مصطلحات اليومين دول وعمايلها

[╯ Princess ╭]

	مصطلحات اليومين دول وحكايتها في زمنا دا طلعت مصطلحات فظيعه اوي ومضحكة جدا واحيانا الواحد مش بيبقا عارفها فلما حد يقولهالوا بيبقا مش عارف يرد عليه يقولوا ايه يعني من الاخر بيخرف رد <<<بس برضو في الاخر الرد اللي بيخرفه دا مش نافع كرد على المصطلح يعني من الاخر لازم نضحك الناس علينا <<<هههههههه انا برضو من النوع الجاهل بالمصطلحات ههههههه وفاضايحي كتير اوي مع حكاية المصطلحات دي ولما انزل مصر اجازة بقا يااااااااااه على الفضايح عشان انا مش قاعده في مصر فمش عارفة ولا مصطلح بنزل بقا اتعجب من المصطلحات وارد رد مش لايق واحيانا بيكون مع ناس معرفهاش يعني ناس من الشارع في الشارع يعني فهنا قررت اعمل موضوع بهذا الاسم عشان كل واحد\ه تيجي تحكلنا مواقف وفضايح حصلت معاها عشان خاطر المصطلحات دي يلا بينا كل واحد\ه حصل معاها موقف مع المصطلحات تيجي تحكلنا خلينا نضحك شويتين وطبعا بعد ما تحكي الحكايه تعرفيا معنى المصطلح وقبل الحكاية تقولينا اسم المصطلح زي ما انا هعمل حكاياتي مع المصلحات: المصطلحات هعملها باللون الاحمر اسم المصطلح(خلي علينا) مرة في اجازة لما نزلت مصر من سنتين كده نزلت انا واختي نشتري شوية حاجات من السوبرماركت لأمي بس واشترينا والحمد لله عدت على خير بس هنا الفاااااااااااااااجأه صاحب السوبر ماركت لما جينا نحاسب فأختي بتقولوا الحساب كام لو سمحت قالها ((خلي )) <<<اول مصطلح عجيب اسمعه في حاياي مكنتش اعرفه ابدا لا انا ولا اختي يادي الفضايح فبصتلي وقعدنا نبص لبعض فترة قصيرة شوية تاني وقلها (خلي) فقالتلوا هااا!! قالها (خلي خلي علينا) وبعدين قالتلوا : نعم ؟؟<<مستعجبه بقا من الكلمة قالت يمكن ما سمعتوش كويس قالها خلي علينا يا أنسة قالتلوا طيب يعني الحساب كام <<<<ههههههههههههههههههه مش فاهمه بقا قالت تقفل على الموضوع وانا طبعا مش ساكته قاعده قلها طب قفلي على الموضوع واعملي نفسك ما سمعتيش وقوليلوا يعني الحساب كام<< غباء برضو اخوات بقا ههههههه بس فقالها الحساب كذا كذا بس ودفعت الحساب المهم بقا انها كسفة ليا ولاختي كسفة فظييييعه كل دا عشان مصطلح لا اله الا الله ههههههههههههههه معنى المصطلح (خلي علينا) دا اسم المصطلح بيتقال عندنا في مصر لما تروحي لحد وتشتري منه حاجه يقولك خلي علينا او لما تستلفي من حد فلوس وتيجي ترجعيهالوا يقولك خلي علينا يعني المهم انها في الفلوس بمعنى: خلي علينا يعني خلي الحساب علينا معناها سهل للي متعود عليها بس طبعا هل الناس بتعمل بيها لا هي كلمة بس بيقولوها لكن برضو في حساب ههههههههه يلا اتمنى تكونوا فهمتوا ووروني قصصكم طبعا اكيد كلكم عارفينوا بس القصة دي حاصله بقالها يجي سنتين يعني بس الواحد اهو بدأ يفهم اتمنى التفاعل منكم البت رومانسية في موضوع مصطلحات اليومين دول وحكايتها

[safera]

