الشباب الطحن

[*دموع القمر*]

يبدو العنوان مش غريب قوي على كتير من الي سمعو الجملة دى(أوو ده شاب ايه روش طحن ) ,,,وحاولت كتير اقف عند الجملة دي لما سمعتها وقلت لازم ارجع لاصلها واشوف هيا ليها اساس ولا هوا كلام بنقوله وخلاص فلقيتها تنقسم لكلمتين ده على حسب اصلهم الاساسي:

روشنة أسلوب حياة جديدة يتبعه أبناء الجيل حيث يتخلص من التقاليد البالية المنافية لرغباتهم الشخصية ليعيشوا الحياة بأسلوب عصري وتقاليد من إختراعاتهم


طحن مصطلح يدل على الشئ الزائد عن الحد أو زائد عن اللزوم

لما قلت هكتب الموضوع ده كان الهدف انى اكتشف كل ما هو مستحدث على لغتنا العربية وما يسميه شبابنا ( الكلام الروش ) والى يتنافى مع لغتنا العربية أوبمعنى أصح لغة القرآن


دعوني أعرض بعض الكلمات الهابطة الدارجةوالى حاولت اجمع بعضها واعزروني اني مجبتهاش كلها لانى غير ملمة بيها كلهاوده علشان بقدر الامكان نتجنبها بدلا من الغوص في حبالها دون إدراك معناها وبدات افتح المعجم العربي واشوف اصل الكلمات دي باللغة العربيه ايه على حسب مفهومي ليها في العصر ده يمكن يكون معناها حلوعشان كده حنا بنقوله
وها هي إليكم :

إشتغله . يعني أخدعه أو إكذب عليه وعادة تقال ( إنت بتشتغلني )(يعنى عيشه في الوهم وارسم عليه قصة بغض النظر عن ضخامة القصة المزيفة دى المهم انه هيعرف في الاخروبعد ميتصدم انها مجرد((((اشتغالة)))

أنت من الكفار . عبارة تقال للمنشق عن الجماعة أو ( الشلة ) معنى إن شخص خرج عن مبادئ الشلةوالى بيكونلها طقوسها وعادتها يعني المعنى الضمنى انه تنكر لمبادي الشلة بس المعنى الحرفي انه كافر يعني غيرمؤمن بباللله(ومعتقدش ان حد يحب انه يتقال عليه انه كافر)

أفتكس . كلمة تدل على القدرة على التأليف والإختراع في مجالات الحياة المتعددة التي تتسم بطابع الإستظراف

ثبت .تعني الإستيلاء على أموال شخص اوتقال لما ولد يوقع بنت ويقال في روايات اخرى لبعض الشباب أن لما واحد يدحك على واحدوكبسه في الكلام ومخلهوش ينطق يبقى كده ثبته

خبط في الكلام . يقصد منها أن شخص تحدث في أشياء لا تخصه(يعني وقعته سودة ومببة وهيشوف ليلة سودة النهاردة)

الدنيا ذي ما بتفكك بتضبطك . تعني ( أن بعد كل عسر يسر )(يسيدي سوسو راحت فيه ميمي وشوشو)

ياعم دماغك . تعني تجنب المشاكل أو كبر دماغك من الموضوع وبمصطلح روش اخر(نفض ياعم)

رويتر . تشير إلى الشخص المثقف او الى بيوقع الدنيا في بعضها وبينقل كم من هنا لهنا

سفلقة . عزم الشخص على عدم دفع المقابل لشئ ( الهروب من الدفع )(زيزي قالت للولة متيجي نتسفلق على كيمو النهاردة ده جيبه مليان ولسة ولسة شافط من باباه باكوين النهاردة)

عايش . يدل على أن الشخص يعيش حالة من المتعة والرفاهيه

فافي . الراقي الدلوع (يعني بتاع ببباوممماوالكلب لايكي والجيب الشيروكي)

في اللذيذ . الحياة بسيطة لا تدعو للإكتئاب(سهرايه حلوة في ديسكوكده وكله هيبقى في اللزازة)

