ماتركس يتحدى lost pearl الضربة القاضية .

[doiss]

(الشروط الأساسية)
لا يجوز للمتنافسان الرد بالموضوع سوي مرة واحدة فقط ..
اي رد منقول سيعتبر مهزوم بالقاضية .
يمنع رد أي عضو غير المتنافسان وسيتم حذف اي رد اخر بالموضوع ..
الإجابة كحد اقصي يومان من وقت طرح السؤال أي 48 ساعة ..
وسيعتبر مهزوم بالقاضية من لا يجاوب علي السؤال بخلال ذلك الوقت ..

[Lost Pearl]

شوف يا ضياء ,,,

انا من رأيي انه الموضوع ده ليه ناحيتين :
الاولي : الناحية الواقعية
الثانية : الناحية الاخلاقية

و طبعا مانقدرش نربطهم دلوقتي لأن في وقتنا ده بقي اللي عنده اخلاق عبيط و بيضحك عليه

الناحية الواقعية :
المنظمات دي و العاملين فيها هم اللي المفروض انهم بينصفوا المظلومين ,, يعني ياخدو لواحد حقه او كدة يعني ,,
الناس اللي بتشتغل في المنظمات دي ,, ناس عادية جدا ,, و يمكن في بعض الاحيان اقل من العادية ,, و قد تكون ناس كويسة و ماديا مظبوطة و الحمد لله
تعالي نمسكهم واحدة واحدة كدة و نشوف كل صنف من التلاتة بيختلف عطاؤه او بمعنب اصح تصرفه عن الشئ المتوقع منه ......

اولا :
العامل العادي :
الرجل ده جتله قضية مثلا و كانت المشكلة بين واحد عادي و واحد كبير في البلد او مش شرط كبير ,, كفاية نقول ان منصبه اعلي من الرجل الاولاني بس ,, و خلينا نرمز للأول ب 1 و للتاني ب 2
الرجل رقم 1 راح قدم بلاغ و كدة ضد الرجل رقم 2 و الموضوع ده بقي العامل بتاعنا هو الموكل بيه بعد ما تصعد الامر للمحكمة ,,
ييجي العامل ده شايف انه انه 2 هو اللي غلطان ( و 2 شخصيا عارفا انه غلطان و لو الحكم بالعدل هيروح فيها )
ف ييجي 2 يقول للعامل ده انا هاديك المبلغ الفلاني مقابل انك تطلعني من الموضوع ده ,,
العامل بتاعنا هيرد عليه يقوله ايه ,,, ده حسب حالته المادية
لو الحمد لله الايام دي مستورة معاه ,, مش هيرضي و هينصف 1
اما لو الايام دي الحمد لله باردو بايظة معاه ,, هيرضي و هيطلع رقم 2 زي الفل من غير اي حاجة ....

ثانيا :
العامل اللي اقل من العادي :
لو حصل معاه نفس الموقف ,, مش هتحتاج تفكير كتير قبل ما يطلع 2 من الموضوع زي الشعرة من العجين باردو ...

ثالثا :
العامل اللي حالته الحمد لله كويسة :
هنطبق باردو علي نفس المثال و الرجل ده هيبقي ليه حاجة من 2
يا اما ,, هيبقي اتعود خلاص علي الفلوس اللي بتجيله من الموضوع ده ف اكيد هيطلع رقم 2
او ,,,,,, ممكن يبقي متخانق مع 2 ده اصلا (لأنه بقت الناس اللي معاها فلوس تعرف الناس الكبيرة ,, الحاجتين دول ارتبطو بزيادة :762: ) فيطلع 1 انتقاما من 2 و ده بيبقي حاجة نادرة لأن 2 ده عمره ما هيحط نفسه في موقف كدة ,, عادي يوكل محامي تاني ....


متهيألي كدة نقدر نوصل لاستنتاج من الجزء ده و هو :
الناس اللي حالتها المادية مش كويسة و مرتباتها مش مكفية (كاعادة ما احنا كلنا عارفين ان ال 400 او ال 500 جنيه بتعيش عشرة علي عشرة الايام دي :762: و مالها ال 300 ما هم كانوا بيعيشوا بيها زمان :762: ) دول بيضطروا انهم يظلموا المظلوم و ينصفوا الظالم بحثا عن مصدر للرزق مش اكتر .

