أنا النظام

[الرحــاال المٌتَمرد]

"أنـــــا النظــــام"


القصيده كتبت للنظام البائد





أنا النظام

فى أول الكلام ... ومن غيـــر سلام
لا فى تظاهر ... ولا إعتصام
أحلامكم دى مجرد أحلام .. كفاياكم أوهام
أنا النظام .. إللى متحكم فى اللجام
ورايتكم .. رآيه الإستسلام


أنا إللى إتملكت البلد .. وهخليها وراثيه
فصلت الدستور .. بطريقتى القانونيه
أشعلت الفتنه بين المسلمه والمسيحيه
فرقت مابينكم .. بقيتوا ليبراليه وعلمانيه
بقيتوا منقسمين .. بين التحرير والعباسيه
خصصت لرموزى.. المحميات الطبيعيه
وبتراب الفلوس بعتلهم ..الأراضى العمرانيه
بهرموناتى ضربت المحاصيل الزراعيه
وبقرارتى الجهلاويه .. أفسدت الحياه السياسيه
هربت للغــرب ... القطع الأثريه
وصدرت غازكم .. للأعداء الإسرائيليه
سرقت عمر الملايين .. بقوا هما الضحيه
إتعاملت مع الأزمه بكل فوضاويه
قتلت فى الميادين .. بدل الواحد ألف وخمسميه
شغلت عقولكم بالأفلام .. والبطولات الكرويه
فى عز الأزمه .. مشغولين بالراجل أبو جلبيه
خرجت أجيال من التعليم .. بنسبه أميه ميه فى الميه
سلبت البراءه من الصبيه .. وسرقت منكم الحريه
أنا إللى صنع منكم .. المجرمين والبلطجيه
نميت جواكم الغيره والحقد والكراهيه
النفاق .. والغش .. والأنانيه
ودفنت جواكم الخيـــر ..وكل موهبه عبقريه
ولغيت دور مصر العظيم فى الجامعه العربيه
أنتخاباتى مافيهاش شفافيه
نتيجتها .. بالكوسه والمحسوبيه
حلمتوا بالديمقراطيه .. وناديتوا بيها
وأنتوا أصلا ماتعرفوش أيه هى ِ
ما أنا إللى خلتكم شعب جبان
بيقدم فروض الطاعه .. وبايع القضيه


كان دورى رقم 2 .. بعد الثوره التونسيه
ومن بعدى القذافى .. والمعركه الليبيه
والدور على الطاغيه اليمنيه والسوريه


عرفتوا أنا أبقى ميــــن

"أنا النظام" إللى أسقط الهيبه المصريه






جميع الحقوق محفوظه للكاتب وللموقع
يحظر النقل الإ بالإشاره للمصدر وصاحب الكلمات
رحــال بلا عنوان

[فارس الكلمة]

أنت نظااااااااام فاسد وتلفااااان وبفضلالله هنقضى عليك
البركة فى الشباب فى الميدان خلوك عبرة للمعتبرين
نادوا بإسقاطك وإسقطوك ومن الحكم رموك
فى السجن كنت ذليل ومعى بذلك دليل
تدخل المحكمة على سرير ما أنت طاغى كبير
وأولادك المفاااااااااااسيد فى القفص بيبكو زى الحريم
ماسكين المصحف فى الأيد وفين المصحف من سنين
والكلبةالصهيونية أم وش مشدود الحرمية
سرقت مكتبة الإسكندرية وقال إيه ماما سوزااااااااااااان
هى ملعونة زيك تمام وكفاية عليها السرطااااااااااااااان
أيوة أنت نظام بس فااااااااااااااااااسد وقطعك حتما حل أكيد
فين الشلة اللى سانداك الكل يا باشا فى الزنزانة
قال إيه حبيب العدلى كان وزير
والله دة أخره يكون غفير
الله يلعن اللى عينه وملكه من الشعب الغلبان
الليلة فى السجن تساوى ملايين يا حرامية يا ملاعين
أنت النظاااااااااااااااااام الحقير
والبركة فى شباب التحرير
غصب عنك فرضوا عليك التنحى وطأطأ الرأس
لولا التنحى كان مصيرك تنضرب برصاصة أو بفأس
يا أخى أرحمنا كفاية زل
خلى الشعب يشم نفسه
كفاية مص فى دماء الكل
أنت أصلك بايع نفسك
أيوة أنت النظام
بس تلفان وموعد حسابك هيكون قريب
إيه ردك على رب العباد لما تكون تحته ذليل
كل الشعب عليك داعى بالحجيم والنار أكيد
يلا يا نظااااااااااااااااااااام كفاية حرام