فشر . للدلالة على الكذب والتلفيق

قشطة . لفظ بمعني تمام وأن الحياة لذيدة أو تفيد الموافقة على موضوع

متودك . فاهم أو خبير(واد ايه مقطع السمكة وديلها)
هرتل . تخبط في الكلام

المزة ........ ولقد توقفت كثيرا في المعجم وبحثت في كل المعاجم العربية والاجنبية لأجد لها معنا ولازمت البحث والتحري في جميع الكتب القانونية والهندسية وحتى الطبية فاعزروني فلم اجد لها معنا في كل هزا ولكن الى بيتقال دلوقت انها((البنت الجميلة)) ومعرفش المعنى ده اتقال من اي ناحية بالزبط

لو حبينا نستطرد شوية في الموضوع ونشوف مثلا طريقة كلام شاب او شابة روشين طحن ونشوفهم بيتكلمو ازاى ونحلل كلامهم الى يمكن كتير بيقولوه ومبيخدوش بالهم منه وهوا منافي للأدب وكمان لأخلاق الدين:

يعنى مثلا لما حد اى حد بيرد على التليفون ...........بنت او ولد المتصل ....كبير او صغير ....او حتى صاحب الموبيل ....بنت او ولد ........اول كلمة بتتقال
((((((ايوة يا باشا ))))) .......
وغيرها كتير من التحدث للبنت او من البنت للولد او للبنت بصيغة المزكر
كمان بنسمع كلمة (انزل من على وداني)والى جه على لسان البعض نفضله أو نفضيلها( ودى بتتقال على فكرة بين البنات برده دي معلومةللرجالة الى ميعرفوش)وطبعا الكلمة لازم تكون مصاحبة لأداء الحركة الشهيرة الخاصة بيهاوهيا انه(ينفض ودانه كأن عليها تراب )(مهو لازم صوت وصورة عشان المعنى يوصل صح ودقيق ويبقى واد روش طحن على حق)

كمان لما حد بيشتم حد ويقولة ..يا ارعن .......ودي جاء النهى عنها فى سورة البقرة ...لما الكلمة دى كان بيقولوها المسلمين......لما كانو بيدعوا ويقولوا ...ارعنا يا رب ...يعنى راعنا يارب ....وبعدين استخدموها الكفار فى الشتيمة ........المفروض احنا منشتمش بيها ابدا .

كمان كلمة (طور الله فى برسيمة )))
الكلمــــــــــــــــــــة دى سيئة جدا جدا ......فالله كرم البنى ادم ولا يجب ان نصف من كرمة الله بالطور ........النقطة الثانية لا يجب ان نقول طور الله ..........كل شيىء للة ....وخطاء فادح فى الكلمة .....

كلمة(باي باي)
طبعا الكلمات دى بقت كتير جداااااااااا
ومنتشره بشكل غير طبيعى
وبنقولها بردو بشكل تلقائى تب راحت فين كلمة (السلام عليكم)
ده فكرني بنشيد لذيذ بيقول
( يا أهل الغرب العيب مش فيكم العيب في اللي ماقلش إزاي , يبقى شعارنا سلامو عليكو وف شورعنا نقول باي باي )

وفي مصطلحات كمان ومنها اللى يضحك جداااااااااااا
عمرت الطاسه .... ........غالبا بتتقال كده
ومعناهه طبعا ان المخ احتمال يشتغل عشان اخد الوقود بتاعه
خبط فى الحلل ...... ....غلط فى الكلام
وكبر دماغك ....... .......يعنى ما تتوقفش عند الموقف ده
الاصطباحه ......... ........طبعا بتقال عند الصحيان من النوم
سواء كان الصبح او بالليل
وفى الغالب بتتقال الصبح لانها تنفيذ للعمل اللى معتاد يعمله فى الصباح
كشرب اللبن مثلا

