني :079:

هههههههههههههههههههههههههههههههههههههههه
يخراااااااااااااااااااشي
ههههههههههههههههههههههههه

[falta tanto amor]

**********************************************
طلع الموبيل وافضل شغل اغاني اجنبي وعلي الصوت وارقص عالكرسي ميهمكش انت دافع فلوس




تنادى با اعلى صوتك يا اسطى بسرعه شويه عاوز اروح الحمام :762:


هههههههههههه ده انتقام مش رخامة