كفاية رومانسية هنا قصة الفرخة المثالية ..

[doiss]

نشأت الفرخة المثالية جيهان ببيت من اصول تركية وترعرعت وسط محاصيل الذرة وصوامع ومزارع بشتي الوان الذرة المدشوشة والعدس والارز ..
فهي تعتبر من الطبقة الإرستوقراطية بمجتمع الفراخ ..
تخرج كيفما تشاء وتلهو وتلعب ..
وعندما اشتد عودها واصبحت فرخة طاغية الانوثة بجميع المقاييس لمحها احد الديوك ويدعي الديك سعيد وما كان منه سوي الإلفاف حولها بأساليبة المعتادة لتقع بشباكة فتارة يهز عرفة يميناً وتارة شمالاً ..
وتارة ينقر الارض للحبوب ويُسبل جفنية بنظرة إعجاب !!



ولكن محااالة !!
فالفرخة ذات شموخ وعزة لم تشهدها المزرعة علي مدار اجيال كثيرة من الكتاكيت وصولاً للمحرقة العظمي ,,



فلم يجد الديك سعيد سوي الإقتراب منها ومحاول المكاكاه حول اذنيها بصوتة الجميل ,,

ولكن كل جهودة ضاعت هباء امام رسوخ وثقل الفرخة جيهان التي تربت وترعرعت بأسرة ذات اصول اخلاقية لا تقبل الكلمات المغموسة بالريش ,,

وعندما يأس الديك سعيد من كثرة محاولاتة لفت إنتباهها وعدم اقبول الاهتمام من الفرخة جيهان ,
فما كان منة إلا التالي ....
بعد صياح الفجر انتظر علي ناصية العشة المقابلة للفرخة جيهان وراودها عن نفسها .. ويا ويلتاه من رد فعل جيهان ؟؟؟؟
صاحت باعلي ما تملك يالهووووتي يآني يا سعيد يا ابن الفرخة المحروقة !!!!
ابعد عني يا ابن الديك المسلوق بشوربة من غير مرقة !!
الله يحرقك بفرن نارة تكون 300 !!
سعيد : انتي فاهماني غلط يا جيهان ان عاوز اطلب ايديك ونرزق بالكتاكيت الصالحة !!
جيهان : كتاكيت صالحة مين ربنا يرزقك بسكينة فرارجي تلمة تصرخ ولا حد يسمعك !!

جيهان بصياح عالي تنادي علي ابوها الحج مديوك : الله يرحمك يا بابا ويوسع معدة اللي اكلك . لو كنت موجود ما كان حصل دة كلة !!

وبعد الصياح والضجيج تجمع فراخ المزرعة والتفوا حول الديك سعيد واحدهم قال : انت مش ناوي تلم نفسك بقي يا سعيد وتسيب فراخ الناس بحالها ؟

سعيد : يا عم مفروخ دية بتتبلي عليا حتي شوف نتفت ريشي ازاي ده انا قربت ابيض من كذبها !!
الفرخة جيهان : كذاب يا عم مفروخ دة كل يوم يبصبصلي ويقعد ينيل ويقولي يا حلوة يا فرخة يا مقمعة !!
وما كان من فراخ المزرعة الا ان تجمعوا حول الديك سعيد ونال قسطاً من التنقير والنتف بجسدة لا يحسد علية !!

ورحل الجميع ..
ووقفت جيهان بمفردها تبكي لوعة الالم من شدة الموقف والحزن ....
فوجدت من يربت علي كتفها ويقول لها : لا تحزني يا جيهان فطالما كنت اتمناكي زوجة لي يا سيدة المزرعة ..
فإلتفتت جيهان ونظرت للصوت فوجدت !! : عم مفروخ العجوز !!!!
جيهان : حتي انت يا عم مفروخ يا ديك يا عجوز !!
اخرتها هبصلك انت علي اية انت عرفك خلاص ابيض من شيبتك !!
عم مفروخ : لية يا جيهان انتي عارفة بعد خطف زوجتي بأيدي خفية وذهابها للمحرقة لم يتبقي لي سوي اولادي 36 كتكوت ولا يوجد من يرعاهم ؟
جيهان بتردد : ايوة يا عم مفروخ بس انت فاجأتني !! ..
عم مفروخ : تتلاقي الاحبة علي بعد المزارع والديوك المكتوبة علي الجبين لازم تشوفها العين ..
جيهان وافقت علي الفور من عم مفروخ الديك العجوز وتزوجتة ورزقت بالذرية الصالحة ..