الناحية الاخلاقية :

دي مش هنتكلم فيها كتير هم كلمتين اي حد بيفكر فيهم و هو انه ,,, طيب ما الانسان ده لو كان عنده اخلاق او ضمير ماكانش عمل كدة ,, و "من يتق الله يجعل له مخرجا " و لازم هو يتق الله الاول عشان يجيبله مخرج ,,,, طب ليه هو بيعمل كدة ؟؟!!

رأيي في الجزء ده انه هو بيعمل كدة غصب و هم كذا فرقة باردو ,,, منهم المضطر و منهم اللي بيقول هاكفر عنه بعدين و منهم اللي وراه ولاده و مشاكل و هم قد كدة و محدش بيساعده
و الفرقة اللي تهمني انا منهم اللي مش بتبيع ضميرها ابدا ... طب تفتكروا دول مصيرهم ايه (لو كانوا ناس عادية بادية من الصفر ,, في ناس ما شاء الله بتصمد) ...؟؟
دول اللي بيشتغلوا بعد كدة اي شغلانة تانية بعيدا عن دراستهم و حياتهم و احلامهم لأنهم مش بينفعوا في المجال ده ,, او بمعني اصح محدش بيرضي بيهم و لا بيرضي يشغلهم ,, الناس دي بتدور علي فلوس يا جماعة ,,, يبقي كدة خلاص .. الواحد الكويس بيشتغل سواق ميكروباص او مواصلة داخلية او تاكسي بقي ..

نوصل لاستنتاج تاني من الجزء ده و هو :
الضمير و حسن الاخلاق بيودي الناس للضياع و بيخلي مستوي معيشتهم وحش و هو اللي بيبهدل الناس دلوقتي و هو اللي بيخليهم يشتغلوا اي حاجة مع انهم يستاهلوا اكتر من كدة في مقابل راحة الضمير !!!

الاستنتاجين اللي وصلنالهم دول طيب .. يوصلونا ل ايه ؟؟
يوصلونا لأن :
1- الموضوع متشابك جدا و محتاج نقاش طوييييل ..
2- في من كل اللي انت ذاكرهم في السؤال .. يعني في العميل و في الممولين و كمان بقي في المضطرين ..
3- اقدر و ماقدرش اقول عليه انه تبع لسياسة خارجية ,,, اقدر لأن السياسة الخارجية دي هي اللي خلت حالنا كدة لأنها بتأثر فينا من صغرنا عشان نكبر جهلاء و بنفكر غلط ,, و ده زي ما هي عايزة ..
ماقدرش لأن اكيد في جزء من الناس واعي و بيحاول يوعي اللي حواليه و بينجح كمان في كدة ,,


و ده يوصلنا لرأيي بقي في الموضوع ككل و هو :

نلم بقي الموضوع في كلمتين عشام اعرف اختار ,,,
الموضوع متشابك جدا و مهم جدا و عايز كتب تشرح و وجهات نظر كتيييرة اوي
بس انا هامشي مع الرأي اللي بيقول انه ده جهل بالمفاهيم و حقيقة مع بعض ,,,

حقيقة علي بعض الناس ,,
و جهل بالمفاهيم لأننا لازم ندرس كل الطبقات اللي في المجتمع ,,


انا حاولت اوضح اد ما اقدر و يمكن ده خلاني اطول شوية كتير ,, اسفة علي الاطالة .

[ماتركس]

المنظمات الحقوقيه باتت مصطلح مئلوف للفرد والمجتمع برغم محدوديه

اصبحت المنظمات الحقوقية موجودة في دول كثيرة واصبحنا نٍٍٍٍٍٍٍٍٍٍٍٍٍٍٍٍٍٍٍٍٍٍسمع عنها كثيرا في الاونه الاخيره

