والله العظيم انا انسان

[قلب صادق]

والله العظيم انا انسان

اتكلم بصوت مدبوح اقول واصرخ وانوح
جوايه الم وصراخ وحزن كتير وجروح
من مصر الغاليه عليه اللى باعوها وخلو للخراب باب كبير مفتوح

والله العظيم انا انسان

حرام تبقى مصرى وبأيد ولادها تعيش سنين فى الخراب
اصرخ واتكلم يا عالم ياهوووووووووووووووووه خليتو سما مصر ضباب
صراخ ام على ابن غالى كان ليها ستر وحبيب
واسره ملها ذنب غير ان الاب رايح يقول بأيدى حق بلدى هجيب

والله العظيم انا انسان

بأى حق يا عااااااااااااااالم اسره تخسر اغلى حبيب
واطفال صغار لما يشوف الاب والام جثث وشعر راسهم يشيب
وشاب جميل ابن مصر بيقول بكل احترام حقى لا يمكن اسيب
يرجع لامه غرقان فى دمه وتصرخ تنادى اااااااااااااه يا اغلى حبيب

والله العظيم انا انسان

والله العظيم بقولها بصوتى يا مصر ربى هيصونك
عيشنا سنين فى الزل والقهر بأيد ناس بيقولو ولادك
باعو وخانو وطغو نسيو ربهم ونجسو يا غاليه ترابك

والله العظيم انا انسان

بكتب بدمى وبحرقه قلبى على ام الدنيا وشعبها
بتقول يا اولادى بلاش خراب وفقد الاحباب واتلمو فى حضنى
فى قلبى هشيلكم وفى ارضى طريقكم وتحت سمايا نعمر ونبنى
ازاى تظلمونى وتبكو عيونى وتسيبو غريب ينهش فى لحمى
فين حبكو وغلاوه امكو جوه قلبكو ده الذنب مش ذنبى
ده انا المحروسه جميله وعروسه واقرأو عنى فى كتاب ربى
ليه تحرمونى من نور عيونى وافقد بسهوله كتير من ولادى

حرررررررام عليكو تكسرو ظهرى واعيش فى المهالك
ابنى قتلنى ونهش فى لحمى وقال بالرخيص طريقى سالك
الدنيا تضحك وتضحك عليه وتقولى يا مصر شوفى عيالك
واحد بيحدف وواحد بيقتل وواحد بيسرق وشهيد جميل دول ولادك
بستنى منكم وبحب قلوبكم تلمو جرحى وتقولو يا امى البسى شالك

والله العظيم انا انسان

مش ابنى اللى يبعنى ويموت ويقتل ويقسى عليه
وينسى امه وربى وربه وبكل قسوه يقطع ايديه
بالحضن اخدتو وبخيرى امنته وعلى ارضى عيشته ويبكى عنيه
اهون عليكو وارضى وسمايا ونيلى يهون
وخلاص نسيتو مصر العظيمه وقفلتو عليه بأيديكم سجون
هتسيبو الغريب يقتل حبيب ويقتل بأيدو قلبى الحنون
اه يا عيالى على حالكم وحالى وعلى اللى جرالى
ولا حب موجود والدين مفقود والدم مش غالى
بيكو هكون ملكه فى الكون وشأنى للعالى


والله العظيم انا انسان

والله بحبك وبحب ترابك واهلك وناسك
بحب سماكى وبحب هواكى وارضك ونيلك
والله هصونك ولايمكن اخونك
مش ذنبى وذنبك جرحك والمك تتهد ارضك
ماهو اللى باعوكى وخانو ولادك يا غاليه ولادك

بس ولاد خاينين سرقو الضحكه والبسمه من المساكين
واخدو اللقمه من بق ناس مش لاقيين
اخدو خيرك وباعو نيلك وقتلو ولادك الثائرين
فى يوم هترجع البسمه لقلبك بأيد ولادك الطيبين
وقسما بربى يا غاليه عليه هضحى بحياتى وتعيشى يا مصرى وربى وربك هوه المعين

والله العظيم بحبك يا مصر

اخوكم قلب صادق

21 / 12 / 2011

[.نبض القلوب.]

كلمات جميلة قلب صادق
ربنا يفك كرب مصر
ويوصلها الى بر الامان
تحياتى

[غزاوية وافتخر]

الخاطره جميله !!

وأجمل ما بها الأحساسوالخيال والامنيات..

حضرت إلى صفحتك مشاهد للإبداع والتألق ..

التي سطرها ذاك البوحالمتوقد والأنامل الشفافه ..

وغادرتها منتظراًللمزيد من الإبداع المنتظر ..


تحياتي لكِ ..

[شظايا عمر]

وما اعظمه من انسان
يعشق تراب وطنه
يتحدث عنه بقلب صادق
يحكي فيه اجمل القصائد

ابدعت في كلماتك
في احرفك الذمرديه
وفي عباراتك الوطنيه

ربنا يحفظ مصر دوما وابدا
واحفظ ابنائها يارب

تحياتي واحترامي لروعة ما نثرت

[احمد الحلو]

ايها النبيل المميز والرائع





و كما عرفتها أنتَ




رمزاً لهذا كُلة




فهي تعرف




كم تهواها ويهواها كل ابنائها




وَ كم تُجنّد من أجلها




صادق الشعور




وَ خالص الوفاء



وستبقى مصر بعين ابناءها منارا لزمن جديد ورائع



اطلالة سرتني كثيرا اخي بعد الغياب !!!



ربنا مع ام الدنيا ومع ابناءها




تحياتي واجمل باقة ورد



مررت هاهنا انا 000 احمد الحلو

[فرحه قريبه]

ابدااااااع

[واد حبيب]

ربنا يحميكي يا بلدي
ويحفظك لينا يا مصر
ويحمي شبابك الغالي من كل شر
انتي دايما بلد العزه والنصر
شبابك في الشوارع والميادين
بينادو بتغير الحكومه والدستور
شباب بيموت
والكل ناسي ان كلنا ولادك يا مصر
فيها ايه لو كنا نصبر
ونشوف ايه اللي ممكن يحصل
كل شويه نشوف حكومه جديده
ولا في تغير ولا ضمير
ومش عارفين هنروح علي فين
طول عمرنا عايشين في ظلم وفساد
والان لازم نصبر علشان التغير
ربنا يحميكي يا بلد النصر
الحبيب

[السفينة]

اخي الكريم
راقي الكلمات والتعبير
قلب صادق
قلب أبيض

قلب مصري أصيل

شارب من مياه النيل

حلوة الحروف حلوه الكلمات للغالية مصر

أسعدتنا ونقولك تسلم الأيادي
والله يحفظ مصر من كل الاعادي

[màñōŋą ßåŋŐōȶa]

[sokara]

صرخه من قلب كل مصرى محب لمصر الحبيبه

كلماتك بقوتها تنبض بقلب صادق يشعر بالم كل مصرى
اصبحنا جميعا ندعو الله ان تزال الغمه من ارض مصر الحبيبه
وجميع الامه العربيه
سلمت يمينك على الطرح القيم
دمت بخير وتقبل تحياتى