وبعد السرد البسيط للمصطلحات الخاصة بالشباب الروش الطحن

عايزة اسأل سؤال هل الكلام ده طبيعي انه يتقال هل اهلينا لما يسمعونا بنقول الكلام ده وميفهمهوش او يستغربو من طريقه كلامنا يبقوا متخلفين ومش مواكبين العصر اعتقد لازم نقف عند النقطة دي احنا صح ولا العصر الى احنا فيه لازم هوا ده يكون كلامه وكلنا نسال نفسنا ليه بنقول الكلام ده هل هوا تقليد اعمى وبس ولا الكلام ده فعلا ليه معني ومعنى لازم نردده يعنى
عاوزين حلول لأزمتنا ,, علشان نرجع لهويتنا تاني ,,,,,

ا

[نـــــ غ ـــــــم]

والله كل الشباب دلوقتى بقت الكلمات دى على لسانهم علطول

ومش بس الشباب البنات والاطفال كمان

دى بقت لهجة العصر

تسلمى يا بنوته على موضوعك القيم

دمتى بكل جديد ومتميز

[عازف على جدار القمر]

للأسف
مصطلحات غريبه وغير متحضره
ولكن رغم كل ذلك
عندي أمل في غد أفضل في كل شيئ
موضوع مهم ومتميز
ويستحق المشاركه والتعليق والتقييم أيضا
تقديري التام

[برنسيس ميسو]

هههه واللهي هو الكلام يضحك انا اول مرة اسمعه وافهمه كمان
بس سؤالك فعلا لازم الي بيقولو الكلام ده هم الي يجاوبو عليه
بس انا من راي ان طبعا الي بيقولوه هم الي الغلط عليهم يعني بذمتكم ده كلام يتقال ده واللهي ولافهمت ولاكلمة لما قراتهم من غير معانيهم يعني الغلط مش عالناس الكبيرة بالعكس هم الصح واحنا الي غلط مش هم الي مش عايشين في العصر احنا الي عايشين العصر غلط بمبادئ غلط بكلام غلط واعتقد لو امي سمعتني بقول كده هتعلقني في المروحة بجد مصطلحات غريبة عجيبة ده وانا واحدة قدكم يعني تفكيري يمكن زي تفكيركم فايش حال ناس عقلهم اكبر مننا اكيد شايفين ان احنا هايفين وعقلنا فاضي وخاصة بقى كلمة طحن دي انا لما قراتها جبتلها تفاسير غير التفسير بتاعها خاالص ههههه:والكمة التانية المستفزة بتاعت موزة دي بجد بكرهها من قلبي :d:d تقبلو تحياتي ومروري

[αЛαstoOorα]

ههههه

آنا ساعات بقول حاجات من دي صح )

بس مش غريب آوي التحليل دا ؟

ممكن نرجع لآيام شكري سرحان وعبد الوارث عثر وصادئيني يا نينا ككك شغل ستينات بقة


والله الشباب ما عارف يخلص من آيه ولا من آيه ..قعدتو شوية آيام تقولو عليهم عيال سيس

وعيال مش عارفة مصلحتها فين ومرة واحدة كدا العالم آكتشف آنهم آعظم جيل فـ التاريخ

بصي عشان نكون واضحيين ونتكلم كلام منطقي بقة .. لو الشباب دي اعتكفت وبقوا شباب ملتحي

ومنقبات برضه الناس هتحلل وراهم كدا ومش بعيد تبقة ضقونهم على ضلال ومش مواكبة العصر بتاعنا

لكل جيل آسلوب وطريقة فكر معين وطريقة نطق معينة برضه ..لو رجعتي بالزمن للوراء

هتلاقي للآجيال اللى قبل الجيل دا مصطلحات فى الكلام برضه بس الطب بيتقدم والمصطلحات بتطور )

وبعدين هو مش هيقف يكلم آبوة ويقوله آنت من الكفار وافتكس يابابا وكدا..كل اللى قولتيه دا

بيبقة فـ دائرة الصداقة ومع زمايلة وكدا ..آنما طلعيه من جو الصداقة وادخلي معاه فـ آي حوار آيجابي

