يبقي انت اكيد اكيد في مصر

[*قلب جريح*]

يبقي انت اكيد اكيد في مصر



ـــ لو سالت سواق تاكس على عنوان وبدل ما يدلك

قالك امشي ورايا..وممكن يغير اتجاهه مخصوص

عشان عنده رغبة صادقة يوصلك وخايف تتوه)

يبقي انت اكيد اكيد في مصر



ـــ لو صليت في مكان وبعد الصلاة اللي جنبك مد ايده

وقالك تقبل الله..

يبقي انت اكيد اكيد في مصر



ـــ إذا سمعت واحد بيضحك وبعد ما يضحك يقول

" خير اللهم إجعله خير "

يبقي انت اكيد اكيد في مصر


ـــ لو إتصلت بصاحبك او قريبك في التليفون ,

وقالك من غير مناسبة " كل سنة وإنت طيب "

يبقي انت اكيد اكيد في مصر



ـــ لما تسال اي واحد تقابله عن اي سؤال

وعمره مايقول معرفش هههههههه

يبقي انت اكيد اكيد في مصر



ـــ لما تنزل تلاقي واحد ساند على عربيتك

واول ما يشوفك

يضحك ويقولك لا موأخذه يا باشا

يبقي انت اكيد اكيد في مصر



ــ لما تدخل علي واحد بياكل ولو حتى عيش وبصل

لازم يقولك اتفضل الأكل ويعيدها عليك ثلاث أربع مرات

يبقي انت اكيد اكيد في مصر


ـــ لما عربية تعمل حادثة

فى الطريق الصحراوى أو الزراعى ,

و فى ثوانى تقف لها خمسين عربية ينقذوا المصابين

و يعدلوا العربيات و لو اضطروا يشيلوهم من على الأرض

يبقي انت اكيد اكيد في مصر



ـــ لما تلاقي ناس بتقضي العيد فى المقابر

مع حبايبهم اللي ماتوا

يبقي انت اكيد اكيد في مصر



ـــ لما تلاقي سيدة في الرايحة والجاية

عمالة تدعي لأولادها..

وكل أحلامها الشخصية فى الحياة إن

ولادها يبقوا مبسوطين

يبقي انت اكيد اكيد في مصر



ـــ لو شفت واحد وقف فجأة و هو ماشى فى الشارع

و مد ايده على حتة عيش مرمية على الأرض

وقام رافعها لراسه قبل مايحطها جنب الرصيف..

يبقي انت اكيد اكيد في مصر



ـــ لو شفت عامل اول ماخد اجرته قام رافعها لراسه

و بص فوق و حمد ربنا قبل مايحط الفلوس فى جيبه..

يبقي انت اكيد اكيد في مصر



ـــ لو اديت لواحد فلوس وبدأ يعدها بصوت عالي

ومع الورقه الاولي : الله واحد ..

ومع الورقة الثانية : يقول مالوش تاني،

ومع الورقة الثالثة : يقول ثلاثة..

يبقي انت اكيد اكيد في مصر



ـــ لو شاورت لتاكس ووقفلك فى نص الطريق

عشان تركب حضرتك بمزاج.. هههههه

يبقي انت اكيد كيد في مصر


ـــ لما تيجي تدفع الأجرة لواحد أول مرة تعرفه،

يحلف عليك تخلي بأه..

يبقي انت اكيد اكيد في مصر



ـــ لما تلاقي خناقة فى الميكروباس والأصوات عليت

وكل واحد فيهم بيحلف إنه يدفع للتاني ثمن التذكرة

يبقي انت اكيد اكيد في مصر


ـــ لما تلاقى شعب فى اكبر ازمه بيمر بيها ..

مابينساش يضحك ,, ويضحك اللى حوليه


وكل العالم يتكلم عليه..

يبقي انت اكيد اكيد في مصر




هي دي مصر بنيلها وخيرها

وشعبها الطيوووب

وبكل مزاياها وبكل عيوووبها

بردو فخوووور

اني مصري





~| دمتم بالحب |~

[بنت الاكابر]

فعلا يبقى انت اكيد فى مصر
كلمات جميله جدا
بس اعتقد ان دا مش القسم المناسب ليه

تسلم الايادى

[بلدنا في القلوب متشاله]

موضوع حلوو اوي

شكرا

[laroz]

طبعا دى مصر أم الدنيا وهاتفضل كده على طول

["لوليتا"]

مصر فوق الجميع ان شاء الله

[Dr.nano]

كلام جميل


تسلم الأيادي


يعطيك العافية علي الطرح



تحياتي

[مرام معاذ]

حلو قوي قوي تسلم علي الموضوع

[*قلب جريح*]

اقتباس المشاركة الأصلية كتبت بواسطة بنت الاكابر فعلا يبقى انت اكيد فى مصر كلمات جميله جدا بس اعتقد ان دا مش القسم المناسب ليه تسلم الايادى

ميرسي بنت الاكابر

مرورك الغالي بموضوعي

ربي لايحرمني طلتك الحلوووه بمواضيعي

[*قلب جريح*]

اقتباس المشاركة الأصلية كتبت بواسطة بلدنا في القلوب متشاله موضوع حلوو اوي شكرا

ميرسي بلدنا في القلوب متشاله

مرورك الغالي بموضوعي

ربي لايحرمني طلتك الحلوووه بمواضيعي

[*قلب جريح*]

اقتباس المشاركة الأصلية كتبت بواسطة laroz طبعا دى مصر أم الدنيا وهاتفضل كده على طول

ميرسي laroz

مرورك الغالي بموضوعي

ربي لايحرمني طلتك الحلوووه بمواضيعي