إبن بلدى

[حلا على]

لا عمرى هطلب منك قصور

ولا تجيبلى حرير وعطور

كفاية زهره بوسط زهور

وكلمه واحده بوسط سطور

تقولى فيها ...بحبك موت
*************
كلمه ليك يا بن بلدى

وانت معدى علينا تهدى

وادخل بيتنا وقابل والدى

واوعى تخاف او تنسى تعدى
********************
ابويا شارى لبنته راجل

وفى طلباته ما هيتحامل

وعمرى ما هطلب كتر المال

حلمى معاك ..... هو ستر الحال
*******************
وقشه وقشه يبقوا اتنين

ونبنى حياتنا عصفورين

ونبقا ورقه من نسختين

وتبقا جوزى ونور العين
*******************
واصون بيتك ويا مالك

وعلى الاسلام اربى عيالك

وادعى ربى يوفق حالك

وبرضاه ...يرتاح بالك


قلم : حلا على

[دمعه حائره]

جميله جدا ياحلا والاجمل المعنى والهدف منها
دايما بتبهرينى بروعة كلماتك وانتقاءك الجميل للكلمات
وتنظيمها كاغنوة جميله
تسلم ايدك تحياتى والتقييم

[كريم عاصم]

كلمات حيه وجميلة أكثرها شعبية
والعامية أغلبت عليها
ما أجمل أن نبوح بطبيعه المعنى
دون تزويق
رائعة حتى الإذابة
تحياتى ......

[السفينة]

حلا علي.....

أيتها الوردة ....

يا أيتها النغمه....يا بنت البلد ...

خاطرتك ....

عشة وزيتونة تكفينا....
خاطرتك
تمنحني الوداد الأصيل... والورد ...والنبض والألوان...

يا أيتها الأغنيه الشرقيه في بستان الورد...

هأنذا أكتشف كتاب براكينك الآن....
ابن البلد خاطرة نجد فيها الشموخ والكبرياء...

والتدلل.


دام لنا أبداعك....

متألقه في سمائنا .
تحيتي ومودتي

[MĺŔǾ]

ثانكس كلمات جميله فعلا
تقبلي مروري

مع تحيات حمله دعم ميرو في الانتخابات الإداريه القادمه 2012

[الله دائما بقلبي]

كلام جميل جدا
سلمت
ودي ووردي