آو نقاش عقلاني هتلاقيه بيكلمك بكل آدب وبياخد وبيدي معاكي زى السكينة فـ الحلاوة كدا *_^

والله شباب زي العسل ونفسي اللى بيقعد يحلل دا يقعد يحاور شاب من الشباب دي فى موضوع جاد

ويشوف الفرق...من وجهة نظري يعني ..آن اللى قعد كتب التحليل دا مش لاقي حاجة يقولها :762:

بصرف النظرعنك يعني يابنت الصعيد لو آنتي اللى كتباه يبقة نرفع لكِ القبعة وننحني يعني هههه

لكِ كل الآحترام والتقدير طبعاً وبصرف النظرعن مداخلتي الموضوع يستحق النقاش بس بطريقة

مفهاش الهجوم دا ..وآحنا بنشكرك عليه آكيد

ولكل منا وجهة نظر ورؤية خاصة فـ القضية المطروحة ..وآنا قولت وجهة نظري والآختلاف فـ الرآي لا

يفسد للود آي قضية خااااااااالث..

وعلى فكرة (بالظبت ) كدا ... حرف الظهـ ضايع طول الوقت ومستولي على مكانة الزال




بوناسيرآآآ *_^

[M.G]

السلام عليكم

في البدايه احب اهنيكي علي الموضوع الجميل دا ولكن ليا بعض التعليقات اتمني تقبليها


انا شايف ان الموضوع مش غريب ولا حاجه بالعكس

كل وقت وله مصطلحاته
يعني بمعني اصح زي ما قال احمد مكي
كل زمان وله ادان


يعني زمان كان في مصطلحات كتيره
واهو النهارده ليها مصطلحاتها
وممكن في المستقبل نلاقي كلام غير دا خالص

لكن احنا ممكن نتكلم ف نظرية انه غريب لو كان الكلام غير لائق


تقبلي مروري

اخوكي محمد

[*دموع القمر*]

اقتباس المشاركة الأصلية كتبت بواسطة m.g السلام عليكم في البدايه احب اهنيكي علي الموضوع الجميل دا ولكن ليا بعض التعليقات اتمني تقبليها انا شايف ان الموضوع مش غريب ولا حاجه بالعكس كل وقت وله مصطلحاته يعني بمعني اصح زي ما قال احمد مكي كل زمان وله ادان يعني زمان كان في مصطلحات كتيره واهو النهارده ليها مصطلحاتها وممكن في المستقبل نلاقي كلام غير دا خالص لكن احنا ممكن نتكلم ف نظرية انه غريب لو كان الكلام غير لائق تقبلي مروري اخوكي محمد

ماشى ماهو كل زمن وليه مصطلحاته بس احنا علينا ان نختار الفاظنا فى تعاملنا مع الاخرين وان نلتزم بالدين ولا ناخذ بالالفاظ دى
جزاك الله خيرا على مرورك

[.نبض القلوب.]

كلمات ليست لها معنى
تستخدم الاون تحت اسم
خليك كول
وهكذا
شكرا لك
ولطرحك
ودمت بكل خير

[*دموع القمر*]

اقتباس المشاركة الأصلية كتبت بواسطة ملكـ والله كل الشباب دلوقتى بقت الكلمات دى على لسانهم علطول ومش بس الشباب البنات والاطفال كمان دى بقت لهجة العصر تسلمى يا بنوته على موضوعك القيم دمتى بكل جديد ومتميز

فعلا الالفاظ دى بقت على لسان الصغير قبل الكبير عشان كده عايزين نغير من انفسنا علشان الصغير ميتعلمش من الكبير غير الالفاظ الحميده الحسنه

[*دموع القمر*]

اقتباس المشاركة الأصلية كتبت بواسطة للدموع عنوان كلمات ليست لها معنى تستخدم الاون تحت اسم خليك كول وهكذا شكرا لك ولطرحك ودمت بكل خير

الله يباركلك على مرورك