╝◄|| ظاهرة منـع الجـمهور من حضور المبـاريات بسبب اشعال الفلام ||►╚ للنقاش

[ღ Gի๐sτ ღ]

تحية طيبة و بعد ,, أعزائي اعضاء و زوار منتدى [بنات مصر] أهلاً و سهلاً بكم في موضوع المتواضـــع الذي يتكلم عن [ عقوبات اتحاد الكرة المصري علي الجماهير بسبب اشعال الفلام] مشكلة كبيرة تواجه جروبات الالتراس في مصر بسبب منع الجمهور من دخول المباريات بسبب اشعال الفلام , فأذا تم اشعال شمروخ واحد فقط يلعب النادي المباراة التاليه له بدون جمهور رغم ان الجمهور يشعل الفلام ولن يقم بالقائه علي المشجعين المنافسين او ملعب المباراة بل يمسكها في يده حتي انتهائها . الا ان ذلك بالنسبة لاتحاد كرة القدم المصري يعتبر ضرر للمشجعين واللاعبين وبلطجة !! اتعجب من اتحاد الكرة عندما يطبق تلك القوانين الغريبة ويقول يجب علي الجمهور احترام اللوائح والقوانين رغم ان اتحاد كرة القدم المصري لا يطبق اللوائح والقوانين بنفسه فالفساد وعدم تطبيق القوانين واضح للجميع ولن اتحدث عنه لان كل من يعرف اتحاد الكرة المصري يعرف كمية الفساد وعدم تطبيق اللوائح والقوانين له . و الغريب ان قرار اتحاد الكرة لعدم ضرر الجمهور كما يقول , وبسبب قرارات اتحاد الكرة يقوم الجمهور للذهاب للاستاد لأنه يعلم جيدا ان العقوبة ظالمة طالما لن يقم بالقاء الفلام علي ملعب المباراة و هنا تبدء مشكلة اخرى وهي تصدي الامن للجمهور و احتكاكات بين الامن و الجمهور وسجن المشجعين ومشاكل ليس لها نهاية . فأذا كان اتحاد الكرة المصري يوقع تلك العقوبات منعاً لضرر الجمهور كما يقول فأي ضرر اكبر يا اتحاد الكرة ؟ان يتم السماح باشعال الشماريخ لمدة دقيقتين وتنطفي دون القائها في ملعب المباراة ؟؟ ام السماح لفتح طرق الاحتكاكات بين الجمهور و الأمن واصابات وجرحى بالجملة بين الطرفين و سجن المشجعين بسبب حبهم تشجعييهم لناديهم اللذي يمثل الحياه لهم . للـنقاش 1 / كيف تري عقوبات اتحاد كرة القدم المصري علي الجماهير ؟ 2 / ما رأيك في قرار جمهور الاهلى فى الذهاب للمباريات رغم العقوبة ؟ 3 / كلمة حرة

[ღ Gի๐sτ ღ]

مفيش حد عاجبه النقاش ولا اية

[game010]

1 / كيف تري عقوبات اتحاد كرة القدم المصري علي الجماهير ؟
بقولك ايه مفيش شك ان الاتحاد ده فاااااااشل
اوكـ مفيش اعتراض وانا معاااااك....
ولكن:فى حاجات انا معاه فيها زى موضوع الشماريخ ده
انا مش عارف ازاى الناس بتستحمل الريحة دى بصراحة
انا روحت مرة او اثنين حبيت اجرب كده كنت هتعمى
يعنى فيها ايه لو جربنا المباريات بدووون جمهور
وفيها اى لو نفذنا كلام الاتحاد ومرحناش المتشات
حاجة صعبة يعنى مش عارف؟!!!

