الإبداع ..............!!

الفيلسوف الآخير · منذ /12-12-2011, 10:13 PM

تقدر تقولى ...
يعنى إيه إبداع ....؟؟
يعنى نحصر كلامنا ...
ما بين لحظة لقانا
وبين لحظة وداع ...
... أو نحفر همومنا ...
ونتوه فـ يومنا ..
بين اليأس والضياع ...
هو دا الإبداع ...؟؟!!
أو نقول ..
(إشتقت لك حبيبى ...)
(وأنت علّتى وطبيبى ...)
وأنت البحر والشراع ....؟؟!!
هو دا الإبداع ...؟؟!!
يعنى نقول كلام ..
زى المسطرهـ ...
وشوية منظره ...
وشوية كلام ...
ييجوا بلوى الدراع ....
يعنى نقول ...
( حبيبتى مثل القمر ..)
( ولأجلك عشقت السهر )
ماهو القمر رملة وزلط ...
والسهر جنان ...
على حبّة هبل على عبط ....
يعنى نقول ..
البتاع فى البتاعه ...
والبتاعه فـ البتاع ....
هو دا الإبداع ........؟؟!!
يعنى نقول ...
( عاشت القدس حرّه )
( ومصر هى أحلى درّه )
ونوصف جسمها ...
من الدماغ للسرّه ....
ونحكى عن اللى اشتراها ....
ومين اللى باع ...
هو دا الإبداع .....؟؟!!
الإبداع ...
يعنى الصرااااع ....
يعنى أسرق الكلمة ...
لو صاحى ...
أو فى عز ّ الحِلْمه ...
من نن عين الوجد ....
يعنى قبل ماكتب ....
أعمل لجوايا جرد ....
وعد وسرد ....
والخبط ...
الكُرهـ ع الود ....
وهزار النشوة ...
مع ساعة الجد ....
يعنى ارجع بيوم الاتنين ...
ليوم الحد .....
يعنى أكسّر جوايا ...
ألف سد ّ ...
أكسّر بجد ..
يعنى أكون ..
بعيد فى القرب ..
وقريب فـ البُعد ....
يعنى لما اكتب الحرف ....
أضعف ....أتهد ّ .....
وابات كم ليلة ....
فى دنيا أحزانها جميلة ...
على وترين عود أتشدّ ....
يعنى ملمحش الشفايف ..
قبل نور الخد ّ .....
يعنى لما أكتب الكلمة ....
أسيبها تنس ّ ...
تزيد وتخس ..
تتحس ....وتتمس ...
لو كانت ضد وضد ّ ....
يعنى أموّت اللى عايش ..
واحيى اللى مات ....
وأغزل الكلمة ...
من توب السُكات ...
أخلقها من أطراف الشعاع ....
أخضّرها زى النبات ....
جدر ....وساق ....ومتاع ....
والملمها من وسط الشتات ...
أشبّع بيها الجياع .....
ويمكن كلامى اللى فات ...
مفيهوش ريحة الإبداع ....!!!!!!

واد حبيب · منذ /12-12-2011, 11:30 PM

ابداع جميله منك يا غالي

بجد كلمات جميله جداااا

تسلم يدك علي كلماتك الجميله

في انتظار جديدك

الحبيب

*دموع القمر* · منذ /12-13-2011, 02:20 AM

كلمات جميله

تسلم ايدك من زمان مشفنلكش موضوع جميل كده

عازف على جدار القمر · منذ /12-13-2011, 03:04 AM

سلمت اناملك
كلمات متميزه
متشكر جدا

sokara · منذ /12-13-2011, 03:29 AM

الابداع برقى الكلمات
وروعه الهمسات
لقلم يكتب عن الماضى والاات
سلمت اناملك على مانثر قلمك من دررومن حروف ذهبية براقة
ورقيقةكلمات وحروف نسجت من نبض قلبك المرهف واحساسك الراقي والعذب
لا حرمنا الله من هذه الاطلالة الرائعة
دمت بخير وتقبل تحياتى

الفيلسوف الآخير · منذ /12-13-2011, 09:29 PM

الحبيب ............شكرا لوجودك الرقيق كما روعتك المعهودة ...............!!

الفيلسوف الآخير · منذ /12-13-2011, 09:30 PM

بنت الصعيد ............شكرا ً لك ِ يا رائقة النفس والحضور ..................!!

الفيلسوف الآخير · منذ /12-13-2011, 09:31 PM

بقايا انسان شكرا لبهاء روعتك ............!!

الفيلسوف الآخير · منذ /12-13-2011, 09:31 PM

سكّره ......شكرا لكلماتك الرقيقة فى حقى وحق الكلمات ......
لا عدمت ُ مرورك الرقيق .............!!

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
يا سلام على الإبداع	esraa gamal	يوتيوب - موقع يوتيوب - يوتيوب فيديو - مقاطع يوتيوب	2	08-20-2011 11:39 PM
قمة في الإبداع! صورتك بعد 20 سنة!!	MaestroZ	برامج كمبيوتر - برامج نت - تحميل برامج 2022	7	03-09-2010 09:23 PM
مسابقة الإبداع الأدبي,,,	SiLver Spectra	منتدي ابداعات الاعضاء الادبية	1	01-15-2010 01:28 AM
هل بإمكانك بلوغ الإبداع	yasmine refat	قسم مناقشة المواضيع المتداوله والمنقوله	16	08-05-2009 07:39 PM

الذين يشاهدون محتوى الموضوع الآن : 1 ( الأعضاء 0 والزوار 1)

..{ فع‘ــآآليـآآت المنتــدى }..

الإهداءات

الإبداع ..............!!

قسم الخواطر - وهمس القوافى حصرى بقلم الأعضاء