بما إني أنا كمان مش في مصر فليا تخريفات زيك كده والله أكبر علينا .... :762:
الكلمة ( مصر )
مرة كنت مع واحدة صحبتي فسألتها عن واحدة صحبتنا فقالت ديه نقلت وراحت مصر .. المهم اول مرة عديتها عادي وقولت يمكن اتلخبطت وضحكت ( قال عاملة نفسي بفهم يعني وهيا اللي غلطت في الكلام :biggrin وعدت فترة وجت قالت لي انها هتسافر مصر المهم انه الكلمة لفت عقلي وقعدت أودي واجيب يعني بالعقل لما تكون هيا عايزة تسافر مصر احنا فين في الدنيا ديه يمكن احنا قاعدين في السنغال ولا حاجة .. المهم هسهس الغباء اشتغل على 180 درجة :biggrin:لحد ما سألتها هو ايه مصر ديه ( اتاري مصر طلعت القاهرة :762 يااه طب ايه العلاقة يعني .. مصر اتحشرت في القاهرة يومها ضحكت على نفسي بقى مصر اللي لفيت عقلي كلها بيه وكنت هخترع فيها الذرة وعملت نفسي ذكية وقلت البت بتخرف طلعت القاهرة يا مرحبا بمصر الجديدة ::003:

ومن ضمن الكلمات برضه( تناكة ) وكلام مصري كتير .. هبقى أحاول آخد كورس في اللهجة المصري بعد كده لأني لو اتشتمت مثلا ممكن أبقى منكشحة أوي وكأني بتمدح لأنه أصلا معرفش اللي بيتقال :762:

[بلدنا في القلوب متشاله]

هههههههههههههههههههه


انا بقا مش فكره موقف معين

بس اول ما افتكر هقولك

ومررررسي على موضعك المميز

[قطوطه شقيه]

هههههه مع ان مصطلح خلى علينا ده معرووف جدا
وانتى عسوله بجد

["لوليتا"]

هههههههههههههههههههه

[╯ Princess ╭]

هههههههههههههههه

موقفك جاااامد اوي يا safera

هههههههه هو فعلا بنخرف كلنا

تسلمي على المرور يا قمر

--------

وهو فعلا خلي علينا دا قديييم اوي ومعروف بس انا كنت لسه صغيرة فمكنتش اعرف يعني ايه

وبعدين زي ما بقولكم انا مش عايشة في مصر اصلا عشان كده بنزل كل سنه الاقي مصطلحات جديده

----------------

منورني جداااا بمروركم

واتمنى وجودكم دااااااااائما

[Ola Omar]

فعلا الواحد بيتقال له كلام بيخليه يشد قى شعره
............................................
مشكلتى كانت مع كلمه °° فاكس °°
...........................................
كنت بتفسح انا واصحابى فانا من النوع اللى مش بحب اشترى حاجة
يعنى لو اى حد منهم رايح بخليه يشتريلى معاه وخلاص
عشان كدا معنديش خبره فى المنتجات
فا اصحابى صممو انى انا اللى هاجيب
فضلنا نتخانق ونقول هنجيب كذا وكذا
فى الاخر واحدة قالت .. فاكس ... وانا طبعا اخدتها ان احنا هنشترى حاجة اسمها كدا
فى رحت اجيب استغربت كلهم مشيوا وانا اللى رايحه لوحدى
فا قلت اسيبهم واجيب انا
المهم بقولك هو فى فاكس
اخينا سمع الجمله دى من هنا و كان هيموت من هنا
المهم انا زهقت ومشيت هيفضل يضحك كدا وخلاص
فا بقولهم ايه فاكس دا بيتباع فين
فضلو يضحكو هما كمان ..... وقالولى فاكس بمعنى حاجة زى طنشى
طبعا انا كنت همت من هبلى ساعتها

[╯ Princess ╭]

هههههههههههههههههههههههههههههههه

جااامده بتاعت فاااكس دي


فظيعه

طب اوصفيلنا كان طعمها ايه فاكس دي

ههههههههههه

تسلمي على الموقف

منورة الموضوع

[M.G]

مصطلح - مخروم

انا بقي اول يوم ليا ف مصر زمان خالص
بابا اداني جنيه وقالي انزل اشتري كيسين شيبسي - ايام ما كان جوليو ب ربع جنيه
نزلت جبت اتنين المفروض كدا الراجل يديني كام ؟؟؟ نص جنيه
الراجل اداني ربعين مخرومين

بصيتله كدا وقولتله انا عايز الباقي

قالي هوا دا الباقي

قلتله دا مخروم


رحت لبابا وقلتله الراجل الحرامي اداني فلوس مكسوره

ومتسألونيش دا علاقته ايه بالموضوع ههههههههههههه عدوهالي بقي :sml4:

[╯ Princess ╭]

هههههههههههههه

لا عادي ولايهمك

بالعكس ليه علاقه

اي مصطلح وقف معاك اكت حكايتو هنا

عادي ولايهمك

لو مكتبش هنا هيكتب فين يعني +__+

شكراااا جداااا على المرور منورنا