سنه سعيده للجميع

[yasmine refat]

كل عام والجميع بخير....

وسنه جديدة تحمل مفاجآت ساره للجميع...

منتدى بنات مصر... مكان مكنتش أتخيل قعد في الفتره دي كلها وخاصة .. أني أول مادخلتو كان مجرد أستهزاء مني وأكتشاف لعالم المنتديات..
يمكن الي خلاني أستمر هو التعود والتعلق والتواصل مع ناس مش هعرف أوصلهم الا بي

وحبه في العام الجديد أوصل أهداء لأشخاص معينين.. ونبتدي السنه الجديده بداية جميله

في البداية ...

أهداء لأيه...رمز الجدعنه

أختي الصغيره والكبيره أحيانا بحس بسعاده جدا وانا بكلمها وهي عموما عارفه أني شخصيه عاطفيه فأكيد هي عارفه تعلقي بيها ومعزتها ... بس الذكر حلو برضو
شخصيه جميله وجدعه وعمرها ماتشجعك على غلط
الله يخليكي ليا يا آآآآآآيه ونفضل مع بعض عالطول لإنك شخص يستحق الإستمرار معاه

أهداء لهند...رمز الوفاء

أحلى هنوده شفتها بحياتي بجد أخلاق جدا وأدب فوق الوصف وعمرها ماغلطت عليه نموزج لبنت أهلها فعلا تعبوا فيها وربوها صح
حساسه جدا وخجوله وصاحبة مباديء الله يحميها والله يتمملها بخير ويكمل فرحتها

لؤلؤة المستقبل .. رمز الذكاء والاصرار

مش عارفه أقول عنها أيه مجنونه جدا وذكيه جدا وطموحه جدا ودمها خفيف وحنينه انسانه الكلام معاها بينسيك الوقت
وضميرها حامي نار..

بقلها الله يوفقك في دراستك ونشوفك قريب

حنون.. رمز التعقل

حنان من أوائل الشخصيات الي تعملت معاها سهل جدا تتعامل بطبيعتك معاها

ودمها خفيف جدا وعاطفيه جدا

وهي بنت لزوزه عموما
وكل عام وانت بخير

وفرح وتوتا ودعاء

لسه معرفهمش أوي وتكلمت معاهم كم مره كده ومنورني على الفيس

فرح بالشكولاته وتوتا بدلعها ودعاء بخفة دمها وعقلها

أهداء لقلم بلا حبر .. رمز الفكر

سيد أنسان ماشاء الله مثقف جدا وصاحبة عقليه مميزه يمكن أكتر واحد كنت بتخانق معاه في المنتدى ( كان نفسي ديما في مواضيعي اقولوا أنا عنيده بس خلاااااااااااااااص انا زوري نشف:biggrin::biggrin: ) بس هو من اوائل الناس الي نبهني إني بجد صاعبه في النقاش ياراي ياراي هع هع :biggrin:
و احترامه وعدم نسيان المواقف الكويسه لاي شخص بيعملها معاه بتخليك غصبا تحترمه .. وكفايه فكره ودماغه الله يحميه
وليه معزة أخ وديما زي مابكتب بعتبره أخ كبير وفي مواضيع كتيره ليه جوبتني على أسئله كتير كنت تيها فيها
وربنا يرجعه للمنتدى بسلامه وعلى خير

Doiss.... كاسر رمز الانضباط
غامض ومريح في نفس الوقت وفي ومتمسك بمعتقداته ومواقفه.. من الناس الي ارتحتلها عالطول اول ماشاركت
وكان عمروا عملي أزمه...
بس فعلا شخص محترم جدا ومثقف وخفيف الظل وبيساعد الي محتاجه والله يوفقه في ادارة المنتدى

ماتركس .. رمز الطيبه والجدعنه المصريه

الشخص الي أفتكرني في غيبتي وعملي عيد ميلاد شخصيه بحسها طيبه جدا بزات من صفحات مكشوفه وحكويه عن اخته ( لو أختك يا أحمد كنت شكرت ربنا كل يوم عليك ... وهي أكيد فخوره بيك
ربنا يسعدك وتكون سنه سعيده عليك وتتجمع فيها باسرتك

Silver spectra....رمز الابداع
شخصيه مبدعه ماشاء الله وذكيه كمان ..
جمعتنا مواضيع كتير ومشركات كتير
و شغله الاخير في المنتدى وخاصة الانتخابات .. شغل رائع جدا هيفيد الاعضاء في واقعهم كمان
وربنا يوفقه ويصبح دكتور وسياسي مميز

&&&&&&&&&&&&&&&&&&&&&

ولو في دفعه تانيه ممكن انزلها بكره بس كده تعبت:biggrin::biggrin::biggrin:

على السريع

الحان الورد

سيرين

برنسيسه اطيب قلب شفتو

رحيق الجنه

ساحر الاحزان

وللجميع كل عام وانتم بخير

[countess]

وانتي بصحه وسلامه يا آحلى ياسمين

اقتباس برنسيسه اطيب قلب شفتو

ربنا يكرمك يا اسو:sml4:

[ساحر الأحزان]

وكل عام وانتى بالف خير ياسمين

ولفتة جميلة منك فى حق الاخوة الاعضاء

الذين تعاملنا معهم وكسبوا احترامنا

فكل عام وانتى وهم بكل خير من الله

[A . y . a]

حبيب قللللللللللللللللبي 3>

سيبك انتي احلى حاجة عجباني حكاية رمز الجدعنة ورمز الوفاء ورمز البطيخة دي xD

ربنا ما يحرمني منك ياقلبي

وان شاء الله سنة سعيدة عليكي الله يوفقك يارب

انتخبوا آية رمز الجدعنة xD

ميرسي يا ياسميييييينتي 3>

[SiLver Spectra]

و انتي طيبة و بصحة و سلامة
و ان شاء الله تكون سنة خير علينا

[احلى عيوون]

كل سنه وانتي طيبه ياسمين
سنه سعيده عالجميع يارب

[doiss]

متشكر يا ياسمين علي كلامك وذوقك ,
والله ربنا يعلم مقدارك بقلوبنا وزي مقولت قبل كدة فية ناس لو اختفت الواحد يحس بغربة ,
يعني من بداية دخولي المنتدي ونتناقش ونتكلم مع بعض زي بيت يلمنا .
وانتي كمان انسانة مميزة ومثقفة ومن اجمل الناس اللي كان الموقع سبب اني اتعرف عليهم .
ربنا يوفقك بحياتك ومتطوليش الغيبة :biggrin: .
والف شكر تاني علي لفتك الطيبة ,
كل سنة وانتي بالف خير واسرتك الكريمة بصحة وعافية ,

[لوسينا]

[كبرياء رجل]

عام سعيد على جميع الناس

ومنوره منتدانا بمجهودك

كل سنه وانتي طيبه

وسنه سعيده على كل الناس

دمتم بخير تحياتي

[ماتركس]

يا الله الواحد يتصبح الصبح علي الكلام ده من مين كمان

من اختي ياسمينا ربنا يخليكي لينا يا ياسمينا

ومنتحرمش منك يارب وتسلمي علي كلامك الجميل ده وكل سنه وانتي طيبه

وسنه سعيده عليكي يارب وبجد اخجلتي تواضعنا وانتي اختنا وربنا يعلم بعزك قد ايه

ومنتحرمش منك يارب