ثـــآني حلقهـ من برنآمج {الكــورة مـع ‡vŦăҚĂ } مــــــع .........

[سَـلمَى]

الســــلآم عليكم شعب منتدآنـــآ الحبيب منــــورين والله ^_^ كـــآن معنــآ الحلقهـ الأولى من برنآمجنــآ المشرف ۩۩ elMagic۩۩ وطبعــآ كآن منورنــآ وهيفضل منورنــآ ^^ النــهردآ بقى معآنآ عضــو فريد من نوعهـ والكل في الكل معـــآنآ كبير القسم علاء صــآدق قصــدي ( Ghost.Rider ) :biggrin: مشرف الأقسام الرياضية AhlySpirit1907 تعـــآلو نشوف إجـــآبآت محمد ... بطاقة التعارف :- يا مسهل الاسم: محمد السن: 18 المهنة: طالب & مقهي بلاستيشن & قريبا ان شاء الله مندوب مبيعات لدي شركة Tq ادعولي اشتغل فيها :biggrin: النادى المحلى: انا اهلاوي و كل الفخر ليا النادى العالمى: محلي او عالمى لن اشجع ألا الاهلي ولكن احب ريال مدريد و بورتو :biggrin: واتمني لهم التوفيق دائما المنتخب :بعض المنتخب الوطنى طبعاً : بحب هولندا :biggrin: 1-اية رئيك فى المشاكل الى بين اتحاد الكورة والجماهير ؟ رائي ان اتحاد الكورة شايف ان دي بتضر الجمهور لأن ممكن الجمهور يتصاب منها ودة لانه خايف علي الجمهور من الضرر فبيعمل المباريات بدون جمهور ولكن المشكلة الاكبر هنا لما بيكون الماتش بدون جمهور والجمهور يذهب للمباراة بتحصل مشكلة اكبر وهي الصدام بين الجمهور والامن واصابات وحبس مشجعين ومشاكل كثيرة زي ماشفنا في مباراة الزمالك و اتحاد الشرطة .. فالسؤال هنا .. اذا كان اتحاد الكورة يخشي علي الجمهور من الضرر فعلا فأي ضرر نستحمل ؟؟ اشعال شماريخ ونستحمل الدخان دقيقتين ؟ ولا نضرب في بعض مع الشرطة واصابات وجرحى وحبس وسجن مشجعين ؟؟ الاجابة من وجهة نظرى : نستحمل الشماريخ افضل من الضرب والمشاكل اللى بتحصل ومين الى غلطان؟ اتحاد الكورة غلطان لأن ليس من حق اتحاد الكورة ان يفرض قوانين علي الجمهور بدون اي مشكلة يفعلها الجمهور فماذا فعلت الشماريخ في مباريات الاهلى و الجونة ؟ او الزمالك و المحلة و غيرها من المباريات التى اشعل فيها الشماريخ ؟؟ لا شىء فأذا علي اي اساس تعطي عقوبة ومفيش اي ضرر حصل ان كنت صارم وبتاع عقوبات كان من باب اولي تعطي عقوبتك لجمهور الاتحاد اللذي قام بتكسير استاد اسماعيلية وضرب الجمهور !! مش لجمهور ماسك شماريخ في ايده ويطفيها ويرميها زي ما اي حد بيمسك شمعة عيد ميلاد !! 2-ايه رئيك فى مستوى الاندية فى الدورى المصرى هذا العام؟ والنادى الى لفت نظرك هذا المواسم؟ مستوي الاندية متقارب جداً و مميز و لفت نظري مستوي نادي الجونة و اتحاد الشرطة وافضل فريق صاعد من الدرجة الثانية؟ من قبل مايبدء الدوري وانا كان عندي ثقة واحساس ان تليفونات بني سويف سيكون مفاجأة الموسم لأني واثق في امكانيات مدربهم المظلوم اعلامياً حمزة الجمل و سبق وكتبت دة في احدي المنتديات الكبيرة بعد انتهاء الاسبوع التاني من الدورى رغم ان وقتها كان التليفونات خسر في الماتشين ولكن رغم خسارتهم كنت واثق فيهم والحمد لله دلوقتى بيثبتو كلامي و قدروا يفوزو في اخر 3 مباريات لهم وبقى عندهم عدد نقاط كويس بالنسبة لفريق صاعد وهو 9 3-ما هو رئيك فى فى سياسة اتحاد الكورة المصرى؟ ظلم . فساد . كيل بمكيالين . مصلحة شخصية . تغييب الشعب 4-رئيك ايه فى ايقاف الدورى الدورى المصرى ؟مع او ضد؟ ولماذا؟ ضد ايقاف الدورى لأن الاندية كان وصلت الى اعلي مستوي عندها و بايقاف الدورى اللعيبة كلها مستواها هايهبط ولسة هانبد من اول وجديد في استعدادات اللاعبين واستعادة لياقتهم البدنية وكمان مينفعش 6 مباريات في اسبوعين ونوقف الدوري شهرين !! مفيش اتحاد كورة في العالم بيعمل كدة الا اتحاد الكورة المصري .. لو نبص علي كل منتخبات العالم هانلاقيهم بيلعبو والدورى شغال دون انقطاع يعني مثلا المغرب معانا في نفس البطولة ولسة كنت متفرج علي ماتش في الدورى المغربي من يومين :biggrin: المفروض عدم ايقاف الدورى والاندية تلعب باللعيبة اللى موجودة في غياب لاعبى المنتخب الاولمبي ولكن اتحاد الكورة فاشل وليس لديه سيطره علي الاندية انه ياخد منهم اللعيبة رغم ان دة من حق اتحاد الكورة 5-مين المدرب الى عجبك فى الاسابيع الماضية؟ ولماذا؟ طارق العشري .. لأنه بيلعب علي قد امكانياته وعامل شغل كويس مع فريقه ورغم ذلك هو المركز التاني بفارق نقطة واحدة عن الاهلى ولكن محدش حاسس بيه ودي احسن حاجة للحدود انهم شغالين في صمت بدون دوشة الاعلام حتي لايكون في تشتيت للاعبين بسبب العروض الوهمية من الاعلام 6-ايه رئيك فى تجربة ك.حسن شحاته مع نادى الزمالك؟ حسن شحاتة بيغامر بتاريخه في تدريب نادي الزمالك لان زي ما قال فاروق جعفر الدوري غير الدولي :biggrin: لان حسن شحاتة مع منتخب مصر كان معاه احسن جيل في تاريخ مصر وبيختار لعيبة من اي نادي تعجبه ولكن مع الزمالك هايلاقي لعيبة مستواها اقل و ادارة فاشلة و جمهور يفرح ويغضب عليه في اي لحظة واعلام يهاجمه لو خسر و لكن عامة التجربة حتي الان نتيجة كويسة ولكن اداء غير جيد وعنده ثغرات دفاعية جامدة .. وجهة نظرى .. زمالك حسام حسن احسن من زمالك حسن شحاتة رغم ان شحاته مع نجوم اكتر ولكن الميزة اللى عمله شحاتة انه بقى فريق الزمالك جماعي وليس فردي .. الاول كان اعتماد الزمالك علي شيكابالا فقط لا غير ولا اهمية لباقى اللاعبين ولكن دلوقتى الزمالك بقى لعبه جماعي وعنده اكثر من نجم في الفريق يقدر يصنع الفارق في اي وقت 7-ايه رئيك فى صفقات النادى الاهلى هذا المواسم؟ صفقات احسن لاعبين في مصر دون النظر لاحتياجات الفريق انا شايف ان اغلبها تعاقدات غلط . الاهلى كان محتاج مدافع تاني وظهير ايمن ومهاجم جبار احسن من مانجيب نجوم مصر وخلاص ومين الاعب الذى سوف يفيد النادى؟ محمد نجيب ومين الاعب الى مش هيفيد النادى؟ فابيو جونيور 8-رئيك ايه فى الخلافات الى بين الجماهير والاعلام المصرى؟ (فى الرياضه وبس) رائي ان الاعلام مغيب ومش بيتكلم بالعدل الاعلام مفترض يتقبل الرأي و الرأي الاخر ولكن اعلامنا هنا ماشي بقوانين واوامر انه يكون ضد الالتراس والشماريخ سواء صح او غلط مثلا : مدحت شلبي .. دلوقتى بيهاجم الشماريخ والالتراس رغم ان هو كان جايب مشجعين وبيولع شماريخ بنفسه في الاستديو وفرحان بيها ازاي كان بيفرح بيها من سنتين ودلوقتى بقت خطر وتهديد امن مصر وضرب السياحة ؟؟ اعلامي فاسد مثلا : احمد شوبير : دلوقتى بيصفق الالتراس بالبلطجية والعاطلين واننا ضد الشرطة .. الخ وكل يوم يقعد يهاجم في الالتراس ويدافع عن الداخلية و وزارة الشرطة اللى هو منها ولو تلاحظي هاتلاقي مكالماته 99% كلها ضد الالتراس ودة لانها مفبركة تبعهم و جربتها قدام عيني لما صديقي دخل عشان يدافع عن الالتراس .. كنترول برنامج احمد شوبير اول ماعرف ان صديقي هايدافع عن الالتراس قفلو السكة في وشو ورفضوا انه يدافع عن الالتراس يعني هما مش عاوزين غير المكالمات اللى ضد الالتراس وخلاص لان دة طبعهم والمرة الوحيدة اللى شفت واحدة بتدافع عن الالتراس قطع عنها الكلام و مرضيش يسمعها في الاخر و قعد يدافع عن الداخلية كأنه هو صاحب المشكلة وياريت شوبير الفاشل االلى عمال يهاجم الالتراس ويقول انه بيعمل كدة لحب مصر رغم انه مزور 5 الاف صوت في الانتخابات مشفنهاش وقتها حب مصر ازاي مش عارف يقعد ساكت ويتكلم في حاجة تانية طالما الالتراس مش عاجبه او لما يحب يتكلم عن الالتراس يسمع الرأي والرأي الاخر 9-من ترشحة ليكون رئيس للاتحاد المصرى لكرة القدم؟ خالد مرتجي ولكن طبعا هو مش هايترشح لانه انسان انضف من ان يكون في تلك المنظومة الفاسدة 10-مين الاعب الى تنصحة بالاعتزال؟ وائل جمعة . احمد حسن . محمد بركات ولكن بعد انتهاء هذا الموسم ودة لان مستواهم كويس جدا ولما يعتزلو وهما كويسين احسن من ماييجي الوقت ويلاقو نفسهم مكروهين من الجمهور او الاعلام بيهاجمهم زي مابيحصل مع ابوتريكة دلوقتى او ما حصل مع حازم امام سابقاً واخيراً اية رئيك فى البرنامج بتعنا؟ جميل جدا وانا اسف اني طولت فى الكلام بس دة لان البرنامج جميل وحبيت اشرح فيه كل حاجة :biggrin: نــــــــــــــــورت يآمحمد وإجآبآت جميلهـ جــدآ مغلطتش لمـآ قلت علاء صــآدق ككك أتمنـى الحلقهـ تكون عجبتكم كــــآن معـــآكم من دآخل إستديو بنــآت مصر game010 vŦăҚĂ والســـلآم عليكم ^^