2 / ما رأيك في قرار جمهور الاهلى فى الذهاب للمباريات رغم العقوبة ؟
قرار خطى تماماً
واظن الكلام الى فوووق وضح ليه

3 / كلمة حرة
هترووووح المبارة اوكـ ماشى روووح نفضرض عامر حسين
طلع راجل وخصم نقط من النادى الاهلى هيكون موقف الجماهير ايه؟!
وبالتالى هتبقا المباريات الى بعد كده بدووون جمهور او مباريات خارج الارض يعنى كلوا بيعووود بالسلب على النادى ....
وجهت نظرى ممكن يكون ملهاش لازمة خااالص



شكراً على التوبيك المميز ده
فى انتظار المزيد من الموضيع المميزه

[ღ Gի๐sτ ღ]

اقتباس المشاركة الأصلية كتبت بواسطة game010 انا مش عارف ازاى الناس بتستحمل الريحة دى بصراحة انا روحت مرة او اثنين حبيت اجرب كده كنت هتعمى يعنى فيها ايه لو جربنا المباريات بدووون جمهور وفيها اى لو نفذنا كلام الاتحاد ومرحناش المتشات حاجة صعبة يعنى مش عارف؟!!! الجمهور لن ينفذ عقوبات فاشلة ليس لها سبب هترووووح المبارة اوكـ ماشى روووح نفضرض عامر حسين طلع راجل وخصم نقط من النادى الاهلى هيكون موقف الجماهير ايه؟! وبالتالى هتبقا المباريات الى بعد كده بدووون جمهور او مباريات خارج الارض يعنى كلوا بيعووود بالسلب على النادى .... كرة القدم تلعب ليه ؟ للجمهور نادي الاهلى ملك لمن صنعوة و من صنعوه هو الجمهور والجمهور هايكون عارف مصلحته ومصلحة ناديه يجيبها ازاي حتي لو هايدفع تمن في البداية + في حاجة مهمة بالامكان بكل سهولة نتفق مع جمهور الاسماعيلي ان جمهور الاسماعيلي يحضر المباراة و جمهور الاهلى يحضر المباراة واتحاد الكورة يضرب دماغه في الحيط لأنه مش هايقدر يخسر الأهلي عشان جمهور الاسماعيلي حضر الماتش . ومش هايقدر يخسر الاسماعيلي عشان جمهور الاهلي حضر الماتش :biggrin: دة مثال بسيط لحل الازمة كلها بتاعت ال3 نقاط اللى الناس بتتكلم عليها بس مش شرط دة اللى يكون في دماغنا .. في حاجات تانية في دماغنا هاتعرفها مع مرور الوقت وهاتعرف اية الاسباب بيان التراس اهلاوي انه هايحضر المباراة مع مرور الوقت

شكرا لمرورك الجميل

[MЏSTAFA]

كيف تري عقوبات اتحاد كرة القدم المصري علي الجماهير ؟

أتحاد فاشل و فاسد
كل همه هو جنى الاموال فقط
دون النظر الى مصلحة الكرة المصرية او الاندية المصرية
و عقوباته متخبطة وليست واعية
ففى الظروف الحالية للبلاد يجب مراعاة مشاعر الجماهير
وليس استفزازها

ما رأيك في قرار جمهور الاهلى فى الذهاب للمباريات رغم العقوبة ؟

قرار سليم
للضغط على اتحاد الفساد
للرجوع عن عقوبته
ففى اوروبا الشماريخ امر عادى
ما لم يتم القائها داخل الملعب
و شوف مباريات دورى ابطال اوروبا الجولة الماضية
كم شمروخ ولع فيها
و الدنيا مقامتش و قعدت زى عندنا

كلمة حرة

احب اقول ان تأييدى لجمهور الاهلى فى الذهاب للمباراة
ليس لأنى اهلاوى
لكن لأن دى قضية كل مشجع كورة
و كرة القدم و المدرج ملك للجمهور
و هو من يضع قوانينها

[ღ Gի๐sτ ღ]

اقتباس المشاركة الأصلية كتبت بواسطة mЏstafa لكن لأن دى قضية كل مشجع كورة و كرة القدم و المدرج ملك للجمهور

تمام الجملة دي
ودي الل لازم يعرفها اتحاد الكورة
وزي مانت قلت اوروبا ولعو في الجولة الاخيرة في اغلب الماتشات
ولكن اتحاد الكورة لازم يخترع حاجات غريبة
شكرا لمرورك الجميل