احـــلـــي مـــواقـــف يـــومـــيـــه ( خش واكتب موقف)

[laroz]

مره كنا فى الجامعه انا وصحابى تانى المهم انا و3 بنات فى اعلام فى بنت من ال3 مش معانا فى اعلام فدايما كانت بتحضر لينا محاضرات المهم روحنا نحضر معاها مره فعندنا صاحبتنا من الاتنين الباقين المعايا فى اعلام مجنونه شويه فى المحاضره واحنا قاعدين كانت بتلعب سباق سيارات فى الموبايل وكل شويه تعمل اووووووووووووووووووووووووووووووووووووووووه بصوت عالى واحنا مش قادرين نمسك نفسنا المهم الدكتور كان فطسان على نفسو من الضحك وطردنا كان منظرنا مضحك واحنا طالعين بنضحك ودى مندمجه فى اللعبه

[Mind language]

هو مش موقف تبعى بس هو لابن اختى عمر
المعروف عنه انه مبيعملش اى واجب فى الحضانه
غير بمزاجه بيقعد يراكم فى الواجبات طول الاسبوع
لحد مايجى فى يوم معين ويكتبهم كلهم ففى مره
المس بتاعته بتعاقبه فقالتله ياحلوف ازاى مكتبتش
واجبك قام رد عليها وقالها انت الحلوفه واحدك ههههه
امال ازاى يعنى المس تشتمه امال نقوله عيب ياعمر
يقوم قايل هى اللى بيدأت الاول .

[Mind language]

من يومين كنت ماشية مع صحباتى اللى
من نفس البلد بتعتى فماشيين معايه
فبيسألونى هتجيبى ايه يا أميرة لمامتك
على عيد الأم قولتله حاشه وكلا فهذه بدعه
وكل بدعة ضلاله وكل ضلالة فى النار عايزين
تودونى النار فقالولى يعنى مش هتشترى
حاجه قولتلهم لا طبعا لانى مش موظفه اما
ابقى اشتغل هبقى اجيب فقاعدين بنضحك
ففى واحده معانا بنسألها وأنتى هتجيبى اية
قامت قالت انا هجبلها باتنين جنية شيبسى
وبسكوت وكلنا موتنا على نفسنا من الضحك
رحت قولتلها طيب لية كدا قالتلى امال اعمل
ايه قولتلها انتى اديها جنية ربما تكون نفسها
فى حاجه تانى غير الشيبسى ومكسوفه
تقولك وخدنا الطريق كله ميتين على نفسنا
من الضحك

[∂αнмє]

امبارح انا كت معزوم على فرح واحد صحبى المهم
كنت مستنى واحد صحبى تانى عشان يجى يخدنى بالعربية
المهم صاحبى دة معلق على العربية صورة الدورى الانجليزى
مش صورة كبيرة يعنى هيا صوغيورة كدة المهم قالى طبعا انت عارف
الصورة اللى على العربية قولتلو ايوة قالى طب لما اعدى ابئا شاورلى
عشان اقف قولتلو ماشى . طبعا انا مستنيه وعنيا رايحة جاية على العربيات
وعينى تروح مع العربية دى وتيجى مع عربية تانية اوووووف لحد ما زهقت
اتصل بيه يقولى انا قدامك تيب اولع سوجارة عقبال ما يجى وتخلص
وهو لسه مجاش . فين لقيتو جاى وخبطنى كمان بس مش جامد يعنى
ونازل من العربية يقولى انا اسف يا استاذ هههههههههه الاهبل
طبعا شفنى وقعد يضحك قومت طلعت اجرى وراه فى الشارع والناس اتفرجت علينا
دة غير العربية اللى وقفت السكة هههههههههه بجد كان موقف
اصلا اليوم دة كله مواقف كتيررررررررر
بس كفايه ابئا احكلم عليهم بعدين بئا

[fanky girl]

طيب فين المواقف الغلسه الرخمة اللى بتخلينا
نضيق ونبقه مخنوقين وعيزين نقوله لحد