وتم بعد ذلك منحها وسام الفرخة المثالية الواقعة اللي
اتجوزت ديك من خيبتة خد قد بنتة ....


|
(فانتازيا القصة)
قلم doiss
Or
كاسر

[falta tanto amor]

هههههههههه ايه الرومانسية دي كلها بس نهاية القصة

حزينة اوي بس جيهان طلعت غبية اوي تتجوز

واحد اد ابوها وتسيب سعيد؟؟؟؟؟؟

[Sєяєєη●•ʚɞ]

هههههههههههههههههههه
قصة لذيذة ودمها خفيف
بس ليه جيهان اتجوزت عم زحلوق ولاملزوق دة؟
ماهو سعيد كمان عينة فارغه وخد جزاءة
بس فين باقى ديوك المنطقة فى الجو دة
مافيش غيرالشاب مفروخ دة
المفروض تاخد وسام الوكسة القوية
:762:
قصة جميله يا ضياء رغم مش عارفه نهايتها خدت مفروخ دة ليه؟؟
طب طلعه عايش فى عشه مكيفه ولا حاحة علشان نقول طمعت فى التكيف
هههههههههههه
تسلم ايدك ع القصة والاسلوب
دوام الفراخ المحمرة
...

[DR.SMA]

اظن سعيد كان احسن مش كده :d
هي دي بقى رومانسيه العصر الحديث
وانا اقول عم مفروخ ده بيتخانق ومزعل نفسه كده
اتاريه عامل حسابه على كل حاجه
هنياله
شكرا ضيا ,,

[♥..pure]

ههههههههه يعيني عـ جيهان وهي بتفلفس من سعيد :d
جامدهـ يـ ضياء بصراحه انا بعد كدا هطلع أكل الفراخ عشان أسمع محاورتهم الجامدهـ دي
عجبني دعواتهم على بعض وكمان وهما بيهزقوا بعض
يـ شماتة العشش اللي جمبنا في فضيحه الفرخه جيهان //
بكرهـ تيجي بنت جيهان وتقرأ فضيحه امها وتقولكـ :/
يـ ضياء أنت اللي فضحت مامايا اهـ يا مامايا )

[yasmine refat]

هههههههههههه


ايه يا ضياء ده ملكش حل فعلا


خيالك واسع جدا ماشاء الله


والقصه لذيذه ودمها خفيف وطلعت الفرخه مثاليه فعلا سابت جمالها وشبابها علشان تساعد وتسعد غيرها


يلا اهو تستفيد ومايبقاش في نقطة الغيره التنافسيه ويسمحلها تحقق نفسها :079:


موضوع رائع ياا كاسر:003:

[Lost Pearl]

ههههههههههههههههه
حلوة اوي بجد يا ضياء او يا (كاسر)

بس ليه تتجوز عمو الكبير ده (
اكيد كان في شاب عايزها يعني
ههههههههه

تسلم ايديك يا ضياء قصة جميلة بجد ,,, تحياتي .

[~ NoDa~]

هههههههههههههههههههههههههههه
ف الاخر اتجوزت واحد قد أبوووهآآ
ملهآش نصيب ف الدنيآ ، ي حرااام
ههههههههههههههههه

قصة بجد م الآخر تووووووووحفة
يسلم تأليفك يآ أ. ضيآء =)

[SiLver Spectra]

اقتباس جيهان بصياح عالي تنادي علي ابوها الحج مديوك : الله يرحمك يا بابا ويوسع معدة اللي اكلك . لو كنت موجود ما كان حصل دة كلة !

هههههههههههههه جامدة دي
تسلم خيالك يا ابو ضياء ,,

[كبرياء رجل]

ههههههههه
ﻻ جامده جحا بجد
قصه حلوه منك وكويس ان ضربو الديك الرزل سعيد
واتجوزت عم مديوك عشان راجل جاد
وهتلاقيهم خلفوا 36 كتكوت تاني
عشان يبقى عدد اولاد عم مديوك
72
ربنا يديله كمان وكمان
عرفت ايه سبب البطاله في مصر
وعمالين نتكلم على زياده اﻻنجاب
ههههههههههه
شكرا على الطرح المميز
دمت بخير