بطلت العشك

نبيل البصراوي · منذ /12-17-2011, 10:52 AM

بطلت العشك ونسيت الأشعار
وطلكت الشعر من غير رجعة...

شعندي وية الشعر من بعد الأحباب
والمن القي شعري ومن يسمعه...

اريد انهي البديته اليوم وارتاح
واريد بهالقصيدة اليوم اودعه...

تسعى الناس تسمع مني اشعار
وآني وشعري كله لقلبك اسعى...

وسبعة من الإسبوع تصير الأيام
بس وياك احس اليوم سبعة...

طبعة وبالقلب خليت واختام
ومن طبع القلب ما ينسى طبعه...

ربع من القلب للناس محجوز
وإلك كل القلب ناسة وية ربعه...

عفت شغلي وبقيت وياك محتار
ولكيت بمحبتك اني خوش صنعه...

لجل عينك جرعت هواي عذال
وسكرت بعشكك اني بغير جرعه...

ومضة من المضى لو يرجع الفات
وشيرجع المضى؟ ولو بيدي ارجعه...

شمعة الناس تشعل من يجي الليل
وانا الكظيت عمري اشتعل شمعة...

بس هواية ..كافي وياك لهنا
النهاية وياك صارت حيل بشعة...

اريد اتخفى عنك والبس قناع
واريد بقلبي غيرك هم اقنعه...

واريد احجي وياك بالتفاصيل
واريد لضيم قلبي كلة اطلعه...

واريد المشتره يتفرج اليوم
على حسابي اذيتي تصير سلعه...

واريده يبجي هسة الماضحك يوم
مو دمعة حزن بس فرح دمعه...

تعال اسمعه لقلبي يردد (اهواك)
وإذا انت كرهت ماظن تسمعه...

كمت تسد اذانك من عليك يصيح
قلبي هسة صار يجيب سمعه...

الك قلعة عشك بالقلب سويت
بس هسة بقت انقاض قلعة...

اريد اقلع القلعة بقلبي وارتاح
واذا قلبي اعترض هم قلبي اقلعه...

الك دفعة بله نطيت انا الروح
وانت الكتلي روح وياهة دفعة...

اني الينسه حبي وينكر الطيب
لا مو بس البسه..هم انزعه...

و احركه بنار قلبي الماطفت يوم
وأجزعه من الحياه والدنية اجزعه...

سنه ما تهنى اللي ضحك بيه
وبنفس سنه اخلي يعض اصبعه...

شسويله بعد؟ مو كافي مليت
اشمرله القلب ويحطله درعه...

وارجع من جديد وقلبي مكسور
وألملم قطع قلبي قطعة قطعة...

بعده هالقلب ليهسة ماطاب
وورة يومين يرجع نفس وضعه...

هم يحن يرجع..تالي يشتاك
يجي ولباب قلبك هم يقرعه...

اتعجب عليك شلون تفكير
ما ادري عذابي الك متعه...

مو صوج الوكت... لابينه هالصوج
اليحب بهالوكت يا كبر وجعه...

عاتبني الشعر بحروف الأبيات
شنو ذنب الوصل عني تكطعه؟؟؟

جنت تشكيلي واشكيلك الهموم
الزرعته وياك طيب لا تشلعه...

كلامك هذا مو ؟ لو اني غلطان؟؟
خوية المدلك ايده لا تصفعه...

بسك يا شعر ،لاتعتب ارجوك
لا تظن الأصل يتناسه فرعه...
لتصدك اعوفك ..جذب انساك
بس ردت اسوي وياك خدعه...

لأن ما ظلي غيرك يسمع جروح
وكبر جرحي يابحرك صار وسعه....

غزاوية وافتخر · منذ /12-17-2011, 02:26 PM

بوحكـ يحمل غصة الاحزان

غصة مابعدها غصة تقتل القلب بحزنها
احزان غلبت كل الاحزان
فما اصعب الحزن عندما يمتلك جسد انسان تبكي الروح لة ويعجز القلم عن النزف
أعتراف رائع برغم الآلم اللي بيحملة بين طياتة
تقيمي لحروفك الرائعة
ابعد الله عنك الاحزان
كلمااااااااااات روووعه بمعنى الكلمه
انتتقااء جمييييييييييييل..
بانتظار جديدك وابداع يمينك
يعطيك الف عافية
دمت بالف خير

جبل عالي · منذ /12-17-2011, 03:42 PM

رائع انتقاؤك هنا أخى

كلمات لامست الوجدان

كل الشكر والتقدير

احمد الحلو · منذ /12-17-2011, 05:01 PM

نبيل البصراوي 000

النبيل المميز ابن العراق بلد الحضارات وبلد دجلة والفرات

الله على الشعر الشعبي العراقي وع المعنى المميز وع العذوبة التي تسكنه

راقني حرفك اخي العزيز

فحرفك يحمل جمالا خاصا

فيه اهات روحك ،

روحك الشفافة لانه شفاف مميز

اسعدني التواجد والقراءة

كن بود

تحياتي واجمل باقة ورد

مررت هاهنا انا 000 احمد الحلو

مهندسه بغداد · منذ /12-17-2011, 10:23 PM

كلمات عراقيه 100%

أنتقاء رائع

وفي غايه الجمال

كلمات لامست الوجدان

فقتبل تواجدي

تحيتي

نبيل البصراوي · منذ /12-21-2011, 12:10 PM

اف شكر على المرور اخوني اخواتي

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
بطلت اخاف	شقاوة احاسيس	مواضيع عامة - ثقافة عامة	6	05-04-2012 09:39 AM
بطلة قصته ......	.نبض القلوب.	منتدي ابداعات الاعضاء الادبية	18	04-09-2012 11:14 PM
بطلت ترن عليا	حميدو	منتدي ابداعات الاعضاء الادبية	2	10-26-2010 10:30 PM
لا تطلب منى أن أنساااااااااك	أميرة الأحلام	قسم الخواطر - وهمس القوافى حصرى بقلم الأعضاء	6	01-31-2010 10:09 AM
بطلت ترن عليا.....!	حميدو	قسم الخواطر - وهمس القوافى حصرى بقلم الأعضاء	0	08-16-2009 11:06 PM

الذين يشاهدون محتوى الموضوع الآن : 1 ( الأعضاء 0 والزوار 1)

..{ فع‘ــآآليـآآت المنتــدى }..

الإهداءات

بطلت العشك

قسم الخواطر - وهمس القوافى حصرى بقلم الأعضاء