مصــــر فوق الجميـــع (مسابقه وطنى)

[الرحــاال المٌتَمرد]

مصــــر فوق الجميـــع










كـنـا عايشين فيها لكن متغربين
كان هما فيــن .. ودلوقتى بقوا فين
فهمونا يا محسنين .. ياللى مش حاسين
شقانا وتعبنا راح فين .. وراح لمين
رغيف العيش ماكناش لآقين
سنين عشناها وإحنا مظلومين
بنصرخ من الفقر . والمسئولين مش سامعين
الناس بترمى أطفالها فى الشوارع .. مهم فقرانين
أنتشر الفساد فى كل مكان .. وكنا مغيبين
بسبب مين .. وبيد ميـن .. كلهم ملعونين


أشكى وأحكى عن إللى شوفته قبل فوات الأوان
نظام فاسد كان بيرعى التزوير وبيحمى العدوان
بنخاف نقول كلمه الحق .. ماالحيطان ليها ودان
مبارك والعادلى وسالم وغالى وصفوت وجمال وسليمان
دول سطر واحد من نظام اتحكم فيها من زماان
سرقوا عمرنا وشبابنا وعرفنا معاهم معنى الحرمان
رصاصه طايشه قضت على الصبيه فى الميدان
ورئيس خاين وجبان ميعرفش قيمه الانساان
أضرب .. أحرق .. أقتل .. وأخلص من الجرذان
إللى يعترض يترمى فى المعتقل ويقولوا دا من الاخوان
مصـــر إللى طول عمرها أم الدنيا مكانش ليها مكان
مصر إللى ربنا ذكرها وكرمها .. حفظها فى القرآن
كان ولادها عايشين فى ظلم وذل وأحزان
ماكنش لــ ولادها كرامه ولا أتمان



كاسرنا جوانا الخوف .. رافضنا الأستسلام
حاربنا علشان بلادنا .. مهمناش السهام
صمدنا فى الميدان .. وصرخت الأقلام
خلعنا الطاغيه ونظامه .. فى مجرد أيام
ورجعتلنا بلادنا .. وسيطرنا على اللجام
بنحلم بالديمقراطيه .. يكون وطنا فى الأمام
نعيش بقلب واحد.. ومايكونش بينا خصام
يختفى الظلم والفساد ..ويعم الخير والسلام
ومن غير خوف .. نطيــر زى الحمـــام
مع بعض أكيد نقدر .. نحقق الأحلام





مصـــر فوق الجميــع



سألونى مره بحبها ليه ؟!
يمكن عشان أتربيت فيها
لعبت فى شوارعها وحواريها
شربت من نيلها ومشيت على أراضيها



سحرها الخلآب وجوها الجذاب
بحبها وماتسالونيش عن الأسباب
عاشت مصــــر دايما .. تجمع الأحباب




بأيدينا هنعليها .. بروحنا هنحميها
بدمانا هنفديها ..وبعرقنا هنبنيها







مصـــر فوق الجميــع







جميع الحقوق محفوظه للكاتب وللموقع
يحظر النقل الإ بالإشاره للمصدر وصاحب الكلمات
رحـــال بلا عنوان

[دمعه حائره]

وستظل مصر فوق الجميع
برغم ماتمر به من ازمات تنهض من جديد مع كل فجر امل
بولادها يعمروا ويبنوا ماهدموا تاريخ مضى افسد فيها وطغى
وستظل كلماتك مثال للعاميه الراقيه
المعبره عن نبض الشارع المصرى
سلمت اناملك رحال ويدوم الابداع
تحياتى والتقييم

[Lost Pearl]

رجعت بعد ما فشلت في حجز الرد الاول :biggrin:

يعني يا ايمن خلاص بعد كدة الواحد مش هيعرف يرد عليك يقولك ايه ,,,
كل مرة بنشوف ابداع راقي اوي بجد ما شاء الله ...

تسلم ايديك و احساس الوطنية عندك عالي اوي ,,
و ان شاء الله مصر هتعلي و ترقي بتعاون شبابها و انهم يبقوا ايد واحدة

مشكور يا ايمن و تم (او هحاول) التقييم :762:

في انتظار جديدك المبهر دايما ان شاء الله ,,, تحياتي .

[بنت الاكابر]

كلمات روعه
والعنوان جميل اوى (مصر فوق الجميع)
تسلم ايديك على الابداعات الجميله دى

[dяєαм..|♥]

كلمات جميلة وفعلا بتعبر عن اللى موجود فى مصر حاليا
ودايما مصر فوق الجميع
وفى انتظار جديدك المميز دايما

[شاعرة الرومانسيه]

فعلا مصر فووووووووق الجميع

سلمت انااااااملك يارحااااااال

ابداااع متميز

ننتظر جديدك

[السفيره عزيزه]

بسم الله الرحمن الرحيم

تعالوا وشاهدوا شباب النيل ماذا يكتب
نهر من الحب والعطاء لا يجف ولا ينضب
والله لن تهزم مصر وفيها شباب يطبب
جروحه فى الميدان ولا يتراجع ولا يهرب
شباب مثلك اخى وطنه هو محبوبه المحبب


سلمت يداك ابدعت حقاً
دمت ودام قلمك المميز

تقبل مرورى السفيره

[أشتاق الى وطنى بجنون]

لماذا لم تخبرنى ايها النبيل
بان قلمكم هنا سينير
هنا تصمت الاقلام وتأبى التحبير
فى محراب قلم للروائع الكل اليه يشير
ايها الرائع رحال
ما اجمل منك البيان
ايها الحبيب رحال
سحر بين السطور ظاهر للعيان
نتعلم منكم كيف يكون لحبرنا عنوان
دمتم اخى بحفظ الرحمن

[غزاوية وافتخر]

اكيد مصر فوق الجميع اتمني لها
شروق شمس جديه لشعب خالي من المشاكل
السياسيه والداخليه
ابدعت فيما طرحت يسلم قلمك اخي رحال

[فتحى عيسى]

نص رائع ناطق بالجمال
بلغتة البهية
وإحساسه النادي
سلمت يمينك
وقلمك الرائع
تمنياتي لك التوفيق
تحياتي وإحترامي