الراقى دائما فى مواضيعك
رحاااااااااااااااااااال وعنوانه الإبداع كنت مبدع فوق العادة
وسوف ينقضى النظام الفاسد بل أنقضى
تقبل مرورى عليك ودمت بالسعادة
فاااااااااااارس الكلمة

[نورا ❤]

ايمن
شاعرنا القدير
بكلماتك خبير
وبمعانيك اسير
ودائما في كتاباتك جدير

سلمت الايادي
تحياتي ليك
ولقلمك المميز والراقي

[DR.SMA]

جميل يا رحال
لكن النظام الفاسد نهايته معروفه
حتى لو طالت المده تاهت الحقيقه بين الوهم والخيال
لكن النتيجه واحده والظلم له نهايه
والحق لازم يدوم
الظلم لو طال ليله للحق الف نهار
وان طال عذابه وويله لابد يوم ينهار
يسلمو رحال
في انتظار جديدك دايما
دمت موفق ,,

[مهندسه بغداد]

اخي الغالي

احساسك الوطني

وغيرة كلماتك العربية

لبلدك وبلدنا العربية

((ام الدنيا))

جعلت مشاعرنا واحساسنا

الوطني ينهض

ويستيقظ من غفلة

أهنئك من كل اعماق قلبي

لما خطه قلمك الراقي

اتمنى لك الابداع دوماا

وادام الله لنا قلمك الراقي

تحيتي

[عازف على جدار القمر]

اشكرك اخي الفاضل الكريم
على دعوتي هنا
للتوقيع في موضوع صغته ببراعه متألقه
بعبقرية فكر متجدده
بإسلوب سلس ومنظم وقوي
وكعادتك مميز ورائع
لا حرمنا الله منك يارب
كلمات فى منتهى الاتقان والحرفيه والفكريه
اشكرك كثيرا
تسلم ايدك يارب
توقيعي
تقديري
تقييمي

[Lost Pearl]

اه عرفنا انت مين و الله

انت بجد امير الشعراء هنا

ما شاء الله عليك و الله يا ايمن

بجد مابقتش بعرف ارد علي كلامك

اي حاجة بتبقي اقل من اللي تستاهله

تم التقييم ,, تسلم ايديك و في انتظار جديدك دايما )

[MĺŔǾ]

واحشني ابداعاتك يا ايمن بجد عساك بخير الفتره اللي فاتت

كلماتك جميله عبرت بصدق عن حال مصر في ظل النظام السابق

تحيتي لك وتمنياتي بدوام التوفيق

ميــــــــــرو

[رنين]

لكن فى النهايه سوف تنتصر هيبة المصريين فكل نظام ظالم لابد وله نهايه لا تقل سوء عن ظلمه

كلمات جميله رحال
ابدعت فى صياغتك لما مر به شعبنا تحت رايه نظام فاسد
تحياتى ،،

[دمعه حائره]

مهما طغى النظام وفسد لابد يوما ينتهى للابد
فإرادة شعب سبق ولهذا اثبتت
بإيمان وعزيمة وحتى بشباب فقد
احرار سنحى او موت للابد
كلمات رائعه رحال عبرت عن عهد مضى اعتقد
ولن يعود ابداطالما فى احرار شرفاء بيدافعوا عن البلد
سلمت اناملك اخى ودام لنا تواجدك مبدع راقى
تحياتى والتقييم