[Bebo El Magic]

ههههه اسئله فريده من نوعه ايه الجمال ده
هههههههههه
يالا يا اخ جاوب بقى

[ღ Gի๐sτ ღ]

جــاوبـت يا خويا خلاص
هجاوب اية تاني
انت مش واخد بالك من الرغى دة كلو :biggrin:


والاسئلة كانت كويسة و حلوة جدا واسف ع الاطالة فيها
بس عشان اشرح بمزاج وروقان وكل حاجة ونحط النقط ع الحروف:biggrin::biggrin:

علاء صادق دة اعلامي زي العسل:079:


ميرسي يا سلمي ع الاستضافة الجميلة
كنت سعيد اني ضيفك في الحلقة

[AHMED SEVEN]

حلقة جامدة يا فتوكة ومحمد منور .. اسئلة واجابات رائعة .. تحياتى للجميع

[ساحر الأحزان]

جميلة الحلقة فتكات

وضيف مميز

واسئلة واجوبة ولا احلى منكم

حلقة جميلة

وننتظر الباقى منك

تحياتى

[game010]

حلقة جميلة جداً يا فتكا بجد
مميزه جداً
ضيف مميز حقاًً جوست ريدار(محمد)علاء صادق...
بجد تشبيه جميل جداً وان شاء الله نشوفة زى علاء صادق كده....هههههههههه
نورتنا يا محمد بجد فى انتظار الحلقات القادمة...

[S n i p e R]

اقتباس 1-اية رئيك فى المشاكل الى بين اتحاد الكورة والجماهير ؟ رائي ان اتحاد الكورة شايف ان دي بتضر الجمهور لأن ممكن الجمهور يتصاب منها ودة لانه خايف علي الجمهور من الضرر فبيعمل المباريات بدون جمهور ولكن المشكلة الاكبر هنا لما بيكون الماتش بدون جمهور والجمهور يذهب للمباراة بتحصل مشكلة اكبر وهي الصدام بين الجمهور والامن واصابات وحبس مشجعين ومشاكل كثيرة زي ماشفنا في مباراة الزمالك و اتحاد الشرطة .. فالسؤال هنا .. اذا كان اتحاد الكورة يخشي علي الجمهور من الضرر فعلا فأي ضرر نستحمل ؟؟ اشعال شماريخ ونستحمل الدخان دقيقتين ؟ ولا نضرب في بعض مع الشرطة واصابات وجرحى وحبس وسجن مشجعين ؟؟ الاجابة من وجهة نظرى : نستحمل الشماريخ افضل من الضرب والمشاكل اللى بتحصل

يا باشا سيبك من وجع الدماغ ده كله

اهم حاجة الاندية

النادي لما يلعب نص ماتشاته من غير جمهور

مش بيكسب

الدخل الرئيس للنادي من التذاكر

النوادي كدا هتفلس

دي مصيبة بالنسبة للكورة المصرية

عقاب في منتهى السذاجة والغباء

وبعدين يا سيدي م انت عندك الدوريات العالمية

شوف بيولعوا كام شمروخ ف الماتشات

الدوري الانجليزي لوحده بيولع ف اسبوع

قد اللى بيولعوا الدوري المصري ف سنة

الكلام ده مصيبة يا محمد الوضع لو استمر هنشوف بلاوي

ربنا يستر واتحاد الكورة يعقل ويبطل العبط اللى بيعمله

نايس حلقة اوي يا فتكات

وشغل عالي جدا يا ستي

تحياتى ليكي

[ღ Gի๐sτ ღ]

منورين جميعا

احمد سنيبر

سمير زاهر لو شاف شماريخ اللى بتتولع في اوروبا هايجيلو سكتة قلبية
احنا هنا يعتبر مبنولعش حاجة قصاد اللى بيحصل في اوروبا

[prave heart]

شكرا على المعلومه