وكلما سمعنا عن فساد اورهائن وغيرها من مواطن يرفع دعوه عن

مسئول كبير يتوالي بعدها المنظمات الحقوقيه بما نسمع عنه ونعرفه عن القائمين

عن تلك المنظمات انهم يجعلون وقتهم وربما كل حياتهم في تلك المواضيع نسمع

عنهم كثيرا وربما يقال عنهم كثيرا وتكثر الاقاويل عن متطوعون في تلك المنظمات

بانهم عملاء ممولون عن رايي هل يوجد عامل ممول يساعد علي منع الفساد

ويساعد علي خروج مواطن سجن ظلما اوانهم يقفون مع مواطن ظلم واضهد كثيرا

وعدوانا او يقع بمسئول كبير ويظلم المواطنين عن رايي ماانظر اليه وكل ماسمعت

قد تكون الدول العربيه ايضا كمجتمعات وافراد بها نوع من الانغلاق بنسب مختلفه

واعتبار تلك المؤسسات الحقوقيه نوع من التدخل الخارجي بالنسبه إليها

فيصبح من النادر اللجؤ إليها والتعرف علي ماهيتها عن كثب

فلانجد هناك تثقيف من الدول التي تحد من عمل تلك المؤسسات بها للمجتمعوبالتالي

لانجد تلك الثقافه لدي افراده واسره

فيشكل الجهل نسبه كبيره نضرا لعدم معرفتهم بقوانين وظوابط تلك المؤسسات وعدم انتشار

عملها بوضوح فيضل امرا به غموض يدعو للحذرواللجؤ إليه بشكل محدود وحالات فرديه

لقضايا معقده نوعا ما وقد يكون اخر الحلول

بينما يكون في بعض الدول جزء من ثقافه الفرد وتوعيته بكونه حق شرعي له يلجئ له عند حاجته إليه

معترفا به كحقه ف التعليم والصحه الي غير ذالك

اما كونه حقيقه:

بنسبه بسيطه لأن المؤسسات الحقوقيه لها ظوابط ونظم وصلاحيات محدده

ف الدول التي تعترف بها وتقوم بتطبيق قرارتها

وقد يوجد ثغرات تستغل بطرق خاطئه بحسب صرامه الضوابط والرقابه لتلك

المؤسسات يزيد او يقل احتمال استغلال موارد تلك المؤسسات

وغالبا ماتكون حالات فرديه

لأن العاملين لتلك المؤسسات

جزء كبير من اعمالهم بدافع ذاتي لكون تلك المؤسسات تخدم قضايا انسانيه

وتسعي لتحقيق اهداف راقيه ونبيله

احتمال ذالك بسيط ويوجد بنسبه

قليله

وبالنسبه لكونه تابع لسياسه خارجيه:

يمكن حدوث ذالك في الدول التي لم تطبق فيها تلك المؤسسات

بالشكل الصحيح وقد تحد الدوله نفسها من صلاحيات المؤسسه اوتصبح محدده الاعمال

ف ايطار يقلل من تحقيقها للاهداف التي انشأت من اجلها بالشكل المطلوب

فقد يلجأ الافراد العاملين ألي مجهودات فرديه يصبح ذالك مجال خصب للتدخلات الخارجيه

من ما يخرجها من هدفها الاساسي وتصبح عرضه للمتاجره واستغلالها خارجيا

وتمويلها بمقابل

يضل ذالك مختلف النسب

1) الجهل بنسبه كبري من دوله لإخري بحسب رقيها وتثقيف افرادها بكون المؤسسه

الحقوقيه مؤسسه حكوميه يلجئ إليها الفرد متي مادعت الحاجه أليه

واهتمام الدوله بمراقبه تلك المؤسسات ووضع ظوابط ونظم لتحقق اهدافها

النبيله وتصبح جزء من ثقافه المجتمعات

2) كونها حقيقه بنسبه بسيطه

لكون العمل بها ينبع من شععور نبيل من الفرد العامل بها

3) سياسه خارجيه : قد يحدث في وجود الثغرات وعدم وجود الظوابط ويصبح العمل

بها شكلي غير فاعل ..في تلك الدوله ومحدود الصلاحيات مما يتيح فرصه للتدخل واستغلال ذالك سياسيا



ظلم ينتشر ويعم الفساد

ويقفون اناس لماذا الاضهاد

يقولون يكفي ظلما

ومعامله كعبيدا نحن عباد

كلاما تدعونه وتقولونه هباءا

وتقولون كلام لايوجد له اساس ولاعماد

يكفي ظلما للعباد

وان الحريه لها يوم وميعاد

وسننتظرها مهما طال البعاد

ارجو اكون افدكم

احمد الشريف ,,,,